१ तिमोथि 3:15 - आठपहरिया

¹⁵ नाड्‌डेउङ् चा आङा खान्‌ङि आप्‍मा आबेला लिसाङे भोने, माङ्‌हाङ्‌ङाना ओयाप्‌मिचिङि आनि चाल चालान् खोड्‌डे पारिक् लिमा कोन्‌युक्‍ना हिट्‌ना खान्‍ङा ठाहा टोक्‍मा कोन्‌युक्॥ माङ्‌हाङ्‌ङाना ओयाप्‌मिचिउम्‍बाक् उहिङ्‌गुवाट् माङ्‌हाङ्‌ङाना माङ्‌पाङ् हिट्‌नुङ् ना छेम्‍बाना रिङ्‌ङाना ठोक्‍ला हिट्‌नुङ् ओजाग् ए॥

१ तिमोथि 3:15 Iomraidhean Croise

मात्‌ति 16:16

सिमोन पाटरुसङा लोडुए, “खान् उहिङ्‌ग्‍वाट् माङ्‌हाङ् छा खिरिस्‍ट ए॥”

मात्‌ति 18:18

“छेम्‍बा डोक्, आङा खानि लोनाँनि, जे खानिङा नाराङि आरेक्‍टुम्‍टुम् हिट्‌ना रिङ् डोक् टोनालोग्‌ङि चा रेक्‌युक्॥ हिट्‌नुङ् जे खानिङा नाराङि आसेन्‍डुम्‍टुम् हिट्‌ना रिङ् टोनालोग्‌ङि चा सेन्‌युक्॥

युहान्‍ना 1:17

पोङ्‌भोने मोसालाम्‍मा आन्‍याँ धारमाबिधि टोगुम्‍मे, टरो मायादाया हिट्‌नुङ् छेम्‍बाना रिङ्उम्‍बाक् येसु खिरिस्‍टलाम्‍मा टाए॥

युहान्‍ना 14:6

येसुङा हिट्‌ना लोडुए, “लाम्‍बो, छेम्‍बा हिट्‌नुङ् चोला आङा डोक्॥ आङा माले आरु खोनालोक् चा पाबाङि खाप्‍मा हिनिना॥

युहान्‍ना 18:37

पिलातासङा येसु सिलाप्‍टुए, “हिट्‌नाडे भोने खान् हाङ्‌बा डोक् इ?” येसुङा लोडुए, “आङा हाङ्‌बा नुङ् खान् आप्‍पेङा आमाट्‌टुएट्‌टु॥ ना लोङ्‌सा डोक् आङा पोङ्‌साङ्‌ना, हिट्‌नुङ् छेम्‍बाना रिङ्‌ङाना साँचि पिमाउङ्‌सा नाराङि टायाङ्‌ना ए॥ छेम्‍बाना रिङ् निङ्‌ग्‍वा ओटासुगा सोब्‍बेङा आरिङ् ओखेम्‍सुटु॥”

युहान्‍ना 6:69

हिट्‌नुङ् खान् माङ्‌हाङ्‌ङा मापाङ्‌साना सेङ्‌सेङ्‌ना याप्‌मि नुङ् ठाहा टोगुमुङ् बिस्‍वास चोगुएसुम्‍मे॥”

मुलिचेला टोॽवा 14:15

“हाउ भुम्‍भु-झान्‍झाचि, पोङ् खानि नाड्‌डे ओचोगिटिगा? आन्‍च्‍याँ चा खानि गाड्‌डे डोक् दुखेसुखे टोॽवा काचोक्‍बा याप्‌मि डोक्॥ आन्‍च्‍याँम्‍टे नाड्‌डेगा टोॽवा लाहाब् लिनिगा रिङ्‌चि नाडानुमुङ् उहिङ्‌ग्‍वाट् माङ्‌हाङ्‌लेङ् नोक्‍टानि नुङ् नुना खाबोर पारचार चोक्‌सिङा नाहि आबाचिङागा॥ उन्‍ङा डोक् टाङ्‌साङ्, नारा, सामुन्‍दरा हिट्‌नुङ् हिट्‌नि लिसागा ख्‍वाप्‍पा थोक्‌चि सिरिस्‌टि चोगुचे॥

