१ तिमोथि 2:5 - आठपहरिया

⁵ माङ्‌हाङ्‌उम् ठिबाङ् एना हिट्‌नुङ् माङ्‌हाङ् लोक् याप्‌मिचि माझाङि काटोङ्‌बा चा ठिबाङ् एना, हिट्‌ना याप्‌मिम्‍बाक् खिरिस्‍ट येसु ए॥

१ तिमोथि 2:5 Iomraidhean Croise

मात्‌ति 1:1

येसु खिरिस्‍टउम्‍बाक् आब्‍राहाम हिट्‌नुङ् दाउद हाङ्‌बाङाना पुङ्‌लाङिना याप्‌मि डाना॥ नाहि येसु खिरिस्‍टङाना उटुबाठेबाचिगा निङ् नाड्‌डे पारिक् युङ्‌ग्‍वा–

मात्‌ति 1:23

“खेम्‍सानुम्, ठिबाङ् कान्‍नेए मेन्‍झेमाङा छा खुयुटु हिट्‌नुङ् ठिबाङ् ओओ पोङ्‌सुटु, हिट्‌नुङ् उनिङ् इम्‍मानुएल लियुक्,” इमानुएलङाना उटुप्‍बाक्, “माङ्‌हाङ् आनिलोक् लियुक्॥”

लुका 14:22

“हिट्‌नुङ् हिट्‌ना चाकारङा ओडाङ्‌बाङा लोडु गाड्‌डे डोक् चोगुङ् ओडाङ्‌बा लोडुए, ‘आडाङ्‌बा, खान्‍ङा आमाट्‌टुचिगा सोब्‍बे छेम्‍डुङ्‌चिउङ् टाडुङ्‌चिङे॥ हिट्‌नुङ्‌चा हाट्‌ले चा जोम् युङ्‌माना डेन् खेरोक् युङ्‌ग्‍वा॥’

युहान्‍ना 1:14

माङ्‌हाङ्‌ङाना रिङ् याप्‌मि उरुपङि लिसे हिट्‌नुङ् आनि माझाङि मायादाया लोक् छेम्‍बाना रिङ्‌ङा इप्‍टुङ् हेन्‍से॥ हिट्‌नुङ् उन्‍ङाना माहिमा आन्‍याँ निसुम्‍मे, हिट्‌ना माहिमा माङ्‌हाङ् पाबालाम्‍मा उङ्‌साना ठिबाङ् एना छाङाना गाड्‌डेना डाना॥

युहान्‍ना 17:3

लाट्‌निना चोला नुङ् खान् ठिबाङ् एडोक् छेम्‍बाना माङ्‌हाङ् मिसेन् निमा, हिट्‌नुङ् खान्‍ङा आपाङ्‌सुना येसु खिरिस्‍ट मिसेन् निमा ए॥

मुलिचेला टोॽवा 4:12

“येसु खिरिस्‍टलाम्‍मा एडोक् याप्‌मिचिङा मुक्‌टि ओटोगुटु॥ पोङ्‌भोने ना नाराङि याप्‌मिङा मुक्‌टि टोक्‍मा लोङ्‌सा खोना चा आरु निङ् वाइना॥”

रोमि 1:3

ना नुना खाबोरउम्‍टे माङ्‌हाङ् छाङाना बिसाएङि ए॥ उन् याप्‌मि लिसाउङ् दाउद हाङ्‌बाङाना पुङ्‌लालाम्‍मा पोङ्‌से॥

रोमि 10:12

हिट्‌नुङ् नाहि याहुदि आथाबा पानिछोङ्‌बाङि खोना चा ठेना खाट्‌टिउना लिनिना॥ पोङ्‌भोने उन् ठिक्‍ए टाङ्‌बा, सोब्‍बे याप्‌मिचिगा टाङ्‌बा ए॥ हिट्‌नुङ् उनिङ् ओलाडुगा याप्‌मिचि ख्‍वाप्‍पालाउङ्‌सा उन्‍ङा जोम् आसिक् पिडुचिचि॥

१ कोरिन्‌थि 8:4

हिड्‌नाड्‌डेउङ् मुरतिङि ठाङ्‌बालाक् थोक् चामा लियुक्‌नि लिनिना इ हिट्‌ना बारेङि आङा खानि लोनाँनि॥ नाहि ठिक् एडोक् माङ्‌हाङ् युङ्‌ग्‍वा नुङ् आनि लाउङ्‌सा ठाहा युङ्‌ग्‍वा, हिट्‌नुङ् नाराङि लिसागा मुरतिम्‍बाक् छेम्‍बाना माङ्‌हाङ् माखाक्॥

१ कोरिन्‌थि 8:6

टरो आनि लोङ्‌साम्‍बाक् ठिबाङ् एडोक् माङ्‌हाङ् पाबा वाहेट्, उन्‍ङा डोक् सोब्‍बे थोक् सिरिस्‌टि चोगुए, हिट्‌नुङ् उन्‍ङाना सेवा चोक्‍माउङ्‌सा आनि हिङिटि॥ येसु खिरिस्‍टउम्‍बाक् आनिना ठिबाङ् एना टाङ्‌बा ए॥ उन्‌लाम्‍मा डोक् सोब्‍बे थोक् सिरिस्‌टि लिसे हिट्‌नुङ् उन्‌लाम्‍मा डोक् माङ्‌हाङ्‌ङाना सेवा आनि चोगुम्‍टुम्॥

