१ तिमोथि 6:18 - आठपहरिया

¹⁸ हिट्‌नागाँ आरु नुलोक् ओमेट्‌टुच्‍याक्, हिट्‌नुङ् नुगा टोॽवाचि जोम् ओचोगुवाक्, हिट्‌नुङ् याप्‌मिचि खेरोक् पिमा हिट्‌नुङ् हाम्‍माजामाङि उन्‌चि निङ्‌ग्‍वा उपिडुवाक् नुङ् लोडुचि॥

१ तिमोथि 6:18 Iomraidhean Croise

मात्‌ति 5:42

हिट्‌नुङ् कोइङा खान् पालोवालो मानाक्‌युक् भोने हिट्‌ना पिडु, हिट्‌नुङ् खान्‌लोक् नाॽवा मानाक्‌युक् भोने हिट्‌ना नाॽवा पिडु॥

लुका 12:21

ना मुन्‍डुम् माप्‍मा हिडुङ् येसुङा माट्‌टुए, “आए, आप्‍पे लोङ्‌सा माक्‍फेन्‍सुबेन् काछुम्‍बा याप्‌मिचि हिट्‌नुङ् माङ्‌हाङ्‌लेङ् निङ्‌ग्‍वा ओचोगुन्‍गा याप्‌मिचिगा हालात नाड्‌डे डोक् लियुक्॥”

लुका 3:11

युहान्‍नाङा हिट्‌नागा नाड्‌डे लोडुचे, “खानि साक् साक्‌लोक् इ-इप्‍पोक् भोटो युङ्‌ग्‍वा भोने, ठिक् भोटो ओवानिगालाउङ्‌सा पिडानुम् हिट्‌नुङ् चामागा ठुङ्‌मागा युङ्‌गालोक्, पाक्‍चा ओवानिगालोङ्‌सा पिडानुम्‌चिम्॥”

मुलिचेला टोॽवा 10:38

खानिङि ठाहा युङ्‌ग्‍वा, माङ्‌हाङ्‌ङा नासारातङिना येसु सेङ्‌सेङ्‌ना हाङ्‌सा हिट्‌नुङ् बोल्‍ङा आभिसेक चोगुए हिट्‌नुङ् उन्‍ङा नुना टोॽवा चोक्‍सा सैतानङा लिन्‍डुचिगा ख्‍वाप्‍पा नुमानिङ् चोक्‍सा सोब्‍बे डेन्‌लेङ् खाडे, पोङ्‌भोने माङ्‌हाङ् उन्‌लोक् सोरोक् वासाना॥

मुलिचेला टोॽवा 11:29

ना रिङ् ओखेम्‍सुङ् एन्‌टिओखियाङिगा बिस्‍वासिचिङा याहुदिया छेट्‌राङि उलिसागा भुम्‍भु-झान्‍झाचिलोङ्‌सा उन्‌चि जेथाङा उहिडुलोक् भेटि पाङ्‌माचिउङ् घुवार फामाचिगा निङ्‌ग्‍वा ओचोगुए॥

मुलिचेला टोॽवा 9:36

योप्‍पा खालाङ्‌गाङि ताबिता उनिङ् लिसाना ठिबाङ् मेन्‍झेमा बिस्‍वासि डाना॥ (हिट्‌नाङाना उनिङ् गिरिक् रिङ्‌ङि डोरकास ओलोडुए, नाङाना उटुप् हारिनि लियुक्॥) हिट्‌नाँ आरु लोङ्‌सा ओचेट्‌नुना टोॽवा चोगुगा डागा हिट्‌नुङ् पाक्‍चा ओवानिगालोङ्‌सा घुवार फाडुचिगा डागा॥

रोमि 12:13

आभोरङि ओठायागा माङ्‌हाङ् ओयाप्‌मिचि घुवार फाडानुम्‌चिम्, हिट्‌नुङ् पाङ्‌ङि ओटागा पाहुनाचि ओचेट्‌नुलोक् मेट्‌टानुम्‌चिम्॥

