२ पाटरुस 1:2 - आठपहरिया

² माङ्‌हाङ्‌ङा खानि जोम् जोम् मायादाया हिट्‌नुङ् हाङ्‌हाङ् मापिड्‌याक्, पोङ्‌भोने खानिङा माङ्‌हाङ् हिट्‌नुङ् आनि टाङ्‌बा येसु चा मिसेन् आनिसुम्‍ना॥

२ पाटरुस 1:2 Iomraidhean Croise

लुका 10:22

“ख्‍वाप्‍पा रिङ्‌चिगा आधिकार आप्‍पाङा आङा याङ्‌पिडैसे॥ हिट्‌नुङ् उप्‍पाङा एडोक् उइछा मिसेन् निसुटु, उइछाङा एडोक् उप्‍पा मिसेन् निसुटु, आरुङा मिसेन् उनिसुन्‍ना, हिट्‌नुङ् माङ्‌हाङ् पाबा साइना नुङ् उइछाङा सेगुचिगा याप्‌मिचिङा एडोक् उन् मिसेन् उनिसुटु॥”

युहान्‍ना 17:3

लाट्‌निना चोला नुङ् खान् ठिबाङ् एडोक् छेम्‍बाना माङ्‌हाङ् मिसेन् निमा, हिट्‌नुङ् खान्‍ङा आपाङ्‌सुना येसु खिरिस्‍ट मिसेन् निमा ए॥

रोमि 1:7

हिट्‌डेउङ् खानि सोब्‍बे रोमङि आयुङिगा मायालु याप्‌मिचि खानिलाउङ्‌सा माङ्‌हाङ्‌ङा माया माचोगिटि हिट्‌नुङ् ओयाप्‌मिचि नुङ् माछेम्‌डिगा खानि लाउङ्‌सा ना चिट्‌ठि छेप्‍टुङ्‌गेट्‌टुङ्॥ हिट्‌नुङ् खानिलाउङ्‌सा माङ्‌हाङ् आनि पाबा लोक् आनि डाङ्‌बा येसु खिरिस्‍टङा मायादाया लोक् हाङ्‌हाङ् मापिड्‌याक् नुङ् आङा बिन्‌टि चोगुङ्‌टुङ्॥

२ कोरिन्‌थि 4:6

पोङ्‌भोने माङ्‌हाङ्‌ङा माट्‌टुए, “डुम्‍बारिक् डुम्‌लाम्‍मा व्‍हाङ् ओओम्‌याक्,” आनि निङ्‌ग्‍वाङि चा उन्‍ङाना व्‍हाङ् ओम्‍सेसे, हिट्‌डेउङ् खिरिस्‍टङाना ओनाभाक्‌ङि पारकाट् चोगुना माङ्‌हाङ्‌ङाना माहिमा आनि ठाहा टोग्‍मा हिडुम्‍टुम्॥

फिलिप्‌पि 3:8

नागा एडोक् माखाक्, खिरिस्‍ट येसु आटाङ्‌बा ए नुङ् मिसेन् निमा टोग्‍माना बाहुमुल्‍ले रिङ् ए, हिट्‌ना नुङ्‌ना आरु ख्‍वाप्‍पा थोक् बिथाँङिगा नुङ् मिट्‌टुङ्‌टुङ्॥ खिरिस्‍ट नुलोक् मिसेन् उनिसुङ् नुङ् आङा हिट्‌नागा सोब्‍बे थोक् नाडेसुङे, हिट्‌नुङ् हिट्‌नागा सोब्‍बे थोक् आङा भुसुॽवा गाड्‌डे डोक् मिट्‌टुङ्‌टुङ्॥

१ पाटरुस 1:2

पाइले डोक् माङ्‌हाङ् पाबाङा खानि आप्‍पे ओयाप्‌मिचि चोक्‍माउङ्‌सा मासेगिए, हिट्‌नुङ् सेङ्‌सेङ्‌ना हाङ्‌साङा खानि सेङ्‌सेङ् माचोगिए॥ हिट्‌डेउङ् खानिङा येसु खिरिस्‍टङाना रिङ् आखेम्‍सुम्‍टुम्, हिट्‌नुङ् उन्‍ङाना ओहेलिक्‌ङा खानि चोख्‍याँ आलिसिएसिए॥ माङ्‌हाङ्‌ङा खानि जोम् जोम् मायादाया लोक् हाङ्‌हाङ् मापिडियाक्॥

