१ तिमोथि 6:14 - आठपहरिया

¹⁴ आनि टाङ्‌बा येसु खिरिस्‍ट मिटाङे सोम्‍मा खान्‍ङा ना माङ्‌हाङ्‌ङाना आग्‍याँ नुलोक् हिट्‌नुङ् फाट्‌टुर माले मान् चोगु॥

१ तिमोथि 6:14 Iomraidhean Croise

१ कोरिन्‌थि 1:8

आनि टाङ्‌बा येसु खिरिस्‍ट उङ्‌ना लेम्‍बाङि खानि फाट्‌टुर माले लिसानि नुङ् उन्‍ङा खानि आन्‍ते सोम्‍मा बोल्‍लेउ माचोगिटि॥

एफिसि 5:27

हिट्‌नुङ् उन्‍ङा माङ्‌पाङ्‌ङिगाम्‍बाक् उन्‍ङाना आप्‍पेना चोक्‍मा फाट्‌टुर मालेना हिट्‌नुङ् इछुट् लिसाना माखाक् आथाबा खोना पारिक्‌ङाना खोट् चा मालेना ओचेट्‌नुना हिट्‌नुङ् चोखो चोक्‍मा नाड्‌डे चोगुए॥

फिलिप्‌पि 1:10

हिट्‌डेउङ् एडोक् खानिङा सोब्‍बे नुङ्‌ना ओचेट्‌नुना रिङ् साम्‍मा आहिडुम्‍टुम्, हिट्‌नुङ् येसु खिरिस्‍ट उङ्‌ना बेला खानि सुद्‌दो हिट्‌नुङ् फाट्‌टुर मालेगा याप्‌मिचि आलिसिटि॥

फिलिप्‌पि 1:6

माङ्‌हाङ्‌ङा खानि निङ्‌ग्‍वाङि ठिक् नुना टोॽवा उटुम् चोगुएसुए, हिट्‌नुङ् उन्‍ङा एडोक् येसु खिरिस्‍ट नोक्‍ना उङ्‌ना बेला हिट्‌ना टोॽवा चोक्‍मा हिडुटु नुङ् आङा बिस्‍वास चोगुङ्‌टुङ्॥

फिलिप्‌पि 2:15

हिट्‌नाड्‌डेउङ् खानि खोनाङा चा पाक्‍चा लोमा माहिडिन्‍गा॥ खानि ओमाक्‍पा निङ्‌ग्‍वा हिट्‌नुङ् ओचाफेन्‍लोक् चाट्‌ला उलिसागा याप्‌मिचि माझाङि आयुङिना माङ्‌हाङ्‌ङाना फाकाट्‌ना छाचि गाड्‌डे फाट्‌टुर मालेना हिट्‌नुङ् चोखो लिसानिउङ् युङानि॥ डुम्‍बारिक् डुम्‍ना टाङ्‌साङ्‌ङि चोक्‌चिङ्‌गेट् ओम्‌सि गाड्‌डे डोक् खानि चा हिट्‌नागा माझाङि ओम्‍मा कोन्‌युक्॥

कालास्‌सि 1:22

टरो हाट्‌ले माङ्‌हाङ्‌ङा आप्‍पे उइछा याप्‌मि चोगुए, हिट्‌नुङ् उन् सियाउङ् खानि फेरि उन्‍ङाना माचोगिए, हिट्‌नाड्‌डेउङ् जब खानि माङ्‌हाङ्‌ङाना ओटोकानाङि आयेबिटि, उन्‍ङा खानि सेङ्‌सेङ्, चोखो हिट्‌नुङ् फाट्‌टुर मालेना माचोगिटि॥

कालास्‌सि 4:17

हिट्‌नुङ् “टाङ्‌बाङा जिम्‍मा मापिडाना टोॽवा खान्‍ङा युमा कोन्‌युक्” नुङ् आरखिप्‍पास लोडानुम्॥

१ थेसालोनिकि 3:13

नाड्‌डेउङ् उन्‍ङा खानि बिस्‍वासङि बोल्‍लेउ लिमा घुवार माफाडिटि, हिट्‌नुङ् आनि टाङ्‌बा येसु उन्‍ङाना ख्‍वाप्‍पा सेङ्‌सेङ्‌गा ओयाप्‌मिचिलोक् उङ्‌ना बेला आनि माङ्‌हाङ् पाबाङाना ओटोकानाङि खानि सेङ्‌सेङ् हिट्‌नुङ् फाट्‌टुर माले आलिसिटि॥

