१ तिमोथि 5:17 - आठपहरिया

¹⁷ माङ्‌पाङ्‌ङिगा ओठेडोङ्‌चि नुलोक् आगुवाइ काचोक्‌चि मान् लोक् उयुसिचिलोक् निमेक् पिमाचि नुगा उलियुक्, मुलिगारि माङ्‌हाङ् रिङ् पारचार काचोक्‌चि हिट्‌नुङ् सिकाँ चोक्‍मा निङ्‌ग्‍वा कापिबाचिङा टोक्‍मा डोक् कोन्‌युक्॥

१ तिमोथि 5:17 Iomraidhean Croise

मात्‌ति 24:25

“खेम्‍सानुम्, आङा ना रिङ् पाइले डोक् खानि लोनाइनाने॥

लुका 10:7

ठिक्‍ए पाङ्‌ङि डोक् युङायाक्‍टानि॥ हिट्‌ना पाङ्‌ङिगा याप्‌मिचिङा पाक् पाक् चामाउङ्‌सा मापिडिटि हिट्‌नागा डोक् चायानुम्, ठुङानुम्, ओचाफेन्‍लोक् लोनेनिन्॥ पोङ्‌भोने टोॽवालासि काचोक्‍बाङा उनिम्‍याक् टोक्‍मा नुना लियुक्॥ योम्‍बोना पाङ् टोम्‍बोना पाङ् चोक्‍सा बास हेन्‍नेनिन्॥

लुका 12:42

येसु डाङ्‌बाङा पाटरुस लोडुए, “बिस्‍वासिलो चाकार हिट्‌नुङ् ठोना लिसाना याप्‌मि साइना होला? बिस्‍वासिलो चाकार हिट्‌ना लियुक्, जुन् पाङ् ओडाङ्‌बाङा आरु चाकारचि पुमा जिम्‍मा पिडुटु हिट्‌नुङ् ठिक्‍का बेलाङि डोक् हिट्‌नाङा चामा-ठुङ्‌मा हिट्‌नागा पिडुचिचि॥

युहान्‍ना 4:38

खानिङा टोॽवालासि आचोगिन्‍गेट्‌टिन्‍गा डेन्‌ङि आङा खानि चासोङ् छुम्‍मा पाङ्‌नाने॥ आरुङा टोॽवालासि ओचोगुएसुए, हिट्‌नुङ् हिट्‌नागाँ ओचोगुना टोॽवाङाना फाइदा खानिङा आटोगुएसुम्‍मे॥”

मुलिचेला टोॽवा 11:30

हिट्‌डेउङ् हिट्‌नागाँ आम्‍टेप्‍मा ओफाबा ओफोगुए, हिट्‌नुङ् बारनाबास लोक् सावाल उमुक्‌ङि हिट्‌ना भेटि यरुसलेमङिना माङ्‌पाङ्‌ङिगा ओठेडोङ्‌चिङि ओहाङ्‌सुए॥

मुलिचेला टोॽवा 20:35

नाड्‌डेडोक् खानिङा चामा-ठुङ्‌मा आप्‍पे छुम्‍मा उहिडुन्‍गा निम्‍छारो याप्‌मिचि घुवार फामा आड्‌डिक् डोक् टोॽवा चोक्‍मा कोन्‌युक् नुङ् आङा निमेट्‌नाँने॥ हिट्‌नुङ् ‘टाक्‍मा नुङ्‌ना पिडुम्‌चिम्‍नाङा डोक् जोम् आसिक् टायुक्’ नुङ् येसु डाङ्‌बाङा माट्‌टुना रिङ् मिट्‌टानुम्॥”

मुलिचेला टोॽवा 28:10

हिट्‌नागाँ जोम् थोक्‌चि याप्‌मि उपिडाउङ् आन्‍याँ मान् याप्‌मिओचोगे हिट्‌नुङ् आन्‍याँ लाम्‌टिमा बेला हिट्‌नागाँ आन्‍याँलोङ्‌सा लाम्‍बोङि चाहाब् लिगा टेप्‍मा माल्‍माट्‌टाचि चुवाखोङ्‌डाङ्‌ङि याप्‌मि ओठेन्‍डाबिडे॥

