१ तिमोथि 5:10 - आठपहरिया

¹⁰ हिट्‌नुङ् हिट्‌नाम्‍बाक् ओचेट्‌नु टोॽवा चोगुङ् उनिङ् मुक्‍टाना, नाड्‌डेडोक् आप्‍पे उइछाचि ओचेट्‌नुलोक् पुयुचिगा, ओटागा याप्‌मिचि ओचेट्‌नुलोक् काचोक्‍बा, माङ्‌हाङ् ओयाप्‌मिचिगा लाङ् वासिडुबिडुचिउङ् सेवा काचोक्‍बा, हिट्‌नुङ् याङ्‌छामाङि ओठायागा लोङ्‌सा घुवार काफाबा, हिट्‌नुङ् सोब्‍बे पारागा नुना टोॽवाङि एडोक् निङ्‌गुवा कापिबा मेन्‍झेमा लिमा कोन्‌युक्॥

१ तिमोथि 5:10 Iomraidhean Croise

मात्‌ति 25:17

हिट्‌डेउङ् इप्‍पोक् हाजार साम्‍याङ्‌ङाना राङ् काटोक्‍बाङा चा आरको इप्‍पोक् हाजार साम्‍याङ्‌ङाना राङ् कामाँ चोगुए॥

मात्‌ति 5:16

हिड्‌डे डोक् कुपिङाना व्‍हाङ् गाड्‌डे डोक् खानि व्‍हाङ् चा याप्‌मिचि सोरि ओओम्‌याक्, हिट्‌डेउङ् हिट्‌नागाँ खानिङा आचोगुम्‍ना नुना टोॽवा उनिसुटुटु हिट्‌नुङ् टोनालोग्‌ङिना माङ्‌हाङ् पाबाङाना माहिमा ओचोगुटु॥

लुका 7:38

हिट्‌नुङ् येसु ओएङ्‌स्‍वालेङ् आबाउङ् हाप्‍सा येसु ओलाङ् उमिॽवाङा वेक्‍टुए, हिट्‌नुङ् ओफ्याक्‍ङा टुक्‍सा उन् चुम्‍पा चोक्‍सा स्‍या मेट्‌टुङ् हिट्‌ना आट्‌टार नेक्‍टुबिडुए॥

लुका 7:44

हिट्‌नुङ् येसु हिट्‌ना मेन्‍झेमालेङ् नोक्‍टाउङ् सिमोन लोडुए, “ना मेन्‍झेमा पुयुटे, आङा कापाङ्‌ङि आबाङे, टरो खान्‍ङा आलाङ् वासिमा चुवाधारि आपिनेट्‌निङ्॥ टरो ना मेन्‍झेमाङाउम्‍टे उमिॽवाङा आलाङ् याङ्‌वासिडाबिडे हिट्‌नुङ् ओफ्याक्‍ङा याङ्‌टुगाबिडे॥

मुलिचेला टोॽवा 10:22

हिट्‌नागाँ उन् ओलोडुए, “काप्‍तान कारनालियासङा आन्‍याँ याप्‌मि पाङ्‌साना॥ उन् धारमोति हिट्‌नुङ् माङ्‌हाङ्‌लोक् किट्‌ना हिट्‌नुङ् सोब्‍बे याहुदिचिङा आड्‌डिक् डोक् मान् ओचोगुना याप्‌मि ए॥ ठिबाङ् सेङ्‌सेङ्‌ना माङ्‌हाङ् रिङ् काउग्‍बा उन्‌ङि ठेट्‌टे हिट्‌नुङ् ओपाङ्‌ङि खान् खाप्‍मा हिट्‌नुङ् कारिङ् ओखेम्‍सुवाक् नुङ् उन् लोडुए॥”

मुलिचेला टोॽवा 22:12

“हिट्‌नुङ् हिट्‌ना खालाङ्‌गाङि हानानिया निङ् लिसाना ठिबाङ् याप्‌मि युङाना॥ ना याप्‌मि मोसाङा छेप्‍टुना धारमाबिधि पालान् काचोक्‍बा धारमोति याप्‌मि डाना हिट्‌नुङ् सोब्‍बे दामास्‍कासङिगा याहुदिचिङा मान् ओचोगुना डाना॥