रोमि 12:8

कोइलोक् याप्‌मिचि उत्‍साह पिमाना बारदान युङ्‌ग्‍वा भोने उत्‍साह उपिडुचियाक्, हिट्‌नुङ् कोइलोक् आभोरङि ओठायागालाउङ्‌सा हाम्‍माजामाना बारदान युङ्‌ग्‍वा भोने, निङ्‌ग्‍वालाम्‍मा डोक् याप्‌मिचि ओहान्‍डुबिडुचियाक्॥ कोइलोक् याप्‌मिचि आगुवाइ चोक्‍माना बारदान युङ्‌ग्‍वा भोने, हिट्‌ना जिम्‍मा नुलोक् डोक् ओचोगुवाक्, हिट्‌नुङ् कोइलोक् आरु दाया चोक्‍माना बारदान युङ्‌ग्‍वा भोने, हारका लिसा आरु दाया ओचोगुचियाक्॥

१ कोरिन्‌थि 16:2

सोरोक् हाप्‍ताङाना पाइलेना लेम्‍बा खानि सोब्‍बेङा कामाइ आचोगुम्‍नालाम्‍मा चिप्‌चिप् ओफाबा साम्‍डानुमुङ् छुम्‍सा युङ्‌सानुम्, हिड्‌नाडेउङ् आङा आप्‍ङाना बेला ओफाबा फोक्‍मायाक्‍मा कोन्‌निना॥

२ कोरिन्‌थि 8:12

पोङ्‌भोने खानिङा जे निङ्‌ग्‍वालाम्‍मा पिमा टेयार आलिसिटि हिट्‌ना माङ्‌हाङ्‌ङा लाडुटु॥ हिट्‌नुङ् खानिलोक् जे युङ्‌ग्‍वा हिट्‌नालाम्‍मा पिडानुम्, टरो खानिलोक् वानिना थोक् उन्‍ङा कोलुन्‍ना॥

२ कोरिन्‌थि 8:9

पोङ्‌भोने आनि टाङ्‌बा येसु खिरिस्‍टङाना मायादाया खानिङा ठाहा आटोगुम्‍टुम्॥ उन् वागाठागा लिसा चा खानि लोङ्‌सा पाक्‍चा मालेना लिसे॥ उन् पाक्‍चा मालेना लिसाउङ् खानि वागाठागा चोक्‍मा उन्‍ङा नाड्‌डे चोगुए॥

गालाति 6:10

हिड्‌नाडेउङ् आनि मौका टोगुम्‍नामे सोब्‍बे याप्‌मिचिलाउङ्‌सा ओचेट्‌नुलोक् चोक्‍मा कोन्‌युक्॥ मुलिगारि खिरिस्‍टङि बिस्‍वास ओचोगुगा याप्‌मिचि लाउङ्‌सा ओचेट्‌नु चोक्‍मा कोन्‌युक्॥

एफिसि 4:28

याङ्‌काखुट्‌ङा हाट्‌ले नुङ् याङ्‌खुट्‌मा ओनाडुवाक्, टरो टोॽवा ओचोगुवाक्॥ मिहिनेत ओचोगुङ् आप्‍पे उमुक्‍ङा ओचेट्‌नुना टोॽवा ओचोगुवाक्, हिट्‌डेउङ् उन्‍ङा आभोरङि ओठायागालाउङ्‌सा पिमा हिडुचिचि॥

१ तिमोथि 5:10

हिट्‌नुङ् हिट्‌नाम्‍बाक् ओचेट्‌नु टोॽवा चोगुङ् उनिङ् मुक्‍टाना, नाड्‌डेडोक् आप्‍पे उइछाचि ओचेट्‌नुलोक् पुयुचिगा, ओटागा याप्‌मिचि ओचेट्‌नुलोक् काचोक्‍बा, माङ्‌हाङ् ओयाप्‌मिचिगा लाङ् वासिडुबिडुचिउङ् सेवा काचोक्‍बा, हिट्‌नुङ् याङ्‌छामाङि ओठायागा लोङ्‌सा घुवार काफाबा, हिट्‌नुङ् सोब्‍बे पारागा नुना टोॽवाङि एडोक् निङ्‌गुवा कापिबा मेन्‍झेमा लिमा कोन्‌युक्॥