रोमि 3:2

छेम्‍बा डोक्, याहुदि लिमाउङ् सोब्‍बे खालेङाना फाइदा युङ्‌ग्‍वा॥ सोब्‍बे नुङ्‌ना पाइलेउम् माङ्‌हाङ्‌ङा उन्‍ङाना सेङ्‌सेङ्‌ना रिङ् याहुदिचि पिडुचे॥

रोमि 9:26

हिट्‌नुङ्, “हिट्‌ना ठोङ्‌ङि आङा हिट्‌नागा लोडुङ्‌चिङे, ‘खानि आयाप्‌मिचि माखाक्’ टरो हिट्‌नि डोक् याप्‌मिचिङा हिट्‌नागा ‘खानि उहिङ्‌ग्‍वाट् माङ्‌हाङ्‌ङा उइछाचि ए’ नुङ् ओलोडुचिचि॥”

१ कोरिन्‌थि 10:32

खानिङा याहुदिचि उलियाक्, आथाबा पानिछोङ्‌बाचि उलियाक्, आथाबा माङ्‌हाङ्‌ङाना माङ्‌पाङ्‌ङिगा उलियाक्, साङाना चा निङ्‌ग्‍वा टुग्‍मेप्‍माना टोॽवा चोक्‍नेनिन्॥

१ कोरिन्‌थि 3:16

पाक् खानि आप्‍पे माङ्‌हाङ् पाङ् हिट्‌नुङ् माङ्‌हाङ् ओहाङ्‌सा खानिङि युङ्‌युक् नुङ् खानिङा ठाहा आटोक्‌निम्‍नै?

२ कोरिन्‌थि 3:3

छेम्‍बा डोक्, खानि खिरिस्‍टङा माछेप्‌टिगा चिट्‌ठि, हिट्‌नुङ् ना चिट्‌ठिम्‍बाक् आन्‍याँ चोगुम्‍माना सेवाङाना पारिनाम् ए॥ ना चिट्‌ठि कालाम हिट्‌नुङ् मासिङा छेप्‍बालाक् माखाक्, टरो उहिङ्‌ग्‍वाट् माङ्‌हाङ्‌ङाना ओहाङ्‌साङा छेप्‍बालाक् ए॥ हिट्‌नुङ् लुङ्‌गेॽवाङाना पाटिङि माखाक्, टरो याप्‌मिङाना निङ्‌ग्‍वाङि छेप्‍बालाक् चिट्‌ठि ए॥

२ कोरिन्‌थि 6:16

हिट्‌नुङ् माङ्‌हाङ्‌ङाना माङ्‌ठाना लोक् साम्‍माङ्‌ङाना मुरति खोड्‌डेउङ् टोङ्‌चिचिगा? पोङ्‌भोने आनिउम्‍टे उहिङ्‌ग्‍वाट् माङ्‌हाङ्‌ङाना माङ्‌ठाना ए॥ माङ्‌हाङ् आप्‍पेङा माट्‌टुए, “आङा आयाप्‌मिचिलोक् युङ्‌ङा हिट्‌नुङ् हिट्‌नागालोक् लाम्‌टिङा॥ आङा हिट्‌नागाँगा माङ्‌हाङ् लिङा हिट्‌नुङ् हिट्‌नागा आयाप्‌मिचि उलियुक्॥”

२ कोरिन्‌थि 6:7

छेम्‍बाना खाबोर पारचार चोगुमुङ् हिट्‌नुङ् माङ्‌हाङ्‌ङाना ओबोल्‌लाम्‍मा माङ्‌हाङ् ओटोॽवा काचोक्‌चि नुङ् आप्‍पेलाउङ्‌सा निमेट्‌टुम्‍टुम्‍मा॥ हिट्‌नुङ् धारमिक्‍ताङाना हातियारम्‍बाक् इप्‍पोक् मुक्‍ङा डोक् चुङ्‌माउङ्‌सा हिट्‌नुङ् सुरेक्‍छे चोक्‍मा याङुम्‍टुम्‍मा॥

