१ तिमोथि 4:10 - आठपहरिया

¹⁰ हिड्‌डेउङ् आन्‍याँ आसाम्‍बाक् उहिङ्‌ग्‍वाट् माङ्‌हाङ्‌ङि युङ्‌सुएसुम्‍मे हिट्‌नुङ् आनि आड्‌डिक् निङ्‌ग्‍वा पिडुमुङ् टोॽवा चोगुम्‍टुम्‍मा॥ उन् सोब्‍बे याप्‌मिचिगा काहिङ्‌मेप्‍बा डाङ्‌बा, हिट्‌नुङ् मुलि गारिम्‍बाक् उन्‌ङि बिस्‍वास काचोक्‍बाचिगा काहिङ्‌मेप्‍बा डाङ्‌बा ए॥

१ तिमोथि 4:10 Iomraidhean Croise

मात्‌ति 16:16

सिमोन पाटरुसङा लोडुए, “खान् उहिङ्‌ग्‍वाट् माङ्‌हाङ् छा खिरिस्‍ट ए॥”

मात्‌ति 27:43

नाङा माङ्‌हाङ्‌ङि भोरोसा चोगुटु, हिट्‌नुङ् माङ्‌हाङ्‌ङा ना लाउङ्‌सा निङ्‌ग्‍वा चोगुटु भोने हाट्‌ले डोक् छुट्‌कारा उपिडुवाक्, पोङ्‌भोने नाङा ‘आङा माङ्‌हाङ् छा’ पिक्‍सा माट्‌टुना डाना॥”

युहान्‍ना 1:29

हान्‍डेङ्‌लेङ् युहान्‍नाङा येसु उन्‌लेङ् आबागेट्‌टाना निसुङ् लोडुचे, “पुयानुम्, नाराङिगा याप्‌मिचिगा पाप काटुक्‍बा माङ्‌हाङ्‌ङाना थुमा!

युहान्‍ना 4:42

हिट्‌नागाँ हिट्‌ना मेन्‍झेमा ओलोडुए, “हाट्‌ले खान्‍ङा आमाट्‌टुना रिङ्‌ङा एरोक् माखाक्, टरो आन्‍याँ आप्‍पेङा खेम्‍सुम्‍माउङ् बिस्‍वास चोगुम्‍टुम्‍मा॥ उन् छेम्‍बा डोक् नाराङिना काहिङ्‌मेप्‍बा डाङ्‌बा नुङ् आन्‍याँ ठाहा टोगुएसुम्‍मे॥”

युहान्‍ना 5:24

“छेम्‍बा डोक्, आङा खानि लोनाँनि, जुन्‍ङा आरिङ् खेम्‍सुटु हिट्‌नुङ् आङा कापाङ्‌बा माङ्‌हाङ्‌ङि बिस्‍वास चोगुटु, हिट्‌नालोक् खोना बेला चा लाट्‌निना चोला लियुक्॥ हिट्‌नुङ् हिट्‌नाँ साजाए टोगुन्‍ना, टरो हिट्‌ना सिमालाम्‍मा चोलाङि पाइले डोक् लिग्‌युएट्‌युक्॥

१ कोरिन्‌थि 15:10

टरो हाटले आङा खोड्‌डेना लिसेसाङेना हिट्‌ना माङ्‌हाङ्‌ङा आङा आड्‌डिक् माया लोक् घुवार याङ्‌फाडानाँ डोक् ए, हिट्‌नुङ् उन्‍ङा आङा मायादाया याङ्‌चोगानाँ आरु मुलिचेलाचि नुङ्‌ना याप्‍मा रिङ् चोक्‍मा काहिबा लिसेसाङे॥ टरो चा आङा आप्‍पेङाम्‍बाक् माखाक्, टरो ख्‍वाप्‍पा थोक् माङ्‌हाङ्‌ङा घुवार याङ्‌फाडाउङ् चोगुङे॥

२ कोरिन्‌थि 1:10

उन्‍ङा आन्‍याँ आड्‌डिक् किप्‍माडुङ् सिमालाम्‍मा याप्‌मि हिङ्‌मेट्‌टे, हिट्‌नुङ् उन्‍ङा फेरि चा आहिङ्‌मेट्‌युक्॥ उन्‌ङि आनि आसा युङ्‌सुएसुम्‍मे, हिट्‌नुङ् उन्‍ङा आनि फेरि फेरि चा आहिङ्‌मेट्‌युक्॥

