१ तिमोथि 6:4 - आठपहरिया

⁴ हिट्‌नाम्‍बाक् आड्‌डिक् ठेलोक् चोक्‍ना हिट्‌नुङ् पाक्‍चा ठाहा काटोग्‌निबा लियुक्॥ हिट्‌नाँ खेडोक्‍गा रिङ्‌पान्‌ङि निङ्‌ग्‍वा चोगुङ् बादबिबाद चोक्‌युङ् रिङ् रिङ्‌ङाना उटुप् बारेङि खेमाभुङ्‌मा होट्‌टुगा॥ नाड्‌डेगा रिङ्‌ङाम्‍बाक् रेक् काप्‍मा, साम्‍माना रिङ्, लोमाजामा हिट्‌नुङ् ओचाफेन्‍ना साङ्‌का,

१ तिमोथि 6:4 Iomraidhean Croise

मुलिचेला टोॽवा 15:2

नाड्‌डे पारिक्‍ना हिसिक्‍मा पावाल लोक् बारनाबासङा खेम्‍साचुङ् हिट्‌ना रिङ्‌ङि टेन्‍च्‍याट्‌चिन् हिट्‌नुङ् हिट्‌नागालोक् खेमाबुङ्‌मा रिङ् चोगाचे॥ हिट्‌डेउङ् हिट्‌निगा भुम्‍भु-झान्‍झाचिङा ना रिङ् बारेङि मुलिचेलाचि हिट्‌नुङ् ओठेडोङ्‌चिलोक् रिङ्‌पान् चोक्‍मा लोङ्‌सा पावाल लोक् बारनाबास हिट्‌नुङ् आरु याप्‌मिचि चा यरुसलेमङि पाङ्‌सुम्‌चिम् नुङ् निङ्‌ग्‍वा ओचोगुए॥

मुलिचेला टोॽवा 18:15

टरो ना रिङ्‌उम्‍टे साब्‍दाचि, निङ्‌चि हिट्‌नुङ् खानि आप्‍पे धारमाबिधिङाना रिङ् रैछो खानिङा आप्‍पे टोङ्‌सानुम्॥ आङा नागा रिङ्‌ङाना न्‍याए चोक्‌निङ्‌ना॥”

मुलिचेला टोॽवा 8:9

हिट्‌ना खालाङ्‌गाङि सिमोन ओलोडुना ठिबाङ् याप्‌मि डाना॥ हिट्‌नाँ पाइलेलाम्‍मा डोक् सामारिया खालाङ्‌गाङि चाटाक् टोॽवा चोगुङ् याप्‌मिचिगा निङ्‌ग्‍वा डोङ् ठोङ्‌डिलोक् चोगु बिडुएसुचिगा॥ हिट्‌नाँ “आङा ठेना याप्‌मि” पिक्‍सा ठेलोक् चोगाना डाना॥

रोमि 12:16

खानि सोब्‍बेलोक् टोङानिउङ् युङानि, ठेलोक् चोक्‍नेनिन्, टरो याप्‌मिचिङा पाक्‍चा ठानाँ ओचोगुन्‌चिन्‍गा याप्‌मिचि टाक् चोगानुम्‌चिम्॥ सोब्‍बे थोक् निसुङ्‌गा गाड्‌डे काइले चा चोक्‍नेनिन्॥

रोमि 13:13

आनि लेम्‍बा व्‍हाङ्‌ङि वासि गाड्‌डे डोक् सोब्‍बे लाउङ्‌सा ओचेट्‌नुना चोलाङि वामा कोन्‌युक्॥ आनि बेस्‍सारि मोज्‍मोज्‍जा चोक्‍माना पाटिङि साहाभागि लिसिन्‍चा हिट्‌नुङ् इमालिङ् ठुङुमुङ् टेडुबा लिमा लिनिना, आनि खोना खाले चा इम्‍मेप्‍माजामा टोॽवा चोक्‍मा लिनिना, आनि खेमाबुङ्‌मा चोक्‍मा लिनिना, हिट्‌नुङ् मिक् टुक्‍ना रिङ् चोक्‍मा लिनिना॥