तितास 2:14

येसु खिरिस्‍टङा आनिगा सोब्‍बे पारिग्‍गा पापलाम्‍मा साम्‍मा लोङ्‌सा ओसोक्‍मा डोक् पिडुए॥ उन्‍ङा आनि चोख्‍याँ आचोगाउङ् आप्‍पे ओयाप्‌मिचि आचोगे, हिट्‌नुङ् नुना टोॽवा एरोक् चोक्‍माना निङ्‌ग्‍वा याप्‌मिचि पिडुचे॥

तितास 3:8

ना छेम्‍बाना रिङ् ए॥ माङ्‌हाङ्‌ङि बिस्‍वास काचोक्‌चि टेप्‍माङा नुना टोॽवा चोक्‍मा लोङ्‌सा निङ्‌ग्‍वा उपिडु नुङ् खान्‍ङा नागा रिङ्‌ङि जोड पिडु नुङ् आङा खान् लोनाँ॥ नाड्‌डेगा रिङ्‌चि चोक्‍मा याप्‌मिचि लोङ्‌सा आड्‌डिक् ओचेट्‌नुना हिट्‌नुङ् घुवार आफाना रिङ् ए॥

हिब्‍रु 13:16

हाट्‌ले ठिबाङ्‌ङा आरको ओचेट्‌नु चोक्‍मा हिट्‌नुङ् खानिलोक् लिसागा थोक् हाम्‍मा मुन्‍नेनुम्, पोङ्‌भोने नाड्‌डे पारिक्‍ना भोक् ठाङ्‌बालाक् थोक्‌ङि माङ्‌हाङ्‌ङाना उनिङ्‌ग्‍वा टायुक्॥

याकुब 2:5

आमायालु आम्‍भु-आन्‍झाचि हिट्‌नुङ् आनो-आन्‍झाचि, खेम्‍सानुम्, पाक् माङ्‌हाङ्‌ङा नाराङिगा पाक्‍चा वानिगालाउङ्‌सा बिस्‍वासङि बोल्‍लेउ चोक्‍मा हिट्‌नुङ् माङ्‌हुप् चोगुना उमुलुक् उन् माया काचोक्‌चि पिमाउङ्‌सा सेगुवाट्‌टुन्‌चिन्‌गि टे?

१ पाटरुस 3:11

हिट्‌नाङा ओचाफेन्‍ना टोॽवा चोक्‍मा नाडुङ् ओचेट्‌नुना टोॽवा चोक्‍मा कोन्‌युक्॥ हिट्‌नाङा आरु याप्‌मिचिलोक् सान्‌तिङि युङ्‌मा निङ्‌ग्‍वालाम्‍मा डोक् चोक्‍मा कोन्‌युक्॥

१ युहान्‍ना 3:17

कोइ याप्‌मिलोक् जोम् माक्‍फेन्‍सुबेन् युङ्‌ग्‍वा, हिट्‌नुङ् हिट्‌नाङा आप्‍पे बिस्‍वासि भुम्‍भु-झान्‍झा आथाबा नाना-झान्‍झाचि चाहाबा उलिसागा निसुङ् चा उनिङ्‌ग्‍वा ठुम्‍ना चोगुटु भोने, खोड्‌डेउङ् हिट्‌ना याप्‌मिलोक् माङ्‌हाङ्‌ङाना माया लियुक्‍ना टे?

३ युहान्‍ना 1:11

मायालु आसाइबा, नाड्‌डेगा ओभेन्‍गा टोॽवा काचोक् याप्‌मिचिगा चाट्‌ला योॽवा चोगुन्, टरो नुना रिङ् एरोक् सिकाँ लिसा॥ जुन् याप्‌मिङा ओचेट्‌नु चोगुटु हिट्‌ना माङ्‌हाङ्‌ङाना ओयाप्‌मि ए॥ जुन्‍ङा ओचाफेम्‍मा टोॽवा चोगुटु, हिट्‌नाँ माङ्‌हाङ् मिसेन् डोक् निसुन्‍गेट्‌टुन्‍ना॥