ना रिङ् ओखेम्सुङ् याहुदि ओठेडोङ्चि उन्चि उन्चि उपिगे, “ना याप्मि खोनि खाप्मा इट्टुएना, हिट्नुङ् खानिङा आङा याङ्आटुबिन्नागा पिक्युक्ना? पाक् ना याप्मि गिरिक् याप्मिचिगा छेट्राङि चेम्बेलेङ् उलिसाउङ् उयुङागा आनि याहुदिचिङि खाट्युङ् हिट्नागा गिरिक् याप्मिचि हिसिक्मा निङ्ग्वा चोगुएनि पाइना?
१ तिमोथि 2:7 - आठपहरिया7 हिट्ना उदेसेङि डोक् माङ्हाङ्ङा आङा पारचार काचोक्बा हिट्नुङ् मुलिचेला लिमा, पानिछोङ्बाचि लोङ्सा बिस्वास बारे हिट्नुङ् छेम्बाना खाबोर बारेङि हिसिक्मा उन्ङा याङ्सेगे॥ (आङा छेम्बा माट्टुटुङ्, टेप्निङ्ना॥) Faic an caibideil |
१ तिमोथि 2:7
27 Iomraidhean Croise
एन्टिओखियाङि नोक्टा टायाचिउङ् हिट्नागाचिङा माङ्पाङ्ङिगा सोब्बे याप्मिचि छेम्डाचुचे॥ हिट्नुङ् माङ्हाङ्ङा उन्चिलाम्मा चोगुना टोॽवा बारेङि ख्वाप्पा रिङ् माट्टाचुए, हिट्नुङ् खोड्डे पारिक् पानिछोङ्बाचि लोङ्सा चा उन्ङा बिस्वास चोक्माना लाम्बो टेयार चोगुएना हिट्ना रिङ् चा माट्टाचुए॥
हिट्नुङ् सोब्बे नुङ्ना पाइले दामास्कास, लोक् यरुसलेमङि हिट्नुङ् ख्वाप्पा याहुदिया देसङि उलिसागा, हिट्नुङ् पानिछोङ्बाचि चा ‘खानि पापलाम्मा काएल्-काबु लिसानिउङ् माङ्हाङ्ङि नोक्टानि हिट्नुङ् खानि पापलाम्मा काएल्-काबु आलिसि गाड्डे नुना टोॽवा चोगानुमुङ् पारमान् पिडानुम्’ पिक्सा पारचार चोगुङे॥
टरो याप्मिचिङा बिस्वास डोक् ओचोगुन्गेट्टुन्गा भोने खोड्डेउङ् हिट्नागाँ उनिङ् ओलाडुटुना टे? हिट्नुङ् याप्मिचिङा उन्ङाना बारेङि ओखेम्सुन्गेट्टुन्ना भोने खोड्डेउङ् उन् बिस्वास ओचोगुटुना टे? उन्ङाना बारेङि साङा चा पारचार ओचोगुन्गेट्टुन् भोने, याप्मिचिङा खोड्डेउङ् उन्ङाना बारेङि ओखेम्सुटुना टे?
आङा पानिछोङ्बाचिलाउङ्सा माङ्हाङ्ङाना बारेङि ओचेट्नुना खाबोर पारचार चोगुङुङ् खिरिस्ट येसुङाना सेवा चोगुङ्टुङ्॥ नाड्डेउङ् पुजारिङा भेटि ठाङ्सु गाड्डे डोक् आङा चा हिट्नागा माङ्हाङ्ङाना उनिङ्ग्वा टासुना भेटि ठाङ्मा हिडुङ्टुङ्, पोङ्भोने सेङ्सेङ्ना हाङ्साङा हिट्नागा सेङ्सेङ्गा याप्मिचि चोगुएसुचे॥
टरो खोना चा याप्मि धारमाबिधि पालान् चोगुङ् धारमोति लिनिना नुङ् आन्याँलाउङ्सा ठाहा युङ्ग्वा, टरो खिरिस्ट येसुङि बिस्वास काचोक्बा एरोक् माङ्हाङ्ङा धारमोति चोगुटु॥ नाड्डेउङ् खिरिस्टङि युङ्सुम्ना बिस्वासलाम्मा आनि धारमोति उलिसियाक् नुङ् डोक् खिरिस्ट येसुङि बिस्वास चोगुएसुम्मे, टरो धारमाबिधि पालान् चोगुमुङ् माखाक्, पोङ्भोने धारमाबिधि पालान् चोगुङ् खोना याप्मि चा धारमोति लिनिना॥
हिट्नुङ् माङ्पाङ्ङिगा याप्मिचिङा हिट्नागा ओठेडोङ्चि नुङ् मिसेन् उनिसुचिगा याप्मिचिङा ना टोॽवा माङ्हाङ्ङा आङा याङ्पिडाना रिङ् ठाहा ओटोगुएसुए॥ हिट्नुङ् हिट्नागाँ आङालोक् बारनाबास चा टाङ्बाङाना सेवा चोक्मा लाउङ्सा स्वागाट् याप्मिओचोगे॥ हिट्नागाँ आन्च्याँम्बाक् पानिछोङ्बाचिङि नुना खाबोर पारचार चोक्मा हिट्नुङ् उन्चिम्बाक् याहुदिचिङि नुना खाबोर पारचार चोक्माउङ्सा ओटोङ्सुए॥
Sanasan