२ पाटरुस 2:1 - आठपहरिया

¹ आच्‍छोङि इस्‍राइलि याप्‌मिचि माझाङि माङ्‌जो रिङ् काचेक् माङ्‌काटाचि ओहोन्‍डे, हिड्‌नाड्‌डे डोक् खानि माझाङि चा माङ्‌जोगा रिङ् काहिसिक्‍बाचि ओटायुक्॥ हिट्‌नागाँ सोगोप् जाखाम् आचोक्‍ना माङ्‌जोगा रिङ् उहिसिक्‍टुचिचि हिट्‌नुङ् हिट्‌नागाँ उन्‌चि आप्‍पेलोङ्‌सा छुट्‌कारा कापिबा डाङ्‌बा चा इन्‍कार ओचोगुटु॥ हिट्‌नुङ् आप्‍पे उन्‌चि उठुङ्‌ङि एला डोक् जाखाम् चोक्‍माना रिङ् ओटाडुटु॥

२ पाटरुस 2:1 Iomraidhean Croise

मात्‌ति 10:33

टरो खोनाङा आङा याप्‌मिचि सोरि इन्‍कार याङ्ओचोक्‌युक्, आङा चा हिट्‌ना टोनालोग्‌ङि युङ्‌ना आङाना पाबाङाना ओटोकानाङि इन्‍कार चोगुङ्‌टुङ्॥

मात्‌ति 24:11

जोम् माङ्‌जोगा माङ्‌काटाचि ओहोन्‌युक्, हिट्‌नुङ् जोम् याप्‌मिचि फाम्‍लेङ् ओचाट्‌टुचिचि॥

मात्‌ति 24:24

पोङ्‌भोने नाड्‌डेगा माङ्‌जोगा खिरिस्‍ट लोक् माङ्‌जोगा माङ्‌काटाचि ओठेट्‌युक्॥ हिट्‌नागाँ उहिडुलोक् सोम्‍मा माङ्‌हाङ्‌ङा सेगुचिगा याप्‌मिचि चा माङ् ठे-ठेगा चिन्‍ना लोक् डोङ् ठोङ्‌डिगा टोॽवा ओचोगुङ् ओबान्‍डुचिचि॥

मात्‌ति 24:5

पोङ्‌भोने जोम् याप्‌मिचि आनिङ्‌ङि ‘खिरिस्‍ट आङा डोक्’ पिक्‍सा ओटायुक्, हिट्‌नुङ् हिट्‌नागाँ याप्‍मा याप्‌मिचि ओबान्‍डुचिचि॥

मात्‌ति 7:15

“माङ्‌जोगा माङ्‌काटाचिलाम्‍मा ओछेक्‍छेक् लिसानिउङ् युङानि, हिट्‌नागा टे भाराउम् सोजो ठुँबा गाड्‌डे उनिङ्‌युङ् खानि सोरि ओटायुक्, टरो हिट्‌नागाउम्‍टे ब्‍वाँसो गाड्‌डेगा डोक् उलियुक्॥

मारकुस 13:22

पोङ्‌भोने हिट्‌ना बेला माङ्‌जोगा खिरिस्‍ट हिट्‌नुङ् माङ्‌जोगा माङ्‌काटाचि चा ओहोन्‌युक्॥ हिट्‌नुङ् हिट्‌नागाँ ठे-ठेगा मिक्‍सेन् लोक् डोङ् ठोङ्‌डिगा टोॽवा ओचोगुङ् माङ्‌हाङ्‌ङा सेगुचिगा याप्‌मिचि चा ओबान्‍डुचिचि॥

लुका 12:9

टरो खोनाङा आङा याप्‌मिचि सोरि इन्‍कार याङ्ओचोक्‌युक्, हिट्‌नागा आङा चा माङ्‌हाङ्‌ङाना माङ्‌हाङ् रिङ् काउग्‍बाचि टोकानाङि इन्‍कार चोगुङ्‌चिङ्‌चिङ्॥