मुलिचेला टोॽवा 6:3

हिड्‌डेउङ् खानि माझालाम्‍मा सि जाना उन्‌चि निङ्‌ला मुक्‍टागा सेङ्‌सेङ्‌ना हाङ्‌साङाना बोल् हिट्‌नुङ् कानिबा उलिसागा याप्‌मिचि सेगानुम्‌चिम्॥ हिट्‌नागा नागा टोॽवा जिम्‍मा पिडुम्‌चिम्॥

मुलिचेला टोॽवा 9:36

योप्‍पा खालाङ्‌गाङि ताबिता उनिङ् लिसाना ठिबाङ् मेन्‍झेमा बिस्‍वासि डाना॥ (हिट्‌नाङाना उनिङ् गिरिक् रिङ्‌ङि डोरकास ओलोडुए, नाङाना उटुप् हारिनि लियुक्॥) हिट्‌नाँ आरु लोङ्‌सा ओचेट्‌नुना टोॽवा चोगुगा डागा हिट्‌नुङ् पाक्‍चा ओवानिगालोङ्‌सा घुवार फाडुचिगा डागा॥

मुलिचेला टोॽवा 9:39

हिड्‌डेउङ् पाटरुस चा टेयार लिसाउङ् हिट्‌नागालोक् योप्‍पाङि खाडे हिट्‌नुङ् हिट्‌नि ओटासुङ् हिट्‌नागाँ उठुङ्‌ङिना टालाङि उन् ओखाट्‌टुए॥ हिट्‌नि लाङ्‌लेप्‍माचि पाटरुसङाना याम्‍बा-नायाम्‍बा ओयेबाउङ् डोरकास उहिङ्‌ग्‍वाट् बेला फुयुगा लोट्‌लिङ्‌चि निमेट्‌सा हिट्‌नागा ओहाबे॥

रोमि 12:13

आभोरङि ओठायागा माङ्‌हाङ् ओयाप्‌मिचि घुवार फाडानुम्‌चिम्, हिट्‌नुङ् पाङ्‌ङि ओटागा पाहुनाचि ओचेट्‌नुलोक् मेट्‌टानुम्‌चिम्॥

एफिसि 2:10

माङ्‌हाङ्‌ङा आनि आचोगाना ए॥ खिरिस्‍ट येसुलोक् आनिना साम्‍बान्‍धा लिसानाँ, आनि चोलाङि नुना टोॽवा चोक्‍मा लाउङ्‌सा ओछोङ्‌ग्‍वाट् चोला आनि टोगुएसुम्‍मे॥ आनि हिट्‌नागा नुगा टोॽवा चोगुम् नुङ् माङ्‌हाङ्‌ङा पाइले डोक् टेयार चोगुएसुना॥

कालास्‌सि 1:10

खानिङा टाङ्‌बाङाना उनिङ्‌ग्‍वा टाना चोला गाड्‌डे चोगानिउङ् सोरोक् उन् हारका चोगानुम् नुङ् आन्‍याँ बिन्‌टि ठाङ्‌सुम्‍टुम्‍मा॥ हिट्‌नुङ् खानि चोलाङा सोब्‍बे नुगा टोॽवा हिट्‌नुङ् माङ्‌हाङ् आझै नुलोक् मिसेन् आनिसुम्‍टुम्॥

१ तिमोथि 2:10

टरो माङ्‌हाङ्‌ङाना सेवा काचोक् मेन्‍झेमाचिङा आप्‍पेलोङ्‌सा खान्‍डुना ओचेट्‌नुना टोॽवा एरोक् ओचोगुवाक्॥

१ तिमोथि 3:2

हिट्‌डेउङ् माङ्‌पाङ्‌ङिना ओठेडोङ्‌म्‍बाक् फाट्‌टुर मालेना लिमा कोन्‌युक्॥ उन्‍ङाना ठिबाङ् एडोक् ओटालिमाङ् लिमा कोन्‌युक्, काबुङि कायुङ्‌बा, सोब्‍बेङा मान् ओचोगुना, याप्‌मिचि ओटानाँ स्‍वागाट् काचोक्‍बा, सिकाँ चोक्‍मा काहिबा,

१ तिमोथि 3:7

उन्‌बाक् बिस्‍वास ओचोगुन्‍गेट्‌टुन्‍गा याप्‌मिचिङा चा नुना याप्‌मि नुङ् मिसेन् उनिसुना लिमा कोन्‌युक्, हिट्‌नुङ् एरोक् याप्‌मिचिङा उन् ओलोडुजोन्‍ना हिट्‌नुङ् सैतानङाना वारिक्‌ङि ठानिना॥

