१ तिमोथि 4:16 - आठपहरिया

¹⁶ हिट्‌नुङ् खान्‍ङाना आप्‍पे बारेङि हिट्‌नुङ् आहिसिक्‍टुचिगा रिङ् बारेङि ओचाप्‍पाङ् लिसा॥ नागा रिङ् चोक्‍मा काइले चा नाडुन्॥ नाड्‌डे आचोगे भोने माङ्‌हाङ्‌ङा खान् आप्‍पेलोङ्‌सा हिट्‌नुङ् खान्‍ङा आमाट्‌टुगा रिङ् काखेम्‍बाचि चा हिङुचिचि॥

१ तिमोथि 4:16 Iomraidhean Croise

मारकुस 13:9

“खानिम्‍बाक् ओछेक्‍छेक् चोगानि, पोङ्‌भोने हिट्‌नागाँ खानि मालाबिउङ् आड्‌डा आदालातङि माखाट्‌टिटि, हिट्‌नुङ् याहुदिचिगा छुम्‍मापाङ्‌ङि माखाट्‌टिउङ् मालेम्‌सिटि॥ खानिङा आङि बिस्‍वास आचोगुम्‍नाँ खानि सासाक्‌चि हिट्‌नुङ् हाङ्‌बाचि सोरि चा माखाट्‌टिटि, हिट्‌नुङ् खानिङा आङाना बारेङि गाबाइ पिमा कोन्‌युक्॥

लुका 21:34

“ओछेक्‍छेक् चोगानि, जोम् मोजमोज्‍जाङि, चामा-ठुङ्‌माङि हिट्‌नुङ् ना चोला लोङ्‌सा खानि निङ्‌ग्‍वा टिनेनुम्॥ हिट्‌डे आचोगिए भोने खानि निङ्‌ग्‍वा डोम्‍डोम्‍ना लियुक् हिट्‌नुङ् जिवाट्‌चि वारिक्‌ङि ओठाया गाड्‌डे डोक् हिट्‌ना लेम्‍बा खानिङा आमिट्‌निम्‍गेट्‌निम्‍ना बेला खानिङाना आन्‍तेङाना लेम्‍बा टायुक्॥

मुलिचेला टोॽवा 26:22

टरो हाट्‌ले लेम्‍बा सोम्‍मा माङ्‌हाङ्‌ङा आङा घुवार याङ्‌फाडाइसे॥ हिड्‌डेउङ् डोक् ठेगा हिट्‌नुङ् खाट्‌टिगा खानि सोब्‍बे सोरि येसुङाना बारेङि माट्‌सा आङा नेहि येबाइसाङे॥ माङ्‌काटाचिङा हिट्‌नुङ् मोसाङा ओमाट्‌टुगा रिङ् युयुक् नुङ् ओमाट्‌टुगा माले आरु याप्‍मा रिङ् आङा पाक्‍चा पारचार चोक्‌निङ्‌गेट्‌निङ्‌ना॥

मुलिचेला टोॽवा 6:4

टरो आनिम्‌बाक् सोरोक् बिन्‌टि चोक्‍मा हिट्‌नुङ् माङ्‌हाङ्‌ङाना रिङ् पारचार चोक्‍माना टोॽवाङि लाहाब् लिसि॥”

रोमि 11:14

आङा चोगुङ्‌ना ना टोॽवालाम्‍मा आप्‍पे आयाहुदि याप्‌मिचिगा उन्‌चि रेक् काट्‌युक्, हिट्‌नुङ् हिट्‌नागा इम्‍टेप्‍माम्‍बाक् माङ्‌हाङ्‌लेङ् ओनोक्‌युक् नुङ् आङा आसा चोगुङ्‌टुङ्॥

रोमि 16:17

आम्‍भु-आन्‍झाचि हिट्‌नुङ् आनो-आन्‍झाचि, हाट्‌ले आङा खानि एक्‍खेप् बिन्‌टि चोक्‍नाँनि॥ खानिङा पाइले सिकाँ आलिसिगा छेम्‍बाना रिङ् बिरुद्‌दाङि उलिसागा याप्‌मिचिलाम्‍मा ओछेक्‍छेक् चोगानि॥ नागा याप्‌मिचिङा खानिङि साम्‍माना रिङ् ओटाडुटु हिट्‌नुङ् इम्‍टेप्‍मा याप्‌मिचिगा बिस्‍वास डोक् आरकोलेङ् ओलेङ्‌सुटु॥ हिट्‌डेउङ् हिट्‌नागा याप्‌मिचिलोक् या युङानि॥

रोमि 2:7

जुन् याप्‌मिचिङा ओचेट्‌नुना टोॽवा ओचोगुयाक्‍टुटु, माङ्‌हाङ्‌ङाना माहिमा, मान् चोक्‍मा, हिट्‌नुङ् सिनिना चोला लाउङ्‌सा उहिङ्‌युक् हिट्‌नागा माङ्‌हाङ्‌ङा लाट्‌निना चोला पिडुचिचि॥