लुका 21:8

येसुङा लोडुचे, “खानि नुभेक् टाप् चोगानुम्, खानि खोनाँ चा माबान्‌डिन्‍चा, पोङ्‌भोने जोम् याप्‌मिचि आनिङ्‌ङि ‘खिरिस्‍ट आङा डोक्’ हिट्‌नुङ् ‘हाट्‌ले आन्‍तेङाना बेला नेहेट्‌टाङ् टाइसे’ पिक्‍सा ओटायुक्॥ टरो हिट्‌नागा बिस्‍वास चोक्‍नेनुम्‌चिम्॥

लुका 6:26

इनाबा, ना बेला याप्‌मिचिङा ओचेट्‌नु चाट्‌ला मामेट्‌टिगा डागा! पोङ्‌भोने उन्‌चि टुबाठेबाचिङा चा माङ्‌काटा ए उपिक्‍गा माङ्‌जोगा याप्‌मिचि चा नाड्‌डेडोक् ओमेट्‌टुचे॥

रोमि 16:18

पोङ्‌भोने नाड्‌डेगा याप्‌मिचिङा आनि टाङ्‌बा खिरिस्‍टङाना टोॽवा ओचोगुन्‍गा, टरो हिट्‌नागाँ उन्‌चि निङ्‌ग्‍वाङिगा रिङ् युमा एडोक् निङ्‌ग्‍वा ओचोगुगा॥ हिट्‌नागा याप्‌मिचिङा नुगा नुगा रिङ् ओमाट्‌टुङ् मोक्‍खाक् ओचोगुचिउङ् सोजो याप्‌मिचि उसुबुचिगा॥

१ कोरिन्‌थि 11:19

पाक् खानि माझाङि लिसाना खेमाबुङ्‌मालाम्‍मा आरु याप्‌मिचिङा माङ्‌हाङ् साइना नुङ् मिसेन् उनिसुटुनि नुङ् खानि आमिट्‌टिटिगि? छेम्‍बा डोक्, हिट्‌नागाँ ठाहा ओटोगुन्‍ना॥

१ कोरिन्‌थि 6:20

पोङ्‌भोने माङ्‌हाङ्‌ङा याप्‍मा मुल्‍ले हुङुङ् खानि माइनिगा॥ नाड्‌डेउङ् खानिङा खानि येम्‌ङा माङ्‌हाङ् मान् चोगानुम्॥

१ कोरिन्‌थि 7:23

हिट्‌नुङ् माङ्‌हाङ्‌ङा याप्‍मा मुल्‍ले हुङुङ् खानि माइनिगा, हिट्‌नाड्‌डेउङ् याप्‌मिचिगा कामारा काचोक् लिनेनिन्॥

गालाति 2:4

टरो आम्‍टेप्‍मा बिस्‍वासिचि ए नुङ् उपिक्‍गाङा उन् खाताना चोक्‍मामेप्‍मा ओकोलुए॥ हिट्‌नागा ठाहा मिटोक्‍ङे आन्‍याँङि उलिगाउङ् खिरिस्‍ट येसुलाम्‍मा टोगुम्‍माना छुट्‌काराङाना बारेङि मिच्‍छो ओचोगुए, हिट्‌नुङ् आन्‍याँलाउङ्‌सा याहुदिचिगा चालान् चाल्‌ति पालान् चोक्‍मामेप्‍मा याप्‌मिओकोले॥

गालाति 3:13

टरो खिरिस्‍टङा धारमाबिधिङाना सारापलाम्‍मा आनि छुट्‌कारा आपिडे॥ उन् खाप्‍चेङि छुडानाँ, उन्‍ङा आप्‍पे आनिना फाट्‌टुर लाउङ्‌सा साराप खुयुए॥ पोङ्‌भोने धारमाछाप्‍लाङि छेप्‍टेसे, “जुन् खाप्‍चेङि छुडाउङ् सियुक्, हिट्‌नाँ साराप टोगुना लियुक्॥”