रोमि 12:8

कोइलोक् याप्‌मिचि उत्‍साह पिमाना बारदान युङ्‌ग्‍वा भोने उत्‍साह उपिडुचियाक्, हिट्‌नुङ् कोइलोक् आभोरङि ओठायागालाउङ्‌सा हाम्‍माजामाना बारदान युङ्‌ग्‍वा भोने, निङ्‌ग्‍वालाम्‍मा डोक् याप्‌मिचि ओहान्‍डुबिडुचियाक्॥ कोइलोक् याप्‌मिचि आगुवाइ चोक्‍माना बारदान युङ्‌ग्‍वा भोने, हिट्‌ना जिम्‍मा नुलोक् डोक् ओचोगुवाक्, हिट्‌नुङ् कोइलोक् आरु दाया चोक्‍माना बारदान युङ्‌ग्‍वा भोने, हारका लिसा आरु दाया ओचोगुचियाक्॥

रोमि 15:27

हिट्‌नागा आप्‍पेङा डोक् यरुसलेमङिगा बिस्‍वासिचि घुवार फामा निङ्‌ग्‍वा ओचोगुएसुगा डागा॥ छेम्‍बा डोक्, हिट्‌नागाँ हिट्‌नागा घुवार फामाचि उन्‌चि टोॽवा डोक् ए, पोङ्‌भोने याहुदि बिस्‍वासिचिलाम्‍मा माङ्‌हाङ्‌ङाना बारेङि पानिछोङ्‌बाचिङा ओखेम्‍सुङ् आसिक् ओटोगुए॥ नाड्‌डेउङ् पानिछोङ्‌बाचिङा चा उन्‌चिलोक् लिसागा थोक्‌चि याहुदि बिस्‍वासिचि उपिडुचिउङ् घुवार फामाचि कोन्‌युक्॥

रोमि 16:12

टुरफेना हिट्‌नुङ् टोरफोसालाउङ्‌सा बाबा याङ्‌लोडाबिडानि॥ नागाचि मेन्‍झेमाचिङा मिहिनेत चोक्‍चुङ् टाङ्‌बाङाना टोॽवा चोक्‍चुगा॥ हिट्‌नुङ् मायालु पारसिस चा बाबा याङ्‌लोडाबिडानि, ना मेन्‍झेमाङा चा आड्‌डिक् मिहिनेत चोगुङ् टाङ्‌बाङाना टोॽवा चोगुगा॥

१ कोरिन्‌थि 15:10

टरो हाटले आङा खोड्‌डेना लिसेसाङेना हिट्‌ना माङ्‌हाङ्‌ङा आङा आड्‌डिक् माया लोक् घुवार याङ्‌फाडानाँ डोक् ए, हिट्‌नुङ् उन्‍ङा आङा मायादाया याङ्‌चोगानाँ आरु मुलिचेलाचि नुङ्‌ना याप्‍मा रिङ् चोक्‍मा काहिबा लिसेसाङे॥ टरो चा आङा आप्‍पेङाम्‍बाक् माखाक्, टरो ख्‍वाप्‍पा थोक् माङ्‌हाङ्‌ङा घुवार याङ्‌फाडाउङ् चोगुङे॥

१ कोरिन्‌थि 16:16

नाड्‌डेगा याप्‌मिचिङा मालोडिगा रिङ् खेम्‍सानुम्, हिट्‌नुङ् नाड्‌डेगा गाड्‌डे डोक् टोॽवा काचोक् आरु याप्‌मिचिङा मालोडिगा रिङ् चा टेन्‍डानि नुङ् आङा खानि बिन्‌टि चोक्‍नाँनि॥

१ कोरिन्‌थि 3:9

पोङ्‌भोने आनि सोब्‍बेम्‍बाक् माङ्‌हाङ्‌ङाना टोॽवा काचोक्‌चि ए, हिट्‌नुङ् माङ्‌हाङ्‌ङाना ओबेङ्‌सिम्‍बाक् खानि ए॥ हिट्‌नुङ् खानिम्‍बाक् माङ्‌हाङ्‌ङा चोगुना पाङ् ए॥

२ कोरिन्‌थि 6:1

पोङ्‌भोने आन्‍याँ माङ्‌हाङ्‌लोक् एक्‍केउ टोॽवा काचोक्‍बा लिसिङानाँ खानिङा आटोगुम्‍ना माङ्‌हाङ्‌ङाना मायादायाङाना बारदान खेरोक् लिमा पिनेनुम् नुङ् बिन्‌टि चोक्‍नानि॥

