२ पाटरुस 2:2 - आठपहरिया

² जोम् याप्‌मिचि हिट्‌नागाँगा चिम्‍मा फुट्‌टुम्‍गा ओचाफेन्‍गा टोॽवालेङ् लाहाब् उलियुक् हिट्‌नुङ् हिट्‌नागाँगा टोॽवाङा चोगुनाँ आरु याप्‌मिचिङा चा छेम्‍बाना लाम्‍बो ओचाफेन्‍लोक् ओचोगुटु॥

२ पाटरुस 2:2 Iomraidhean Croise

मात्‌ति 22:16

हिट्‌नागाँ आप्‍पे उन्‌चि चेलाचि हेरोद छुम्‍माङिगा याप्‌मिचिलोक् उन् सोरि ओपाङ्‌सुचे॥ हिट्‌नागाँ ओलोडुए, “काहिसिक्‍बा, खान्‌उम् सात्‍ते नुङ् आन्‍याँ ठाहा टोगुएसुम्‍मे, हिट्‌नुङ् खान्‍ङा माङ्‌हाङ्‌ङाना लाम्‍बो माहामा डोक् आहिसिक्‍टुचिगा॥ याप्‌मिचिङा पाक् ओमाट्‌टुटुगा खान्‍ङा यान्‍दा आचोगुन्‍गा, पोङ्‌भोने खान्‍ङा याप्‌मिचिगा नाभाक् आपुयुङ् चाट्‌ला आमेट्‌टुन्‌चिन्‍गा॥

मात्‌ति 24:24

पोङ्‌भोने नाड्‌डेगा माङ्‌जोगा खिरिस्‍ट लोक् माङ्‌जोगा माङ्‌काटाचि ओठेट्‌युक्॥ हिट्‌नागाँ उहिडुलोक् सोम्‍मा माङ्‌हाङ्‌ङा सेगुचिगा याप्‌मिचि चा माङ् ठे-ठेगा चिन्‍ना लोक् डोङ् ठोङ्‌डिगा टोॽवा ओचोगुङ् ओबान्‍डुचिचि॥

मात्‌ति 7:14

टरो चिफिप्‍ना ढ्‌वारि हिट्‌नुङ् फिप्‍ना लाम्‍भोङा लाट्‌निना चोलाङि आखाट्‌युक्, टरो ना आड्‌डिक् टुक्‍ना ए, हिट्‌नुङ् ना लाम्‍बो उलाम्‌टिगा खाट्‌टिप्‍मा एरोक् उलियुक्॥

मारकुस 12:14

हिट्‌नागा याप्‌मिचि येसुङि ओखाडाउङ् ओलोडुए, “हाउ काहिसिक्‍बा, खान्‍ङाउम् छेम्‍बाना रिङ् आमाट्‌टुगा॥ हिट्‌नुङ् खान्‍ङा सोब्‍बे याप्‌मिचि ठिक्‍ए चाट्‌ला आमेट्‌टुचिगा खोनालेङ् चा आकेङ्‌निना, हिट्‌नुङ् खान्‍ङा माङ्‌हाङ्‌लाम्‍मा टोगुम्‍ना चोला बारेङि नुलोक् आहिसिक्‍टुचिगा नुङ् आन्‍याँ ठाहा टोगुएसुम्‍मे॥ हाट्‌ले आन्‍याँ याप्‌मिलोडा, रोमि कैसारलोङ्‌सा तिरो हुङ्‌मा कोन्‌युक् नि कोन्‌नि नै?”

मारकुस 13:22

पोङ्‌भोने हिट्‌ना बेला माङ्‌जोगा खिरिस्‍ट हिट्‌नुङ् माङ्‌जोगा माङ्‌काटाचि चा ओहोन्‌युक्॥ हिट्‌नुङ् हिट्‌नागाँ ठे-ठेगा मिक्‍सेन् लोक् डोङ् ठोङ्‌डिगा टोॽवा ओचोगुङ् माङ्‌हाङ्‌ङा सेगुचिगा याप्‌मिचि चा ओबान्‍डुचिचि॥

युहान्‍ना 14:6

येसुङा हिट्‌ना लोडुए, “लाम्‍बो, छेम्‍बा हिट्‌नुङ् चोला आङा डोक्॥ आङा माले आरु खोनालोक् चा पाबाङि खाप्‍मा हिनिना॥

मुलिचेला टोॽवा 13:10

“खान् सोब्‍बे ओचेट्‌नुना रिङ्‌ङाना साट्‌टुर, ओचाफेन्‍ना टोॽवा काचोक्‍बा हिट्‌नुङ् माक्‍ना निङ्‌ग्‍वाङा माइप्‍टाना खान् सैतानङाना उइछा, पाक् खान् टाङ्‌बाङाना छेम्‍बाना लाम्‍बो बिरुद्‌दाङि चेक्‍मा आनाडुन्‍नै?

