२ पाटरुस 1:11 - आठपहरिया

¹¹ नाड्‌डेउङ् माङ्‌हाङ्‌ङा खानि आनि टाङ्‌बा लोक् काहिङ्‌मेप्‍बा डाङ्‌बा येसु खिरिस्‍टङाना खोना बेला चा लाट्‌निना उमुलुक्‌ङि लिग्‍मा खानि आड्‌डिक् निङ्‌ग्‍वालाम्‍मा डोक् आनुमोति मापिडिटि॥

२ पाटरुस 1:11 Iomraidhean Croise

मात्‌ति 25:34

हिट्‌नुङ् हाङ्‌बाङा उछुप्‍टाङ् उमुक्‌लेङ्‌गा लोडुचिचि, ‘आबानि, आङाना माङ्‌हाङ् पाबालाम्‍मा आसिक् आटोगुम्‍गा याप्‌मिचि, नारा उटुम् नुङ् डोक् खानि लोङ्‌सा टेयार चोग्‍बालाक् मुलुक् आधिकार चोगानुम्॥

युहान्‍ना 10:10

याङ्‌काखुट्‌बा उम्‍टे याङ्‌खुट्‌मा, सेप्‍मा हिट्‌नुङ् जाखाम् चोक्‍मा एडोक् टायुक्॥ आङाउम्‍टे हिट्‌नागाँ चोला ओटोगु, हिट्‌नुङ् हिट्‌ना औधि जोम् ओटोगुवाक् नुङ् टायाङ्‌ना ए॥

रोमि 2:4

माङ्‌हाङ् आड्‌डिक् दाया हिट्‌नुङ् धैइरे काचोक्‍बा ए, उन्‍ङा खानि फेराँ लिसानि नुङ् माहाङ्‌सेट्‌टि, टरो पाक् खानिङाम्‍बाक् उन्‍ङाना दाया पाक् गाड्‌डेना चा माखाक् नुङ् आमिट्‌टिटिगि? पाक् खानि खानि पापलाम्‍मा नोक्‍टानि नुङ् माङ्‌हाङ्‌ङा दाया माचोगिना रिङ् खानिङा ठाहा ओटोक्‌निम्‍नै?

१ कोरिन्‌थि 15:24

हिट्‌नुङ्‌ना नाराङाना आखेरि बेला टायुक्॥ हिट्‌ना बेला खिरिस्‍टङा सोब्‍बे सासान् काचोक्‌चि, आधिकार हिट्‌नुङ् बोल्‍लेउचि फ्याङ् जाखाम् चोगुचिचि॥ हिट्‌नुङ्‌ना उन्‍ङा सासान् चोक्‍माना मुलुक् माङ्‌हाङ् पाबा उमुक्‌ङि जिम्‍मा पिडुटु॥

२ कोरिन्‌थि 5:1

पोङ्‌भोने आनिलाउङ्‌सा ठाहा युङ्‌ग्‍वा, ना आनि येम् याक्‍सा गाड्‌डेना डोक्, हिट्‌ना ना नाराङि युङ्‌ग्‍वा, ठिक् लेम्‍बा ना येम् जाखाम् लियुङ् खाट्‌युक्॥ टरो माङ्‌हाङ्‌ङा टोनालोग्‌ङि आनि लाउङ्‌सा पाङ् चोगुएसुए, हिट्‌ना पाङ् याप्‌मि मुक्‍ङा चोक्‍बालाक् माखाक्, हिट्‌नुङ् ना सोरोक् लियुयाक्‌युक्॥

एफिसि 3:20

खिरिस्‍ट येसु हिट्‌नुङ् बिस्‍वासिचिङा सोब्‍बे बेला हिट्‌नुङ् सोरोक् माङ्‌हाङ् उनिङ् ओचोन्‍डुवाक् नुङ् बिन्‌टि ठाङ्‌सुङ्‌टुङ्॥ आनि निङ्‌ग्‍वा भिट्‌रा टोॽवा चोगुना उन्‍ङाना ओबोल्‍ङा आनि नाक्‍टुम्‍ना हिट्‌नुङ् मिट्‌टुम्‍ना ख्‍वाप्‍पा थोक् नुङ्‌ना चा औधि याप्‍मा चोक्‍मा हिडुटु॥ आमेन्॥

१ तिमोथि 6:17

ना नाराङिगा वागाठेगालोङ्‌सा ठेलोक् ओचोक्‌नि नुङ् आग्‍याँ पिडुचि, हिट्‌नुङ् लाट्‌युजाना माक्‍फेन्‍सुबेन्‌ङि माखाक्, टरो आनि मोज्‍मोज्‍जा चोक्‍मा लोङ्‌सा सोब्‍बे थोक् जोम् आपिना माङ्‌हाङ्‌ङि उन्‌चि आसा उयुङ्‌सु नुङ् लोडुचि॥

