२ पाटरुस 1:16 - आठपहरिया

¹⁶ आनि टाङ्‌बा येसु खिरिस्‍ट ठेना माहिमा लोक् साक्‌तिङि उङ्‌ना रिङ् ओचाप्‍पाङ् पारा चोक्‍बालाक् उछिॽवाक् मुन्‍डुम् गाड्‌डे खानि लोनेयाट्‌निन्॥ आन्‍याँ उन्‍ङाना ठेना माहिमा आन्‍याँ मिक्‍ङा डोक् निसुम्‍मे॥

२ पाटरुस 1:16 Iomraidhean Croise

मात्‌ति 16:27

पोङ्‌भोने याप्‌मि छा उन्‍ङाना माङ्‌हाङ् रिङ् काउग्‍बाचिलोक् ओमाङ्‌हाङ् पाबाङाना माहिमाङि उङ्‌युक्, हिट्‌नुङ् हिट्‌ना बेला सोब्‍बे याप्‌मिचि उन्‌चिङा ओचोगुना टोॽवाङाना पारतिफल उन्‍ङा पिडुचिचि॥

मात्‌ति 16:28

छेम्‍बा डोक् आङा खानि लोनाँनि, नेहि ओयेब्‍गा याप्‌मिचि माड्‌डे आम्‍टेप्‍माङा याप्‌मि छा हाङ्‌बा लियुङ् सासान् चोगुना मिने सोम्‍मा उसिनिगा॥”

मात्‌ति 17:1

साङ् लेम्‍बा ओएङ्‌स्‍वालेङ् येसुङा पाटरुस, याकुब हिट्‌नुङ् उन्‍झा युहान्‍ना ठिक् केना झोन्‍झोबालेङ् आरुलाम्‍मा आलाक्‍का खाट्‌टुचे॥

मात्‌ति 24:27

पोङ्‌भोने खोड्‌डेउङ् टाङ्‌साङ्‌ङि झालाक् झिलिक् लिनाँ पुरबालाम्‍मा पास्‌चिम् सोम्‍मा व्‍हाङ् चोगुटु, हिड्‌डेडोक् याप्‌मि छा उङ्‌ना बेला ख्‍वाप्‍पाङा उनिसुटु॥

मात्‌ति 24:3

येसु जैतुन झोन्‍झोबाङि युङैसाना बेला ओचेलाचि सोगोप् उन् सोरि ओआबाउङ् उसिलाप्‍टुए, “काहिसिक्‍बा, आन्‍याँ याप्‌मिलोडा लो, नागा रिङ् खोना बेला लियुक्‍ना, हिट्‌नुङ् खान् फेरि आनोक्‌युउङ्‌ना रिङ् हिट्‌नुङ् ना जुगङाना आन्‍तेङाना चिन्‍नाम्‍बाक् पाक् लियुक्‍ना?”

मात्‌ति 28:18

टब येसु हिट्‌नागा सोरि आबाउङ् लोडुचे, “टोनालोग् हिट्‌नुङ् नाराङि सोब्‍बे आधिकार माङ्‌हाङ्‌ङा आङा याङ्‌पिडैसे॥

मारकुस 13:26

हिट्‌नुङ् हिट्‌ना बेला याप्‌मि छा माङ्‌ठेना साक्‌ति लोक् माहिमाङि खिमेमाङि उङ्‌युगेट्‌ना याप्‌मिचिङा उनिसुटु॥

मारकुस 14:62

टरो येसुङा माट्‌टुए, “आए, आङा डोक्, हिट्‌नुङ् खानिङा याप्‌मि छा सोब्‍बे नुङ्‌ना बोल्‍लेउ माङ्‌हाङ्‌ङाना उछुप्‍टाङ्‌लेङ् युङाना हिट्‌नुङ् टाङ्‌साङ्‌लाम्‍मा खिमेमाङि उङ्‌युगेट्‌ना आनिसुम्‍टुम्॥”

