१ तिमोथि 6:11 - आठपहरिया

¹¹ टरो खान् माङ्‌हाङ्‌ङाना याप्‌मि, नाड्‌डेगा सोब्‍बे रिङ् खान्‍ङा नाडु, हिट्‌नुङ् माङ्‌हाङ् ओटोकानाङि पाक् नुना हिट्‌ना चोक्‍मा, भाक्‌ति चोक्‍मा, बिस्‍वासिलो लिमा, माया चोक्‍मा, धैइरेताङि लोक् मेयोक् लिमा कानिङ्‌ग्‍वा पिडु॥

१ तिमोथि 6:11 Iomraidhean Croise

रोमि 14:19

हिड्‌डेउङ् खोना रिङ्‌ङा हाङ्‌हाङ् टाडुटुना, हिट्‌नुङ् खोना रिङ्‌ङा आरु बिस्‍वासिचि उन्‌चि बिस्‍वासङि बोल्‍लेउ चोगुचिचिगा हिट्‌ना रिङ् चोक्‍मा लाहाब् लिसियाक्‌टि॥

१ कोरिन्‌थि 10:14

हिड्‌नाड्‌डेउङ् मायालु आसाइबाचि, मुरति साम्‍माङ् चोक्‍मा नाडानुम्॥

१ कोरिन्‌थि 14:1

खानि निङ्‌ग्‍वाम्‍बाक् आरु माया चोक्‍माना रिङ्‌ङि पिडानुम्, हिट्‌नुङ् सेङ्‌सेङ्‌ना हाङ्‌सालाम्‍मा टोक्‍ना बारदान लाउङ्‌सा आड्‌डिक् निङ्‌ग्‍वा चोगानुम्॥ हिट्‌ना चा माङ्‌हाङ्‌लाम्‍माना रिङ् चेक्‍माना बारदान लोङ्‌सा निङ्‌ग्‍वा चोगानि॥

१ कोरिन्‌थि 6:18

इम्‍मेप्‍माजामा टोॽवालाम्‍मा लाप्‍माङ् युङानि॥ आरु जुन्‍सुके पाप याप्‌मिङा चोगुटु, हिट्‌नाङा आप्‍पे ओयेम् बिरुद्‌दाङि पाप चोगुन्‍ना॥ टरो इम्‍मेप्‍माजामा टोॽवा काचोक्‍बा याप्‌मिङा आप्‍पे ओयेम्‌ङाना बिरुद्‌दाङि पाप चोगुटु॥

१ तिमोथि 1:14

हिट्‌नुङ् आनि टाङ्‌बाङाना मायादाया माङ्‌जोम् याङ्‌ठेन्‍डाबिडे, हिट्‌नुङ् खिरिस्‍ट येसुलाम्‍मा टोगुम्‍ना बिस्‍वास लोक् माया चा उन्‍ङा डोक् आङा याङ्‌पिडे॥

१ तिमोथि 4:12

खोनाङा चा खान् ठाङ्‌बेन् नुङ् मालोनिजान्‍याक्, टरो बिस्‍वासिचि माझाङि चेक्‍माजामा, नुना चाट्‌ला चोक्‍मा, माया चोक्‍मा, बिस्‍वासङि हिट्‌नुङ् सेङ्‌सेङ् वामाना रिङ्‌ङि नामुना लिसा॥

१ तिमोथि 5:10

हिट्‌नुङ् हिट्‌नाम्‍बाक् ओचेट्‌नु टोॽवा चोगुङ् उनिङ् मुक्‍टाना, नाड्‌डेडोक् आप्‍पे उइछाचि ओचेट्‌नुलोक् पुयुचिगा, ओटागा याप्‌मिचि ओचेट्‌नुलोक् काचोक्‍बा, माङ्‌हाङ् ओयाप्‌मिचिगा लाङ् वासिडुबिडुचिउङ् सेवा काचोक्‍बा, हिट्‌नुङ् याङ्‌छामाङि ओठायागा लोङ्‌सा घुवार काफाबा, हिट्‌नुङ् सोब्‍बे पारागा नुना टोॽवाङि एडोक् निङ्‌गुवा कापिबा मेन्‍झेमा लिमा कोन्‌युक्॥