१ तिमोथि 5:16

हिट्‌नुङ् बिस्‍वासि मेन्‍झेमाङाना ओपाङ्‌ठाङ्‌ङि आम्‍टेप्‍मा लाङ्‌मेप्‍माचि ओवाहेट् भोने उन्‍ङा डोक् हिट्‌नागा लाङ्‌मेप्‍माचि पुमाचि कोन्‌युक्, हिट्‌नुङ् माङ्‌पाङ्‌ङा ना भार फोक्‍मा कोन्‌निना, हिट्‌डेउङ् माङ्‌पाङ्‌ङाम्‍बाक् छेम्‍बा डोक् चाहाब्‌ङि उलिसागा लाङ्‌मेप्‍माचि घुवार फामा उहिडुचिचि॥

१ तिमोथि 5:25

हिट्‌नाडे डोक् आम्‍टेप्‍मा ओचेट्‌नुगा टोॽवाचिम्‍बाक् पारचिन्‍दा ओठेट्‌युक्, हिट्‌डेउङ् याप्‌मिचिङा एला डोक् ठाहा ओटोगुटु, हिट्‌नुङ् चा सोगोप् ओचेट्‌नुगा टोॽवाचि चोक्‍बालाक् चा ठोप्‍मा उहिनिगा॥

१ तिमोथि 6:18

हिट्‌नागाँ आरु नुलोक् ओमेट्‌टुच्‍याक्, हिट्‌नुङ् नुगा टोॽवाचि जोम् ओचोगुवाक्, हिट्‌नुङ् याप्‌मिचि खेरोक् पिमा हिट्‌नुङ् हाम्‍माजामाङि उन्‌चि निङ्‌ग्‍वा उपिडुवाक् नुङ् लोडुचि॥

२ तिमोथि 1:5

खान्‌ङि लिसाना हिट्‌ना छेम्‍बाना बिस्‍वास आङा मिट्‌टुङ्‌टुङ्॥ हिट्‌ना बिस्‍वास डोक् पाइले काटुडुमा लोइस लोक् कामा युनिसङि डाना, हिट्‌नुङ् आझै हिट्‌ना बिस्‍वास डोक् खान्‌ङि चा युङ्‌ग्‍वा नुङ् आङा निस्‌चित लिसाइसाङे॥

२ तिमोथि 2:21

हिट्‌नुङ् याप्‌मिङा आप्‍पेलोङ्‌सा ओचाफेन्‍ना टोॽवालाम्‍मा सुद्‌दो चोगुटु भोने हिट्‌नाम्‍बाक् नुगा थोक्‌चि युङ्‌मा लोङ्‌सा चालाँ चोक्‍बालाक् भाँडा बारतान गाड्‌डेना डोक् लियुक्॥ हिट्‌नुङ् हिट्‌नाँ आप्‍पेलोङ्‌सा चोखो युङ्‌सुङ् पाङ्‌डाङ्‌बा लोङ्‌सा सोब्‍बे पारिक्‍ङाना नुना टोॽवाङि टेयार लियुक्॥

२ तिमोथि 3:15

हिट्‌नुङ् कापिच्‍छा बेलालाम्‍मा डोक् खान्‍ङा सेङ्‌सेङ्‌ना धारमाछाप्‍ला बारेङि ठाहा आटोगुएसुए॥ नागा रिङ्‌ङा डोक् खान् खिरिस्‍ट येसुङि लिसाना बिस्‍वासलाम्‍मा टोगुम्‍ना मुक्‌टि बारेङि बुजा चोक्‍माना ठोना मापियुक्॥

२ तिमोथि 3:17

हिट्‌नुङ् माङ्‌हाङ्‌ङाना ओयाप्‌मिचिङा सोब्‍बे पारिग्‍गा नुगा टोॽवाचि चोक्‍मा उहिडुवाक् नुङ् डोक् धारमाछाप्‍ला पिबालाक् ए॥

तितास 2:14

येसु खिरिस्‍टङा आनिगा सोब्‍बे पारिग्‍गा पापलाम्‍मा साम्‍मा लोङ्‌सा ओसोक्‍मा डोक् पिडुए॥ उन्‍ङा आनि चोख्‍याँ आचोगाउङ् आप्‍पे ओयाप्‌मिचि आचोगे, हिट्‌नुङ् नुना टोॽवा एरोक् चोक्‍माना निङ्‌ग्‍वा याप्‌मिचि पिडुचे॥

