२ पाटरुस 1:9 - आठपहरिया

⁹ टरो नाड्‌डेना चाट्‌ला लिनिना याप्‌मिचिम्‍बाक् नुलोक् याङ्‌निनिना याप्‌मि गाड्‌डेना उलियुक्॥ हिट्‌नुङ् हिट्‌नाङा पाइले चोगुना पाप माङ्‌हाङ्‌ङा माफ पिडुना रिङ् डोक् मुन्‍डुडिसुटु॥

२ पाटरुस 1:9 Iomraidhean Croise

मारकुस 10:21

हिट्‌डेना रिङ् खेम्‍सुङ् येसुङा हिट्‌ना पुयुए हिट्‌नुङ् माया चोगुङ् लोडुए, “खान्‍ङा आझै ठिक् टोॽवा चोक्‍माना युङ्‌ग्‍वा॥ खाडा, हिट्‌नुङ् खान्‌लोक् युङ्‌ग्‍वागा ख्‍वाप्‍पा माक्‍फेन्‍सुबेन् छोङ्‌सुङ् पाक्‍चा ओवानिगालोङ्‌सा हान्‍डुबिडुचि, हिट्‌नुङ् खान्‍ङा टोनालोग्‌ङि माक्‍फेन्‍सुबेन् आटोगुटु हिट्‌नुङ् आबा, आएङ् आएङ् लाम्‌टिए॥”

लुका 18:22

हिट्‌डेना रिङ् खेम्‍सुङ् येसुङा हिट्‌ना लोडुए, “खान्‍ङा आझै ठिक् टोॽवा चोक्‍माना युङ्‌ग्‍वा, खान्‌लोक् युङ्‌ग्‍वागा ख्‍वाप्‍पा माक्‍फेन्‍सुबेन् छोङ्‌सुङ् पाक्‍चा ओवानिगा लोङ्‌सा ओफाबा हान्‍डुबिडुचि हिट्‌नुङ् खान्‍ङा टोनालोग्‌ङि माक्‍फेन्‍सुबेन् आटोगुटु हिट्‌नुङ् आबा, आचेला लिसा॥”

रोमि 6:11

हिट्‌ना पारा डोक्, खोड्‌डेउङ् सियाना याप्‌मिङा पाप चोगुन्‍ना, हिट्‌नाडेडोक् खानिङा पाप आचोगुमुङ् आसिए, टरो माङ्‌हाङ् ओचाप् टामा चोक्‍मा हिङ्‌मा कोन्‌युक् नुङ् मिट्‌टानुम्, पोङ्‌भोने खानि खिरिस्‍ट येसुङाना ओयाप्‌मिचि ए॥

गालाति 5:13

आम्‍भु-आन्‍झाचि हिट्‌नुङ् आनो-आन्‍झाचि, खानिउम् टे माङ्‌हाङ्‌ङा सोतान्‍तर लिमाउङ्‌सा मासेगिगा ए॥ खानिङा आटोगुम्‍ना सोतान्‍तर पाप चोक्‍माना निङ्‌ग्‍वालेङ् टिनेनुम्॥ टरो ना सोतान्‍तरउम्‍बाक् ठिबाङ्‌ङा आरको माया चोक्‍सा सेवा चोक्‍मालाउङ्‌सा चोगानुम्॥

गालाति 5:6

पोङ्‌भोने खिरिस्‍ट येसुङि बिस्‍वास काचोक्‌चि आनि लाउङ्‌सा खाताना चोगुम्‍चा चोक्‌निम्‍चा पाक्‍चा फाराक् वाइना॥ टरो मुलि रिङ्उम्‍बाक् खिरिस्‍टङि आनि बिस्‍वास चोगुम्‍नाँ आनि आरु याप्‌मिचि माया चोगुम्‌चिम्‌चिम्॥

एफिसि 5:26

उन्‍ङा हिड्‌डे चोगुङ् उन्‍ङागा याप्‌मिचि चोक्‍मा आनि आसाम्‍डे, हिट्‌नुङ् उन्‍ङा माङ्‌हाङ् उरिङ् लोक् चुवाङाना बाप्‌टिस्‍मालाम् आनि सुद्‌दो आचोगे॥

तितास 2:14

येसु खिरिस्‍टङा आनिगा सोब्‍बे पारिग्‍गा पापलाम्‍मा साम्‍मा लोङ्‌सा ओसोक्‍मा डोक् पिडुए॥ उन्‍ङा आनि चोख्‍याँ आचोगाउङ् आप्‍पे ओयाप्‌मिचि आचोगे, हिट्‌नुङ् नुना टोॽवा एरोक् चोक्‍माना निङ्‌ग्‍वा याप्‌मिचि पिडुचे॥

हिब्‍रु 9:14

हाट्‌ले खिरिस्‍टङाना ओहेलिक्‌ङि हिट्‌ना नुङ्‌ना चा आड्‌डिक् बोल्‍लेउ ए हिट्‌नुङ् नाङा आनि निङ्‌ग्‍वा आनिना ओचाफेन्‍ना टोॽवालाम्‍मा सुद्‌दो चोक्‍मा हिडुटु, हिट्‌डेउङ् आनि उहिङ्‌ग्‍वाट् माङ्‌हाङ्‌ङाना सेवा चोक्‍मा हिडुम्‍टुम्॥ पोङ्‌भोने उन्‍ङा लाट्‌निना हाङ्‌साङाना बोल्‌लाम्‍मा आप्‍पेलाउङ्‌सा फाट्‌टुर मालेना भोक् लिसाउङ् माङ्‌हाङ्‌ङि ठाङ्‌सुए॥

१ पाटरुस 3:21

हिट्‌नुङ् ना चुवाङा बाप्‌टिस्‍माङाना साङ्‌केट् चोगुटु, जुन्‍ङा खानि माहिङिटि॥ ना येम्‌ङिना रिग्‍वाट् वासिडि गाड्‌डे माखाक्, टरो ना चोखो मिप्‍माना बोल्‍ङा माङ्‌हाङ्‌लोक् चोक्‍बालाक् चामारसिङा ए॥ येसु खिरिस्‍ट सियानालाम्‍मा उहिङ्‌ग्‍वाट् लिसानाँ ना बाप्‌टिस्‍माङा खानि आहिङिटि॥

१ युहान्‍ना 1:7

टरो उन् व्‍हाङ्‌ङि लिसाना गाड्‌डे डोक् आनि चा व्‍हाङ्‌ङि वासिटि भोने, आनि आनिङि साङ्‌गाति लियुक्, हिट्‌नुङ् उन्‍ङाना छा येसुङाना ओहेलिक्‌ङा आनि सोब्‍बे पापलाम्‍मा सेङ्‌सेङ् आचोक्‌युक्॥

पारकास 3:17

हिट्‌नुङ् खानिङा आप्‍पेलाउङ्‌सा वागाठागा, जोम् माक्‍फेन्‍सुबेन् युङ्‌ग्‍वा हिट्‌नुङ् पाक्‍चा चाहाब् लिनिना नुङ् आमाट्‌टुम्‍गा॥ टरो माङ्‌हाङ् ओनाभाक्‌ङि खानि इम्‍टेप्‍मा दुखि, निङ्‌ग्‍वा हिम्‍ना, पाक्‍चा वानिना, याङ्‌कानिनिबा, हिट्‌नुङ् लोट्‌लिङ् चा मालेगा आवासेट्‌टि नुङ् खानिङा ठाहा आटोक्‌निम्‍ना॥