१ तिमोथि 1:5 - आठपहरिया

⁵ ना आग्‍याँङाना मुलि रिङ्उम्‍बाक् माया ए, नाउम्‍बाक् चोखो निङ्‌ग्‍वा, ओचेट्‌नुना मिप्‍माना बोल् हिट्‌नुङ् छेम्‍बाना बिस्‍वासलाम्‍मा होन्‌युक्॥

१ तिमोथि 1:5 Iomraidhean Croise

मात्‌ति 12:35

नुना याप्‌मिङा उनिङ्‌ग्‍वाङि लिसाना नुना रिङ्‌लाम्‍मा ओचेट्‌नुना रिङ् डोक् माट्‌टुटु, टरो भेन्‍ना याप्‌मिङा उनिङ्‌ग्‍वाङि लिसाना ओचाफेन्‍ना रिङ्‌लाम्‍मा ओचाफेन्‍ना रिङ् डोक् माट्‌टुटु॥

मात्‌ति 5:8

चोखो निङ्‌ग्‍वा उलिसागा लोङ्‌सा माङ्‌हाङ्‌ङा आसिक् पिडुचिचि, पोङ्‌भोने हिट्‌नागाँ माङ्‌हाङ् उनिसुटु॥

मुलिचेला टोॽवा 15:9

उन्‍ङा याहुदि लोक् पानिछोङ्‌बा याप्‌मिचि साम्‍डुव्‍ट्‌टुन्‌चिन्॥ माङ्‌हाङ्‌ङा उन्‌चि निङ्‌ग्‍वा सेङ्‌सेङ् चोगुबिडुचे, पोङ्‌भोने हिट्‌नागाँ टाङ्‌बाङि बिस्‍वास ओचोगुए॥

मुलिचेला टोॽवा 23:1

पावालङा काचाहारि-कुन्‍डाल सोब्‍बेलेङ् पुयुङ् माट्‌टुए, “भुम्‍भु-झान्‍झाचि, ना बेला सोम्‍मा माङ्‌हाङ् ओटोकानाङि ना आचोलाङा चोखो निङ्‌ग्‍वाङि डोक् माङ्‌हाङ्‌ङाना सेवा चोगुएसुङे॥”

मुलिचेला टोॽवा 24:16

नाड्‌डेउङ् याप्‌मि हिट्‌नुङ् माङ्‌हाङ् ओटोकानाङि आठोना ओछेक्‍छेक् चोक्‍मा इट्‌टुएसुङे॥

रोमि 10:4

पोङ्‌भोने खिरिस्‍टङा डोक् धारमाबिधि आन्‍ते चोगुटु, हिट्‌डेउङ् हाट्‌ले खिरिस्‍टङि बिस्‍वास काचोक् सोब्‍बे याप्‌मिचि धारमोति उलियुक्॥

रोमि 12:9

खानिङा आरु निङ्‌ग्‍वालाम्‍मा डोक् माया चोगानुम्‌चिम्॥ ओचाफेन्‍गा रिङ् नाडानुम् हिट्‌नुङ् खोना रिङ् ओचेट्‌नुना हिट्‌ना रिङ्‌ङि लाहाब् लिसायाक्‍टानि॥

रोमि 14:15

हिट्‌नुङ् खान्‍ङा आचोना थोक्‌ङा आरको बिस्‍वासिङाना उनिङ्‌ग्‍वा आटुक्‍मेट्‌टुए भोने, हाट्‌ले खान्‍ङा उन् माया आचोगुन्‍ना नुङ् ठाहा लियुक्॥ खान्‍ङा जे आचोटु हिट्‌ना थोक्‍ङा आरको बिस्‍वासि जाखाम् उलिनियाक्, पोङ्‌भोने उन् लाउङ्‌सा चा खिरिस्‍ट सिए॥

रोमि 9:1

आङा माप्‍मा कोलुङ्‌ना रिङ् छेम्‍बाना॥ आङा खिरिस्‍टङाना ओयाप्‌मि हिट्‌नुङ् माङ्‌जो चेक्‌निङ्‌ना॥ सेङ्‌सेङ्‌ना हाङ्‌साङा आङाना मिप्‍माना बोल् आधिन् चोगुटु, हिट्‌नुङ् आङा माङ्‌जो चोक्‌निङ्‌ना नुङ् आङाना मिप्‍माना बोल्‍ङा याङ्‌लोयुक्॥