मुलिचेला टोॽवा 14:2

टरो आबिस्‍वासि याहुदिचिङा पानिछोङ्‌बाचि मुसिक्‍पा ओचाट्‌टुचिउङ् बिस्‍वास काचोक्‍बा भुम्‍भु-झान्‍झाचिगा बिरुद्‌दाङि ओकोबे॥

मुलिचेला टोॽवा 16:17

हिट्‌ना मेन्‍झेमाङा पावाल हिट्‌नुङ् आन्‍याँ रोक् रिक्‍सा आबे हिट्‌नुङ् नाड्‌डे पिक्‍सा राट्‌टे, “नागा माङ्‌ठेना माङ्‌हाङ्‌ङाना ओसेवाक्‌चि ए॥ नागाँ मुक्‌टि टोगुम्‍ना बारेङि खानि पारचार माचोगिटि॥”

मुलिचेला टोॽवा 18:26

उन् याहुदिचिगा छुम्‍मापाङ्‌ङि मिकिट्‌ने चेक्‍मा ठालाँ चोगुए॥ जब उन् चेक्‍टानाँ पिरिस्‌किला लोक् आकिलासङा खेम्‍साचुए हिट्‌नुङ् हिट्‌नागाचिङा उन्‌चि पाङ्‌ङि खाट्‌टाचुए, हिट्‌नुङ् माङ्‌हाङ्‌ङा आनिमेट्‌टाना चोला टोगुम्‍ना रिङ् आझा पारचिन्‍दा उनिसुवाक् नुङ् लोडाचुए॥

मुलिचेला टोॽवा 19:9

टरो आम्‍टेप्‍माङा उन्‌चि निङ्‌ग्‍वा काठोर ओचोगुङ् बिस्‍वास ओचोग्‍वाट्‌टुन्, हिट्‌नुङ् बिस्‍वास चोक्‍मा ओनाडुङ् टाङ्‌बाङाना लाम्‍बोङाना बिरुद्‌दाङि याप्‌मिचि सोरि डोक् नानाभाँटि चेक्‍मा ठालाँ ओचोगुए॥ नाड्‌डेउङ् पावालङा हिट्‌नागा नाडुचिउङ् चेलाचि खाट्‌टुचिउङ् आरको डेन्‌ङि खाडे॥ हिट्‌नुङ् टुरान्‍नास ओलोडुना याप्‌मिङाना इस्‍कुलङि लेन्‍सेन् याप्‌मिचिलोक् रिङ्‌पान् चोगे॥

मुलिचेला टोॽवा 22:4

हिट्‌डेउङ् आङाना टाङ्‌बाङाना लाम्‍बोङि ओलाम्‌टियागा याप्‌मिचि याङ्‌छामा चाट्‌टुङ्‌चें हिट्‌नुङ् आम्‍टेप्‍मा सेडुङ्‌चिङे चा॥ हिट्‌नुङ् आङा येम्‍बेछा लोक् मेच्‍छेमाचि लाबुङ्‌चिउङ् खाम्‍बाङ्‌ङि छाक्‍टुङ्‌चिङे॥

मुलिचेला टोॽवा 24:14

टरो ना रिङ् आङा माट्‌टुङ्‌टुङ्, टाङ्‌बाङाना लाम्‍बो माङ्‌जोना नागा उपिग्‍गा, हिट्‌ना लाम्‍बो रिक्‍टुङुङ् डोक् धारमाबिधिङि छेप्‍टागा हिट्‌नुङ् माङ्‌काटाचिङा ओछेप्‍टुगा सोब्‍बे रिङ्‌चि बिस्‍वास चोगुङुङ् आनि टुबाठेबाचिगा माङ्‌हाङ्‌ङाना माङ्‌ध्‍यान् आङा चोगुङ्‌टुङ्॥

रोमि 2:24

धारमाछाप्‍लाङि नाड्‌डे छेप्‍टेसे, “खानि याहुदिचिङा आचोगुम्‍नाँ डोक् पानिछोङ्‌बाचिङा माङ्‌हाङ् बिरुद्‌दाङि ओचाफेन्‍लोक् ओमाट्‌टुएसुए॥”

१ तिमोथि 5:14

नाड्‌डेउङ् कायेप्‍मा लाङ्‌लेप्‍माचि भ्‍या उलियाक्, उन्‌चि छालेट्‌चि उलियाक्, आप्‍पे उन्‌चि पाङ्‌ठाङ् ओचोगुजो नुङ् साल्‍लाह पिडुचि॥ हिट्‌नुङ् साट्‌टुरचि आनि बिरोधङि पाक्‍चा चेक्‍मा उहिनिगा॥

