२ पाटरुस 1:10 - आठपहरिया

¹⁰ हिड्‌नाड्‌डेउङ् भुम्‍बु-झान्‍झाचि हिट्‌नुङ् आनो-आन्‍झाचि, माङ्‌हाङ्‌ङा खानि माछेम्‌डिगा हिट्‌नुङ् मासेगिगा रिङ् छेम्‍बाना ए नुङ् निमेट्‌मा लाउङ्‌सा टुक्‍लोक् टोॽवा चोगानि, पोङ्‌भोने नाड्‌डेगा रिङ् खानिङा आचोगुम्‍टुम् भोने, खानि खोना बेला चा माङ्‌हाङ्‌लाम्‍मा लाप्‍माङ् आलिसिन्‍गा॥

२ पाटरुस 1:10 Iomraidhean Croise

मात्‌ति 22:14

हिट्‌नुङ् येसुङा फेरि लोडुचे, “पोङ्‌भोने छेम्‍बालाक्‌चि टे जोम् ओवाहेट्, टरो सेग्‍बालाक्‌चिउम् खाट्‌टिप्‍मा एडोक् ओवाहेट्॥”

रोमि 11:29

पोङ्‌भोने माङ्‌हाङ्‌ङा आनि आपिडाना बारदान नोक्‍टुखाट्‌टुन्‍ना हिट्‌नुङ् उन्‍ङा सेगुचिगा याप्‌मिचि बारेङि उनिङ्‌ग्‍वा फेराँ चोगुन्‍ना॥

२ तिमोथि 2:19

टरो माङ्‌हाङ्‌ङाना ओजाग्‌उम्‍बाक् बोल्‍लेउना हिट्‌नुङ् जाखाम् लिनिना, हिट्‌नुङ् नाहि नाड्‌डे छेप्‍टेसे: “टाङ्‌बाङा ओयाप्‌मिचि मिसेन् निसुचिचि,” हिट्‌नुङ् “टाङ्‌बाङाना उनिङ् कालाप्‍बा सोब्‍बे ओचाफेन्‍ना टोॽवा चोक्‍मालाम्‍मा या युङ्‌मा कोन्‌युक्॥”

हिब्‍रु 6:11

हिट्‌नुङ् खानि सोब्‍बेङा आसा आयुङ्‌सुम्‍ना रिङ् छेम्‍बा डोक् टोगुम्‍टुम्‍मा नुङ् खानिङा पाइले आचोगुम् गाड्‌डे डोक् आहिङिलोक् सोम्‍मा खानि निङ्‌ग्‍वालाम्‍मा डोक् चोगायाक्‍टानुम् नुङ् आन्‍याँ निङ्‌ग्‍वा युङ्‌ग्‍वा॥

हिब्‍रु 6:19

ना आसाङा आनि चोला बोल्‍लेउ हिट्‌नुङ् बिस्‍वासिलो चोगुटु॥ आनि आसाम्‍बाक् येसु ए, उन् डोक् टोनालोग्‌ङिना सेङ्‌सेङ्‌ना ठोङ्‌ङि पारदालाम्‍मा भिट्‌रा लिगाउङ् माङ्‌हाङ् ओटोकानाङि खाडे॥

याकुब 2:10

पोङ्‌भोने जुन्‍ङा धारमाबिधिङिना ख्‍वाप्‍पा रिङ् पालान् चोगुटु, टरो ठिक् रिङ् डोक् पालान् चोग्‍वाट्‌टुन् भोने, धारमाबिधिङिना सोब्‍बे रिङ्‌ङि हिट्‌ना फाट्‌टुरङि ठायुक्॥