१ कोरिन्‌थि 13:1

आङा याप्‌मिचिगा पारिक् पारिक्‍गा रिङ् लोक् माङ्‌हाङ् रिङ् काउग्‍बाचिगा रिङ् चेक्‍ङा चा आङा आरु माया चोक्‌निङ्‌चिङ्‌गा भोने, आङा चेक्‍टाङ्‌ना रिङ्‌म्‍बाक् टिङ् टिङ् मुक्‍ना पोङ्‌गे हिट्‌नुङ् छ्‌याङ् छ्‌याङ् मुक्‍ना झ्याम्‍टा गाड्‌डे एडोक् मुक्‌युक्॥

२ कोरिन्‌थि 1:12

ना नाराङि एडोक् माखाक्, खानि ओटोक्‍माङ्‌ङि चा माङ्‌हाङ् उनिङ्‌ग्‍वा गाड्‌डे आन्‍याँ चाट्‌ला चोखो हिट्‌नुङ् सोजो लिसाना रिङ् आन्‍याँ निङ्‌ग्‍वालाम्‍मा निस्‌चित लिसिङाउङ् माप्‍मा हिडुम्‍टुम्‍मा॥ आन्‍याँ नाराङिना याप्‌मिङाना ओठोनाङि माखाक्, टरो माङ्‌हाङ्‌ङाना ओमायादायाङि भोरोसा युङ्‌सुम्‍टुम्‍मा॥

गालाति 5:22

टरो सेङ्‌सेङ्‌ना हाङ्‌साङा माट्‌टु गाड्‌डे काचोक्‍बा याप्‌मिङा नाड्‌डेगा टोॽवा चोगुटु, उन्‍ङा याप्‌मिचि माया चोगुचिचि, खुसि लियुक्, हाङ्‌हाङ् लियुक्, आङ्‌मा काहिबा लियुक्, याप्‌मिचि दाया चोगुचिचि, आरु नुलोक् मेट्‌टुचिचि, बिस्‍वासिलो लियुक्,

गालाति 5:6

पोङ्‌भोने खिरिस्‍ट येसुङि बिस्‍वास काचोक्‌चि आनि लाउङ्‌सा खाताना चोगुम्‍चा चोक्‌निम्‍चा पाक्‍चा फाराक् वाइना॥ टरो मुलि रिङ्उम्‍बाक् खिरिस्‍टङि आनि बिस्‍वास चोगुम्‍नाँ आनि आरु याप्‌मिचि माया चोगुम्‌चिम्‌चिम्॥

१ तिमोथि 1:18

आइछा गाड्‌डेना तिमोथि, आङा खान् ना आग्‍याँ पिनाँ, खान्‍ङाना बारेङि पाइला डोक् माङ्‌हाङ् रिङ्‌लाम्‍मा माट्‌टि गाड्‌डे, हिट्‌नागा रिङ्‌लाम्‍मा आँट् टोगुङ् नुना खाबोर लोङ्‌सा नुलोक् टोॽवा चोगु॥

१ तिमोथि 1:19

खान्‍ङाना बिस्‍वास लोक् चोखो मिप्‍माना बोल् युङ्‌सुयाक्‍टु॥ आम्‍टेप्‍मा याप्‌मिचिङा उन्‌चिङा मिप्‍माना बोल् खेम्‍मा इन्‍कार ओचोगुए, हिड्‌डेउङ् उन्‌चि बिस्‍वास डोक् जाखाम् ओचोगुए॥

१ तिमोथि 3:9

हिट्‌नागा पारकाट् लिसाना बिस्‍वासङाना बारेङिना छेम्‍बाना खाबोर चोखो मिप्‍माना बोल्‍ङा बिस्‍वास ओचोगुयाक्‍टुगा लिमाचि ओकोन्‌युक्॥

२ तिमोथि 1:3

आटुबाठेबाचिङा सेवा ओचोगु गाड्‌डे डोक् आङा चा चोखो मिप्‍माना बोल्‍ङा माङ्‌हाङ्‌ङाना सेवा चोगुङ्‌टुङ्, हिट्‌नुङ् सोरोक् आङा लेम्‍बासेम्‍बा बिन्‌टि चोगुङ्‌नाँ खान् मिट्‌सा माङ्‌हाङ्‌ङि पोए-पोए ठाङ्‌सुङ्‌टुङ्॥