रोमि 14:1

बिस्‍वासङि कामजोर उलिसागा आरु बिस्‍वासिचिलाउङ्‌सा मान् चोगानुम्‌चिम्, हिट्‌नुङ् हिट्‌नागाँ उन्‌चि निङ्‌ग्‍वाङि पाक् माहामाना आथाबा माङ्‌जोना उमिट्‌टुना रिङ्‌ङि बादबिबाद चोक्‍नेनुम्॥

रोमि 2:8

टरो आप्‍पे लाउङ्‌सा एडोक् माया काचोक्, छेम्‍बाना रिङ् पालान् ओचोगुन्‍गा, हिट्‌नुङ् ओचाफेन्‍मा टोॽवा काचोक् याप्‌मिचि माङ्‌हाङ्‌ङा आड्‌डिक् टुक्‍ना साजाए पिडुचिचि॥

१ कोरिन्‌थि 11:16

टरो कोइ याप्‌मिङा ना रिङ्‌ङि चोसेक् वासेक् चोक्‍मा कोलुटु भोने आङा माट्‌टुङ्‌टुङ्, ना माले आन्‍याँलोक् आरको खोना चा चालान् वाइना हिट्‌नुङ् आरु माङ्‌पाङ्‌ङि खोना चा रितिथिति वाइना॥

१ कोरिन्‌थि 11:18

पोङ्‌भोने सोब्‍बे नुङ्‌ना पाइलेना रिङ्, माङ्‌पाङ्‌ङि आछुमिनाँ खानि निङ्‌ग्‍वा टोङ्‌निना नुङ् आङा खेम्‍सुएसुङे॥ हिट्‌नुङ् ना रिङ् आङा खाटिटिउम् बिस्‍वास चा चोगुङ्‌टुङ्॥

१ कोरिन्‌थि 3:18

खोनाङा चा आप्‍पेलाउङ्‌सा धोका उपिडुन्‍चा॥ खानि माड्‌डे कोइङा ना नाराङिना ठोना लिसाना याप्‌मि गाड्‌डे मिट्‌टुटु भोने, हिट्‌ना छेम्‍बाना ठोना लिसाना याप्‌मि लिमाउङ्‌सा हिट्‌ना मुरखा लिमा कोन्‌युक्॥

१ कोरिन्‌थि 3:3

हिट्‌नुङ् हाट्‌ले चा खानि आप्‍पे निङ्‌ग्‍वाङिगा रिङ् युमाङि एडोक् लाहाब् आलिसिइसिए हिट्‌नुङ् खानि खानिङि रेक् काप्‍माना रिङ् हिट्‌नुङ् खेमाबुङ्‌मा युङ्‌ग्‍वा॥ नाड्‌डेगा रिङ् आचोगुम्‍टुम् भोने, पाक् आझै चा खानि आप्‍पे निङ्‌ग्‍वाङिगा रिङ् एडोक् पुरो चोग्‍मा लाहाब् आलिसिन्‍गेट्‌टिन्‍गै टे? छेम्‍बा डोक्, खानि नाराङिगा याप्‌मिचि गाड्‌डे डोक् आचोगेट्‌टि॥

२ कोरिन्‌थि 11:20

छेम्‍बा डोक्, कोइङा खानि कामारा माचोगि चा, खानिलोक् लिसागा ख्‍वाप्‍पा थोक् ओखाट्‌टु चा, खानि माटेप्‌टि चा, ठेलोक् ओचोक्‍चा, हिट्‌नुङ् खानि काकालाङि मालेम्‌सि चा खानिङा आआङ्‌डुम्‌चिम्‍गा रैछौ॥

