१ तिमोथि 1:7 - आठपहरिया

⁷ हिट्‌नागा मोसाङाना धारमाबिधि काहिसिक्‍बा लिमा ओकोन्‍गा, टरो हिट्‌नागा आप्‍पेङा ओमाट्‌टुना रिङ् हिट्‌नुङ् ना छेम्‍बाना ए पिक्‍सा ओमाट्‌टुना रिङ् हिट्‌नागाँ आप्‍पे बुजा ओचोगुन्‍गा॥

१ तिमोथि 1:7 Iomraidhean Croise

मात्‌ति 15:14

हिट्‌नागा खेम्‍गेन्‍चा लाप्‍नेनुम्‌चिम्, हिट्‌नागाउम्‍टे याङ्‌कानिनिबा याप्‌मिचिगा याङ्‌कानिनिबा ओठेडोङ्‌चि ए॥ ठिबाङ् याङ्‌कानिबाङा आरको याङ्‌कानिनिबा लाम्‍बेट्‌टुए भोने, हिट्‌नागाचि इप्‍पाङ् डोक् खोपिल्‍टाङि ठाचिचि॥”

मात्‌ति 21:27

हिट्‌नाड्‌डेउङ् हिट्‌नागाँ येसु ओलोडुए, “खोलो, आन्‍याँलोङ्‌सा ठाहा वाइना॥” टब उन्‍ङा हिट्‌नागा लोडुचे, “हिड्‌डे भोने आङा खोनालाम्‍मा आधिकार टोगुङुङ् नागा टोॽवा चोगुएट्‌टुङ्, हिट्‌ना आङा खानि लोनेनिन्‍गा॥”

लुका 2:46

हिट्‌नुङ् सुम्‍बोक् लेम्‍बा एङ्‌स्‍वालेङ् एडोक् येसु माङ्‌ठानाङि टुबाचुए॥ येसुम्‍बाक् धारमाबिधि काहिसिक्‍बाचिलोक् युङाउङ् उन्‌चि रिङ् खेम्‍सा हिट्‌नुङ् सिलाप्‍सा युङेसाना॥

मुलिचेला टोॽवा 15:1

इम्‍टेप्‍मा याप्‌मिचि याहुदिया छेट्‌रालाम्‍मा ओटायाउङ् एन्‌टिओखिया खालाङ्‌गाङिगा बिस्‍वासिचि नाड्‌डे पिक्‍सा उहिसिक्‍टुचे, “मोसाङा छेप्‍टुना धारमाबिधि गाड्‌डे खाताना आचोक्‍नेट्‌निम् भोने, खानिङा मुक्‌टि आटोक्‌निम्‍ना॥”

रोमि 1:22

हिट्‌नागा आन्‍याँ ठोना लिसिङागा उपिक्‍चा हिट्‌नागा ठोनाबा उलिसे॥

गालाति 3:2

आङा खानि ठिक् रिङ् सिलाप्‍नानि, पाक् खानिङा धारमाबिधि पालान् आचोगुमुङ् सेङ्‌सेङ्‌ना हाङ्‌सा आटोगुमेनि टे? माइना? टरो खानिङा खिरिस्‍टङाना बारेङि आखेम्‍सुम्‍ना खाबोरङि बिस्‍वास आचोगुमुङ् सेङ्‌सेङ्‌ना हाङ्‌सा आटोगुम्‍मे॥

गालाति 3:5

माङ्‌हाङ्‌ङा खानि सेङ्‌सेङ्‌ना हाङ्‌सा मापिडिटि हिट्‌नुङ् खानि माझाङि डोङ् ठोङ्‌डिना टोॽवा चोगुटु॥ पाक् खानिङा धारमाबिधि पालान् आचोगुमुङ् इ टे? माखाक्॥ नाउम्‍टे खानिङा खिरिस्‍टङाना बारेङि आखेम्‍सुम्‍ना खाबोरङि बिस्‍वास आचोगुमुङ् लिसाना ए॥

गालाति 4:21

खानि धारमाबिधि पालान् चोक्‍मा निङ्‌ग्‍वा काचोक्‌चिङा आरिङ् खेम्‍सानुम्॥ मोसाङाना धारमाबिधिङि पाक् छेप्‍टेसेना हिट्‌ना रिङ् खानि लोनाँनि॥

१ तिमोथि 6:4

हिट्‌नाम्‍बाक् आड्‌डिक् ठेलोक् चोक्‍ना हिट्‌नुङ् पाक्‍चा ठाहा काटोग्‌निबा लियुक्॥ हिट्‌नाँ खेडोक्‍गा रिङ्‌पान्‌ङि निङ्‌ग्‍वा चोगुङ् बादबिबाद चोक्‌युङ् रिङ् रिङ्‌ङाना उटुप् बारेङि खेमाभुङ्‌मा होट्‌टुगा॥ नाड्‌डेगा रिङ्‌ङाम्‍बाक् रेक् काप्‍मा, साम्‍माना रिङ्, लोमाजामा हिट्‌नुङ् ओचाफेन्‍ना साङ्‌का,

२ तिमोथि 3:7

हिट्‌नागा मेन्‍झेमाचि सिकाँम्‍बाक् सोरोक् सिकाँ उलिगा, टरो छेम्‍बाना रिङ्उम्‍बाक् पाइना हिट्‌ना साम्‍मा डोक् उहिडुन्‍गा॥

याकुब 3:1

आम्‍बु-आन्‍झाचि हिट्‌नुङ् आनो-आन्‍झाचि, खानि माड्‌डे याप्‍मा जाना काहिसिक्‍बा लिनेनिन्, पोङ्‌भोने आनि काहिसिक्‍बाचिगा आरु नुङ्‌ना आझा टुक्‍लोक् न्‍याए लियुक् नुङ् खानिलोङ्‌सा ठाहा युङ्‌ग्‍वा॥

२ पाटरुस 2:12

टरो नागा याप्‌मिचि ठोनाबा जिवाट्‌चि गाड्‌डेगा, नागा लाबुम्‌चिमुङ् सेप्‍मा ओपोङ्‌सा गाड्‌डेगा, हिट्‌नुङ् हिट्‌नागाँ ठाहा डोक् ओटोगुन्‍गेट्‌टुन्‍गा रिङ्‌ङाना बारेङि ओचाफेन्‍लोक् ओमाट्‌टुगा॥ हिड्‌नाडेउङ् हिट्‌नागा चा जाङ्‌गालि जिवाट्‌चि गाड्‌डे डोक् जाखाम् उलियुक्॥