गालाति 4:17

माङ्‌जोना रिङ् काहिसिक्‍बाचिङा खानि निङ्‌ग्‍वा मेप्‍मा आड्‌डिक् ओकोलुएट्‌टु, टरो हिट्‌नागाँगा निङ्‌ग्‍वाम्‍बाक् ओचेट्‌नुना चोक्‍माउङ्‌सा माखाक्॥ खानिङाम्‍बाक् हिट्‌नागालेङ् एडोक् निङ्‌ग्‍वा आपिडुम् नुङ् आङालाम्‍मा साम्‍मा हिट्‌नागाँ खानि माकोलेएट्‌टि॥

गालाति 5:20

हिट्‌नुङ् मुरति साम्‍माङ् चोक्‍मा, टुनामुना चोक्‍मा, आरु चिम्‍मा फुट्‌मा, याप्‌मिचिलोक् खेमा, रेक् काप्‍मा, याक्‍लेट्‌मा, आप्‍पे एडोक् ओचेट्‌नु लिमा कोम्‍मा, मिटोङ्‌मा, आरको छुम्‍मा चोक्‍मा,

एफिसि 1:7

माङ्‌हाङ्‌ङा आनि आड्‌डिक् लुक्‍मा आटुक्‍टाना रिङ् आनिमेट्‌टाउङ् खिरिस्‍टङाना ओहेलिक्‌लाम्‍मा आनि छुट्‌कारा आचोगेसे हिट्‌नुङ् आनि पाप छेमा आपिडेसे॥

एफिसि 4:14

हिट्‌नुङ् आनि खाटिउगा पिच्‍छाचि गाड्‌डे लिसिन्‍गा॥ हिट्‌नुङ् हिॽवाङा आनि याम्‍बा-नायाम्‍बा आमुट्‌टि गाड्‌डे छालाँ काचोक् याप्‌मिचिगा ओचाप्‍पाङ् हुसिक्‍माङा आनि आवान्‌निना॥

फिलिप्‌पि 3:19

आन्‍तेङि माङ्‌हाङ्‌ङा हिट्‌नागा जाखाम् चोगुचिचि॥ उन्‌चि निङ्‌ग्‍वाङि जे चोक्‍मा उमिट्‌टे हिट्‌ना चोक्‍मा डोक् हिट्‌नागाँगा लाउङ्‌सा ठेना ए॥ मोन्‌डिसिइना रिङ् डोक् हिट्‌नागा ठेलोक् ओचोग्‍गा॥ हिट्‌नुङ् हिट्‌नागाँ नाराङिगा रिङ्‌ङि एडोक् उन्‌चि निङ्‌ग्‍वा उपिडुगा॥

कालास्‌सि 2:18

हिट्‌नागा याप्‌मिचिङा आन्‍याँ निमापुमा टोगुएसुम्‍मे पिक्‍सा आप्‍पेलाउङ्‌सा मेयोक् लिसि गाड्‌डे ओचोक्‌युङ् ठेलोक् ओचोग्‍गा हिट्‌नुङ् हिट्‌नागाँ माङ्‌हाङ् रिङ् काउग्‍बाचि साम्‍माङ् ओचोगुचिगा॥ हिट्‌नागाँ खानिलोङ्‌सा नाड्‌डेगा छालि रिङ्‌ङा फाम्‍लेङ् माचाट्‌टिउङ् खानिङा टोक्‍माना इनाम् मामा पिनेनुम्‌चिम्॥ नाड्‌डेगा याप्‌मिचिगा पापङाना उन्‌चि निङ्‌ग्‍वालाम्‍मा होन्‍ना रिङ्‌लाम्‍मा बोङ् उलियुक्, टरो छेम्‍बा डोक् भोने उन्‌चि ठेलोक् लिमाना रिङ् भोने पाक्‍चा वाइना॥

