१ तिमोथि 3:2 - आठपहरिया

² हिट्‌डेउङ् माङ्‌पाङ्‌ङिना ओठेडोङ्‌म्‍बाक् फाट्‌टुर मालेना लिमा कोन्‌युक्॥ उन्‍ङाना ठिबाङ् एडोक् ओटालिमाङ् लिमा कोन्‌युक्, काबुङि कायुङ्‌बा, सोब्‍बेङा मान् ओचोगुना, याप्‌मिचि ओटानाँ स्‍वागाट् काचोक्‍बा, सिकाँ चोक्‍मा काहिबा,

१ तिमोथि 3:2 Iomraidhean Croise

लुका 1:6

जाकारिया हिट्‌नुङ् एलिसिबा इप्‍पाङ् डोक् माङ्‌हाङ् ओटोकानाङि आड्‌डिक् धारमोति डाचिगा, हिट्‌नुङ् माङ्‌हाङ्‌ङाना ख्‍वाप्‍पा आग्‍याँचि हिट्‌नुङ् धारमाबिधिङिगा रिङ् मिमुन्‍ने खेम्‍सा उन्‍ङा लोडुचि गाड्‌डे डोक् नुलोक् वासाचे॥

लुका 2:36

हिट्‌ना बेला ठिबाङ् मासिङ् हान्‍ना ओलोडुना मेन्‍झेमा माङ्‌ठानाङि सेवा चोक्‍सा युङासाना॥ ना मेच्‍छेमा आसेर पुङ्‌लाङिना फानुएल याप्‌मिङाना उइछा डाना हिट्‌नुङ् माङ्‌काटा मेन्‍झेमा डाना॥ उन् भ्‍या लिसाउङ् सि बारखा टेप्‍मा ओयेम्‍बेछालोक् एक्‍केयु युङाचे टरो उन् लाङ्‌मेप्‍मा लिसे॥

रोमि 12:13

आभोरङि ओठायागा माङ्‌हाङ् ओयाप्‌मिचि घुवार फाडानुम्‌चिम्, हिट्‌नुङ् पाङ्‌ङि ओटागा पाहुनाचि ओचेट्‌नुलोक् मेट्‌टानुम्‌चिम्॥

फिलिप्‌पि 2:15

हिट्‌नाड्‌डेउङ् खानि खोनाङा चा पाक्‍चा लोमा माहिडिन्‍गा॥ खानि ओमाक्‍पा निङ्‌ग्‍वा हिट्‌नुङ् ओचाफेन्‍लोक् चाट्‌ला उलिसागा याप्‌मिचि माझाङि आयुङिना माङ्‌हाङ्‌ङाना फाकाट्‌ना छाचि गाड्‌डे फाट्‌टुर मालेना हिट्‌नुङ् चोखो लिसानिउङ् युङानि॥ डुम्‍बारिक् डुम्‍ना टाङ्‌साङ्‌ङि चोक्‌चिङ्‌गेट् ओम्‌सि गाड्‌डे डोक् खानि चा हिट्‌नागा माझाङि ओम्‍मा कोन्‌युक्॥

१ तिमोथि 3:12

माङ्‌पाङ्‌ङिगा डिकानचिगा ठिबाङ् एडोक् टालिमाङ् लिमा कोन्‌युक्॥ हिट्‌नागा उन्‌चि छाचि लोक् उन्‌चि पाङ्‌ठाङ् ओचेट्‌नुलोक् टोङ्‌मा काहिबा लिमा कोन्‌युक्॥

१ तिमोथि 3:8

नाड्‌डेडोक् माङ्‌पाङ्‌ङिना डिकानचि मान् चोक्‍मा उनुगा हिट्‌नुङ् इमान्‍दारि लिमा कोन्‌युक्॥ हिट्‌नागा आड्‌डिक् टेडुबा हिट्‌नुङ् ओचाफेन्‍लोक् ओफाबा कामाँ चोक्‍मा निङ्‌ग्‍वा काचोक्‍बा लिमा लिनिना॥

१ तिमोथि 4:3

हिट्‌नागा भ्‍याबारि चोक्‍मा लिनिना पिक्‍सा ओमाट्‌टुगा, हिट्‌नुङ् आम्‍टेप्‍मा चामा-ठुङ्‌मागा थोक्‌चि चामा लिनिगा पिक्‍सा चा याप्‌मिचि ओलोडुचिगा॥ टरो बिस्‍वास काचोक्‍बाचि लोक् छेम्‍बाना रिङ् कानिबाचिङा पोए-पोए ओठाङ्‌सुङ् हिट्‌नागा चामा लियुक्, पोङ्‌भोने नागा थोक्‌चि माङ्‌हाङ्‌ङा डोक् चोगुगा॥