१ कोरिन्‌थि 1:21

नाराङिगा याप्‌मिचिङा आप्‍पे उन्‌चि ठोनाङा माङ्‌हाङ् मिसेन् निमा उहिडुन्‍ना रिङ् माङ्‌हाङ्‌ङाना ओठानाङा निरनाए चोगुए, हिट्‌ना ओसाट्‌टोङि आन्‍याँ पारचार चोगुम्‍माना मुरखा रिङ्‌लाम्‍मा डोक् बिस्‍वास काचोक् याप्‌मिचि हिङ्‌माना निङ्‌ग्‍वा चोगुए॥

१ कोरिन्‌थि 9:22

आङा निम्‍छारो उलिसागा याप्‌मिचिङि वाङानाँ हिट्‌नागाँ चा खिरिस्‍टङि बिस्‍वास ओचोगु नुङ् उन्‌चि गाड्‌डे डोक् निम्‍छारो लिङा॥ नाड्‌डेउङ् खोड्‌डे पारिक् लियुक्‍ना सोब्‍बे याप्‌मिचि हिङ्‌मा हिडुङ्‌चिङ् नुङ् ख्‍वाप्‍पा लाउङ्‌सा आङा सोब्‍बे थोक् लिङा॥

१ कोरिन्‌थि 9:27

हिट्‌नुङ् आङा पाक् चोक्‍मा मिट्‌नाङाना हिट्‌ना चोक्‍मालाउङ्‌सा आयेम् साधाँ चोगुङ्‌टुङ्, आङा नाड्‌डे चोक्‍नेट्‌निङ् भोनेम्‍टे आरुलाउङ्‌सा नुना खाबोर पारचार चोगुङ्‌ना टोॽवाङाना पुरेस्‍कार टोक्‌निङ्‌ना॥

एफिसि 4:14

हिट्‌नुङ् आनि खाटिउगा पिच्‍छाचि गाड्‌डे लिसिन्‍गा॥ हिट्‌नुङ् हिॽवाङा आनि याम्‍बा-नायाम्‍बा आमुट्‌टि गाड्‌डे छालाँ काचोक् याप्‌मिचिगा ओचाप्‍पाङ् हुसिक्‍माङा आनि आवान्‌निना॥

कालास्‌सि 4:17

हिट्‌नुङ् “टाङ्‌बाङा जिम्‍मा मापिडाना टोॽवा खान्‍ङा युमा कोन्‌युक्” नुङ् आरखिप्‍पास लोडानुम्॥

१ थेसालोनिकि 2:16

हिट्‌नागाँ आन्‍याँलाउङ्‌सा पानिछोङ्‌बाचि लाउङ्‌सा मुक्‌टि टोक्‍माना रिङ् पारचार चोक्‍मा याप्‌मि छाक्‍मा ओकोले॥ नाड्‌डे ओचोगुङ् हिट्‌नागाँ सोरोक् पाप चोक्‍सा ओखाडे॥ टरो आखेरिङि माङ्‌हाङ्‌ङाना ओरेक् हिट्‌नागा उठुङ्‌ङि ठाइसे॥

१ तिमोथि 1:3

आङा माकेडोनिया खाडाङ्‌ना बेला खान् आनुरोध चोक्‍ना गाड्‌डे डोक् एफिसास खालाङ्‌गाङि डोक् युङा, हिट्‌नुङ् माङ्‌जोगा रिङ् काहिसिक्‍बाचि हिट्‌नाडे चोक्‍नेनिन् नुङ् आग्‍याँ पिडुचि,

१ तिमोथि 4:15

नागा रिङ्‌चि नुलोक् चोगु हिट्‌नुङ् सोब्‍बे कानिङ्‌ग्‍वा हिट्‌नि डोक् पिडुयाक्‍टु॥ हिट्‌डेउङ् खान्‍ङा ओचोगुना पारगाति सोब्‍बेङा उनिसुटु॥

१ तिमोथि 4:6

खान्‍ङा नागा रिङ्‌चि बिस्‍वासिचि आहिसिक्‍टुचे भोने खान् खिरिस्‍ट येसुङाना नुना सेवा काचोक्‍बा आलियुक्॥ खान्‍ङा पालान् आचोगुना बिस्‍वास लोक् नुना हिसिक्‍माङि डोक् खान् आपोए नुङ् ना रिङ्‌ङा डोक् मानिमेट्‌युक्॥

२ तिमोथि 2:10

हिट्‌डेउङ् माङ्‌हाङ्‌ङा सेगुचिगा ओयाप्‌मिचि लोङ्‌सा खिरिस्‍ट येसुलाम्‍मा टोगुम्‍ना मुक्‌टि हिट्‌नुङ् खोना बेला चा लाट्‌निना माहिमा ओटोगु नुङ् सोब्‍बे याङ्‌छामा आङा आङ्‌डुङ्‌टुङ्॥

