१ तिमोथि 1:17 - आठपहरिया

¹⁷ हाट्‌ले सोरोक् सासान् काचोक्‍बा हाङ्‌बा, खोना बेला चा सिनिना हिट्‌नुङ् निमा हिनिम्‍ना ठिबाङ् माङ्‌हाङ्‌लोङ्‌सा सोरोक् आदार लोक् माहिमा उलियुयाक्‌याक्॥ आमेन्॥

१ तिमोथि 1:17 Iomraidhean Croise

मात्‌ति 25:34

हिट्‌नुङ् हाङ्‌बाङा उछुप्‍टाङ् उमुक्‌लेङ्‌गा लोडुचिचि, ‘आबानि, आङाना माङ्‌हाङ् पाबालाम्‍मा आसिक् आटोगुम्‍गा याप्‌मिचि, नारा उटुम् नुङ् डोक् खानि लोङ्‌सा टेयार चोग्‍बालाक् मुलुक् आधिकार चोगानुम्॥

मात्‌ति 28:20

आङा खानि आग्‍याँ पिनानिगा सोब्‍बे रिङ् पालान् चोक्‍मा हिट्‌नागा हिसिक्‍टानुम्‌चिम्॥ खेम्‍सानुम्, आङा जुगङाना आन्‍ते सोम्‍मा सोरोक् खानिलोक् एक्‍केउ लिङा॥”

मात्‌ति 6:13

निङ्‌ग्‍वा छिक्‍माङि ठामा आन्‍याँ याप्‌मिपिनेन्, टरो सैतानलाम्‍मा आन्‍याँ याप्‌मिसाम्‍डा॥ पोङ्‌भोने मुलुक्, साक्‌ति लोक् माहिमा सोरोक् खान्‍ङाना डोक्॥ आमेन्॥’

युहान्‍ना 1:18

माङ्‌हाङ् साङा चा खोना बेला चा उनिसुन्‍गेट्‌टुन्‍ना, टरो माङ्‌हाङ् पाबालोक् लिसाना ठिबाङ् एना, उन् आप्‍पे माङ्‌हाङ्, हिट्‌नुङ् उन्‍ङा डोक् आनिलाउङ्‌सा माङ्‌हाङ् आनिमेट्‌टाइसे॥

युहान्‍ना 5:44

खानिङा ठिबाङ्‌ङा आरकोलाम्‍मा मान् आकोलुम्‍गा, टरो ठिबाङ् एरोक् माङ्‌हाङ्‌लाम्‍मा टोगुम्‍ना मान्‌म्‍बाक् आकोन्‌निम्‍ना भोने खानिङा खोड्‌डेउङ् बिस्‍वास चोक्‍मा आहिडुम्‍टुम्‍ना टे?

रोमि 1:20

ना रिङ् छेम्‍बा डोक्, माङ्‌हाङ्‌ङाना लाट्‌निना ओबोल् हिट्‌नुङ् उन् खोड्‌डेना नुङ् आनि मिक्‍ङा निमा हिनिम्‍ना॥ टरो नाराङिना उटुम् लिसालाम्‍मा डोक् उन्‍ङा सिरिस्‌टि चोगुगा थोक्‌लाम्‍मा याप्‌मिचिङा माङ्‌हाङ् पारचिन्‍दा बुजा चोक्‍मा उहिडुटु॥ हिट्‌नाडेउङ् हिट्‌नागा लाउङ्‌सा माङ्‌हाङ् बुजा चोक्‌निम्‍ना नुङ् माप्‍माना रिङ् डोक् वाइना॥

रोमि 1:23

हिट्‌नुङ् हिट्‌नागाँ सोरोक् उहिङ्‌ग्‍वाट् लिना माङ्‌हाङ्‌ङाना माङ्‌ध्‍यान् चोक्‍मा ओनाडुङ्, हिट्‌नागाँ जाखाम् लिना याप्‌मि गाड्‌डे निङ्‌ना साम्‍माङ् ओचोगुङ् माङ्‌ध्‍यान् ओचोगुए॥ हिट्‌नुङ् हिट्‌नागाँ नुवाचि, जिवाट्‌चि, हिट्‌नुङ् सोट्‌सा ओलाम्‌टिगा जिवाट्‌चि गाड्‌डे उनिङ्‌गा मुरति ओचोगुङ् साम्‍माङ् ओचोगुए॥