गालाति 2:9

हिट्‌नुङ् माङ्‌पाङ्‌ङिगा याप्‌मिचिङा हिट्‌नागा ओठेडोङ्‌चि नुङ् मिसेन् उनिसुचिगा याप्‌मिचिङा ना टोॽवा माङ्‌हाङ्‌ङा आङा याङ्‌पिडाना रिङ् ठाहा ओटोगुएसुए॥ हिट्‌नुङ् हिट्‌नागाँ आङालोक् बारनाबास चा टाङ्‌बाङाना सेवा चोक्‍मा लाउङ्‌सा स्‍वागाट् याप्‌मिओचोगे॥ हिट्‌नागाँ आन्‍च्‍याँम्‍बाक् पानिछोङ्‌बाचिङि नुना खाबोर पारचार चोक्‍मा हिट्‌नुङ् उन्‌चिम्‍बाक् याहुदिचिङि नुना खाबोर पारचार चोक्‍माउङ्‌सा ओटोङ्‌सुए॥

गालाति 3:1

हाउ गालातियाङिगा बिस्‍वासिचि, खानि पोङ् ठोनाबा मालेगा याप्‌मिचि गाड्‌डे आलिसिएसिएगा? साङा खानि निङ्‌ग्‍वा फेराँ माचोगिबिडिएगा? आङा खानिलाउङ्‌सा येसु खिरिस्‍ट खाप्‍चेङि सियाना बारेङि पारचिन्‍दा लोनानिगा डागा॥

एफिसि 4:21

छेम्‍बा डोक्, खानिङा उन्‍ङाना बारेङि आखेम्‍सुम्‍मे हिट्‌नुङ् येसुङि डोक् छेम्‍बाना खाबोर युङ्‌ग्‍वा नुङ् सिकाँ आलिसिए॥

कालास्‌सि 1:5

खानि लोङ्‌सा टोनालोग्‌ङि सुराक्‌छिट् युङ्‌बालाक् आसाङा चोगुनाँ खानिङा खिरिस्‍टङि बिस्‍वास हिट्‌नुङ् माङ्‌हाङ् ओयाप्‌मिचि माया आचोगुम्‌चिम्‍गा ए॥ ना आसाङाना बारेङि खानिङा पाइले डोक् छेम्‍बाना नुना खाबोरङि आखेम्‍सेसुम्‍मे॥

१ थेसालोनिकि 1:9

आन्‍याँ खानिङि आबिङानाँ खानिङा खोड्‌डे पारिक् आन्‍याँ स्‍वागाट् याप्‌मि आचोगेना, हिट्‌नुङ् खानि साम्‍माङ्‌चि साम्‍माङ् चोक्‍मा आनाडुमुङ् उहिङ्‌ग्‍वाट् हिट्‌नुङ् छेम्‍बाना माङ्‌हाङ् सेवा चोक्‍मा आनोक्‌टिगा, हिट्‌ना रिङ्‌उम्‍टे हिट्‌नागा याप्‌मिचिङा डोक् ओमाट्‌टुएसुए॥

१ तिमोथि 3:14

आङा खान्‌ङि एला डोक् आप्‍माना निङ्‌ग्‍वा चोगुङ् चा, नागा रिङ्‌चि खान्‌लाउङ्‌सा छेप्‍टुएट्‌टुङ्॥

१ तिमोथि 3:16

आन्‍याँ साङ्‌का मिचोक्‍ङे ना राहास्‍ये आड्‌डिक् माङ्‌ठेना नुङ् बिस्‍वास चोगुम्‍टुम्‍मा– खिरिस्‍ट आप्‍पे याप्‌मिङाना येम्‌ङि ठेट्‌टे, हिट्‌नुङ् सेङ्‌सेङ्‌ना हाङ्‌साङा उन् धारमोति याप्‌मि नुङ् पारमान् चोगुए॥ माङ्‌हाङ् रिङ् काउग्‍बाचिङा उनिसुए, हिट्‌नुङ् ओचेलाचिङा छोङ्‌बा छोङ्‌बाचिङि पारचार ओचोगुए॥ नाराङिगा याप्‌मिचिङा उन् बिस्‍वास ओचोगुए, हिट्‌नुङ् माङ्‌हाङ्‌ङा उन् माहिमाङि टोनालोग्‌लेङ् फोगुवाट्‌टुए॥

