२ पाटरुस 1:12 - आठपहरिया

¹² खानिङा नागा रिङ् पाइले डोक् ठाहा आटोगुएसुम्‍मे हिट्‌नुङ् खानि माहिसिक्‌टिना छेम्‍बाना रिङ्‌ङि बोल्‍लेउ आलिसिएसिए, टरो चा खानिङा नागा रिङ् सोरोक् मिट्‌टानुम् नुङ् आङा लोनाँनि॥

२ पाटरुस 1:12 Iomraidhean Croise

मुलिचेला टोॽवा 16:5

हिड्‌नाड्‌डेउङ् माङ्‌पाङ्‌ङिगा याप्‌मिचिगा बिस्‍वास बोल्‍लेउ लिसा खाडे हिट्‌नुङ् लेम्‍बासेम्‍बा टाङ्‌बाङि बिस्‍वास काचोक्‍बा याप्‌मिचि जोम् लिसा ओखाडे॥

फिलिप्‌पि 3:1

आखेरिङि हाउ आम्‍भु-आन्‍झाचि, खानि खुसि लिसानि, पोङ्‌भोने खिरिस्‍टलोक् खानिना साङ्‌गाटि युङ्‌ग्‍वा॥ आङा पाइले खानि लोनानिगा रिङ् फेरि छेप्‍मा आप्‍ठेरो लोनिङ्‌ना, हिट्‌नुङ् ना रिङ्‌ङा खानि बिस्‍वास सुरेक्‍छे चोगुटु॥

कालास्‌सि 1:5

खानि लोङ्‌सा टोनालोग्‌ङि सुराक्‌छिट् युङ्‌बालाक् आसाङा चोगुनाँ खानिङा खिरिस्‍टङि बिस्‍वास हिट्‌नुङ् माङ्‌हाङ् ओयाप्‌मिचि माया आचोगुम्‌चिम्‍गा ए॥ ना आसाङाना बारेङि खानिङा पाइले डोक् छेम्‍बाना नुना खाबोरङि आखेम्‍सेसुम्‍मे॥

कालास्‌सि 2:7

सिङ् उभुङ्‌माङा खाम्‌ङि ओजारा ठेन्‍डु गाड्‌डे डोक् खानि चा बिस्‍वासङि बोल्‍लेउ लिसानिउङ् पोसा खाडानि॥ खानि माहिसिक्‌टिगा गाड्‌डे बिस्‍वासङि बोल्‍लेउ लिसानि, हिट्‌नुङ् माङ्‌हाङ् सोरोक् पोए-पोए ठाङ्‌सानुम्॥

१ तिमोथि 4:6

खान्‍ङा नागा रिङ्‌चि बिस्‍वासिचि आहिसिक्‍टुचे भोने खान् खिरिस्‍ट येसुङाना नुना सेवा काचोक्‍बा आलियुक्॥ खान्‍ङा पालान् आचोगुना बिस्‍वास लोक् नुना हिसिक्‍माङि डोक् खान् आपोए नुङ् ना रिङ्‌ङा डोक् मानिमेट्‌युक्॥

२ तिमोथि 1:6

हिट्‌डेउङ् आङा हिट्‌ना रिङ् मिट्‌टु नुङ् लोनाँ, आङा खान् उठुङ्‌ङि आमुक् युङ्‌सुङुङ् खान्‍ङा आटोगुना माङ्‌हाङ्‌ङा मापिडाना बारदान आहिदुलोक् चालाँ चोगु॥

हिब्‍रु 10:32

खानिङा पाइले खिरिस्‍टङाना व्‍हाङ् आटोगुम्‍ना बेलाङाना रिङ् मिट्‌टानुम्॥ खानिङा आड्‌डिक् टुक्‍लोक् याङ्‌छामा आआङ्‌डुम्‍चा बिस्‍वासङि दोरो आलिसिए॥

हिब्‍रु 13:9

खाले-खाले ओछोङ्‌ग्‍वाट् हिसिक्‍माङा छेम्‍बाना रिङ्‌लाम्‍मा गालात लाम्‍बोलेङ् माखाट्‌टिन्‍चा॥ पोङ्‌भोने चामा-ठुङ्‌मागा रिङ्‌ङा आनि निङ्‌ग्‍वा बोल्‍लेउ चोगुन्‍ना, टरो माङ्‌हाङ्‌ङाना मायादायाङा एडोक् आनि निङ्‌ग्‍वा बोल्‍लेउ चोगुटु॥ चामा-ठुङ्‌मागा थोक्‌ङाना नियाम पालान् ओचोगुगा लाउङ्‌सा फाइदा लिनिगेट्‌निना॥

१ पाटरुस 5:10

हिट्‌नुङ् जोम् मायादाया लिसाना माङ्‌हाङ्‌ङा खिरिस्‍टङि उन्‍ङाना लाट्‌निना माहिमा लाउङ्‌सा खानि माछेम्‌डिइसे॥ हिट्‌डेउङ् खानिङा होप्‍मो बेला सोम्‍मा याङ्‌छामा आआङ्‌डुमुङ् उन्‍ङा डोक् खानि फेरि ओछोङ्‌ग्‍वाट् माचोगिटि हिट्‌नुङ् घुवार माफाडिउङ् बोल्‍लेउ माचोगिटि॥

