१ तिमोथि 5:15 - आठपहरिया

¹⁵ आङा ना रिङ् लोनाँनि पोङ्‌भोने आम्‍टेप्‍मा लाङ्‌मेप्‍माचिम्‍बाक् पाइले डोक् सैतानलेङ् ओनोक्‍टा ओखाडाइसे॥

१ तिमोथि 5:15 Iomraidhean Croise

मात्‌ति 4:10

येसुङा हिट्‌ना लोडुए, “हाउ सैतान, नाहिलाम्‍मा खाडालेट्‌टा! धारमाछाप्‍लाङि नाड्‌डे छेप्‍टेसे, ‘खान्‍ङा कामाङ्‌हाङ् डाङ्‌बा एडोक् स्‍या चोगु हिट्‌नुङ् उन्‍ङाना एडोक् सेवा चोगु॥’”

१ तिमोथि 1:20

हिट्‌नागा माड्‌डेङि हुमेनियस लोक् आलेक्‍जेन्‍डर ए, नागाचिङा माङ्‌हाङ् लोमाजामा लिनिना नुङ् सिकाँ उलिच्‍याक् नुङ् आङा नागाचि बिस्‍वासिचिलाम्‍मा साम्‍डुङ्‌चिउङ् सैतानङाना उमुक्‌ङि पिडोएसुङ्‌चिङे॥

२ तिमोथि 1:15

एसिया छेट्‌राङि उयुङागा जोम् बिस्‍वासिचिङा याङ्ओनाडागा रिङ् खान्‍ङा ठाहा आटोगुएसुए॥ हिट्‌नागा माध्‍येङि फुगेलास हिट्‌नुङ् हारमोगेनास धारिङा याङ्‌नाडाचे॥

२ तिमोथि 2:18

हिट्‌नागाचिङा सियानालाम्‍मा उहिङ्‌ग्‍वाट् लिमाउङ् कोब्‍माना रिङ् पाइला डोक् लिमा हिडे पिक्‍सा छेम्‍बाना रिङ् नाडाइसाचुए॥ हिट्‌नुङ् नाड्‌डे माट्‌टाचुङ् आम्‍टेप्‍मा याप्‌मिचिगा बिस्‍वास डोक् जाखाम् चोगाइसाचुए॥

२ तिमोथि 4:10

पोङ्‌भोने डेमासङा ना नाराङिगा थोक्‌चिङि उनिङ्‌ग्‍वा पिडुङ् आङा याङ्‌नाडाउङ् उन् थेसालोनिकेङि खाडाइसे॥ केरसेन्‍साम्‍बाक् गालातियाङि हिट्‌नुङ् तितासम्‍बाक् दालामातियाङि खाडाइसे॥

२ पाटरुस 2:2

जोम् याप्‌मिचि हिट्‌नागाँगा चिम्‍मा फुट्‌टुम्‍गा ओचाफेन्‍गा टोॽवालेङ् लाहाब् उलियुक् हिट्‌नुङ् हिट्‌नागाँगा टोॽवाङा चोगुनाँ आरु याप्‌मिचिङा चा छेम्‍बाना लाम्‍बो ओचाफेन्‍लोक् ओचोगुटु॥

२ पाटरुस 3:16

पावालङा उन्‍ङा छेप्‍टुगा ख्‍वाप्‍पा चिट्‌ठिङि नागा रिङ् बारेङि डोक् माट्‌टुए, टरो उन्‍ङा छेप्‍टुगा चिट्‌ठिङिना आम्‍टेप्‍मा रिङ्‌म्‍बाक् बुजा चोक्‍मा टुक्‍ना॥ आम्‍टेप्‍मा याप्‌मिचि जुन् नुलोक् पोढाँ उलिनिगेट्‌निगा हिट्‌नुङ् खोना रिङ् बिस्‍वास चोगुएसुङे हिट्‌ना रिङ्‌ङि निस्‌चित उलिनिगा याप्‌मिचिङा नागा रिङ् आरु धारमाछाप्‍ला गाड्‌डे डोक् हिट्‌ना रिङ्‌ङाना उटुप् एकेलेङ् चोकेलेङ् ओमाट्‌टुटु, हिट्‌नुङ् नाड्‌डे ओचोगुङ् उन्‌चिङा आप्‍पेलोङ्‌सा जाखाम्‌ङि ओठेन्‍डुटु॥

१ युहान्‍ना 2:19

हिट्‌नागा आनिलेङ्‌गा माखाक्, हिट्‌नाड्‌डेउङ् आनि आपोक्‍टाढाउङ् ओखाडे॥ छेम्‍बा हिट्‌नागा आनिगालेङ्‌गा नाउम्‍बे हिट्‌नागा आनिलोक् उयुङेबे, टरो हिट्‌नागा होन्‍डा ओखाडाउङ् हिट्‌नागा आनिगा माखाक् नुङ् ना रिङ्‌ङा पारचिन्‍दा चोगुए॥

पारकास 12:9

हिट्‌ना ठेना ओप्‍पु आच्‍छो बेलाना ओप्‍पु ए, हिट्‌ना दियाबालास हिट्‌नुङ् सैतान चा ओलोडुए, हिट्‌नाँ डोक् सोब्‍बे नाराङिगा याप्‌मिचि बान्‍डुचिगा॥ हिट्‌ना उदुतचिलोक् एक्‍केउ नाराङि ओलेप्‍टुए॥