१ तिमोथि 5:1 - आठपहरिया

¹ पासिङ् लिसाना याप्‌मि खेमालाप्‍टुन्, टरो आप्‍पे पाबा गाड्‌डे डोक् मान् चोगुङ् साल्‍लाह पिडु॥ खान् नुङ्‌ना ओखाट्‌टिउगा लोङ्‌सा आप्‍पे कान्‍झाचि गाड्‌डे डोक् चाट्‌ला मेट्‌टुचि॥

१ तिमोथि 5:1 Iomraidhean Croise

मात्‌ति 23:8

“टरो खानिम्‍बाक् साङा चा ‘काहिसिक्‍बा’ मालोडिन्‍चा, पोङ्‌भोने खानि काहिसिक्‍बाम्‍बाक् ठिबाङ् एना, हिट्‌नुङ् खानिम्‍बाक् सोब्‍बे ठिक्‍ए भुम्‍भु-झान्‍झाचि ए॥

मुलिचेला टोॽवा 14:23

हिट्‌नागाचिङा सोरोक् माङ्‌पाङ्‌ङि ओठेडोङ्‌चि सेगाचुए हिट्‌नुङ् उपासा युङाचिउङ् बिन्‌टि चोक्‍सा हिट्‌नागालोङ्‌सा उन्‌चिङा आप्‍पे बिस्‍वास ओचोगुना येसु डाङ्‌बाङाना उमुक्‌ङि सामारपान् चोगाचुए॥

मुलिचेला टोॽवा 15:4

जब हिट्‌नागा यरुसलेम खालाङ्‌गाङि ओटासुए, हिट्‌नुङ् माङ्‌पाङ्‌ङिगा बिस्‍वासिचिङा, मुलिचेलाचिङा हिट्‌नुङ् एल्‍डारचिङा हिट्‌नागा स्‍वागाट् ओचोगुचे॥ हिट्‌नुङुना हिट्‌नागाँ माङ्‌हाङ्‌ङा उन्‌चिलाम्‍मा चोगुना सोब्‍बे टोॽवाङाना बारेङि हिट्‌नागाँ हिट्‌नि ओखेम्‍मेट्‌टुचे॥

मुलिचेला टोॽवा 15:6

हिट्‌डे लिसाउङ् ना रिङ् बारेङि मुन्‍डुप्‍मा मुलिचेलाचि हिट्‌नुङ् ओठेडोङ्‌चि उछुमे॥

मुलिचेला टोॽवा 20:17

पावालङा मिलेटास खालाङ्‌गालाम्‍मा एफिसास माङ्‌पाङ्‌ङिगा ओठेडोङ्‌चि छेम्‌सिङा याप्‌मिचि पाङ्‌सुचे॥

रोमि 13:7

खानिङा हुङ्‌मा कोन्‍ना रिङ् युङ्‌ग्‍वा भोने सोब्‍बेलाउङ्‌सा हुङानुम्॥ तिरो हुङ्‌मा कोन्‍ना युङ्‌ग्‍वा भोने सोब्‍बे तिरो हुङानुम्, खानिङा मान् चोक्‍मा कोन्‍ना याप्‌मिलाउङ्‌सा मान् चोगानुम्, हिट्‌नुङ् इज्‍जात चोक्‍मा कोन्‍नालाउङ्‌सा इज्‍जात चोगानुम्॥

गालाति 6:1

आम्‍भु-आन्‍झाचि हिट्‌नुङ् आनो-आन्‍झाचि, कोइ याप्‌मिङा ओचाफेम्‍मा टोॽवा चोगुना आटुबुम्‍मे भोने, खानि माङ्‌हाङ्‌ङाना ओहाङ्‌साङि दोरो आलिसागा मेयोक् लिसानिउङ् हिट्‌ना सुधार चोक्‍मा कोन्‌युक्॥ टरो ओछेक्‍छेक् चोगानि, नाभाउम्‍टे खानि चा निङ्‌ग्‍वा छिक्‍माङि ठामा आहिडिटि॥

१ तिमोथि 5:17

माङ्‌पाङ्‌ङिगा ओठेडोङ्‌चि नुलोक् आगुवाइ काचोक्‌चि मान् लोक् उयुसिचिलोक् निमेक् पिमाचि नुगा उलियुक्, मुलिगारि माङ्‌हाङ् रिङ् पारचार काचोक्‌चि हिट्‌नुङ् सिकाँ चोक्‍मा निङ्‌ग्‍वा कापिबाचिङा टोक्‍मा डोक् कोन्‌युक्॥