कालास्‌सि 2:8

खानि ओछेक्‍छेक् लिसानिउङ् युङानि, खोनाङा चा माङ्‌जोगा हिट्‌नुङ् खेडोक्‍गा रिङ्‌चि ओमाट्‌टुङ् खानि माबान्‌डिन्‍चा॥ नाड्‌डेगा रिङ् खिरिस्‍टलाम्‍मा माखाक्, टरो याप्‌मिचिङा आप्‍पे उमिट्‌टुङ् ओचोगुटाडुगा रिङ् हिट्‌नुङ् नाराङिगा निति नियामलाम्‍मा ओटायागा ए॥

१ तिमोथि 5:8

टरो कोइङा आप्‍पे ओनातेदारचि हिट्‌नुङ् हिट्‌नि चा आप्‍पे ओपाङ्‌ठाङ्‌ङिगा याप्‌मिचि नुलोक् पुयुन्‌चिन्‍गा भोने, हिट्‌ना छेम्‍बाना बिस्‍वासि माखाक्, हिट्‌नुङ् हिट्‌ना याप्‌मि बिस्‍वास काचोक्‌निबा नुङ्‌ना चा ओचाफेन्‍ना लियुक्॥

२ तिमोथि 4:3

पोङ्‌भोने नाड्‌डेना बेला चा टायुक्, याप्‌मिचिङा छेम्‍बाना हिसिक्‍मा खेम्‍मा डोक् ओनाडुटु, टरो उन्‌चि निङ्‌ग्‍वा ओलासागा रिङ्‌चि एरोक् ओखेम्‍सुटु हिट्‌नुङ् उन्‌चि निङ्‌ग्‍वा हारका लिना रिङ् कामाप्‍बा काहिसिक्‍बाचिगा एरोक् जोम् उछुम्‍सुटु॥

तितास 1:11

नागाँगा यासि छाक्‍मा डोक् कोन्‌युक् पोङ्‌भोने नागाँ हिसिक्‍मा डोक् लिनिना रिङ्‌चि उहिसिक्‍टुचिउङ् ख्‍वाप्‍पा याप्‌मिचिगा बिस्‍वास डोक् धुरिठोङ् ओचोगुएसुए॥ नागाँ नाड्‌डेना टोॽवा ओचाफेन्‍लोक् ओफाबा कामाँ चोक्‍मा लोङ्‌सा एडोक् ओचोगुगा॥

तितास 3:10

कासाम्‍बा याप्‌मि ठिक् इप्‍पोक् खेप् सोम्‍मा ओछेक्‍छेक् चोगु, हिट्‌नुङ् चा टेन्‍नेट्‌नि भोने हिट्‌ना खेम्‍गेन्‍चा लाप्‍टुन्॥

हिब्‍रु 10:29

हाट्‌ले खानि आप्‍पेङा निङ्‌ग्‍वा रिसानुम् टे, जुन्‍ङा माङ्‌हाङ् छा चिम्‍मा फुट्‌टुटु, जुन्‍ङा आनि सेङ्‌सेङ् आचोक्‍ना माङ्‌हुप्‌ङाना हेलिक्‌ङाना मान् चोगुन्‍ना, हिट्‌नुङ् मायादाया आपिना सेङ्‌सेङ्‌ना हाङ्‌सा इन्‍कार चोगुटु हिट्‌नागाँ झान् आड्‌डिक् टुक्‍ना साजाए ओटोगुटु॥

१ पाटरुस 1:8

खानिङा उन् आनिनिम्‍गेट्‌निम् हिट्‌नुङ् चा माया आचोगुम्‍टुम्॥ हिट्‌नुङ् उन् हाट्‌ले आनिनिम्‍चा उन्‌ङि बिस्‍वास आचोगुम्‍टुम्॥ हिट्‌नुङ् माप्‍मा डोक् हिनिम्‍ना ठेना हारकाङा खानि निङ्‌ग्‍वा इप्‍टुएसुए॥