गालाति 5:15

टरो खानि आप्‍पे-आप्‍पे आखेइयाक्‌टिटि हिट्‌नुङ् खानि खानि केङ्‌केङ् आचोगिटि भोने, ओछेक्‍छेक् चोगानि, नाभाम्‍टे खानि आप्‍पे-आप्‍पे जाखाम् आलिसिटि॥

गालाति 5:26

हिट्‌नुङ् आनि आम्‍टेप्‍मा औधि ठेङाना नुङ् माट्‌मा लिनिना, आरु याप्‌मिचिलोक् चुङ्‌मा लिनिना, हिट्‌नुङ् ठिबाङ्‌ङा आरको रेक् काप्‍माना टोॽवा चोक्‍मा लिनिना॥

गालाति 6:3

कोइ याप्‌मि आप्‍पेम्‍बाक् ठेना याप्‌मि माखाक्, टरो आप्‍पेलाउङ्‌सा ठेना याप्‌मि नुङ् मिट्‌टुटु भोने उन्‍ङा आप्‍पे लाउङ्‌सा धोखा पिडुटु॥

फिलिप्‌पि 1:15

कोइ-कोइङाम्‍बाक् छेम्‍बा डोक् उन्‌चि मिक् टुगाउङ् हिट्‌नुङ् आरु नुङ्‌ना याप्‍मा चोगुङे नुङ् निमेट्‌मा खिरिस्‍टङाना बारेङि पारचार ओचोगुएट्‌टु, टरो आरुङाम्‍बाक् उन्‌चि ओचेट्‌नुना निङ्‌ग्‍वाङा डोक् ओचोगुएट्‌टु॥

फिलिप्‌पि 2:14

सोब्‍बे टोॽवा गिनिङ्‌गिनिङ् आथाबा बादबिबाद मिचोक्‍ङे चोगानुम्॥

फिलिप्‌पि 2:3

आप्‍पे एडोक् आरु नुङ्‌ना ठेलोक् लिमा कोन्‍नेनिन् हिट्‌नुङ् घामान्‌डि लिमाना रिङ् चा चोक्‍नेनिन्॥ टरो मेयोक् लिसानि हिट्‌नुङ् आरु चा खानि नुङ्‌ना उनुगा नुङ् मिट्‌टानुम्‌चिम्॥

कालास्‌सि 2:18

हिट्‌नागा याप्‌मिचिङा आन्‍याँ निमापुमा टोगुएसुम्‍मे पिक्‍सा आप्‍पेलाउङ्‌सा मेयोक् लिसि गाड्‌डे ओचोक्‌युङ् ठेलोक् ओचोग्‍गा हिट्‌नुङ् हिट्‌नागाँ माङ्‌हाङ् रिङ् काउग्‍बाचि साम्‍माङ् ओचोगुचिगा॥ हिट्‌नागाँ खानिलोङ्‌सा नाड्‌डेगा छालि रिङ्‌ङा फाम्‍लेङ् माचाट्‌टिउङ् खानिङा टोक्‍माना इनाम् मामा पिनेनुम्‌चिम्॥ नाड्‌डेगा याप्‌मिचिगा पापङाना उन्‌चि निङ्‌ग्‍वालाम्‍मा होन्‍ना रिङ्‌लाम्‍मा बोङ् उलियुक्, टरो छेम्‍बा डोक् भोने उन्‌चि ठेलोक् लिमाना रिङ् भोने पाक्‍चा वाइना॥

२ थेसालोनिकि 2:4

हिट्‌नाँ माङ्‌हाङ् बिरोध चोगुटु हिट्‌नुङ् याप्‌मिचिङा माङ्‌हाङ् नुङ् उमिट्‌टुगा ख्‍वाप्‍पा थोक्‌चि हिट्‌नुङ् माङ्‌ध्‍यान् ओचोगुगा सोब्‍बे थोक्‌ङाना बिरोध चोगुटु, हिट्‌नुङ् हिट्‌नाँ आप्‍पे लोङ्‌सा सोब्‍बे नुङ्‌ना ठेना चोगुटु॥ नाट्‌टेप्‍मा एरोक् माखाक्, हिट्‌ना माङ्‌हाङ्‌ङाना माङ्‌ठानाङि युङ्‌युक् हिट्‌नुङ् आङा डोक् माङ्‌हाङ् पिक्‍सा माट्‌टुटु॥

