२ पाटरुस 2:3 - आठपहरिया3 नागा काहिसिक्बाचि आड्डिक् लोभिचि उलियुक्, हिट्नुङ् नागाँ माङ्जोगा छिॽवाक् मुन्डुम्चि मालोडिउङ् खानि मासुबिटि॥ माङ्हाङ्ङा पाइले डोक् हिट्नागा साजाए पिमा निङ्ग्वा चोक्मा हिडुएसुए, हिट्नुङ् हिट्नागा जाखाम् चोक्मा उन् ढिलो चोक्निना॥ Faic an caibideil |
२ पाटरुस 2:3
43 Iomraidhean Croise
पोङ्भोने माङ्हाङ्ङाना खाबोर ओफाबा टोक्मा लाउङ्सा एडोक् पारचार काचोक् आरु याप्मिचि गाड्डेगा आन्याँ माखाक्॥ कोइङा माङ्हाङ्ङाना खाबोर बेपार गाड्डे डोक् ओचोगुएसुए॥ टरो आन्याँ माङ्हाङ्ङाना रिङ् इमान्जामान्ङि हिट्नुङ् खिरिस्टङाना आधिकारलोक् माङ्हाङ् ओटोकानाङि पारचार चोगुम्टुम्मा पोङ्भोने माङ्हाङ्ङा आन्याँ याप्मि पाङ्साना ए॥
आच्छोङि इस्राइलि याप्मिचि माझाङि माङ्जो रिङ् काचेक् माङ्काटाचि ओहोन्डे, हिड्नाड्डे डोक् खानि माझाङि चा माङ्जोगा रिङ् काहिसिक्बाचि ओटायुक्॥ हिट्नागाँ सोगोप् जाखाम् आचोक्ना माङ्जोगा रिङ् उहिसिक्टुचिचि हिट्नुङ् हिट्नागाँ उन्चि आप्पेलोङ्सा छुट्कारा कापिबा डाङ्बा चा इन्कार ओचोगुटु॥ हिट्नुङ् आप्पे उन्चि उठुङ्ङि एला डोक् जाखाम् चोक्माना रिङ् ओटाडुटु॥
आङा ना रिङ् माट्टुङ्टुङ् पोङ्भोने कोइ-कोइ याप्मिचि खानि माझाङि सोगोप् उलिगाइसे, हिट्नागाँ माङ्हाङ् डोक् मान् ओचोगुन्ना॥ हाट्ले माङ्हाङ्ङा आनि लुक्मा आटुक्टानाँ सोब्बे ओभेन्गा टोॽवा चोक्मा आनि आपिडाइसे नुङ् हिट्नागा उपिग्गा, हिट्नुङ् आनिना ठिबाङ् एना डाङ्बा हिट्नुङ् टाङ्बा येसु खिरिस्ट इन्कार ओचोगुना॥ याप्मा बारखा पाइले नागा याप्मिचि फाट्टुर ओलाबुचिगा रिङ् धारमाछाप्लाङि छेप्टेसे॥
हिड्नाडेडोक् सादोम लोक् गामोरा खालाङ्गाचि हिट्नुङ् हिट्ना याम्बा-नायाम्बागा आरु खालाङ्गाचि मिट्टानुम्॥ हिट्नि उलिसागा याप्मिचिङा ओचाफेम्मा इम्मेप्माजामा टोॽवा ओचोगुङ् हिट्नागा रिङ्ङि डोक् उन्चि निङ्ग्वा उपिडुए॥ हिट्नागाँ खोना बेला चा सिनिना मिङि साजाए ओटोगुङ् आरुङाना पुमाजामाना उलिसाइसे॥
Sanasan