तितास 2:5

हिट्‌नुङ् जोम् निङ्‌ग्‍वा कारिबा, चोखो, नुलोक् पाङ्‌ठाङ् कापुबा, लुक्‍मा काटुक्‍बा हिट्‌नुङ् खानि टालिबाङ्‌ङाना काबुङि युङानि पिक्‍सा हिसिक्‍मा उहिडुचिचि॥ हिट्‌डेउङ् साङा चा माङ्‌हाङ् उरिङ् बारेङि माङ्‌जोना रिङ् ओचेक्‌निगा॥

तितास 2:8

खान्‍ङा छेम्‍बाना रिङ् हिसिक्‍टुचि, हिट्‌डेउङ् खान् याप्‌मिचिङा पाक्‍चा लोमा माहिनिना॥ हिट्‌डेउङ् आनि एङ्‌फुट्‌ङि ओकोब्‍गा याप्‌मिचि आनि लोङ्‌सा ओचाफेन्‍ना रिङ् लोमाना पाक्‍चा लिनिउङ् हिट्‌नागा आप्‍पे घान्‌ङि ओठायुक्॥

१ पाटरुस 2:12

आबिस्‍वासि याप्‌मिचिगा माझाइ खानि चाट्‌ला नुना उलियाक्॥ हिट्‌नुङ् खानिङा आचोगुम्‍ना गाल्‌ति रिङ्‌ङाना हिट्‌नागाँ फाट्‌टुर मालाबिए भोने चा हिट्‌नागाँ खानिगा ओचेट्‌नुना टोॽवा उनिसुवाक् हिट्‌नुङ् माङ्‌हाङ्‌ङा नाराङिगा याप्‌मिचिगा न्‍याए चोगुनाँ हिट्‌नागाँ उन्‍ङाना माहिमा ओचोगुवाक्॥

२ पाटरुस 2:12

टरो नागा याप्‌मिचि ठोनाबा जिवाट्‌चि गाड्‌डेगा, नागा लाबुम्‌चिमुङ् सेप्‍मा ओपोङ्‌सा गाड्‌डेगा, हिट्‌नुङ् हिट्‌नागाँ ठाहा डोक् ओटोगुन्‍गेट्‌टुन्‍गा रिङ्‌ङाना बारेङि ओचाफेन्‍लोक् ओमाट्‌टुगा॥ हिड्‌नाडेउङ् हिट्‌नागा चा जाङ्‌गालि जिवाट्‌चि गाड्‌डे डोक् जाखाम् उलियुक्॥

२ पाटरुस 2:15

हिट्‌नागा सिधा लाम्‍भो ओनाडुङ् बोआर उइछा बालामङा चोगुना गाड्‌डे डोक् ओचाफेन्‍मा टोॽवा चोक्‍मा लाहाब् उलिसे॥ ना बालामङा ओचाफेम्‍मा टोॽवालाम्‍मा ओफाबा कामाँ चोक्‍मा निङ्‌ग्‍वा चोगुना डाना॥

२ पाटरुस 2:18

हिट्‌नागाँ खेडोक्‍गा ठे-ठेगा सिङ्‌सागा रिङ् ओमाट्‌टुगा, हिट्‌नुङ् ओचाफेम्‍मा टोॽवा चोक्‍मा ओनाडुङ् लोप्‍मो बिस्‍वासि उलिसागा याप्‌मिचि चा हिट्‌नागाँ उन्‌चि येम्‌ङा चिम्‍मा फुट्‌टुम्‍गा रिङ् ओचोगुङ् वारिक्‌ङि ओठेन्‍डुचिगा॥

२ पाटरुस 2:21

माङ्‌हाङ् ओटोकानाङि धारमिक्‍ताङाना लाम्‍बो ठाहा ओटोगुङ् चा हिट्‌नागाँ ओटोगुना सेङ्‌सेङ्‌ना आग्‍याँ पालान् ओचोगुन्‍ना भोनेम्‍टे हिट्‌नागाँ ना लाम्‍बोङाना बारेङि खोना बेला चा ठाहा ओटोग्‍वाट्‌टुन्‍नाबे ओचेट्‌नु लिसे बे॥

२ पाटरुस 2:7

हिट्‌नुङ् उन्‍ङा धारमोति याप्‌मि लोत चा जोगाँ चोगुए॥ लोत सादामङिगा ओभेन्‍गा याप्‌मिचिगा चिम्‍मा फुट्‌टुम्‍गा चाट्‌लालाम्‍मा आड्‌डिक् याङ्‌छाडाइसाना॥

