१ तिमोथि 6:6 - आठपहरिया

⁶ टरो भाक्‌तिङाना चोलाङि लिमा हिट्‌नुङ् आनिलोक् लिसागा रिङ्‌ङि चाप् टाप्‍मा डोक् ठेना फाइदा ए॥

१ तिमोथि 6:6 Iomraidhean Croise

लुका 12:15

टब येसुङा हिट्‌नागा लोडुचे, “ओछेक्‍छेक् चोगानि, सोब्‍बे थोक्‌चिगा लोभ चोक्‍नेनिन्, पोङ्‌भोने जोम् माक्‍फेन्‍सुबेन्‌ङि छेम्‍बाना चोला लिनिना॥”

लुका 3:14

उपिङ्‌बाचिङा चा उसिलाप्‍टुए, “आन्‍याँम्‍बाक् पाक् चोक्‍मा कोन्‌युक्‍ना?” युहान्‍नाङा हिट्‌नागा लोडुचे, “याप्‌मिचिङा निङ्‌ग्‍वा मिटाए मिटाए, ओचोगुन्‍गेट्‌टुन्‍गा फाट्‌टुर लाहाब् चोक्‍सा ओफाबा लाट्‌नेनुम्॥ खानिङा आटोगुम्‍ना निम्‍याक्‌ङि डोक् खानि निङ्‌ग्‍वा युङ्‌सानुम्॥”

रोमि 8:28

माङ्‌हाङ् माया काचोक्‌चिलाउङ्‌सा उन्‍ङा सोब्‍बे रिङ् उन्‌चि ओचेट्‌नु लाउङ्‌सा डोक् चोगुटु नुङ् आनि ठाहा टोगुम्‍टुम्– हिट्‌नागा याप्‌मिचि डोक् माङ्‌हाङ्‌ङाना उनिङ्‌ग्‍वा गाड्‌डे छेम्‍डुचिगा याप्‌मिचि ए॥

२ कोरिन्‌थि 4:17

पोङ्‌भोने हाट्‌ले आनि आङ्‌डुम्‍ना याङ्‌छामा टुक्‍ना वाइना हिट्‌नुङ् ना याङ्‌छामा छोप्‍मोङ् धारि लाउङ्‌सा एडोक् लियुक्॥ टरो हान्‍डेङ् टोगुम्‍ना आड्‌डिक् ठेना खोना बेला चा लाट्‌निना माहिमा मिट्‌टुम्‍नाँ हिट्‌ना याङ्‌छामाङा आनिङि टाडुगा रिङ्उम् पाक्‍चा माखाक् ए॥

फिलिप्‌पि 1:21

पोङ्‌भोने आङा हिङाङे भोने खिरिस्‍ट लाउङ्‌सा हिङ्‌ङा, टरो सियाङे भोने चा आङा लाउङ्‌सा ओचेट्‌नुना डोक् लियुक्॥

१ तिमोथि 4:8

कोइ-कोइङा ओमाट्‌टुगा, “कासारत चोक्‌युङ् ओयेम् तालिम पिडुटु भोने ओचेट्‌नुना डोक् लियुक्, टरो माङ्‌हाङ्‌ङि भाक्‌ति ठाङ्‌मा तालिम पिडुटु भोने सोब्‍बे रिङ् ओचेट्‌नुना लियुक्॥ पोङ्‌भोने ना रिङ्‌ङाउम्‍बाक् याप्‌मि नाराङि वाना बेला हिट्‌नुङ् हान्‍डेङ्‌ना चोलाङि फाइदा लोङ्‌सा चा चामारसिङा चोगुटु॥”

१ तिमोथि 6:8

हिट्‌डेउङ् चामा-ठुङ्‌मा हिट्‌नुङ् वाप्‍मा लोङ्‌सा टोगुम्‍मे भोने हिट्‌टेप्‍माङि डोक् हारका लिसिटि॥

हिब्‍रु 13:5

माक्‍फेन्‍सुबेन् कामाँ चोक्‍मा एडोक् खानि टोम्‌जिरिॽवा लिनेनिन्, खानिलोक् लिसागा थोक्‌ङि सोन्‍तोक् लिसानि, पोङ्‌भोने माङ्‌हाङ् नाड्‌डे पिग्‌युक्, “आङा खानि खोना बेला चा पोक्‍नेनिन्‍गा, हिट्‌नुङ् आङा खानि खोना बेला चा नानेनिन्‍गा॥”