१ तिमोथि 5:10

हिट्‌नुङ् हिट्‌नाम्‍बाक् ओचेट्‌नु टोॽवा चोगुङ् उनिङ् मुक्‍टाना, नाड्‌डेडोक् आप्‍पे उइछाचि ओचेट्‌नुलोक् पुयुचिगा, ओटागा याप्‌मिचि ओचेट्‌नुलोक् काचोक्‍बा, माङ्‌हाङ् ओयाप्‌मिचिगा लाङ् वासिडुबिडुचिउङ् सेवा काचोक्‍बा, हिट्‌नुङ् याङ्‌छामाङि ओठायागा लोङ्‌सा घुवार काफाबा, हिट्‌नुङ् सोब्‍बे पारागा नुना टोॽवाङि एडोक् निङ्‌गुवा कापिबा मेन्‍झेमा लिमा कोन्‌युक्॥

१ तिमोथि 5:22

माङ्‌पाङ्‌ङिना ओठेडोङ् सेक्‍मा लोङ्‌सा हिट्‌नाङाना निङ्‌ग्‍वा मिछिक्‍ङे एला एला चोक्‍नेन्॥ आरु याप्‌मिचिगा पापङि खान् लाहाब् लिनेन्॥ आप्‍पेलोङ्‌सा सेङ्‌सेङ् युङ्‌सु॥

१ तिमोथि 5:9

साठि बारखा नुङ्‌ना उठुङ् टासुना लाङ्‌मेप्‍मा एडोक् लाङ्‌मेप्‍माङाना निङ् छेप्‍मानाङि उनिङ् छेप्‍टुबिडु॥ हिट्‌नाम्‍बाक् ठिबाङ् एडोक् येम्‌बिछालोक् भ्‍या लिसाना लिमा कोन्‌युक्॥

२ तिमोथि 2:24

टाङ्‌बाङाना सेवा काचोक्‍बा खेमाबुङ्‌मा चोक्‍ना लिमा लिनिना, टरो सोब्‍बे लुक्‍मा काटुक्‍बा, हिसिक्‍मा काहिबा हिट्‌नुङ् रिङ् आङ्‌मा काहिबा लिमा कोन्‌युक्॥

तितास 2:2

पासिङ् याप्‌मिचि निङ्‌ग्‍वा काबुङि कायुङ्‌बा, इमान इज्‍जात लिसाना हिट्‌नुङ् नुलोक् जोम् निङ्‌ग्‍वा कारिबा, बिस्‍वासङि दोरो, माया काचोक्‍बा हिट्‌नुङ् सोब्‍बे रिङ् आङ्‌मा काहिबा लिसानि पिक्‍सा हिसिक्‍टुचि॥

हिब्‍रु 13:2

खानि पाङ्‌ङि ओटागा याप्‌मिचि स्‍वागाट् चोक्‍मा मुन्‍नेनुम्, पोङ्‌भोने नाड्‌डे ओचोगुङ् डोक् कोइ-कोइङा ठाहा डोक् मिटोक्‍ङे माङ्‌हाङ् रिङ् काउग्‍बाचि चा स्‍वागाट् ओचोगुचे॥

हिब्‍रु 3:14

नाड्‌डेउङ् पाइले आनि उन्‌ङि बिस्‍वास चोगुम् गाड्‌डे आखेरि सोम्‍मा आनि चोलाङि बिस्‍वास जोगाँ चोगुम्‌याक्‍टुम्‍टुम् भोने, आनि खिरिस्‍टलोक् एक्‍केउ हाक्‍दार लिसिटि॥

१ पाटरुस 4:7

हिट्‌नुङ् ख्‍वाप्‍पा रिङ्‌ङाना आन्‍ते लिसा डोक् लाबे॥ हिट्‌नाड्‌डेउङ् खानि निङ्‌ग्‍वा रेक्‍टानुमुङ् ओछेक्‍छेक् लिसानिउङ् बिन्‌टि चोगानि॥

१ पाटरुस 4:9

हारका लिसानिउङ् ठिबाङ्‌ङा आरको खानि पाङ्‌ङि स्‍वागाट् चोगानुम्‌चिम्॥

१ पाटरुस 5:8

ओछेक्‍छेक् युङानि हिट्‌नुङ् ओचाप्‍पाङ् लिसानि॥ खानि साट्‌टुर सैतान खोना टुबुङुङ् जाखाम् चोगुङ् नुङ् गुरलुम् गुरलुम् राट्‌ना किबा गाड्‌डे डोक् सुक्‍सा वायुगोन्॥