तितास 2:7

सोब्‍बे थोक्‌ङि खान्‍ङा आप्‍पे डोक् नुना टोॽवा चोगु हिट्‌नुङ् ठाङ्‌बेन्‌चिङा खान्‍ङाना सिको माचोक्‌युक्॥ खान्‍ङा सिकाँ आचोगुचिनाँ ढाँट मिफोक्‍ङे हिट्‌नुङ् लुम्‍भोक् लोना रिङ् हिसिक्‍टुचि॥

तितास 3:1

तितास, बिस्‍वासिचिङा सासाक्‌चि हिट्‌नुङ् ओठेडोङ्‌चिगा उछिक्‌ङि वामा हिट्‌नुङ् हिट्‌नागा आग्‍याँकारि हिट्‌नुङ् सोरोक् नुगा टोॽवाचि चोक्‍मा टेयार लिमा कोन्‌युक् पिक्‍सा मिप्‍मा मेट्‌टुचि॥

तितास 3:14

आनि याप्‌मिचिङा खेरोक् डोक् उन्‌चि चोला खेरो उटिसुन्॥ आनि याप्‌मिचि ओचेट्‌नुना टोॽवा चोक्‍मा लोङ्‌सा सिकाँ उलि हिट्‌नुङ् टुल्‍फुल केङ्‌मा उहिडुन्‍गा उलिनि चा॥

तितास 3:8

ना छेम्‍बाना रिङ् ए॥ माङ्‌हाङ्‌ङि बिस्‍वास काचोक्‌चि टेप्‍माङा नुना टोॽवा चोक्‍मा लोङ्‌सा निङ्‌ग्‍वा उपिडु नुङ् खान्‍ङा नागा रिङ्‌ङि जोड पिडु नुङ् आङा खान् लोनाँ॥ नाड्‌डेगा रिङ्‌चि चोक्‍मा याप्‌मिचि लोङ्‌सा आड्‌डिक् ओचेट्‌नुना हिट्‌नुङ् घुवार आफाना रिङ् ए॥

हिब्‍रु 10:24

हाट्‌ले ठिबाङ्‌ङा आरको माया चोक्‍माना रिङ् हिट्‌नुङ् नुना टोॽवा चोक्‍मा लाउङ्‌सा खोड्‌डेउङ् आँट् पिमा हिडुम्‌चिम्‌चिम्‍ना हिट्‌ना रिङ्‌ङि निङ्‌ग्‍वा चोगुम्॥

हिब्‍रु 13:2

खानि पाङ्‌ङि ओटागा याप्‌मिचि स्‍वागाट् चोक्‍मा मुन्‍नेनुम्, पोङ्‌भोने नाड्‌डे ओचोगुङ् डोक् कोइ-कोइङा ठाहा डोक् मिटोक्‍ङे माङ्‌हाङ् रिङ् काउग्‍बाचि चा स्‍वागाट् ओचोगुचे॥

१ पाटरुस 2:12

आबिस्‍वासि याप्‌मिचिगा माझाइ खानि चाट्‌ला नुना उलियाक्॥ हिट्‌नुङ् खानिङा आचोगुम्‍ना गाल्‌ति रिङ्‌ङाना हिट्‌नागाँ फाट्‌टुर मालाबिए भोने चा हिट्‌नागाँ खानिगा ओचेट्‌नुना टोॽवा उनिसुवाक् हिट्‌नुङ् माङ्‌हाङ्‌ङा नाराङिगा याप्‌मिचिगा न्‍याए चोगुनाँ हिट्‌नागाँ उन्‍ङाना माहिमा ओचोगुवाक्॥

१ पाटरुस 4:9

हारका लिसानिउङ् ठिबाङ्‌ङा आरको खानि पाङ्‌ङि स्‍वागाट् चोगानुम्‌चिम्॥

३ युहान्‍ना 1:12

डेमेतिरयासम्‍बाक् सोब्‍बेङा ओचेट्‌नु ओलोडुना, हिट्‌नुङ् उन् छेम्‍बाना रिङ्‌ङि वाना युङ्‌ना, हिट्‌नुङ् ना रिङ्‌ङा डोक् उन् ओचेट्‌नुना याप्‌मि नुङ् पारमान् चोगुटु॥ हिट्‌नुङ् आनि चा नाङाना साँचि पिडुम्‍टुम्, हिट्‌नुङ् आनि साँचि छेम्‍बाना नुङ् खान्‍ङा ठाहा आटोगुटु॥