१ पाटरुस 5:12

बिस्‍वासि झान्‍झा सिलासङा घुवार याङ्‌फाडाउङ् ना चिट्‌ठि खानिलोङ्‌सा छेप्‍टुएसुङे॥ आङा ना चिट्‌ठिम्‍बाक् खानि आँट् पिमा हिट्‌नुङ् माङ्‌हाङ्‌ङाना छेम्‍बाना मायादाया बारेङि साँचि पिमा छेप्‍टुङ्‌ना ए॥ हिट्‌नुङ् ना मायादायाङि खानि बोल्‍लेउ लिसानिउङ् युङानि॥

२ पाटरुस 1:13

आङा हिङ्‌ङालोक् सोम्‍मा खानिलोङ्‌सा नागा रिङ् सोरोक् यान्‍दा चोक्‍मा मेट्‌मा ओचेट्‌नुयुक् नुङ् आङा मिट्‌टुङे॥

२ पाटरुस 1:15

आङा सिङा चा नागा रिङ् खोना बेलाङि चा मुन्‍नेनुम् नुङ् आङा हिडुङ्‌लोक् सोम्‍मा खानि सोरोक् लोना याक्‍नाँनि॥

२ पाटरुस 3:1

मायालु आसाइबाचि, ना खानिलोङ्‌सा आङा दोस्‍रो खेप् छेप्‍टुङ्‌ना चिट्‌ठि ए, ना इप्‍पोक् चिट्‌ठिङि डोक् आम्‍टेप्‍मा रिङ्‌चि मिप्‍माउङ्‌सा खानिगा चोखो निङ्‌ग्‍वालोङ्‌सा आँट् पिमा कोलुएसुङे॥

२ पाटरुस 3:17

टरो मायालु आसाइबाचि, खानिङा नागा सोब्‍बे रिङ् पाइले डोक् ठाहा आटोक्‍माइडुम्‍मे॥ हिट्‌नाड्‌डेउङ् ओेछेक्‍छेक् चोगानि, हिड्‌नाड्‌डे लिसे भोने ओभेन्‍गाचिङा फाम्‍लेङ् चाट्‌मा माहिडिन्‍गा, नाभाँम्‍टे खानिङा माङ्‌हाङ्‌ङाना ओलाम्‍बो आनाडुम्‍टुम् हिट्‌नुङ् आमासिटि॥

१ युहान्‍ना 2:21

खानिङा छेम्‍बाना रिङ् ठाहा आटोक्‌निम्‍ना नुङ् छेप्‍टुङ्‌ना माखाक्, टरो खानिङा छेम्‍बाना रिङ् ठाहा आटोगुम्‍नाँ डोक् आङा खानिलाउङ्‌सा छेप्‍टुङ्‌ना, हिट्‌नुङ् माङ्‌जोना रिङ् छेम्‍बाना रिङ्‌लाम्‍मा टानिना नुङ् खानिलाउङ्‌सा ठाहा डोक् युङ्‌ग्‍वा॥

२ युहान्‍ना 1:2

आन्‍याँ खानि माया चोक्‍नाँनि, पोङ्‌भोने छेम्‍बाना रिङ् आनिङि युङ्‌ग्‍वा हिट्‌नुङ् हिट्‌ना रिङ् आनिलोक् सोरोक् लियुयाक्‌युक्॥

याहुदा 1:17

टरो मायालु आसाइबाचि, खानिङाम्‍बाक् आनि टाङ्‌बा येसु खिरिस्‍टङाना मुलिचेलाचिङा पाइले डोक् ओमाट्‌टुगा रिङ् मिट्‌टानुम्॥

याहुदा 1:3

मायालु साइबाचि, आनि सोब्‍बेङा टोगुम्‍ना मुक्‌टिङाना बारेङि खानिलाउङ्‌सा छेप्‍मा औधि डोक् निङ्‌ग्‍वाङि मिट्‌टाङे, टरो माङ्‌हाङ्‌ङा ओयाप्‌मिचि सोरोक् लाउङ्‌सा पिडुचिगा बिस्‍वास नुलोक् कुप्‍टानुमुङ् युङ्‌सानुम् नुङ् ना रिङ् छेप्‍मा डोक् कोन्‌युक् नुङ् मिट्‌टाङे॥

याहुदा 1:5

खानिङा नागा सोब्‍बे रिङ् पाइले डोक् ठाहा आटोगुम्‍चा, हाट्‌ले टाङ्‌बाङा ओयाप्‌मिचि मिस्‍रा देसलाम्‍मा होट्‌टुचिउङ् आप्‍टुचिगा रिङ् मिट्‌टानुम् नुङ् खानि लोनाँनि, टरो बिस्‍वास ओचोग्‍वाट्‌टुन्‍गा लाउङ्‌सा हान्‍डेङ् उन्‍ङा जाखाम् चोगुचे॥