लुका 1:2

हिट्‌नागा लिसागा सोब्‍बे रिङ्‌चि बारेङि उटुम् नुङ् येसु उनिसुगा ओखेम्‍सुगा हिट्‌नुङ् नाङाना बारेङि डोक् नुना खाबोर पारचार काचोक्‍बाचिङा आन्‍याँ याप्‌मिलोडैसे॥

लुका 9:43

माङ्‌हाङ्‌ङाना नाड्‌डेना ठेना बोल् उनिसुङ् सोब्‍बे याप्‌मिचि डोङ् ओठोङ्‌डे॥ येसुङा चोगुना सोब्‍बे टोॽवा बारेङि याप्‌मिचि डोङ् ओठोङ्‌डेटाना बेला येसुङा ओचेलाचि लोडुचे,

युहान्‍ना 1:14

माङ्‌हाङ्‌ङाना रिङ् याप्‌मि उरुपङि लिसे हिट्‌नुङ् आनि माझाङि मायादाया लोक् छेम्‍बाना रिङ्‌ङा इप्‍टुङ् हेन्‍से॥ हिट्‌नुङ् उन्‍ङाना माहिमा आन्‍याँ निसुम्‍मे, हिट्‌ना माहिमा माङ्‌हाङ् पाबालाम्‍मा उङ्‌साना ठिबाङ् एना छाङाना गाड्‌डेना डाना॥

युहान्‍ना 17:2

पोङ्‌भोने खान्‍ङा उन् सोब्‍बे याप्‌मिचि उठुङ्‌ङि आधिकार आपिडुएसुए, हिड्‌डेउङ् खान्‍ङा उन् जिम्‍मा आपिडुचिगा सोब्‍बे याप्‌मिचि उन्‍ङा खोना बेला चा लाट्‌निना चोला उपिडुचियाक्॥

रोमि 1:4

हिट्‌नुङ् सेङ्‌सेङ्‌ना हाङ्‌सालाम्‍मा येसु माङ्‌हाङ्‌ङाना सोब्‍बे नुङ्‌ना माङ्‌बोल्‍लेउ छा नुङ् पारकाट् चोगुए, पोङ्‌भोने उन् माङ्‌हाङ्‌ङा सियानालाम्‍मा उहिङ्‌ग्‍वाट् चोगुए॥ उन् आनि टाङ्‌बा येसु खिरिस्‍ट ए॥

१ कोरिन्‌थि 1:17

खिरिस्‍टङा आङा बाप्‌टिस्‍मा पिमा माखाक्, टरो नुना खाबोर पारचार चोक्‍ङा याङ्‌पाङ्‌साङ्‌ना॥ आङा याप्‌मिचि लेगालाप्‍माना रिङ्‌ङि नुना खाबोर पारचार चोक्‍नेयाट्‌निङ्, हिड्‌नाड्‌डे चोगुङ्‌ना बे, खाप्‍चेङि लिसाना खिरिस्‍टङाना भोक् साक्‌ति माले लिसाना खाबोर गाड्‌डे डोक् बे लिसे॥

१ कोरिन्‌थि 1:23

टरो आन्‍याँम्‍बाक् खाप्‍चेङि छुडाना खिरिस्‍टङाना खाबोर पारचार चोगुम्‍टुम्‍मा॥ याहुदिचिङा ना खाबोर लाड्‌मा चिम्‍मा उफुट्‌टुए, हिट्‌नुङ् पानिछोङ्‌बाचिङा ना खाबोर काम लाहाब् लिनिना नुङ् उमिट्‌टुए॥

१ कोरिन्‌थि 1:7

हिड्‌नाड्‌डेउङ् आनि टाङ्‌बा येसु खिरिस्‍ट उङ्‌ना लाम्‍बो आहाङ्‌सुम्‍नाँ खानिलाउङ्‌सा खोना चा आत्‌मिक् बारदानङाना खाँचो लिनिना॥

१ कोरिन्‌थि 2:1

आम्‍भु-आन्‍झाचि, आङा माङ्‌हाङ्‌ङाना खाबोर पारचार चोक्‍ङा खानि सोरि आबाङ्‌नाँ, ठेगा-ठेगा रिङ् माट्‌सा ठोना लिसाना याप्‌मि गाड्‌डे आङा खानिङि आप्‍नेयाट्‌निङ्॥