१ थेसालोनिकि 5:23

सान्‌ति कापिबा माङ्‌हाङ् आप्‍पेङा खानि सोब्‍बे पारिक्‌ङि चोखो माचोग्‌याक्, हिट्‌नुङ् आनि टाङ्‌बा येसु खिरिस्‍ट मिउङ्‌ङे सोम्‍मा खानि हाङ्‌सा, सोक्‍मा हिट्‌नुङ् येम् फाट्‌टुर मालेना उलियाक्॥

२ थेसालोनिकि 2:1

भुम्‍बु-झान्‍झाचि हिट्‌नुङ् आनो-आन्‍झोचि, आनि टाङ्‌बा येसु खिरिस्‍ट फेरि उङ्‌ना बारेङि हिट्‌नुङ् येसु टुब्‍मा माङ्‌हाङ्‌ङा आनि एक्‍के ठोङ् आछुम्‍ना बारेङि आन्‍याँ खानिलाउङ्‌सा बिन्‌टि चोगुम्‍टुम्‍मा॥

२ थेसालोनिकि 2:8

हिट्‌नुङ्‌ना धारमाबिधि मानाँ काचोक्‌निबा ठेट्‌युक्, टाङ्‌बा येसुङा ओयासिङाना ओसोक्‍माङा हिट्‌नुङ् उन् उङ्‌ना बेला ठेट्‌ना माहिमालाम्‍मा हिट्‌ना जाखाम् चोगुटु॥

१ तिमोथि 6:20

तिमोथि, खान् काजिम्‍माङि मापिडाना रिङ् ओचेट्‌नुलोक् पुयु॥ बिथाँङिगा हिट्‌नुङ् मुरखा रिङ्‌पान् हिट्‌नुङ् छेम्‍बाना हिसिक्‍मा बिरोधङि ओकोबागा याप्‌मिचिगा रिङ् नाडु॥ हिट्‌नागाँ उन्‌चि हिसिक्‍माम्‍बाक् “ठोना” नुङ् ओमाट्‌टुना हिट्‌नाम्‍बाक् छेम्‍बाना माखाक्॥

२ तिमोथि 4:1

माङ्‌हाङ् जामानि युङ्‌सुङ् हिट्‌नुङ् उसियागा हिट्‌नुङ् उहिङागा याप्‌मिचिगा न्‍याए काचोक्‍बा खिरिस्‍ट येसु जामानि युङ्‌सुङ्, हिट्‌नुङ् उन् उङ्‌ना हिट्‌नुङ् हाङ्‌बा लियुङ् सासान् चोगुना रिङ् बिचार चोक्‍सा खान् नाड्‌डेना आग्‍याँ पिनाँ,

तितास 2:13

हिट्‌नुङ् आसिक्‌ङाना आसा आनि हाङ्‌सुएट्‌टुम्॥ हिट्‌ना डोक् आनि माङ्‌ठेना माङ्‌हाङ् हिट्‌नुङ् काहिङ्‌मेप्‍बा डाङ्‌बा येसु खिरिस्‍टङाना माहिमाङि ठेट्‌युक्॥

हिब्‍रु 9:14

हाट्‌ले खिरिस्‍टङाना ओहेलिक्‌ङि हिट्‌ना नुङ्‌ना चा आड्‌डिक् बोल्‍लेउ ए हिट्‌नुङ् नाङा आनि निङ्‌ग्‍वा आनिना ओचाफेन्‍ना टोॽवालाम्‍मा सुद्‌दो चोक्‍मा हिडुटु, हिट्‌डेउङ् आनि उहिङ्‌ग्‍वाट् माङ्‌हाङ्‌ङाना सेवा चोक्‍मा हिडुम्‍टुम्॥ पोङ्‌भोने उन्‍ङा लाट्‌निना हाङ्‌साङाना बोल्‌लाम्‍मा आप्‍पेलाउङ्‌सा फाट्‌टुर मालेना भोक् लिसाउङ् माङ्‌हाङ्‌ङि ठाङ्‌सुए॥

हिब्‍रु 9:28

हिट्‌नाडेडोक् सोब्‍बे याप्‌मिचिगा पाप टुग्‍माउङ्‌सा खिरिस्‍ट आप्‍पे ठिक्‍ए खेप् भोक् लिसे॥ हिट्‌नुङ् जब खिरिस्‍ट दोस्‍रो खेप् उङ्‌युक्, हिट्‌ना बेला याप्‌मिचिगा पाप टुग्‍मा माखाक्, टरो ओलाम्‍भो उपुयुङ् उयुङेसागा याप्‌मिचि बाचाँ चोक्‍माउङ्‌सा उङ्‌युक्॥