१ तिमोथि 2:3

नाड्‌डेगा बिन्‌टि सोब्‍बे लोङ्‌सा ठाङ्‌मा आनि काहिङ्‌मेप्‍बा डाङ्‌बा माङ्‌हाङ्‌ङाना ओनाजारङि नुना हिट्‌नुङ् उनिङ्‌ग्‍वा टायुक्॥

१ तिमोथि 2:4

सोब्‍बे याप्‌मिचिङा मुक्‌टि ओटोगु हिट्‌नुङ् हिट्‌नागाँ छेम्‍बाना रिङ् बुजा ओचोगु नुङ् उनिङ्‌ग्‍वाङि युङ्‌ग्‍वा॥

१ तिमोथि 2:6

ख्‍वाप्‍पा याप्‌मिचि छुट्‌कारा पिमा उन् भोक् लिसे॥ ना खाबोर डोक् माङ्‌हाङ्‌ङा नाराङिगा याप्‌मिचि ठिक्‍का बेलाङि डोक् पिडुचे॥

१ तिमोथि 3:15

नाड्‌डेउङ् चा आङा खान्‌ङि आप्‍मा आबेला लिसाङे भोने, माङ्‌हाङ्‌ङाना ओयाप्‌मिचिङि आनि चाल चालान् खोड्‌डे पारिक् लिमा कोन्‌युक्‍ना हिट्‌ना खान्‍ङा ठाहा टोक्‍मा कोन्‌युक्॥ माङ्‌हाङ्‌ङाना ओयाप्‌मिचिउम्‍बाक् उहिङ्‌गुवाट् माङ्‌हाङ्‌ङाना माङ्‌पाङ् हिट्‌नुङ् ना छेम्‍बाना रिङ्‌ङाना ठोक्‍ला हिट्‌नुङ् ओजाग् ए॥

१ तिमोथि 6:17

ना नाराङिगा वागाठेगालोङ्‌सा ठेलोक् ओचोक्‌नि नुङ् आग्‍याँ पिडुचि, हिट्‌नुङ् लाट्‌युजाना माक्‍फेन्‍सुबेन्‌ङि माखाक्, टरो आनि मोज्‍मोज्‍जा चोक्‍मा लोङ्‌सा सोब्‍बे थोक् जोम् आपिना माङ्‌हाङ्‌ङि उन्‌चि आसा उयुङ्‌सु नुङ् लोडुचि॥

हिब्‍रु 11:26

हिट्‌नुङ् मिस्‍रा देसङिना माक्‍फेन्‍सुबेन् नुङ्‌ना खिरिस्‍ट लाउङ्‌सा याङ्‌छामा आङ्‌मा डोक् उन्‍ङा ठेना रिङ् नुङ् ठाहा टोगुए, पोङ्‌भोने उन्‍ङाम्‍टे हान्‍डेङ् टोक्‍माना इनामङि उनिङ्‌ग्‍वा चोगुएसुना॥

हिब्‍रु 13:13

नाड्‌डेउङ् आनि चा यरुसलेम खालाङ्‌गा भारा उन् सोरि खाडि, हिट्‌नुङ् उन्‍ङा आङ्‌डुना ओचाफेम्‍मा आनि चा आङ्‌डुम्॥

१ पाटरुस 1:21

खिरिस्‍टलाम्‍मा खानिङा माङ्‌हाङ्‌ङि बिस्‍वास आचोगुम्‍मे, जुन्‍ङा उन् सियानालाम्‍मा उहिङ्‌ग्‍वाट् चोगुए हिट्‌नुङ् उन्‌लाउङ्‌सा मान् पिडुए, नाड्‌डेउङ् खानिङा बिस्‍वास लोक् आसा माङ्‌हाङ्‌ङि आयुङ्‌सुएसुम्‍मे॥

१ युहान्‍ना 2:2

उन् आप्‍पे डोक् आनि पाप टुग्‍माउङ्‌सा भोक् लिसे, हिट्‌नुङ् आनि लाउङ्‌सा एरोक् माखाक्, टरो नाराङिगा सोब्‍बे याप्‌मिचि लाउङ्‌सा चा ए॥

१ युहान्‍ना 4:14

हिट्‌नुङ् माङ्‌हाङ् पाबाङा उन्‍ङाना छा नाराङिना काहिङ्‌मेप्‍बा डाङ्‌बा लिमा पाङ्‌सुना नुङ् आन्‍याँ निसुम्‍मे, हिट्‌नुङ् नाङाना डोक् साँचि पिडुम्‍टुम्‍मा॥