२ पाटरुस 2:3

नागा काहिसिक्‍बाचि आड्‌डिक् लोभिचि उलियुक्, हिट्‌नुङ् नागाँ माङ्‌जोगा छिॽवाक् मुन्‍डुम्‌चि मालोडिउङ् खानि मासुबिटि॥ माङ्‌हाङ्‌ङा पाइले डोक् हिट्‌नागा साजाए पिमा निङ्‌ग्‍वा चोक्‍मा हिडुएसुए, हिट्‌नुङ् हिट्‌नागा जाखाम् चोक्‍मा उन् ढिलो चोक्‌निना॥

१ युहान्‍ना 2:26

नागा सोब्‍बे रिङ् खानि सुप्‍मा माकोलिगा बारेङि आङा खानिलोङ्‌सा छेप्‍टुएट्‌टुङ्॥

१ युहान्‍ना 4:1

मायालु आसाइबाचि, आङा सेङ्‌सेङ्‌ना हाङ्‌सालाम्‍मा चेक्‍ङाना नुङ् उपिग्‍गा सोब्‍बे बिस्‍वास चोक्‍नेनुम्‌चिम्, टरो हिट्‌नागालोक् लिसाना हाङ्‌सा माङ्‌हाङ्‌ङाना इ माखाक् इ नुङ् नुलोक् कोलानुमुङ् पुयानुम्, पोङ्‌भोने ना नाराङि जोम् माङ्‌जोगा माङ्‌काटाचि ओवाहेट्॥

याहुदा 1:18

हिट्‌नागाँ खानि नाड्‌डे मालोडेसिगा, “आखेरि बेलाङि खिजेक्‍पा याङ्‌काचाट् याप्‌मिचि उलियुक्, हिट्‌नुङ् हिट्‌नागाँ उन्‌चि निङ्‌ग्‍वा गाड्‌डे ओचोगुङ् ओभेन्‍गा टोॽवाचि ओचोगुटु॥”

याहुदा 1:4

आङा ना रिङ् माट्‌टुङ्‌टुङ् पोङ्‌भोने कोइ-कोइ याप्‌मिचि खानि माझाङि सोगोप् उलिगाइसे, हिट्‌नागाँ माङ्‌हाङ् डोक् मान् ओचोगुन्‍ना॥ हाट्‌ले माङ्‌हाङ्‌ङा आनि लुक्‍मा आटुक्‍टानाँ सोब्‍बे ओभेन्‍गा टोॽवा चोक्‍मा आनि आपिडाइसे नुङ् हिट्‌नागा उपिग्‍गा, हिट्‌नुङ् आनिना ठिबाङ् एना डाङ्‌बा हिट्‌नुङ् टाङ्‌बा येसु खिरिस्‍ट इन्‍कार ओचोगुना॥ याप्‍मा बारखा पाइले नागा याप्‌मिचि फाट्‌टुर ओलाबुचिगा रिङ् धारमाछाप्‍लाङि छेप्‍टेसे॥

पारकास 13:14

हिट्‌नुङ् पाइलेना जिवाट्‌ङा ओसाट्‌टोङि डोङ् ठोङ्‌डिना टोॽवा चोक्‍मा ना जिवाट् आधिकार पिडुए॥ नाड्‌डेगा टोॽवा चोगुङ् ना जिवाट्‌ङा नाराङिगा याप्‌मिचिगा निङ्‌ग्‍वा बान्‍डुबिडुचे॥ हिट्‌नुङ् हिट्‌ना चेप्‍साङा खेसिक् लिसाउङ् नुमानिङ् लिसाना पाइलेना जिवाट् मान् चोक्‍मा हिट्‌नाङा मुरति चोक्‍मा हिट्‌नागा मेट्‌टुचे॥