१ तिमोथि 1:4

हिट्‌नुङ् हिट्‌नागाँ माङ्‌जोगा छिॽवाक् मुन्‍डुम्‌ङि हिट्‌नुङ् टुबाठेबाचिगा छोप्‌निना बाङ्‌सावालिलेङ् निङ्‌ग्‍वा उपिडुन्‍चा॥ नाड्‌डेगा रिङ्‌ङा माङ्‌हाङ्‌ङाना योजाना माखाक् खेमाबुङ्‌माना रिङ् एरोक् होन्‌युक्, माङ्‌हाङ्‌ङाना टोॽवाउम् बिस्‍वास काचोक्‍बा याप्‌मिङा एडोक् चोक्‍मा हिडुटु॥

१ तिमोथि 1:7

हिट्‌नागा मोसाङाना धारमाबिधि काहिसिक्‍बा लिमा ओकोन्‍गा, टरो हिट्‌नागा आप्‍पेङा ओमाट्‌टुना रिङ् हिट्‌नुङ् ना छेम्‍बाना ए पिक्‍सा ओमाट्‌टुना रिङ् हिट्‌नागाँ आप्‍पे बुजा ओचोगुन्‍गा॥

१ तिमोथि 3:6

माङ्‌पाङ्‌ङिना ओठेडोङ् लोप्‍मो बिस्‍वास चोगुना लिमा लिनिना॥ हिट्‌डे लिसे भोने हिट्‌ना घामान्‌डि लियुक् हिट्‌नुङ् सैतानङा टोक्‍माना दान्‍डाङि ठायुक्॥

२ तिमोथि 2:14

नागा रिङ् बिस्‍वासिचिङा उमिट्‌टुवाक् नुङ् लोडुचि॥ रिङ्-रिङ्‌ङि खेमागोम्‍मा टोॽवा चोक्‍नेनिन् पिक्‍सा टाङ्‌बा उनिङ्‌ङि ओछेक्‍छेक् चोगुचि॥ नाड्‌डेगा रिङ्‌ङि खेमाबुङ्‌मा होप्‍मा बिथाँङि एरोक् लियुक्, टरो नाड्‌डेगा रिङ्‌ङा काखेम्‍बा याप्‌मिचिगा निङ्‌ग्‍वा एरोक् रोक्‍टुटु॥

२ तिमोथि 2:23

टरो मुरखा हिट्‌नुङ् बिथाँङिगा बादबिबादचि नाडु॥ नाड्‌डेगा रिङ्‌पान्‌ङा खेमाबुङ्‌मा एरोक् होट्‌टुगा नुङ् खान्‍ङा ठाहा आटोगुएसुए॥

२ तिमोथि 3:4

धोका कापिबा, फेलेवाले चोक्‍सा वाना, होप्‍मो-होप्‍मो चोक्‍सा लाम्‌टिना, माङ्‌हाङ् माया चोक्‍मा ओसाट्‌टोङि मोज्‍मोज्‍जाङि निङ्‌ग्‍वा टिसुना,

तितास 3:9

बिथाँङिगा रिङ्‌पान्, टुबाठेबाङागा मुन्‍डुम् हिट्‌नुङ् धारमाबिधिङाना बारेङि खेमाबुङ्‌मा हिट्‌नुङ् चुङ्‌माना रिङ्‌पान् चोक्‍नेनिन्, नागालाम्‍मा होन्‍डानिउङ् या युङानि, पोङ्‌भोने नाड्‌डेगा रिङ् खेरोक्‍गा हिट्‌नुङ् नुगा उलिनिगा॥