१ कोरिन्‌थि 2:4

आङा खानिलोक् चेक्‍टाङ्‌नाँ हिट्‌नुङ् माङ्‌हाङ्‌ङाना खाबोर पारचार चोगुङ्‌नाँ खानिङा आङा बिस्‍वास याङ्‌चोगानि पिक्‍सा ओचाप्‍पाङ् रिङ् चेक्‍नेयाट्‌निङ्, टरो आङा पारचार चोगुङ्‌ना खाबोर छेम्‍बाना ए नुङ् सेङ्‌सेङ्‌ना हाङ्‌साङाना ओसाक्‌तिङा खानि मानिमेट्‌टिटि॥

२ कोरिन्‌थि 2:17

पोङ्‌भोने माङ्‌हाङ्‌ङाना खाबोर ओफाबा टोक्‍मा लाउङ्‌सा एडोक् पारचार काचोक् आरु याप्‌मिचि गाड्‌डेगा आन्‍याँ माखाक्॥ कोइङा माङ्‌हाङ्‌ङाना खाबोर बेपार गाड्‌डे डोक् ओचोगुएसुए॥ टरो आन्‍याँ माङ्‌हाङ्‌ङाना रिङ् इमान्‍जामान्‌ङि हिट्‌नुङ् खिरिस्‍टङाना आधिकारलोक् माङ्‌हाङ् ओटोकानाङि पारचार चोगुम्‍टुम्‍मा पोङ्‌भोने माङ्‌हाङ्‌ङा आन्‍याँ याप्‌मि पाङ्‌साना ए॥

२ कोरिन्‌थि 4:2

हिट्‌ना ओसाट्‌टोङि आन्‍याँउम्‍टे याप्‌मिचिङा ठोब्‍सा ओचोगुगा मोन्‌डिसिइना टोॽवा चोक्‍मा नाडेएसुम्‍मे॥ आन्‍याँ माङ्‌जो चा माट्‌निम्‍मागा, हिट्‌नुङ् माङ्‌हाङ् रिङ् चा फेराँ चोक्‌निम्‍मागा॥ टरो आन्‍याँ भोरोसायोगे नुङ् सोब्‍बे याप्‌मिचिङा बिस्‍वास याप्‌मिओचोक्‌याक् नुङ् आन्‍याँ छेम्‍बाना रिङ् पारचिन्‍दा माट्‌टुम्‍टुम्‍मा, हिट्‌नुङ् नाङाना साँचिम्‍बाक् माङ्‌हाङ् वाहेट्॥

एफिसि 4:14

हिट्‌नुङ् आनि खाटिउगा पिच्‍छाचि गाड्‌डे लिसिन्‍गा॥ हिट्‌नुङ् हिॽवाङा आनि याम्‍बा-नायाम्‍बा आमुट्‌टि गाड्‌डे छालाँ काचोक् याप्‌मिचिगा ओचाप्‍पाङ् हुसिक्‍माङा आनि आवान्‌निना॥

फिलिप्‌पि 3:21

उन्‌लोक् सोब्‍बे थोक् सासान् चोक्‍माना बोल् युङ्‌ग्‍वा, हिट्‌ना ओसाक्‌तिङा डोक् आनिना ना सिना येम् उन्‍ङाना गाड्‌डेना डोक् ओम्‍ना येम् चोक्‍मा हिडुटु॥

१ थेसालोनिकि 2:19

पोङ्‌भोने आनि टाङ्‌बा येसु उङ्‌ना बेला उन् सोरि आन्‍याँ ठेलोक् चोग्‍माना मुकुट्, आन्‍याँ आसा, हिट्‌नुङ् आनान्‍दा खानि डोक्, पाक् खानि डोक् माखाइ टे?