१ तिमोथि 3:2

हिट्‌डेउङ् माङ्‌पाङ्‌ङिना ओठेडोङ्‌म्‍बाक् फाट्‌टुर मालेना लिमा कोन्‌युक्॥ उन्‍ङाना ठिबाङ् एडोक् ओटालिमाङ् लिमा कोन्‌युक्, काबुङि कायुङ्‌बा, सोब्‍बेङा मान् ओचोगुना, याप्‌मिचि ओटानाँ स्‍वागाट् काचोक्‍बा, सिकाँ चोक्‍मा काहिबा,

१ तिमोथि 3:5

खोना चा याप्‌मिङा आप्‍पे ओपाङ्‌ठाङ् नुलोक् खोड्‌डे पारिक् टोङ्‌माना हिट्‌ना निसुन्‍ना भोने, हिट्‌नाँ खोड्‌डे पारिक् माङ्‌हाङ्‌ङाना माङ्‌पाङ्‌ङिगा याप्‌मिचि टोङ्‌मा हिडुचिचिगा टे?

१ तिमोथि 4:10

हिड्‌डेउङ् आन्‍याँ आसाम्‍बाक् उहिङ्‌ग्‍वाट् माङ्‌हाङ्‌ङि युङ्‌सुएसुम्‍मे हिट्‌नुङ् आनि आड्‌डिक् निङ्‌ग्‍वा पिडुमुङ् टोॽवा चोगुम्‍टुम्‍मा॥ उन् सोब्‍बे याप्‌मिचिगा काहिङ्‌मेप्‍बा डाङ्‌बा, हिट्‌नुङ् मुलि गारिम्‍बाक् उन्‌ङि बिस्‍वास काचोक्‍बाचिगा काहिङ्‌मेप्‍बा डाङ्‌बा ए॥

१ तिमोथि 6:16

उन् एडोक् खोना बेला चा सिनिना हिट्‌नुङ् उन् व्‍हाङ्‌ङि युङ्‌ना, उन् सोरि साक्‍चा खाप्‍मा उहिनिना॥ उन् साङा चा खोना बेला चा उनिसुन्‍गेट्‌टुन्‍ना हिट्‌नुङ् निमा चा उहिडुन्‍ना॥ उनिङ् टो-टो उलियाक् हिट्‌नुङ् उन्‍ङाना बोल् सोरोक् उलियाक्॥ आमेन्॥

२ तिमोथि 2:19

टरो माङ्‌हाङ्‌ङाना ओजाग्‌उम्‍बाक् बोल्‍लेउना हिट्‌नुङ् जाखाम् लिनिना, हिट्‌नुङ् नाहि नाड्‌डे छेप्‍टेसे: “टाङ्‌बाङा ओयाप्‌मिचि मिसेन् निसुचिचि,” हिट्‌नुङ् “टाङ्‌बाङाना उनिङ् कालाप्‍बा सोब्‍बे ओचाफेन्‍ना टोॽवा चोक्‍मालाम्‍मा या युङ्‌मा कोन्‌युक्॥”

२ तिमोथि 2:20

वागाठागा लिसागा पाङ्‌ठाङ्‌ङि भाँडा बारतान साम्‍याङ् हिट्‌नुङ् रुपाकङागा एरोक् उलिनिगा, हिट्‌नि सिङ्‌ङागा हिट्‌नुङ् खाम्‍मागा चा उलियुक्॥ खोना खोना भाँडा बारतानम्‍बाक् मान् पिमा लोङ्‌सा चालाँ चोगुम्‍टुम् भोने, खोना खोनाम्‍बाक् लेप्‍टुम्‍गा थोक्‌चि युङ्‌मा लोङ्‌सा चालाँ चोगुम्‍टुम्॥

हिब्‍रु 10:21

हिट्‌नुङ् उन् आनिना माङ्‌ठेना सानिङ्‌डाङ्‌बा ए, उन्‍ङा माङ्‌हाङ् ओयाप्‌मिचि सासान् चोगुचिचि॥