याकुब 1:19

आमायालु आम्‍भु-आझान्‍झाचि हिट्‌नुङ् आनो-आन्‍झाचि, ना रिङ् खानिङा मिट्‌टायाक्‍टानुम्॥ सोब्‍बे याप्‌मि खेम्‍मा ओचाप्‍पाङ्, चेक्‍मा एला चोक्‌निना हिट्‌नुङ् ओरेक् काड्‌युएट्‌ना लिमा लिनिना॥

२ पाटरुस 2:12

टरो नागा याप्‌मिचि ठोनाबा जिवाट्‌चि गाड्‌डेगा, नागा लाबुम्‌चिमुङ् सेप्‍मा ओपोङ्‌सा गाड्‌डेगा, हिट्‌नुङ् हिट्‌नागाँ ठाहा डोक् ओटोगुन्‍गेट्‌टुन्‍गा रिङ्‌ङाना बारेङि ओचाफेन्‍लोक् ओमाट्‌टुगा॥ हिड्‌नाडेउङ् हिट्‌नागा चा जाङ्‌गालि जिवाट्‌चि गाड्‌डे डोक् जाखाम् उलियुक्॥

२ पाटरुस 2:18

हिट्‌नागाँ खेडोक्‍गा ठे-ठेगा सिङ्‌सागा रिङ् ओमाट्‌टुगा, हिट्‌नुङ् ओचाफेम्‍मा टोॽवा चोक्‍मा ओनाडुङ् लोप्‍मो बिस्‍वासि उलिसागा याप्‌मिचि चा हिट्‌नागाँ उन्‌चि येम्‌ङा चिम्‍मा फुट्‌टुम्‍गा रिङ् ओचोगुङ् वारिक्‌ङि ओठेन्‍डुचिगा॥

याहुदा 1:10

टरो नागा याप्‌मिचिङाम्‍टे आप्‍पे चा बुजा ओचोग्‍वाट्‌टुन्‍ना रिङ् खिसि ओचोगुगा॥ हिट्‌नागा पाक्‍चा मिमिट्‌ङे ओचाफेन्‍ना रिङ् काचोक् ठोनाबा जिवाट्‌चि गाड्‌डेगा डोक् ए, हिट्‌नुङ् हिट्‌नागाँ आप्‍पेलाउङ्‌सा नागा रिङ्‌लाम्‍मा डोक् जाखाम् ओचोगुटु॥

याहुदा 1:16

नाड्‌डेगा याप्‌मिचि सोरोक् गिन्‌गिन् काचोक्, आरु फाट्‌टुर कालाब्‌चि, ओचाफेम्‍मा निङ्‌ग्‍वा ओचोगुङ् हिट्‌ना गाड्‌डे डोक् काचोक्, हिट्‌नुङ् घामान्‌डि रिङ् काचेक्, हिट्‌नुङ् उन्‌चि निङ्‌ग्‍वाङा उमिट्‌टुगा रिङ् टोक्‍मा याप्‌मिचि फुरक्‍याँ काचोक् उलिगा ए॥

पारकास 3:17

हिट्‌नुङ् खानिङा आप्‍पेलाउङ्‌सा वागाठागा, जोम् माक्‍फेन्‍सुबेन् युङ्‌ग्‍वा हिट्‌नुङ् पाक्‍चा चाहाब् लिनिना नुङ् आमाट्‌टुम्‍गा॥ टरो माङ्‌हाङ् ओनाभाक्‌ङि खानि इम्‍टेप्‍मा दुखि, निङ्‌ग्‍वा हिम्‍ना, पाक्‍चा वानिना, याङ्‌कानिनिबा, हिट्‌नुङ् लोट्‌लिङ् चा मालेगा आवासेट्‌टि नुङ् खानिङा ठाहा आटोक्‌निम्‍ना॥