२ पाटरुस 1:3

माङ्‌हाङ्‌ङाना ओबोल्‌लाम्‍मा सेङ्‌सेङ्‌ना चोलाङि हिट्‌नुङ् धारमोति चोलाङि हिङ्‌मा आनिलाउङ्‌सा चाहाबा लिना सोब्‍बे थोक् उन्‍ङा आपिडाइसे॥ पोङ्‌भोने उन्‍ङाना माहिमा लोक् भोलाइलाम्‍मा काछेम्‍बा माङ्‌हाङ् आनि मिसेन् निसुएसुम्‍मे॥

२ पाटरुस 1:5

हिट्‌नाड्‌डेउङ् आहिडुम्‍लोक् खानि बिस्‍वासङि नुना रिङ् थापाँ चोक्‍माना कोसिस चोगानुम्॥ हिट्‌नुङ् पाक् नुना हिट्‌ना चोगानुमुङ् खानि ठोना चा पोयानुम्॥

२ पाटरुस 1:8

खानि लाउङ्‌सा चाहाब् लिना रिङ् नागा डोक् ए॥ हिट्‌नुङ् नागा रिङ् खानि चोलाङि पोसा आखाट्‌टुमे भोने, खानिङा टाङ्‌बा येसु खिरिस्‍ट मिसेन् आनिसुम्‍नाँ नुगा टोॽवालाम्‍मा खानि चोला काम लाहाब् लिना लियुक्॥

२ पाटरुस 2:20

हिट्‌नुङ् जब याप्‌मिचिङा आनि टाङ्‌बा लोक् काहिङ्‌मेप्‍बा डाङ्‌बा येसु खिरिस्‍ट मिसेन् उनिसुङ् नाराङिना जाखाम्‌ङि आठेन्‍ना रिङ्‌लाम्‍मा ओहोन्‍डाउङ् चा फेरि हिट्‌ना रिङ्‌ङि डोक् लाहाब् उलियुक् भोने, हिट्‌नागाँगा आवास्‍था पाइले नुङ्‌ना चा झान् ओचाफेन्‍लोक् लियुक्॥

२ पाटरुस 3:18

टरो सोरोक् आनि टाङ्‌बा हिट्‌नुङ् काहिङ्‌मेप्‍बा डाङ्‌बा येसु खिरिस्‍टङाना ओठोना हिट्‌नुङ् ओमायादायाङि पोसा खाडानि॥ हाट्‌ले हिट्‌नुङ् सोरोक् टाङ्‌बाङाना डोक् उनिङ् टो-टो उलियाक्॥ आमेन्॥

याहुदा 1:2

माङ्‌हाङ्‌ङा खानि औधि दाया, हाङ्‌हाङ् हिट्‌नुङ् माया मापिडियाक्॥

पारकास 1:4

आङा युहान्‍नाङा ना खाबोर एसिया छेट्‌राङि उलिसागा सि ओटा माङ्‌पाङ्‌ङिगा लाउङ्‌सा छेप्‍टुएट्‌टुङ्॥ माङ्‌हाङ् पाबा, सि ओटा हाङ्‌सा हिट्‌नुङ् येसु खिरिस्‍टङाना मायादाया हिट्‌नुङ् हाङ्‌हाङ् खानिलोक् उलियाक्॥ माङ्‌हाङ् हाट्‌ले चा उन् युङ्‌ग्‍वा, पाइले चा डाना, हिट्‌नुङ् हान्‍डेङ् चा लियुक्॥ सि ओटा हाङ्‌सा माङ्‌हाङ् युङ्‌ना सिङासान् ओटाकानाङि युङ्‌ग्‍वा॥ येसु खिरिस्‍ट माङ्‌हाङ्‌ङा लोडुना रिङ्‌ङि बिस्‍वासिलो ए, उन् सियानालाम्‍मा उहिङ्‌ग्‍वाट् कोबाना पाइलेना याप्‌मि हिट्‌नुङ् उन् नाराङिगा हाङ्‌बाचि सासान् काचोक्‍बा ए॥ येसुङा आनि माया आचोक्‌युक् हिट्‌नुङ् उन्‍ङा आप्‍पेलाउङ्‌सा खाप्‍चेङि भोक् पिडुङ् आनि पापलाम्‍मा छुट्‌कारा आनि आपिडैसे॥