गालाति 6:6

माङ्‌हाङ् उरिङ् सिकाँ कालिबाङा उन्‌लोक् लिसागा ख्‍वाप्‍पा नुगा थोक्‌चि उन् काहिसिक्‍बालोक् हाम्‍मा कोन्‌युक्॥

फिलिप्‌पि 2:16

हिट्‌नुङ् खानिङा चोला आपिना नुना खाबोर याप्‌मिचि लोडानुम्‌चिम्॥ नाड्‌डे आचोगिए भोने आङा खेडोक् डोक् पिन्‍नेट्‌निङ्‌ना रैछो हिट्‌नुङ् मेहेनेत चोगुङ्‌ना खेडोक् खेरो खाट्‌नेट्‌निना रैछो नुङ् खिरिस्‍ट उङ्‌ना बेला आङा आनाभुक् ठेलोक् चोक्‍मा टोगुङ्‌टुङ्॥

फिलिप्‌पि 2:29

टाङ्‌बाङि बिस्‍वासि झान्‍झा नुङ् खुसि लिसानिउङ् उन् स्‍वागाट् चोगानुम्॥ उन् गाड्‌डेगा याप्‌मिचि मान् चोक्‍माचि डोक् कोन्‌युक्॥

फिलिप्‌पि 4:3

हाउ बिस्‍वासिलो आसाइबा, खान्‍ङा नागाचि इप्‍पाङ् मेन्‍झेमाचि ओटोङ्‌चिउङ् उयुङ्‌चि नुङ् घुवार फाडुचि नुङ् लोनाँ, पोङ्‌भोने हिट्‌नागाचिङा आङालोक् एक्‍केउ नुना खाबोर पारचार चोक्‍मा घुवार याङ्‌फासाचे, हिट्‌नुङ् आङालोक् एडोक् माखाक्, हिट्‌नागाचिङा क्‍लेमेस हिट्‌नुङ् आङालोक् एक्‍केउ टोॽवा काचोक् आरु आसाइबाचिलोक् चा टोॽवा चोगाचुए, हिट्‌नागा सोब्‍बेङागा उन्‌चि निङ् चोला आपिना छाप्‍लाङि माङ्‌हाङ्‌ङा छेप्‍टुबिडुएसुचे॥

१ तिमोथि 3:5

खोना चा याप्‌मिङा आप्‍पे ओपाङ्‌ठाङ् नुलोक् खोड्‌डे पारिक् टोङ्‌माना हिट्‌ना निसुन्‍ना भोने, हिट्‌नाँ खोड्‌डे पारिक् माङ्‌हाङ्‌ङाना माङ्‌पाङ्‌ङिगा याप्‌मिचि टोङ्‌मा हिडुचिचिगा टे?

१ तिमोथि 4:10

हिड्‌डेउङ् आन्‍याँ आसाम्‍बाक् उहिङ्‌ग्‍वाट् माङ्‌हाङ्‌ङि युङ्‌सुएसुम्‍मे हिट्‌नुङ् आनि आड्‌डिक् निङ्‌ग्‍वा पिडुमुङ् टोॽवा चोगुम्‍टुम्‍मा॥ उन् सोब्‍बे याप्‌मिचिगा काहिङ्‌मेप्‍बा डाङ्‌बा, हिट्‌नुङ् मुलि गारिम्‍बाक् उन्‌ङि बिस्‍वास काचोक्‍बाचिगा काहिङ्‌मेप्‍बा डाङ्‌बा ए॥

१ तिमोथि 4:14

खान्‍ङा आटोगुना बारदान खेडोक्‍ना पिक्‍सा मिट्‌टुन्, ना बारदान काचाहारि-कुन्‍डालङिगा ओठेडोङ्‌चिङा उन्‌चि मुक् खान्‌ङि उयुङ्‌सुनाँ माङ्‌हाङ् रिङ् कामाप्‍बालाम्‍मा आटोगुना डाना॥