१ पाटरुस 1:2

पाइले डोक् माङ्‌हाङ् पाबाङा खानि आप्‍पे ओयाप्‌मिचि चोक्‍माउङ्‌सा मासेगिए, हिट्‌नुङ् सेङ्‌सेङ्‌ना हाङ्‌साङा खानि सेङ्‌सेङ् माचोगिए॥ हिट्‌डेउङ् खानिङा येसु खिरिस्‍टङाना रिङ् आखेम्‍सुम्‍टुम्, हिट्‌नुङ् उन्‍ङाना ओहेलिक्‌ङा खानि चोख्‍याँ आलिसिएसिए॥ माङ्‌हाङ्‌ङा खानि जोम् जोम् मायादाया लोक् हाङ्‌हाङ् मापिडियाक्॥

१ पाटरुस 1:5

खानि बिस्‍वासङा चोगुनाँ माङ्‌हाङ्‌ङाना ओबारगाट्‌ङा मुक्‌टि लोङ्‌सा सुरेक्‍छे माचोगिएसिए॥ हिट्‌नाम्‍बाक् आन्‍तेङिना बेलाङि पारकाट् लिमा टेयार युङ्‌ग्‍वा॥

२ पाटरुस 1:3

माङ्‌हाङ्‌ङाना ओबोल्‌लाम्‍मा सेङ्‌सेङ्‌ना चोलाङि हिट्‌नुङ् धारमोति चोलाङि हिङ्‌मा आनिलाउङ्‌सा चाहाबा लिना सोब्‍बे थोक् उन्‍ङा आपिडाइसे॥ पोङ्‌भोने उन्‍ङाना माहिमा लोक् भोलाइलाम्‍मा काछेम्‍बा माङ्‌हाङ् आनि मिसेन् निसुएसुम्‍मे॥

२ पाटरुस 1:5

हिट्‌नाड्‌डेउङ् आहिडुम्‍लोक् खानि बिस्‍वासङि नुना रिङ् थापाँ चोक्‍माना कोसिस चोगानुम्॥ हिट्‌नुङ् पाक् नुना हिट्‌ना चोगानुमुङ् खानि ठोना चा पोयानुम्॥

२ पाटरुस 3:14

नाड्‌डेउङ् मायालु आसाइबाचि, खानि नागा रिङ् उलियुक् नुङ् आहाङ्‌सेट्‌टुम्‍नाँ, उन्‍ङाना ओटोकानाङि खानि सेङ्‌सेङ्, ओखायोप् माले हिट्‌नुङ् उन्‌लोक् हाङ्‌हाङ्‌ङि युङ्‌मा बोल् चोगानि॥

२ पाटरुस 3:17

टरो मायालु आसाइबाचि, खानिङा नागा सोब्‍बे रिङ् पाइले डोक् ठाहा आटोक्‍माइडुम्‍मे॥ हिट्‌नाड्‌डेउङ् ओेछेक्‍छेक् चोगानि, हिड्‌नाड्‌डे लिसे भोने ओभेन्‍गाचिङा फाम्‍लेङ् चाट्‌मा माहिडिन्‍गा, नाभाँम्‍टे खानिङा माङ्‌हाङ्‌ङाना ओलाम्‍बो आनाडुम्‍टुम् हिट्‌नुङ् आमासिटि॥

याहुदा 1:24

माङ्‌हाङ्‌ङा पापङि ठामालाम्‍मा खानि जोगाँ चोक्‍मा माहिडिटि हिट्‌नुङ् उन्‍ङा खानि फाट्‌टुर माले हिट्‌नुङ् हारकालोक् उन्‍ङाना डोक् माहिमा सोरि खाप्‍मा माहिडिटिटि॥

पारकास 22:14

हिट्‌नुङ् जुन् याप्‌मिचिङा उन्‌चि लोट्‌लिङ् सेङ्‌सेङ् ओहोप्‍टुटु, हिट्‌नागालोक् माङ्‌हाङ् आड्‌डिक् हारका लियुक्, हिट्‌नुङ् हिट्‌नागाँ चोला आपिना टुल्‍फुल चामाना हाक ओटोगुटु हिट्‌नुङ् खालाङ्‌गाङिना ढुवारिक्‌लाम्‍मा लिक्‍माना आधिकार ओटोगुटु॥