२ तिमोथि 1:5

खान्‌ङि लिसाना हिट्‌ना छेम्‍बाना बिस्‍वास आङा मिट्‌टुङ्‌टुङ्॥ हिट्‌ना बिस्‍वास डोक् पाइले काटुडुमा लोइस लोक् कामा युनिसङि डाना, हिट्‌नुङ् आझै हिट्‌ना बिस्‍वास डोक् खान्‌ङि चा युङ्‌ग्‍वा नुङ् आङा निस्‌चित लिसाइसाङे॥

२ तिमोथि 2:22

हिट्‌डेउङ् ठाङ्‌बेन् बेला निङ्‌ग्‍वालाम्‍मा टाना ओचाफेन्‍गा रिङ्‌चिलाम्‍मा पिन्‍डा, हिट्‌नुङ् सेङ्‌सेङ्‌ना निङ्‌ग्‍वाङि टाङ्‌बा माङ्‌ध्‍यान् काचोक् याप्‌मिचिलोक् पाक् नुना हिट्‌ना रिङ्‌ङि, बिस्‍वासङि, मायाङि हिट्‌नुङ् हारका लिसिना रिङ्‌ङि लाहाब् लिसा॥

तितास 1:15

चोखो याप्‌मिचि लोङ्‌सा ख्‍वाप्‍पा रिङ्‌चि चोखो डोक् लियुक्॥ टरो निङ्‌ग्‍वा ओचाफेन्‍गा हिट्‌नुङ् बिस्‍वास ओचोगुन्‍गा लोङ्‌सा भोने पाक् रिङ् चा सेङ्‌सेङ् लिनिना पोङ्‌भोने हिट्‌नागाँगा मिप्‍माना बोल् हिट्‌नुङ् चोखो निङ्‌ग्‍वा डोक् चोखो वाइना॥

हिब्‍रु 10:22

उन्‍ङा आनिना ओचाफेन्‍ना निङ्‌ग्‍वा ओहेलिक्‌ङा सेङ्‌सेङ् आचोगाबिडेसे हिट्‌नुङ् आनि येम् सेङ्‌सेङ्‌ना चुवाङा आवासिबिडेसे॥ हिट्‌नाड्‌डेउङ् छेम्‍बाना बिस्‍वास लोक् भोरोसाङि माङ्‌हाङ् सोरि आनि खाडि॥

हिब्‍रु 13:18

आन्‍याँ लाउङ्‌सा बिन्‌टि चोगानुम्॥ आन्‍याँ निङ्‌ग्‍वा सेङ्‌सेङ्‌ना नुङ् आन्‍याँलाउङ्‌सा ठाहा युङ्‌ग्‍वा, हिट्‌नुङ् पाक् नुना हिट्‌ना रिङ् एडोक् चोक्‍मा आन्‍याँ निङ्‌ग्‍वा चोगुम्‍टुम्‍मा॥

हिब्‍रु 9:14

हाट्‌ले खिरिस्‍टङाना ओहेलिक्‌ङि हिट्‌ना नुङ्‌ना चा आड्‌डिक् बोल्‍लेउ ए हिट्‌नुङ् नाङा आनि निङ्‌ग्‍वा आनिना ओचाफेन्‍ना टोॽवालाम्‍मा सुद्‌दो चोक्‍मा हिडुटु, हिट्‌डेउङ् आनि उहिङ्‌ग्‍वाट् माङ्‌हाङ्‌ङाना सेवा चोक्‍मा हिडुम्‍टुम्॥ पोङ्‌भोने उन्‍ङा लाट्‌निना हाङ्‌साङाना बोल्‌लाम्‍मा आप्‍पेलाउङ्‌सा फाट्‌टुर मालेना भोक् लिसाउङ् माङ्‌हाङ्‌ङि ठाङ्‌सुए॥

याकुब 4:8

खानि माङ्‌हाङ्‌ङाना नेहेटाङ् टायानि हिट्‌नुङ् माङ्‌हाङ् चा खानि नेहेटाङ् टायुक्॥ हाउ कायाङ्‌छाबा याप्‌मिचि, खानि मुक् वासिडानुम् सेङ्‌सेङ् चोगानुम्॥ हाउ इप्‍पोक्‌लेङ् निङ्‌ग्‍वा कापि याप्‌मिचि, खानि निङ्‌ग्‍वा सेङ्‌सेङ् चोगानुम्॥