२ तिमोथि 3:14

टरो खान्‌उम्‍बाक् खान्‍ङा सिकाँ आलिसाना हिट्‌नुङ् छेम्‍बाना ए नुङ् बिस्‍वास आचोगुना रिङ्‌ङि लाहाब् लिसायाक्‍टा॥ हिट्‌नागा रिङ् खान्‍ङा साक् साक्‌लाम्‍मा सिकाँ आलिसेना हिट्‌ना खान्‍ङा ठाहा आटोगुएसुए॥

२ तिमोथि 4:2

माङ्‌हाङ् रिङ् पारचार चोगु, बेला लिचा लिनिचा पारचार चोक्‍मा टेयार लिसा, सोब्‍बे थोक्‌चि निङ्‌ग्‍वा रेक्‍टुङ् हिट्‌नुङ् हिसिक्‍टुचिउङ् साल्‍लाह पिडुचि, खेमा लाप्‍टुचि हिट्‌नुङ् आँट् पिडुचि॥

तितास 1:9

उन्‍ङा सिकाँ लिसाना ना बिस्‍वासिलो खाबोर छेम्‍बाना ए नुङ् बिस्‍वास काचोक्‍बा उन् लिमा कोन्‌युक्, हिट्‌डेउङ् उन्‍ङा आरु चा माहामाना हिसिक्‍मा ए पिक्‍सा पारचार चोक्‍मा हिट्‌नुङ् आँट् पिमा हिडुचिचि, हिट्‌नुङ् ना छेम्‍बाना रिङ् इन्‍कार काचोक्‍बा याप्‌मिचि चा खानि माङ्‌जोगा ए पिक्‍सा लोमा हिडुचिचि॥

तितास 2:15

तितास, खान्‍ङा नागा रिङ् हिसिक्‍टुचि, हिट्‌नुङ् आधिकारलोक् हिट्‌नागा आरति पिडुचि हिट्‌नुङ् खेमा लाप्‍टुचि॥ खान्‍ङा खोना चा इनामा लोमा मौका पिडुन्‌चिन्॥

तितास 2:7

सोब्‍बे थोक्‌ङि खान्‍ङा आप्‍पे डोक् नुना टोॽवा चोगु हिट्‌नुङ् ठाङ्‌बेन्‌चिङा खान्‍ङाना सिको माचोक्‌युक्॥ खान्‍ङा सिकाँ आचोगुचिनाँ ढाँट मिफोक्‍ङे हिट्‌नुङ् लुम्‍भोक् लोना रिङ् हिसिक्‍टुचि॥

फिलेमोन 1:19

आङा पावाल, आप्‍पे आमुक्‌ङा छेप्‍टुएट्‌टुङ्, हिट्‌ना नाॽवा आङा डोक् हुङुङ्‌टुङ्॥ खान् आप्‍पेङा चा ना चोला आङालाम्‍मा डोक् ओटोगुना नुङ् माप्‍मा याक्‍मा कोन्‌निना होला॥

हिब्‍रु 12:15

माङ्‌हाङ्‌ङाना ओमायादायालाम्‍मा साक्‍चा लाट्‌माङ् उलिनि चा नुङ् ठिबाङ्‌ङा आरको यान्‍दा चोग्‍गा चोक् चोगानि॥ निङ्‌ग्‍वा टुक्‍ना रिङ्‌ङा चुङ्‌माना रिङ् उलिनि चा, हिट्‌नुङ् हिट्‌ना बिखालु गाड्‌डेना निङ्‌ग्‍वा टुक्‍ना रिङ्‌ङा आरु आसुद्‌दो ओचोगुन्‍चा॥

हिब्‍रु 13:9

खाले-खाले ओछोङ्‌ग्‍वाट् हिसिक्‍माङा छेम्‍बाना रिङ्‌लाम्‍मा गालात लाम्‍बोलेङ् माखाट्‌टिन्‍चा॥ पोङ्‌भोने चामा-ठुङ्‌मागा रिङ्‌ङा आनि निङ्‌ग्‍वा बोल्‍लेउ चोगुन्‍ना, टरो माङ्‌हाङ्‌ङाना मायादायाङा एडोक् आनि निङ्‌ग्‍वा बोल्‍लेउ चोगुटु॥ चामा-ठुङ्‌मागा थोक्‌ङाना नियाम पालान् ओचोगुगा लाउङ्‌सा फाइदा लिनिगेट्‌निना॥

याकुब 5:20

हिट्‌नालोङ्‌सा ठाहा उलियाक्, जुन्‍ङा ठिबाङ् कायाङ्‌छाबा याप्‌मि ओचाफेन्‍ना लाम्‍बोलाम्‍मा नोक्‍टुटु भोने हिट्‌ना याप्‌मि सिमालाम्‍मा उन्‍ङा हिङुटु, हिट्‌नुङ् हिट्‌ना याप्‌मिङाना जोम् पापचि माफि उलियुक्॥