पारकास 2:13

खानि सैतानङा सासान् चोगुना डेन्‌ङि आयुङिगा नुङ् आङा ठाहा टोगुङ्‌टुङ्॥ टरोचा खानिङा आङा आझै बिस्‍वास आचोगियाक्‌टिङे॥ हिट्‌नुङ् आङाना बारेङि पारचार काचोक् बिस्‍वासिलो एन्‌टिपासलाउङ्‌सा पाक् लिसेना हिट्‌ना रिङ् आङा ठाहा टोगुङ्‌टुङ्॥ एन्‌टिपासलाउङ्‌सा याप्‌मिचिङा सैतानङा सासान् चोगुना खानि खालाङ्‌गाङि ओसेडुचा खानिङा आङि बिस्‍वास चोक्‍मा आनानेट्‌निम्॥

पारकास 2:9

“खानिङा याङ्‌छामा आङ्‌डुएट्‌टुम् हिट्‌नुङ् खानिलोक् पाक्‍चा वाइना नुङ् आङा ठाहा टोगुङ्‌टुङ्, टरो माङ्‌हाङ् ओनाजारङि खानि वागाठागा याप्‌मिचि नुङ्‌म्‍बाक् छेम्‍बा डोक् ए॥ आप्‍पेलाउङ्‌सा याहुदि नुङ् उपिग्‍गा याप्‌मिचिङा खानि बिरुद्‌दाङि ओचाफेन्‍गा रिङ् ओचेक्‍टागा आङा ठाहा टोगुङ्‌टुङ्, टरो हिट्‌नागा याहुदिचि माखाक्॥ हिट्‌नागा सैतानङाना छुम्‍माङिगा याप्‌मिचि ए॥

पारकास 3:8

खानिङा आचोगुम्‍ना टोॽवा आङा लाउङ्‌सा ठाहा युङ्‌ग्‍वा॥ खेम्‍सानुम्, आङा खानि सोरि ढुवारिक् ओङ्‌सुएसुङे, हिट्‌ना ढुवारिक् साङा चा छाक्‍मा उहिडुन्‍ना॥ खानिलोक् आङाना सेवा चोक्‍माना याप्‍मा बोल् वाइना नुङ् आङा ठाहा टोगुङ्‌टुङ्, टरो चा खानिङा आरिङ् आखेम्‍सुम्‍मे हिट्‌नुङ् आङि बिस्‍वास चोक्‍मा आनानिम्‍गेट्‌निम्‍ना॥

पारकास 5:9

हिट्‌नागाँ नाड्‌डे पिक्‍सा ठिक् ओछोङ्‌ग्‍वाट् छाम्‍लो ओठाक्‍टुए, “ना छाप्‍लाङाना मुठा खान्‍ङा एडोक् काप्‍मा आहिडुटु हिट्‌नुङ् हिट्‌नागा छाप्‌चि ओङ्‌मा योग्‍ए खान् एडोक् ए, पोङ्‌भोने याप्‌मिचिङा खान् मासेडे, हिट्‌नुङ् खान्‍ङा काहेलिक् आवेडुङ् ख्‍वाप्‍पा छोङ्‌बाचि, खाले-खाले रिङ् काचेक्, सोब्‍बे याप्‌मिचि हिट्‌नुङ् ख्‍वाप्‍पा देसङिगा माङ्‌हाङ् लाउङ्‌सा छुट्‌कारा आपिडुचे॥

पारकास 6:10

हिट्‌नुङ् हिट्‌नागा नाड्‌डे पिक्‍सा ठेना सोरा ओचोगुङ् ओराट्‌टे, “हाउ सोब्‍बे नुङ्‌ना माङ्‌बोल्‍लेउ माङ्‌डाङ्‌बा, खान् सेङ्‌सेङ्‌ना हिट्‌नुङ् सात्‍ते ए, आन्‍याँ याप्‌मि कासेट् नाराङिगा याप्‌मिचि खोना बेला खान्‍ङा न्‍याए आचोगुचिचिगा हिट्‌नुङ् साजाए आपिडुचिचिगा टे?”