१ तिमोथि 6:20

तिमोथि, खान् काजिम्‍माङि मापिडाना रिङ् ओचेट्‌नुलोक् पुयु॥ बिथाँङिगा हिट्‌नुङ् मुरखा रिङ्‌पान् हिट्‌नुङ् छेम्‍बाना हिसिक्‍मा बिरोधङि ओकोबागा याप्‌मिचिगा रिङ् नाडु॥ हिट्‌नागाँ उन्‌चि हिसिक्‍माम्‍बाक् “ठोना” नुङ् ओमाट्‌टुना हिट्‌नाम्‍बाक् छेम्‍बाना माखाक्॥

२ तिमोथि 2:21

हिट्‌नुङ् याप्‌मिङा आप्‍पेलोङ्‌सा ओचाफेन्‍ना टोॽवालाम्‍मा सुद्‌दो चोगुटु भोने हिट्‌नाम्‍बाक् नुगा थोक्‌चि युङ्‌मा लोङ्‌सा चालाँ चोक्‍बालाक् भाँडा बारतान गाड्‌डेना डोक् लियुक्॥ हिट्‌नुङ् हिट्‌नाँ आप्‍पेलोङ्‌सा चोखो युङ्‌सुङ् पाङ्‌डाङ्‌बा लोङ्‌सा सोब्‍बे पारिक्‍ङाना नुना टोॽवाङि टेयार लियुक्॥

२ तिमोथि 2:22

हिट्‌डेउङ् ठाङ्‌बेन् बेला निङ्‌ग्‍वालाम्‍मा टाना ओचाफेन्‍गा रिङ्‌चिलाम्‍मा पिन्‍डा, हिट्‌नुङ् सेङ्‌सेङ्‌ना निङ्‌ग्‍वाङि टाङ्‌बा माङ्‌ध्‍यान् काचोक् याप्‌मिचिलोक् पाक् नुना हिट्‌ना रिङ्‌ङि, बिस्‍वासङि, मायाङि हिट्‌नुङ् हारका लिसिना रिङ्‌ङि लाहाब् लिसा॥

२ तिमोथि 3:10

हाट्‌लेम्‍बाक् खान्‍ङा आहिसिक्‍मा, आङाना चाट्‌ला, आचोलाङाना योजाना, आङाना बिस्‍वास, आङाना माया, आङाना आङ्‌माना बोल् खान्‍ङा आनिसुएसुए॥

२ तिमोथि 3:17

हिट्‌नुङ् माङ्‌हाङ्‌ङाना ओयाप्‌मिचिङा सोब्‍बे पारिग्‍गा नुगा टोॽवाचि चोक्‍मा उहिडुवाक् नुङ् डोक् धारमाछाप्‍ला पिबालाक् ए॥

हिब्‍रु 12:14

खानि सोब्‍बे याप्‌मिचिलोक् हाङ्‌हाङ् युङ्‌माना कोसिस चोगानि हिट्‌नुङ् चोखो लिसानि, पोङ्‌भोने सेङ्‌सेङ् मिलिङे साक्‍ङा चा टाङ्‌बा निमा उहिडुन्‍ना॥

१ पाटरुस 3:11

हिट्‌नाङा ओचाफेन्‍ना टोॽवा चोक्‍मा नाडुङ् ओचेट्‌नुना टोॽवा चोक्‍मा कोन्‌युक्॥ हिट्‌नाङा आरु याप्‌मिचिलोक् सान्‌तिङि युङ्‌मा निङ्‌ग्‍वालाम्‍मा डोक् चोक्‍मा कोन्‌युक्॥