रोमि 11:36

छेम्‍बा, माङ्‌हाङ्‌ङा डोक् सोब्‍बे थोक् सिरिस्‌टि चोगुए, हिट्‌नुङ् सोब्‍बे थोक् उन्‍ङाना ओबोल्‌लाम्‍मा उलिसेसे, उन्‍ङाना मान् उलियाक् नुङ् सोब्‍बे थोक् उन्‍ङा सिरिस्‌टि चोगुए॥ हिट्‌नुङ् माङ्‌हाङ्‌ङाना उनिङ् सोरोक् टो-टो चोन्‍डुम्॥ आमेन्॥

रोमि 16:27

सोब्‍बे थोक् निसुना माङ्‌हाङ् उन् एना ए॥ येसु खिरिस्‍टङा चोगुनाँ सोरोक् माङ्‌हाङ्‌ङाना उनिङ् टो-टो चोन्‍डुम्॥ आमेन्॥

रोमि 2:10

टरो ओचेट्‌नुना टोॽवा काचोक् ख्‍वाप्‍पा याप्‌मिचिगा निङ् माङ्‌हाङ्‌ङा टो-टो चोगुबिडुचिचि, हिट्‌नुङ् हिट्‌नागाँ मान् हिट्‌नुङ् सान्‌ति ओटोगुटु, हिट्‌ना चा पाइले याहुदिचिङा ओटोगुटु डोक्, हिट्‌नुङ् पानिछोङ्‌बाचिङा चा ओटोगुटु॥

रोमि 2:7

जुन् याप्‌मिचिङा ओचेट्‌नुना टोॽवा ओचोगुयाक्‍टुटु, माङ्‌हाङ्‌ङाना माहिमा, मान् चोक्‍मा, हिट्‌नुङ् सिनिना चोला लाउङ्‌सा उहिङ्‌युक् हिट्‌नागा माङ्‌हाङ्‌ङा लाट्‌निना चोला पिडुचिचि॥

कालास्‌सि 1:15

माङ्‌हाङ् आनि निमा हिनिम्‍ना, टरो खिरिस्‍टउम्‍बाक् निमा हिनिम्‍ना माङ्‌हाङ्‌ङाना उरुप् ए॥ सिरिस्‌टि चोक्‍बालाक् थोक्‌चि नुङ्‌ना उन् पाइले डोक् डाना, हिट्‌नुङ् सिरिस्‌टि चोक्‍बालाक् थोक्‌चिङि उन् ख्‍वाप्‍पा नुङ्‌ना माङ्‌ठेना ए॥

हिब्‍रु 11:27

बिस्‍वासङाना भोरङि डोक् मोसाङा मिस्‍रा देस पोक्‍टुङ् खाडे हिट्‌नुङ् हाङ्‌बाङाना ओयाक् काडा चा यान्‍दा डोक् चोग्‍वाट्‌टुन्॥ हिट्‌नुङ् ठेट्‌निना माङ्‌हाङ् निसु गाड्‌डे चोगाउङ् उन् एङ्‌स्‍वा नोक्‍नेट्‌नि॥

हिब्‍रु 2:7

खान्‍ङा छोप्‍मोङ् बेला लोङ्‌सा याप्‌मि माङ्‌हाङ् रिङ् काउग्‍बाचि नुङ्‌ना उछिक्‌ङि आयुङ्‌सुए॥ हिट्‌नुङ् खान्‍ङा याप्‌मिचि माहिमा हिट्‌नुङ् मान्‌ङाना मुकुट् आमेट्‌टुचे,

१ पाटरुस 5:11

माङ्‌हाङ्‌ङा सोरोक् साक्‌तिलोक् सासान् ओचोगुवाक्॥ आमेन्॥

२ पाटरुस 3:18

टरो सोरोक् आनि टाङ्‌बा हिट्‌नुङ् काहिङ्‌मेप्‍बा डाङ्‌बा येसु खिरिस्‍टङाना ओठोना हिट्‌नुङ् ओमायादायाङि पोसा खाडानि॥ हाट्‌ले हिट्‌नुङ् सोरोक् टाङ्‌बाङाना डोक् उनिङ् टो-टो उलियाक्॥ आमेन्॥

१ युहान्‍ना 4:12

साङा चा खोना बेला चा माङ्‌हाङ् उनिसुन्‍गेट्‌टुन्‍ना॥ टरो आनि ठिबाङ्‌ङा आरको माया चोगुम्‍टुम् भोने, माङ्‌हाङ् आनिलोक् युङ्‌युक्, हिट्‌नुङ् उन्‍ङाना माया आनिङि युडैसे॥

