१ तिमोथि 3:16 - आठपहरिया16 आन्याँ साङ्का मिचोक्ङे ना राहास्ये आड्डिक् माङ्ठेना नुङ् बिस्वास चोगुम्टुम्मा– खिरिस्ट आप्पे याप्मिङाना येम्ङि ठेट्टे, हिट्नुङ् सेङ्सेङ्ना हाङ्साङा उन् धारमोति याप्मि नुङ् पारमान् चोगुए॥ माङ्हाङ् रिङ् काउग्बाचिङा उनिसुए, हिट्नुङ् ओचेलाचिङा छोङ्बा छोङ्बाचिङि पारचार ओचोगुए॥ नाराङिगा याप्मिचिङा उन् बिस्वास ओचोगुए, हिट्नुङ् माङ्हाङ्ङा उन् माहिमाङि टोनालोग्लेङ् फोगुवाट्टुए॥ Faic an caibideil |
१ तिमोथि 3:16
81 Iomraidhean Croise
एन्टिओखियाङि नोक्टा टायाचिउङ् हिट्नागाचिङा माङ्पाङ्ङिगा सोब्बे याप्मिचि छेम्डाचुचे॥ हिट्नुङ् माङ्हाङ्ङा उन्चिलाम्मा चोगुना टोॽवा बारेङि ख्वाप्पा रिङ् माट्टाचुए, हिट्नुङ् खोड्डे पारिक् पानिछोङ्बाचि लोङ्सा चा उन्ङा बिस्वास चोक्माना लाम्बो टेयार चोगुएना हिट्ना रिङ् चा माट्टाचुए॥
टरो आङा सिलाप्नाँनि, “पाक् इस्राएलि याप्मिचिङा नुना खाबोर ओखेम्सुन्गेट्टुन्गि टे?” छेम्बा डोक् हिट्नागाँ ओखेम्सुएसुए, पोङ्भोने धारमाबिधिङि छेप्टेसे– “ना नुना खाबोर पारचार काचोक्बाचिगा खाबोर नाराङिना ख्वाप्पा डेन्लेङ् छिन्डेसे॥ हिट्नुङ् हिट्नागाँ ओमाट्टुगा रिङ् सोब्बे याप्मिचिलाउङ्सा पारचार चोगेसे॥”
धारमाबिधिङा पापङाना साक्तिलाम्मा आनि छुट्कारा पिमा आहिनेट्नि, पोङ्भोने आनि पाप चाट्लालोक्ना याप्मि लिसिनाँ धारमाबिधि पालान् चोक्मा हिनेट्निम्॥ टरो धारमाबिधिङा चोक्मा हिडुवाट्टुन्ना रिङ् माङ्हाङ्ङा चोगुए॥ हिट्नुङ् उन्ङा आनि याप्मिङाना गाड्डेना येम्ङि उइछा पाङ्सुए, हिट्नुङ् उन्ङा खिरिस्टङाना ओयेम् भोक् पिडुङ् आनि पाप जाखाम् चोगुए॥
टरो खानिङा ना छेम्बाना रिङ्ङि बिस्वास चोगायाक्टानुम् हिट्नुङ् ना रिङ्ङि डोक् बोलियो लिसानिउङ् युङानि॥ खानिङा आखेम्सुम्ना नुना खाबोरङि आटोगुम्ना आसालाम्मा खोनालेङ् चा निङ्ग्वा पिनेनुम्॥ ना खाबोर डोक् नारा टेप्गा याप्मिचिलोङ्सा पारचार चोगाइसे॥ हिट्नुङ् आङा पावाल चा ना रिङ् पारचार चोक्माउङ्सा डोक् माङ्हाङ्ङाना ओसेवाक् लिसाइसाङे॥