२ तिमोथि 4:18

टाङ्‌बाङा आङा सोब्‍बे पारिक्‌ङागा ओचाफेन्‍गा रिङ्‌लाम्‍मा जोगाँ याङ्‌चोक्‌युक्, हिट्‌नुङ् उन्‍ङा सासान् चोगुना टोनालोग्‌ङि जोगाँ चोक्‍ङाउङ् याङ्‌खाट्‌युक्॥ उन्‍ङाना सोरोक् माहिमा उलियाक्॥ आमेन्॥

२ तिमोथि 4:8

हाट्‌लेउम् आङालोङ्‌सा धारमिक्‍ताङाना मुकुट् युङ्‌गुवा, हिट्‌ना मुकुट् नुलोक् न्‍याए काचोक्‍बा टाङ्‌बाङा हिट्‌ना बेला आङा याङ्‌पियुक्, हिट्‌नुङ् आङा एडोक् माखाक्, टरो उन् टाना ओलाम्‍बो उपुयुगा सोब्‍बेलोङ्‌सा पिडुचिचि॥

हिब्‍रु 6:17

हिट्‌नाड्‌डेउङ् माङ्‌हाङ्‌ङा चोगुना चामारसिङा काइले चा फेराँ लिनिना नुङ् उन्‍ङाना चामारसिङा काटोक्‍बाचि पारचिन्‍दा चोक्‍मा उन्‍ङा चा किरे चोए॥

२ पाटरुस 1:1

येसु खिरिस्‍टङाना मुलिचेला हिट्‌नुङ् उन्‍ङाना सेवा काचोक् आङा सिमोन पाटरुसङा ना चिट्‌ठि छेप्‍टुङ्‌ना ए॥ आङा ना चिट्‌ठि आनि माङ्‌हाङ् हिट्‌नुङ् काहिङ्‌मेप्‍बा डाङ्‌बा येसु खिरिस्‍टङाना धारमिक्‍तालाम्‍मा आन्‍याँना गाड्‌डे डोक् बाहुमुल्‍ले बिस्‍वास आटोगुम्‍गा खानि ख्‍वाप्‍पालोङ्‌सा छेप्‍टुङ्‌गेट्‌टुङ्॥

२ पाटरुस 1:5

हिट्‌नाड्‌डेउङ् आहिडुम्‍लोक् खानि बिस्‍वासङि नुना रिङ् थापाँ चोक्‍माना कोसिस चोगानुम्॥ हिट्‌नुङ् पाक् नुना हिट्‌ना चोगानुमुङ् खानि ठोना चा पोयानुम्॥

२ पाटरुस 2:20

हिट्‌नुङ् जब याप्‌मिचिङा आनि टाङ्‌बा लोक् काहिङ्‌मेप्‍बा डाङ्‌बा येसु खिरिस्‍ट मिसेन् उनिसुङ् नाराङिना जाखाम्‌ङि आठेन्‍ना रिङ्‌लाम्‍मा ओहोन्‍डाउङ् चा फेरि हिट्‌ना रिङ्‌ङि डोक् लाहाब् उलियुक् भोने, हिट्‌नागाँगा आवास्‍था पाइले नुङ्‌ना चा झान् ओचाफेन्‍लोक् लियुक्॥

२ पाटरुस 3:18

टरो सोरोक् आनि टाङ्‌बा हिट्‌नुङ् काहिङ्‌मेप्‍बा डाङ्‌बा येसु खिरिस्‍टङाना ओठोना हिट्‌नुङ् ओमायादायाङि पोसा खाडानि॥ हाट्‌ले हिट्‌नुङ् सोरोक् टाङ्‌बाङाना डोक् उनिङ् टो-टो उलियाक्॥ आमेन्॥

पारकास 3:21

जुन् याप्‌मिङा दुस्‍टा मेट्‌टुटु, हिट्‌ना आङा युङ्‌ङाना डेन्‌ङि आङा सोरि युङ्‌माना आधिकार पिडुङ्‌टुङ्, हिट्‌नुङ् हिट्‌नाङा आङालोक् सासान् चोगुटु, खोड्‌डेउङ् आङा चा दुस्‍टा मेट्‌टुङेना, हिट्‌नुङ् हाट्‌ले आङा आङाना माङ्‌हाङ् पाबालोक् उन् युङ्‌ना डेन्‌ङि युङैसाङे॥

पारकास 5:10

हिट्‌नुङ् खान्‍ङा हिट्‌नागा आनि माङ्‌हाङ्‌ङा सासान् चोग्‍माचिगा याप्‌मिचि ओचोगुएसुचे हिट्‌नुङ् पुजारिचि गाड्‌डे डोक् माङ्‌हाङ्‌ङाना सेवा चोक्‍मा आपिडुचिचि, हिट्‌नुङ् हिट्‌नागाँ नाराङि सासान् ओचोगुटु॥”