याहुदा 1:25

उन् ठिक् एना माङ्‌हाङ्, आनि काहिङ्‌मेप्‍बा डाङ्‌बा येसु खिरिस्‍ट आनि टाङ्‌बा ए॥ उन्‌लाउङ्‌सा माहिमा, मान्, बोल् हिट्‌नुङ् आधिकार उटुम्‌लाम्‍मा हाट्‌ले हिट्‌नुङ् सोरोक् बेला सोम्‍मा उलियाक्॥ आमेन्॥

पारकास 15:3

हिट्‌नागाँ माङ्‌हाङ् ओसेवाक् मोसाङाना छाम्‍लोमा हिट्‌नुङ् थुमाङाना छाम्‍लोमा ओछाम्‍लोसेट्‌टागा, “माङ्‌हाङ् डाङ्‌बा, खान् सोब्‍बे नुङ्‌ना माङ्‌बोल्‍लेउ, हिट्‌नुङ् खान्‍ङा आचोगुना टोॽवा माङ्‌ठेना हिट्‌नुङ् डोङ् ठोङ्‌डिना ए॥ खान् सोब्‍बे छोङ्‌बाचिगा हाङ्‌बा ए, खान्‍ङागा सोब्‍बे टोॽवा सिधा हिट्‌नुङ् छेम्‍बागा ए॥

पारकास 17:14

हिट्‌ना जिवाट् हिट्‌नुङ् ठिमेक् हाङ्‌बाचि माङ्‌हाङ्‌ङाना थुमा बिरुद्‌दाङि उचुङ्‌युक्, टरो थुमा लोक् उन् बिस्‍वास काचोक्‌चिङा हिट्‌नागा ओमेट्‌टुचिचि, पोङ्‌भोने उन् डाङ्‌बाचिगा टाङ्‌बा हिट्‌नुङ् हाङ्‌बाचिगा हाङ्‌बा ए॥ थुमालोक् उलिसागा बिस्‍वासिचिम्‍बाक् माङ्‌हाङ्‌ङा छेम्‍डुचिगा, सेगुचिगा हिट्‌नुङ् बिस्‍वासिलो उलिसाउङ् उन्‍ङाना सेवा काचोक् याप्‌मिचि ए॥”

पारकास 19:1

हिट्‌नुङ्‌ना टोनालोग्‌ङि जोम् याप्‌मिचिगा खिमेयाङ्‌मे मुक्‍टाना आङा खेम्‍सुङे, हिट्‌नागाँ ठेना सोराङि नाड्‌डे ओमाट्‌टुए, “माङ्‌हाङ् उनिङ् टो-टो उलियाक्, हिट्‌नुङ् उन्‍ङा आनि बाचाँ ओचोगेसे॥ उन्‍ङाना माहिमा उलियाक्, हिट्‌नुङ् उन् साक्‌तिसालि माङ्‌हाङ् ए॥

पारकास 19:16

हिट्‌नुङ् उन्‍ङाना ओलोट्‌लिङ्‌ङि हिट्‌नुङ् ओलाङ्‌घेपाङि ना निङ् छेप्‍टेसाना, “हाङ्‌बाचिगा हाङ्‌बा हिट्‌नुङ् टाङ्‌बाचिगा टाङ्‌बा॥”

पारकास 19:6

हिट्‌नुङ्‌ना आङा जोम् याप्‌मिचिगा खिमेयाङ्‌मे मुक्‍टाना, जोम् चुवा छाँगालाम्‍मा ठाया गाड्‌डे मुक्‍टाना हिट्‌नुङ् आड्‌डिक् ठेना घुरुङ्‌बा लोसाना गाड्‌डे मुक्‍टाना आङा खेम्‍सुङे, हिट्‌नाँ नाड्‌डे माट्‌टुए, “माङ्‌हाङ् उनिङ् टो-टो उलियाक्, पोङ्‌भोने आनि टाङ्‌बा सोब्‍बे नुङ्‌ना माङ्‌बोल्‍लेउ माङ्‌हाङ्‌ङा सासान् चोगुटु॥

पारकास 7:12

हिट्‌नुङ् हिट्‌नागाँ ओमाट्‌टुए, “नाड्‌डे डोक् उलियाक्॥ आनि माङ्‌हाङ् उनिङ् टो-टो उलियाक्, उन्‍ङाना माहिमा, ठोना, पोए-पोए, हिट्‌नुङ् मान्, आधिकार लोक् बोल् सोरोक् उलियुयाक्‌याक्॥ आमेन्॥”