१ पाटरुस 1:22

हाट्‌ले खानिङा छेम्‍बाना रिङ् मानाँ आचोगुमुङ् खानि निङ्‌ग्‍वा सेङ्‌सेङ् आचोगुम्‍नाँ खानि भुम्‍भु-झान्‍झाचि हिट्‌नुङ् नाना-झान्‍झाचि छेम्‍बाना माया चोगानुम्‌चिम्, हिट्‌नुङ् निङ्‌ग्‍वालाम्‍मा डोक् ठिबाङ्‌ङा आरको माया चोग्‍गा चोग् चोगानि॥

१ पाटरुस 3:16

हिट्‌ना आसा बारेङि मेयोक् लिसानिउङ् याप्‌मिचि मान् चोक्‍सा लोडानुम्‌चिम्॥ खानि मिप्‍माना बोल् सेङ्‌सेङ् युङ्‌सानुम्॥ हिड्‌नाड्‌डेउङ् खिरिस्‍टङि खोड्‌डे पारिक् नुना चोलाङि आयुङिएसेगा हिट्‌ना रिङ् उनिसुङ् खानि बिरुद्‌दाङि ओचेक्‍गा आप्‍पे ओमोन्‌युसियुक्॥

१ पाटरुस 3:21

हिट्‌नुङ् ना चुवाङा बाप्‌टिस्‍माङाना साङ्‌केट् चोगुटु, जुन्‍ङा खानि माहिङिटि॥ ना येम्‌ङिना रिग्‍वाट् वासिडि गाड्‌डे माखाक्, टरो ना चोखो मिप्‍माना बोल्‍ङा माङ्‌हाङ्‌लोक् चोक्‍बालाक् चामारसिङा ए॥ येसु खिरिस्‍ट सियानालाम्‍मा उहिङ्‌ग्‍वाट् लिसानाँ ना बाप्‌टिस्‍माङा खानि आहिङिटि॥

१ पाटरुस 4:8

सोब्‍बे नुङ्‌ना ठेना रिङ्उम्‍बाक् खानि खानिङि आड्‌डिक् गाइरो माया चोगानि, पोङ्‌भोने मायाङा डोक् जोम् पाप टेप्‍टुटु॥

२ पाटरुस 1:7

हिट्‌नुङ् भाक्‌टि चोक्‍सा भुम्‍बु-झान्‍झाचि दाया चोगानुम्‌चिम्, भुम्‍बु-झान्‍झाचि दाया चोक्‍सा मायाङि पोसा खाडानि॥

१ युहान्‍ना 3:10

माङ्‌हाङ् ओखालाक् हिट्‌नुङ् सैतानङाना ओखालाक् साइना नुङ् ना रिङ्‌लाम्‍मा डोक् मिसेन् निमा हिडुम्‍टुम्, माङ्‌हाङ् ओटोकानाइ नुना टोॽवा चोक्‌निना हिट्‌नुङ् बिस्‍वासि भुम्‍भु-झान्‍झा आथाबा नाना-झान्‍झाचि माया चोगुन्‌चिन्‍गा भोने हिट्‌ना माङ्‌हाङ् ओखालाक् माखाक्॥

१ युहान्‍ना 3:23

उन्‍ङा आनि आग्‍याँ आचोगाना रिङ्उम्‍बाक् ना डोक् ए, आनि उन्‍ङाना छा येसु खिरिस्‍ट उनिङ्‌ङि बिस्‍वास चोग्‍मा कोन्‌युक्, हिट्‌नुङ् उन्‍ङा आनि आहिसिक्‍टा गाड्‌डे डोक् ठिबाङ्‌ङा आरकोलाउङ्‌सा माया चोक्‍मा कोन्‌युक्॥

१ युहान्‍ना 3:3

हिट्‌नुङ् खिरिस्‍ट फाकाट्‌ना लिसा गाड्‌डे, उन्‌ङि नाड्‌डेना आसा उयुङ्‌सुगाँ ख्‍वाप्‍पा याप्‌मिङा आप्‍पेलाउङ्‌सा फाकाट्‌ना ओचोगुङ् उयुङ्‌सुटु॥