१ पाटरुस 1:19

टरो नाउम् पाप मालेना, खोट् मालेना माङ्‌हाङ्‌ङाना थुमा खिरिस्‍टङाना आड्‌डिक् बाहुमुल्‍ले ओहेलिक्‌ङा छुट्‌कारा आटोगुएसुम्‍मे॥

१ पाटरुस 1:7

खानि बिस्‍वास छेम्‍बाना नुङ् नागा याङ्‌छामाङा आनिमेट्‌युक्॥ याप्‌मिचिङा जाखाम् लिना साम्‍मेङ्उम् मिङि उटुनुङ् आसालि ओचोगुटु भोने, खानि बिस्‍वास हिट्‌ना नुङ्‌ना चा आड्‌डिक् माहाङ्‌गो ए॥ जब पारिक् पारिक्‍गा याङ्‌छामाङि खानि बिस्‍वास दोरो लियुक्, टब येसु खिरिस्‍ट नाराङि ठेट्‌ना बेला खानिङा मान्, माहिमा हिट्‌नुङ् निङ् चोम्‍मा आटोगुम्‍टुम्॥

२ पाटरुस 2:21

माङ्‌हाङ् ओटोकानाङि धारमिक्‍ताङाना लाम्‍बो ठाहा ओटोगुङ् चा हिट्‌नागाँ ओटोगुना सेङ्‌सेङ्‌ना आग्‍याँ पालान् ओचोगुन्‍ना भोनेम्‍टे हिट्‌नागाँ ना लाम्‍बोङाना बारेङि खोना बेला चा ठाहा ओटोग्‍वाट्‌टुन्‍नाबे ओचेट्‌नु लिसे बे॥

२ पाटरुस 3:14

नाड्‌डेउङ् मायालु आसाइबाचि, खानि नागा रिङ् उलियुक् नुङ् आहाङ्‌सेट्‌टुम्‍नाँ, उन्‍ङाना ओटोकानाङि खानि सेङ्‌सेङ्, ओखायोप् माले हिट्‌नुङ् उन्‌लोक् हाङ्‌हाङ्‌ङि युङ्‌मा बोल् चोगानि॥

२ पाटरुस 3:2

आच्‍छो बेला सेङ्‌सेङ्‌गा माङ्‌काटाचिङा ओमाट्‌टुगा रिङ् हिट्‌नुङ् मुलिचेलाचिङा माहिसिक्‌टिगा टाङ्‌बाङाना आग्‍याँ खानिङा मिट्‌टानुम् नुङ् लोनाँनि॥

१ युहान्‍ना 3:2

मायालु आसाइबाचि, हाट्‌लेम्‍बाक् आनि माङ्‌हाङ्‌ङाना खालाक् डोक् ए॥ हिट्‌नुङ् हान्‍डेङ् आनि पाक् गाड्‌डेना लिसिटिगा हिट्‌ना रिङ् आनि ठाहा टोग्‌निम्‍ना॥ टरो खिरिस्‍ट उङ्‌नाँ आनि चा उन् गाड्‌डे डोक् लिसिटि नुङ् ठाहा टोगुम्‍टुम्, पोङ्‌भोने उन् खोड्‌डेना वाहेट्‌ना हिड्‌नाडेना डोक् उन् निसुम्‍टुम्॥

याहुदा 1:24

माङ्‌हाङ्‌ङा पापङि ठामालाम्‍मा खानि जोगाँ चोक्‍मा माहिडिटि हिट्‌नुङ् उन्‍ङा खानि फाट्‌टुर माले हिट्‌नुङ् हारकालोक् उन्‍ङाना डोक् माहिमा सोरि खाप्‍मा माहिडिटिटि॥

पारकास 1:7

ओछेक्‍छेक् लिसानिउङ् पुयानुम्, येसु खिमेमाङि उङ्‌युगेट्, हिट्‌नुङ् सोब्‍बे याप्‌मिचिङा उन् उनिसुटु॥ उन् ओरोक्‍टुना याप्‌मिचिङा चा उनिसुटु॥ हिट्‌नुङ् नाराङिगा ख्‍वाप्‍पा याप्‌मिचि उन् उनिसुङ् निङ्‌ग्‍वाङि दुखेसो ओचोक्‌युक्॥ छेम्‍बा नाड्‌डे लियुक्॥ आमेन्॥