गालाति 3:20

हाट्‌ले इप्‍पाङ् याप्‌मि टोङ्‌मा कोन्‌चिचि भोने रिङ् काटोङ्‌बा याप्‌मि चाहाब् लियुक्, टरो माङ्‌हाङ् आप्‍पेङा आब्‍राहामलोक् चामारसिङा चोगुए, हिट्‌डेउङ् उन्‌लाउङ्‌सा खोना चा रिङ् काटोङ्‌बा चाहाब् लिनिना॥

एफिसि 4:6

हिट्‌नुङ् आनि सोब्‍बेङाना माङ्‌हाङ् हिट्‌नुङ् पाबा ठिक् एना॥ उन्‍ङा सोब्‍बेङि आधिकार चोगुटु, सोब्‍बेलोक् टोॽवा काचोक्‍बा उन् डोक्, हिट्‌नुङ् उन् सोब्‍बेङि वाहेट्॥

१ तिमोथि 6:13

सोब्‍बे थोक्‌लोङ्‌सा चोला कापिबा माङ्‌हाङ् हिट्‌नुङ् पान्‌तियास पिलातास सोरि आङालोङ्‌सा साँचि कापिबा छेम्‍बाना रिङ् काचेक् खिरिस्‍ट येसु ओटोकानाङि, आङा खान् आग्‍याँ पिनाँ,

हिब्‍रु 12:24

खानिम्‍टे माङ्‌हाङ् लोक् याप्‌मिचि माझाङि ओछोङ्‌ग्‍वाट् माङ्‌हुप् कारेक्‍बा येसु सोरि ओटाइसे, हिट्‌नुङ् खानि हाबिलङाना ओहेलिक् नुङ्‌ना चा आझै ओचेट्‌नुना रिङ् चामारसिङा चोगुना येसुङाना ओहेलिक् सोरि आटाइसे॥

हिब्‍रु 7:25

हिट्‌नाड्‌डेउङ् येसुङि बिस्‍वास ओचोगुङ् माङ्‌हाङ् सोरि ओखाट्‌गा याप्‌मिचि उन्‍ङा सोरोक् लाउङ्‌सा बाचाँ चोक्‍मा हिडुचिचि, पोङ्‌भोने हिट्‌नागा लाउङ्‌सा माङ्‌हाङ्‌ङि बिन्‌टि चोक्‍माबिमा उन् सोरोक् उहिङ्‌ग्‍वाट् वाहेट्॥

हिब्‍रु 8:6

टरो हाट्‌ले येसुङा टोगुना सेवा हिट्‌नागा पाइलेगा पुजारिचिगा टोॽवा नुङ्‌ना चा माङ्‌ठेना॥ हिट्‌नाडेउङ् माङ्‌हाङ् लोक् याप्‌मिचि माझाङि उन्‍ङा चोगुना सेङ्‌सेङ्‌ना माङ्‌हुप् पाइलेना नुङ्‌ना चा ओचेट्‌नुना, पोङ्‌भोने ना ओछोङ्‌ग्‍वाट् माङ्‌हुप् आड्‌डिक् ओचेट्‌नुना चामारसिङालाम्‍मा उटुम् लियुक्॥

हिब्‍रु 9:15

नाड्‌डेउङ् माङ्‌हाङ्‌ङा चामारसिङा चोगुना सोरोक् लियुयाक्‍ना आसिक् ओटोगुवाक् नुङ् उन्‍ङा छेम्‍डुचिगा लाउङ्‌सा खिरिस्‍टम्‍बाक् ओछोङ्‌ग्‍वाट् माङ्‌हुप् काटोङ्‌बा ए, पोङ्‌भोने पाइलेना माङ्‌हुप् आझै लिसाना बेला याप्‌मिचिङा ओचोगुना पापलाम्‍मा छुट्‌कारा पिमाउङ्‌सा उन् सिए॥

१ युहान्‍ना 2:1

खानि आइछाचि गाड्‌डेगा, खानिङा पाप चोग्‍नेनुम् नुङ् आङा नागा रिङ् खानिलाउङ्‌सा छेप्‍टुएट्‌टुङ्॥ टरो कोइङा पाप चोगुए भोने चा माङ्‌हाङ् पाबालोक् आनि लोङ्‌सा बिन्‌टि काचोक् ठिबाङ् धारमोति येसु खिरिस्‍ट वाहेट्॥

पारकास 1:13

हिट्‌नुङ् हिट्‌ना कुपिदानि माझाङि ठिबाङ् याप्‌मि छा गाड्‌डे निङ्‌ना आङा याप्‌मि निसुङे॥ उन्‍ङा केना लोट्‌लिङ् वाडुना हिट्‌नुङ् ओछाति याम्‍बा-नायाम्‍बा साम्‍मेङ्‌ङाना पेटिङा रेक्‍टुएसुना॥