२ थेसालोनिकि 2:9

हिट्‌ना धारमाबिधि मानाँ काचोक्‌निबा सैतानङाना साक्‌तिलोक् टायुक्, हिट्‌नुङ् हिट्‌नाङा सोब्‍बे पारिक्‍गा माङ्‌जोगा चिन्‍नाचि हिट्‌नुङ् डोङ् ठोङ्‌डिगा टोॽवाचि चोगुटु॥

१ तिमोथि 1:4

हिट्‌नुङ् हिट्‌नागाँ माङ्‌जोगा छिॽवाक् मुन्‍डुम्‌ङि हिट्‌नुङ् टुबाठेबाचिगा छोप्‌निना बाङ्‌सावालिलेङ् निङ्‌ग्‍वा उपिडुन्‍चा॥ नाड्‌डेगा रिङ्‌ङा माङ्‌हाङ्‌ङाना योजाना माखाक् खेमाबुङ्‌माना रिङ् एरोक् होन्‌युक्, माङ्‌हाङ्‌ङाना टोॽवाउम् बिस्‍वास काचोक्‍बा याप्‌मिङा एडोक् चोक्‍मा हिडुटु॥

१ तिमोथि 4:7

बिथाँङिगा माङ्‌हाङ् मालेगा रिङ्‌ङि हिट्‌नुङ् खेडोक्‍गा छिॽवा मुन्‍डुम्‌चिङि निङ्‌ग्‍वा पिडुन्॥ नाङाना ओसाट्‌टोङि माङ्‌हाङ्‌ङि भाक्‌ति ठाङ्‌मा आप्‍पेलोङ्‌सा तालिम पिडु॥

तितास 1:14

हिट्‌नुङ् याहुदिचिगा छिॽवाट् मुन्‍डुम् लोक् छेम्‍बाना हिसिक्‍मा इन्‍कार काचोग्‍बा याप्‌मिचिङा ओचोगुगा आग्‍याँ खेम्‍मा चा खेम्‍सुन्॥

२ पाटरुस 2:3

नागा काहिसिक्‍बाचि आड्‌डिक् लोभिचि उलियुक्, हिट्‌नुङ् नागाँ माङ्‌जोगा छिॽवाक् मुन्‍डुम्‌चि मालोडिउङ् खानि मासुबिटि॥ माङ्‌हाङ्‌ङा पाइले डोक् हिट्‌नागा साजाए पिमा निङ्‌ग्‍वा चोक्‍मा हिडुएसुए, हिट्‌नुङ् हिट्‌नागा जाखाम् चोक्‍मा उन् ढिलो चोक्‌निना॥

१ युहान्‍ना 4:14

हिट्‌नुङ् माङ्‌हाङ् पाबाङा उन्‍ङाना छा नाराङिना काहिङ्‌मेप्‍बा डाङ्‌बा लिमा पाङ्‌सुना नुङ् आन्‍याँ निसुम्‍मे, हिट्‌नुङ् नाङाना डोक् साँचि पिडुम्‍टुम्‍मा॥

याहुदा 1:14

हिट्‌नुङ् आदामलाम्‍मा ङेडुम्‍नाँ ङा पुङ्‌लाङिना हानोक याप्‌मिङा चा नागा याप्‌मिचि बारेङि नाड्‌डेना रिङ् माट्‌टुएसुना, “खेम्‍सानुम्, याप्‍मा-याप्‍मा उन्‍ङाना सेङ्‌सेङ्‌गा खाबोर कालोचिलोक् टाङ्‌बा उङ्‌युगेट्॥

पारकास 1:7

ओछेक्‍छेक् लिसानिउङ् पुयानुम्, येसु खिमेमाङि उङ्‌युगेट्, हिट्‌नुङ् सोब्‍बे याप्‌मिचिङा उन् उनिसुटु॥ उन् ओरोक्‍टुना याप्‌मिचिङा चा उनिसुटु॥ हिट्‌नुङ् नाराङिगा ख्‍वाप्‍पा याप्‌मिचि उन् उनिसुङ् निङ्‌ग्‍वाङि दुखेसो ओचोक्‌युक्॥ छेम्‍बा नाड्‌डे लियुक्॥ आमेन्॥