ना खाबोर खानि सोरि टाइसे, हिट्नुङ् ना खाबोर ख्वाप्पा नाराङिगा याप्मिचिङा बिस्वास ओचोगेट्टु, हिट्नुङ् माङ्हाङ्ङाना निङ्ग्वा टाना रिङ् ओचोगेट्टु॥ हिट्नाड्डे डोक् खानिङा माङ्हाङ्ङाना मायादाया बारेङि ना छेम्बाना खाबोर आखेम्सुम्ना हिट्नुङ् बुजा आचोगुम्ना बेलालाम्मा डोक् खानि माझाङि चा हिट्नाड्डे डोक् लिएट्॥
खानि ख्वाप्पाङा आँट् टोगानुम् हिट्नुङ् खानि खानिङि माया चोगानिउङ् एक्केउ लिसानि नुङ् आङा नाड्डे चोगुङ्ना॥ हिड्डे लिसानाँ खानि निङ्ग्वाङि आड्डिक् बोल्लेउ आलिसिउङ् सोब्बे माङ्हाङ्ङाना रिङ् बुजा चोक्मा आहिडुम्टुम्, हिट्नुङ् माङ्हाङ्ङाना ठोबाना रिङ् डोक् खिरिस्ट ए नुङ् मिसेन् आनिसुम्टुम्॥
माङ्हाङ्ङाना माहिमा उइछाङि ओम्युक् हिट्नुङ् माङ्हाङ् खोड्डेना नुङ् उन्ङि निसुम्टुम्॥ उन्ङा उन्ङाना साक्तिसालि रिङ्ङा डोक् टोनालोग्ङि हिट्नुङ् नाराङिगा ख्वाप्पा थोक् उठुङ्ङि सासान् चोगुटु॥ हिट्नुङ् उन्ङा याप्मिचिगा पाप माफ चोक्मा हिडुङ् उन् टोनालोक्ङि माङ्ठेना माङ्हाङ्ङाना छुप्टाङ् उमुक्लेङ् युङे॥
हाट्ले आनि बिस्वास उटुम् काचोक् हिट्नुङ् पुरो काचोक् येसु पुयुम्॥ उन्ङा उन् सोरि युङ्बालाक् आनान्दा लाउङ्सा खाप्चेङिना याङ्छामा आङ्डुए हिट्नुङ् हिट्नालाम्मा टाना मोम्मासिमाना रिङ् पाक्चा ठानाँ चोग्वाट्टुन्, हिट्नुङ् हाट्ले माङ्हाङ्ङाना सिङासान् उछुप्टाङ्लेङ् आदारङाना ठोङ्ङि युङेसे॥
माङ्हाङ्ङा हिट्नागा माङ्काटाचिङा ओचोगुना सेवा हिट्नागा आप्पे लाउङ्सा माखाक्, टरो खानि लाउङ्सा नुङ् हिट्नागा लोडुचे॥ हिट्नुङ् टोनालोग्लाम्मा पाङ्बालाक् सेङ्सेङ्ना हाङ्साङाना बोल्ङि खानि लाउङ्सा टाप्बालाक् नुना खाबोर हिट्नागाँ हाट्ले खानि माझाङि पारचार ओचोगुएसुए॥ ना रिङ् माङ्हाङ् रिङ् काउग्बाचिङा चा ठाहा टोक्मा ओकोलुएट्टु॥
हिट्नाउङ्ना आङा साङा चा ङेमा डोक् उहिडुन्ना माङ्जोम् याप्मिचिगा खिमेयाङ्मे निसुङे॥ हिट्नि नारालाम्मा, ख्वाप्पा देसङिगा, ख्वाप्पा छोङ्बाचि, सोब्बे याप्मिचि हिट्नुङ् खाले-खाले रिङ् ओचेक्गा ओडागा॥ हिट्नागा सोब्बे सिङासान् हिट्नुङ् थुमा सोरि ओयेबाइसागा॥ हिट्नुङ् हिट्नागाँ फुट्टुम्बुरि फुट्ना लोट्लिङ् ओवाडुङ् सोब्बेङा उन्चि मुक्ङा खाजुर उभुङ्माङाना ओडाला ओयाङुएसुना॥
Sanasan