१ तिमोथि 4:16

हिट्‌नुङ् खान्‍ङाना आप्‍पे बारेङि हिट्‌नुङ् आहिसिक्‍टुचिगा रिङ् बारेङि ओचाप्‍पाङ् लिसा॥ नागा रिङ् चोक्‍मा काइले चा नाडुन्॥ नाड्‌डे आचोगे भोने माङ्‌हाङ्‌ङा खान् आप्‍पेलोङ्‌सा हिट्‌नुङ् खान्‍ङा आमाट्‌टुगा रिङ् काखेम्‍बाचि चा हिङुचिचि॥

१ तिमोथि 4:6

खान्‍ङा नागा रिङ्‌चि बिस्‍वासिचि आहिसिक्‍टुचे भोने खान् खिरिस्‍ट येसुङाना नुना सेवा काचोक्‍बा आलियुक्॥ खान्‍ङा पालान् आचोगुना बिस्‍वास लोक् नुना हिसिक्‍माङि डोक् खान् आपोए नुङ् ना रिङ्‌ङा डोक् मानिमेट्‌युक्॥

१ तिमोथि 5:19

इप्‍पाङ् सुम्‍बाङ् साँचि माले सोम्‍मा एल्‍डारङाना बिरुद्‌दाङि फाट्‌टुर ओलाबुना रिङ् खेम्‍मा चा खेम्‍सुन्॥

१ तिमोथि 5:3

साक्‍चा पुसिङा ओवानिगा लाङ्‌मेप्‍माचि लोङ्‌सा मान् चोगुचि हिट्‌नुङ् घुवार फाडुचि॥

२ तिमोथि 2:6

पाइले चासोङ्‌ङाना ओभागा दुखे चोगुङ् टोॽवालासि काचोक्‍बाङा डोक् टोक्‍मा कोन्‌युक्॥

२ तिमोथि 4:2

माङ्‌हाङ् रिङ् पारचार चोगु, बेला लिचा लिनिचा पारचार चोक्‍मा टेयार लिसा, सोब्‍बे थोक्‌चि निङ्‌ग्‍वा रेक्‍टुङ् हिट्‌नुङ् हिसिक्‍टुचिउङ् साल्‍लाह पिडुचि, खेमा लाप्‍टुचि हिट्‌नुङ् आँट् पिडुचि॥

हिब्‍रु 13:17

खानि ओठेडोङ्‌चिगा रिङ् खेम्‍सानुम् हिट्‌नुङ् उन्‌चिङा मालोडिगा टोॽवा चोगानुम्॥ उन्‌चि टोॽवाम्‍बाक् खानि यान्‍दा चोक्‍मा, हिट्‌नुङ् हिट्‌नागाँ ओचोगुना टोॽवाङाना लेखाजोखा हिट्‌नागाँ माङ्‌हाङ् पिमा कोन्‌युक्॥ हिट्‌नुङ् हिट्‌नागाँगा रिङ् खेम्‍सानुम् हिड्‌डेउङ् हिट्‌नागाँ उन्‌चि चाप् टासा टोॽवा ओचोगुटु, उन्‌चि निङ्‌ग्‍वा टुक्‍सा माखाक्॥ हिट्‌नागा खानिङा याङ्‌छामा आपिडुम्‌चिम्‍मे भोने खानिलाउङ्‌सा पाक्‍चा ओचेट्‌नु लिनिना॥

हिब्‍रु 13:24

हिट्‌नि उलिसागा सोब्‍बे ओठेडोङ्‌चि हिट्‌नुङ् बिस्‍वासिचिलाउङ्‌सा आङाना बाबा लोडानुम्‌चिम्॥ इटालिया देसङिगा बिस्‍वासिचिङा चा खानि बाबा माहाक्‍टेसिए॥

हिब्‍रु 13:7

माङ्‌हाङ् उरिङ् काहिसिक्‍बा ओठेडोङ्‌चि खानिङा यान्‍दा चोगानुम्‌चिम्॥ हिट्‌नागा उहिङ्‌ग्‍वाट् उलिसाना बेला हिट्‌नागाँ ओचोगुगा ओचेट्‌नुगा टोॽवा बारेङि मिट्‌टानुम्, हिट्‌नुङ् हिट्‌नागाँ ओचोगुना बिस्‍वास गाड्‌डे डोक् खानिङा चा चोक्‍मा कोन्‌युक्॥