१ तिमोथि 5:2

मासिङ् उलिसागा मेन्‍झेमाचि आप्‍पे मामा गाड्‌डे डोक् हिट्‌नुङ् कायेप्‍माचि आड्‌डिक् चोखो निङ्‌ग्‍वाङि आप्‍पे झान्‍झाचि गाड्‌डे डोक् चाट्‌ला मेट्‌टुचि॥

तितास 2:2

पासिङ् याप्‌मिचि निङ्‌ग्‍वा काबुङि कायुङ्‌बा, इमान इज्‍जात लिसाना हिट्‌नुङ् नुलोक् जोम् निङ्‌ग्‍वा कारिबा, बिस्‍वासङि दोरो, माया काचोक्‍बा हिट्‌नुङ् सोब्‍बे रिङ् आङ्‌मा काहिबा लिसानि पिक्‍सा हिसिक्‍टुचि॥

तितास 2:6

नाड्‌डेडोक् ठाङ्‌बेन्‌चि चा आप्‍पेलोङ्‌सा जोम् निङ्‌ग्‍वा कारिबा लिमा कोन्‌युक् पिक्‍सा नुलोक् लोडुचि॥

याकुब 3:17

टरो टोनालाम्‍मा लिना ठोनाम्‍बाक् हिट्‌ना आड्‌डिक् डोक् चोखो लियुक्, हिट्‌नाम्‍बाक् सोब्‍बे काटोङ्‌बा, आड्‌डिक् सुदो हिट्‌नुङ् सोब्‍बेलोक् टोङ्‌ना लियुक्॥ हिट्‌नुङ् आड्‌डिक् लुक्‍मा काटुक्, सोरोक् नुना टोॽवा काचोक्‍बा, टो यो चोक्‌निना हिट्‌नुङ् ढाँट् फोक्‌निना लियुक्॥

याकुब 5:14

खानि माड्‌डे कोइ टुग्‍एट्‌नि? उन्‍ङा माङ्‌पाङ्‌ङिगा ओठेडोङ्‌चि ओछेम्‍डुचियाक्, हिट्‌नुङ् हिट्‌नागाँ टाङ्‌बाङाना उनिङ्‌ङि क्‍या ओनेक्‍टुङ् उन्‌लोङ्‌सा बिन्‌टि ओचोगुबिडुवाक्॥

१ पाटरुस 5:1

हाट्‌ले माङ्‌पाङ्‌ङिगा ओठेडोङ्‌चि लाउङ्‌सा आङा ठिक् रिङ् लोनाँनि॥ आङा चा माङ्‌पाङ्‌ङिना ओठेडोङ् डोक् हिट्‌नुङ् खिरिस्‍टङा आङ्‌डुना याङ्‌छामा आङा आप्‍पे निसुएसुङ्‌ङे॥ हिट्‌नुङ् ठेट्‌टा लाबाना माहिमाङि साहाभागि आङा चा लिङा॥ आङा खानि साइबा ओठेडोङ् लिसाङ्‌नाँ खानि लोनाँनि,

२ युहान्‍ना 1:1

आङा माङ्‌पाङ्‌ङिना ओठेडोङ्‌लाम्‍मा माङ्‌हाङ्‌ङा सेगुना मेन्‍झेमा लोक् ओछालेट्‌चिलोङ्‌सा ना चिट्‌ठि छेप्‍टुएट्‌टुङ्॥ छेम्‍बा डोक् आङा खानि ख्‍वाप्‍पा माया चोक्‍नाँनि॥ आङा एरोक् माखाक् टरो छेम्‍बाना रिङ् ठाहा काटोक्‍बा सोब्‍बेङा खानि माया माचोगिटि॥

३ युहान्‍ना 1:1

आङा माङ्‌पाङ्‌ङिना ओठेडोङ् युहान्‍नालाम्‍मा, छेम्‍बा डोक् आङा माया चोगुङ्‌ना गायासलाउङ्‌सा ना चिट्‌ठि छेप्‍टुङ्‌गेट्‌टुङ्॥

पारकास 4:4

हिट्‌ना सिङासान् याम्‍बा-नाआम्‍बा आरु चौबिस ओटा सिङासान् ओडागा, हिट्‌नुङ् हिट्‌नि उन्‌चि टेहेक्‌ङि साम्‍मेङ्‌ङाना मुकुट् हिट्‌नुङ् फुट्‌ना लोट्‌लिङ् ओवाडुएसुगा चौबिस जाना ओठेडोङ्‌चि उयुङेसागा आङा निसुङे॥