२ पाटरुस 3:9 - आठपहरिया

⁹ कोइ-कोइङा टाङ्‌बाङा उन्‍ङाना चामारसिङा पुरो चोक्‍मा आबेला चोक्‌युक् नुङ् उमिट्‌टा गाड्‌डे उन् आबेला चोक्‌निना, टरो कोइ चा जाखाम् उलिनेयाट्, टरो ख्‍वाप्‍पा काएल्-काबु उलियाक् नुङ् निङ्‌ग्‍वा चोगुङ् टाङ्‌बाङा खानि माहाङ्‌सेट्‌टि॥

२ पाटरुस 3:9 Iomraidhean Croise

रोमि 13:11

आङा खानि लोनानिगा रिङ् चोगानुम्, पोङ्‌भोने हाट्‌ले आनि हिङेट्‌टिना बेला खोड्‌डेना नुङ् खानिलाउङ्‌सा ठाहा युङ्‌ग्‍वा॥ हाट्‌ले मिॽयुमालाम्‍मा चेम्‍मा बेला लिसे, पोङ्‌भोने पाइले आनि बिस्‍वास चोगुम्‍ना बेला नुङ्‌ना हाट्‌ले आनिना मुक्‌टि आझै नेहेट्‌टाङ् टामैडे॥

रोमि 13:12

आझै डुम्‍बारिक् डुम् लिसाना रिङ् छेम्‍बा डोक् ए, टरो व्‍हाङ् लिसा लाबे॥ हिट्‌डेउङ् डुम्‍बारिक् डुम्‌ङि चोगुम्‍गा ओचाफेन्‍गा टोॽवा चोक्‍मा नाडुम्, हिट्‌नुङ् व्‍हाङ्‌ङि ओचेट्‌नुना रिङ् चोक्‍ङा टिलिङ्‌गाचि गाड्‌डे टेयार लिसि॥

रोमि 2:4

माङ्‌हाङ् आड्‌डिक् दाया हिट्‌नुङ् धैइरे काचोक्‍बा ए, उन्‍ङा खानि फेराँ लिसानि नुङ् माहाङ्‌सेट्‌टि, टरो पाक् खानिङाम्‍बाक् उन्‍ङाना दाया पाक् गाड्‌डेना चा माखाक् नुङ् आमिट्‌टिटिगि? पाक् खानि खानि पापलाम्‍मा नोक्‍टानि नुङ् माङ्‌हाङ्‌ङा दाया माचोगिना रिङ् खानिङा ठाहा ओटोक्‌निम्‍नै?

रोमि 9:22

हिट्‌डे पारा डोक् माङ्‌हाङ्‌ङा उन् लाउङ्‌सा ओयाग् लेप्‍मा कामेट् याप्‌मिचि लोक् जाखाम् लिमालाउङ्‌सा टेयार उलिसागा याप्‌मिचिलाउङ्‌सा उन्‍ङाना ओयाग् लोक् ओबोल् निमेट्‌मा निङ्‌ग्‍वा चोगुए, टरो हिट्‌ना साट्‌टोङि उन् आड्‌डिक् धैइरे चोगाउङ् हिट्‌नागा आङ्‌डुएसुचे॥

१ तिमोथि 1:16

टरो येसु खिरिस्‍टङा उन्‌ङि बिस्‍वास ओचोगुङ् लाट्‌निना चोला काटोक्‌चि लोङ्‌सा उन्‍ङा चोगुना धैइरेताङाना सिको काचोग्‍बा लिमा उहिङा नुङ् आङा गाड्‌डेना सोब्‍बे नुङ्‌ना औधि पापि याप्‌मि उन्‍ङा लुक्‍मा याङ्‌टुक्‍टे॥

१ तिमोथि 2:4

सोब्‍बे याप्‌मिचिङा मुक्‌टि ओटोगु हिट्‌नुङ् हिट्‌नागाँ छेम्‍बाना रिङ् बुजा ओचोगु नुङ् उनिङ्‌ग्‍वाङि युङ्‌ग्‍वा॥

हिब्‍रु 10:37

धारमाछाप्‍लाङि नाड्‌डे छेप्‍टेसे– “हाट्‌ले उन् एला डोक् उङ्‌युगेट्, हिट्‌नुङ् उन् ढिलो मिचोक्‍ङे उङ्‌युक्॥

१ पाटरुस 3:20

हिट्‌नागा हाङ्‌साचिम्‍बाक् नोआङा चुवाखोङ्‌डाङ् चोगुना बेला हिट्‌नागा काएल्-काबु उलियुक्‌गि नुङ् माङ्‌हाङ्‌ङा पाङ्‌सुचिगा हाङ्‌साचि ओडागा॥ टरो हिट्‌नागाँ माङ्‌हाङ् उरिङ् ओखेम्‍स्‍वाट्‌टुन्॥ चुवाखोङ्‌डाङ् भिट्‌रा उलिसागा याङ् जाना एरोक् चुवालाम्‍मा उहिङे॥

२ पाटरुस 1:4

हिट्‌नुङ् उन्‍ङाना माहिमा लोक् भोलाइलाम्‍मा उन्‍ङा चामारसिङा चोगुना ठेना हिट्‌नुङ् बाहुमुल्‍ले थोक् आनि आपिडाइसे॥ खानि ना नाराङि लिसागा जाखाम् काचोक् ओचाफेन्‍ना निङ्‌ग्‍वालाम्‍मा आहोन्‌डिउङ् माङ्‌हाङ्‌ङाना ओचाट्‌लाङि साहाभागि लिसानि नुङ् उन्‍ङा नागा चामारसिङा चोगुए॥

२ पाटरुस 3:15

आनि टाङ्‌बाङा खानि पापलाम्‍मा हिङ्‌माना मौका मापिडिनाँ उन्‍ङा आम्‍टेप्‍मा धैइरे चोगेना हिट्‌ना रिङ् मुन्‍नेनुम्॥ आनि मायालु झान्‍झा पावालङा चा माङ्‌हाङ्‌लाम्‍मा टोगुना ठोनालाम्‍मा ना रिङ् डोक् खानिलोङ्‌सा छेप्‍टुए॥

पारकास 2:21

आङा हिट्‌ना पापलाम्‍मा काएल्-काबु लिसा हिट्‌नुङ् इम्‍मेप्‍माजामा टोॽवा चोक्‍मा नाडु नुङ् मौका पिडुङे, टरो हिट्‌नाँ हिड्‌डे चोक्‍मा नाडुव्‍ट्‌टुन्॥