याहुदा 1:10

टरो नागा याप्‌मिचिङाम्‍टे आप्‍पे चा बुजा ओचोग्‍वाट्‌टुन्‍ना रिङ् खिसि ओचोगुगा॥ हिट्‌नागा पाक्‍चा मिमिट्‌ङे ओचाफेन्‍ना रिङ् काचोक् ठोनाबा जिवाट्‌चि गाड्‌डेगा डोक् ए, हिट्‌नुङ् हिट्‌नागाँ आप्‍पेलाउङ्‌सा नागा रिङ्‌लाम्‍मा डोक् जाखाम् ओचोगुटु॥

याहुदा 1:15

उन्‍ङा हिट्‌नागा ख्‍वाप्‍पा याप्‌मिचि न्‍याए चोगुचिचि, हिट्‌नुङ् हिट्‌नागाँ ओचोगुना ओभेन्‍गा टोॽवाचि लोक् उन् बिरुद्‌दाङि आधारमोति कायाङ्‌छाबा याप्‌मिचिङा ओमाट्‌टुना ओचाफेन्‍ना रिङ्‌ङाना साजाए पिडुचिचि॥”

याहुदा 1:4

आङा ना रिङ् माट्‌टुङ्‌टुङ् पोङ्‌भोने कोइ-कोइ याप्‌मिचि खानि माझाङि सोगोप् उलिगाइसे, हिट्‌नागाँ माङ्‌हाङ् डोक् मान् ओचोगुन्‍ना॥ हाट्‌ले माङ्‌हाङ्‌ङा आनि लुक्‍मा आटुक्‍टानाँ सोब्‍बे ओभेन्‍गा टोॽवा चोक्‍मा आनि आपिडाइसे नुङ् हिट्‌नागा उपिग्‍गा, हिट्‌नुङ् आनिना ठिबाङ् एना डाङ्‌बा हिट्‌नुङ् टाङ्‌बा येसु खिरिस्‍ट इन्‍कार ओचोगुना॥ याप्‍मा बारखा पाइले नागा याप्‌मिचि फाट्‌टुर ओलाबुचिगा रिङ् धारमाछाप्‍लाङि छेप्‍टेसे॥

याहुदा 1:7

हिड्‌नाडेडोक् सादोम लोक् गामोरा खालाङ्‌गाचि हिट्‌नुङ् हिट्‌ना याम्‍बा-नायाम्‍बागा आरु खालाङ्‌गाचि मिट्‌टानुम्॥ हिट्‌नि उलिसागा याप्‌मिचिङा ओचाफेम्‍मा इम्‍मेप्‍माजामा टोॽवा ओचोगुङ् हिट्‌नागा रिङ्‌ङि डोक् उन्‌चि निङ्‌ग्‍वा उपिडुए॥ हिट्‌नागाँ खोना बेला चा सिनिना मिङि साजाए ओटोगुङ् आरुङाना पुमाजामाना उलिसाइसे॥

पारकास 12:9

हिट्‌ना ठेना ओप्‍पु आच्‍छो बेलाना ओप्‍पु ए, हिट्‌ना दियाबालास हिट्‌नुङ् सैतान चा ओलोडुए, हिट्‌नाँ डोक् सोब्‍बे नाराङिगा याप्‌मिचि बान्‍डुचिगा॥ हिट्‌ना उदुतचिलोक् एक्‍केउ नाराङि ओलेप्‍टुए॥

पारकास 13:14

हिट्‌नुङ् पाइलेना जिवाट्‌ङा ओसाट्‌टोङि डोङ् ठोङ्‌डिना टोॽवा चोक्‍मा ना जिवाट् आधिकार पिडुए॥ नाड्‌डेगा टोॽवा चोगुङ् ना जिवाट्‌ङा नाराङिगा याप्‌मिचिगा निङ्‌ग्‍वा बान्‍डुबिडुचे॥ हिट्‌नुङ् हिट्‌ना चेप्‍साङा खेसिक् लिसाउङ् नुमानिङ् लिसाना पाइलेना जिवाट् मान् चोक्‍मा हिट्‌नाङा मुरति चोक्‍मा हिट्‌नागा मेट्‌टुचे॥

पारकास 13:8

हिट्‌नुङ् नाराङिगा सोब्‍बे याप्‌मिचिङा हिट्‌ना जिवाट् साम्‍माङ् ओचोगुटु, हिट्‌नागा याप्‌मिचि माले जुन्‍ङाना उन्‌चि निङ् माङ्‌हाङ्‌ङा नारा सिरिस्‌टि चोक्‍मा पाइले डोक् काइले चा लाट्‌निना चोलाङाना छाप्‍लाङि छेप्‍टुबिडुएसुचे॥ हिट्‌ना छाप्‍लाम्‍बाक् याप्‌मिचिङा ओसेडुना थुमाङाना ए॥