हिब्‍रु 12:22

टरो खानिम्‍टे सियोन झोन्‍झोबा हिट्‌ना यरुसलेम खालाङ्‌गाङि आटाइसे, हिट्‌नाउम् टोनालोग्‌ङि युङ्‌ग्‍वा॥ खानिम्‍टे उहिङ्‌ग्‍वाट् माङ्‌हाङ्‌ङाना खालाङ्‌गाङि आटाइसे, हिट्‌ना आड्‌डिक् जोम् माङ्‌हाङ् रिङ् काउग्‍बाचि उयुङ्‌ना डेन्, हिट्‌नि हिट्‌नागा उछुमाउङ् हारका लिसा उन्‍ङाना उनिङ् ओचोन्‍डुएट्‌टु॥

हिब्‍रु 3:12

आम्‍भु-आन्‍झाचि हिट्‌नुङ् आनो-आन्‍झोचि, ओछेक्‍छेक् लिसानिउङ् युङानि॥ खानिङि लिसाना ओचाफेन्‍ना निङ्‌ग्‍वा हिट्‌नुङ् आबिस्‍वासङा उहिङ्‌ग्‍वाट् माङ्‌हाङ्‌लाम्‍मा लाप्‍माङ् माखाट्‌टिन्‍चा॥

हिब्‍रु 9:14

हाट्‌ले खिरिस्‍टङाना ओहेलिक्‌ङि हिट्‌ना नुङ्‌ना चा आड्‌डिक् बोल्‍लेउ ए हिट्‌नुङ् नाङा आनि निङ्‌ग्‍वा आनिना ओचाफेन्‍ना टोॽवालाम्‍मा सुद्‌दो चोक्‍मा हिडुटु, हिट्‌डेउङ् आनि उहिङ्‌ग्‍वाट् माङ्‌हाङ्‌ङाना सेवा चोक्‍मा हिडुम्‍टुम्॥ पोङ्‌भोने उन्‍ङा लाट्‌निना हाङ्‌साङाना बोल्‌लाम्‍मा आप्‍पेलाउङ्‌सा फाट्‌टुर मालेना भोक् लिसाउङ् माङ्‌हाङ्‌ङि ठाङ्‌सुए॥

१ पाटरुस 2:5

खानि चा उहिङ्‌ग्‍वाट् लुङ्‌गेॽवा लिसानिउङ् आबानि हिट्‌नुङ् आत्‌मिक् माङ्‌ठाना चोक्‍मा आप्‍पेलोङ्‌सा पिडानुम्॥ हिट्‌नि खानि येसु खिरिस्‍टङाना नाताङा चोगुनाँ माङ्‌हाङ्‌ङाना उनिङ्‌ग्‍वा टासुना आत्‌मिक् भोक् काठाङ्‌बा सेङ्‌सेङ्‌ना पुजारिङाना टोॽवा आचोगुम्‍टुम्॥

१ पाटरुस 4:17

न्‍याए चोक्‍माना बेला टाइसे, हिट्‌नुङ् माङ्‌हाङ्‌ङा उटुम्‌ङि आप्‍पे ओयाप्‌मिचिगा न्‍याए चोगुटु॥ न्‍याए आनिलाम्‍मा उटुम् लियुक् भोने, माङ्‌हाङ्‌ङाना नुना खाबोर बिस्‍वास ओचोगुन्‍गाङागा झान् खोड्‌डेना न्‍याए लियुक्‍ना होला?

पारकास 7:2

नागा टेम्‍बोक् जाना माङ्‌हाङ् रिङ् काउग्‍बाचिङा नारा लोक् सामुन्‍दरा जाखाम् चोक्‍माना आधिकार चा ओटोगुएसुना॥ हिट्‌नुङ् आरको ठिबाङ् माङ्‌हाङ् रिङ् काउग्‍बा नाम् होम्‍मा डेन्‌लाम्‍मा आबागेट्‌टाना आङा निसुङे, हिट्‌नाँ उहिङ्‌ग्‍वाट् माङ्‌हाङ्‌ङाना छाप् मेट्‌माना रिङ् याङुएसुना॥ हिट्‌नाँ हिट्‌नागा टेम्‍बोक् माङ्‌हाङ् रिङ् काउग्‍बाचि ठेना ओसोरा चोगुङ् नाड्‌डे लोडुचे,