१ तिमोथि 1:15 - आठपहरिया

¹⁵ “खिरिस्‍ट येसु कायाङ्‌छाबाचि हिङ्‌मेप्‍माउङ्‌सा डोक् ना नाराङि टाए”, ना रिङ् छेम्‍बा डोक् ए हिट्‌नुङ् सोब्‍बेङा बिस्‍वास चोक्‍मा कोन्‌युक्॥ हिट्‌नुङ् कायाङ्‌छाबाचि माड्‌डे आङाम्‍बाक् सोब्‍बे नुङ्‌ना औधि कायाङ्‌छाबा याप्‌मि॥

१ तिमोथि 1:15 Iomraidhean Croise

मात्‌ति 1:21

उन्‍ङा ठिबाङ् ओओ पोङ्‌सुटु हिट्‌नुङ् हिट्‌नाङा ओयाप्‌मिचि उन्‌चि पापलाम्‍मा हिङुचिचि, हिट्‌नुङ् हिट्‌ना ओओङाना उनिङ् खान्‍ङा येसु युङ्‌सु॥”

मात्‌ति 18:10

“ओछेक्‍छेक् युङानि, खानिङा नागा खाट्‌टिउगा पिच्‍छाचि माड्‌डेङि ठिबाङ् चा आङ्‌छाप्‍मा मेट्‌नेनुम्‌चिम्॥ पोङ्‌भोने आङा खानि लोनाँनि, टोनालोग्‌ङि हिट्‌नागाँगा माङ्‌हाङ् रिङ् काउग्‍बाचि सोरोक् टोनालोक्‌ङि युङ्‌ना आङाना पाबा ओटोकानाङि डोक् ओवाएट्॥

मात्‌ति 18:11

[पोङ्‌भोने याप्‌मि छा ओमासागा हिङ्‌मेप्‍मा लाउङ्‌सा टायाना ए॥]

मात्‌ति 20:28

हिट्‌डेडोक् याप्‌मि छा चा आरुलाम्‍मा सेवा टोक्‍मालोङ्‌सा माखाक्, टरो आरु सेवा चोक्‍मा हिट्‌नुङ् जोम् याप्‌मिचि छुट्‌कारा पिमा आप्‍पे ओसोक्‍मा लेट्‌मा लोङ्‌सा टायाना॥”

मात्‌ति 9:13

टरो खाडानिउङ् धारमाछाप्‍लाङि छेप्‍टाना ना रिङ्‌ङाना उटुप् पाइना नुङ् सिकाँ लिसानि, ‘आङा जिवाट्‌ङाना भोक् माखाक्, आरु लुक्‍मा टुक्‍टानुम्‌चिम् नुङ् आनिङ्‌ग्‍वा युङ्‌ग्‍वा॥’ पोङ्‌भोने आङा निङ्‌ग्‍वा नुगा याप्‌मिचि लोङ्‌सा माखाक्, टरो पापि याप्‌मिचि गोलो छेम्‌सिङा टायाङ्‌ना॥”

मारकुस 2:17

ना रिङ् खेम्‍सुङ् येसुङा हिट्‌नागा नाड्‌डे लोडुचे, “सिडापाङ्‌डा काचोक्‍बा टे नुमानिङ् याप्‌मिचि लोङ्‌सा माखाक्, उटुग्‍गा याप्‌मिचि लोङ्‌सा गोलो चाहाब् लियुक्॥ हिट्‌नाडेडोक् आङा निङ्‌ग्‍वा नुगा याप्‌मिचि लोङ्‌सा माखाक्, टरो पापि याप्‌मिचि गोलो छेम्‌सिङा टायाङ्‌ना॥”

लुका 15:2

टरो फारिसि याप्‌मिचि हिट्‌नुङ् धारमाबिधि काहिसिक्‍बाचिङा गुनुङ् गुनुङ् चोक्‍सा उपिगे, “ना याप्‌मि पापिचिलोक् साङ्‌गाट् चोक्‍ना हिट्‌नुङ् एकेउ युङ्‌युङ् चोगा॥”

लुका 19:10

याप्‌मि छा ओमासागा याप्‌मिचि कोन्‌सिङा हिट्‌नुङ् हिङ्‌मेप्‍मा लाउङ्‌सा टायाना ए॥”

लुका 5:32

हिट्‌नाडेडोक्, आङा निङ्‌ग्‍वा नुगा याप्‌मिचि लोङ्‌सा माखाक्, टरो पापि याप्‌मिचि लोङ्‌सा काएल्-काबु लिसानि नुङ् लोसिङा टायाङ्‌ना॥”

युहान्‍ना 1:12

टरो आम्‍टेप्‍माङा उन् ओलाडुए, हिट्‌नुङ् उनिङ्‌ङि बिस्‍वास ओचोगुए, उन्‍ङा हिट्‌नागा माङ्‌हाङ्‌ङाना छालेट्‌चि लिमाना आधिकार पिडुचे॥

युहान्‍ना 1:29

हान्‍डेङ्‌लेङ् युहान्‍नाङा येसु उन्‌लेङ् आबागेट्‌टाना निसुङ् लोडुचे, “पुयानुम्, नाराङिगा याप्‌मिचिगा पाप काटुक्‍बा माङ्‌हाङ्‌ङाना थुमा!

युहान्‍ना 12:47

कोइङा आरिङ् खेम्‍सुङ् पालान् चोगुन्‍ना भोने, आङा हिट्‌नाङाना न्‍याए चोक्‌निङ्‌ना, पोङ्‌भोने आङा नारा न्‍याए चोक्‍ङा माखाक्, टरो नारा हिङ्‌मेप्‍माउङ्‌सा टायाङ्‌ना॥

युहान्‍ना 3:36

जुन्‍ङा छाङि बिस्‍वास चोगुटु, हिट्‌नालोक् खोना बेला चा लाट्‌निना चोला लियुक्॥ जुन्‍ङा छाङि बिस्‍वास चोगुन्‍ना, हिट्‌नाङा खोना बेला चा लाट्‌निना चोला टोगुन्‍ना, टरो माङ्‌हाङ्‌ङाना साजाए हिट्‌ना उठुङ्‌ङि लियुयाक्‌युक्॥

मुलिचेला टोॽवा 11:1

याहुदियाङि उलिसागा मुलिचेलाचि हिट्‌नुङ् आरु बिस्‍वासिचिङा पानिछोङ्‌बाचिङा चा माङ्‌हाङ्‌ङाना रिङ् ओलाडुए नुङ् ओखेम्‍सुए॥

मुलिचेला टोॽवा 11:18

जब याहुदि बिस्‍वासिचिङा ना रिङ् ओखेम्‍सुए हिट्‌नुङ् पाटरुसलोक् बादबिबाद चोक्‍मा ओनाडुङ् नाड्‌डे पिक्‍सा माङ्‌हाङ्‌ङाना उनिङ् चोम्‍मा ठालाँ ओचोगुए, “हाट्‌लेम्‍टे माङ्‌हाङ्‌ङा पानिछोङ्‌बाचि चा उन्‌चि पापलाम्‍मा काएल्-काबु लिमाना हिट्‌नुङ् लाट्‌निना चोला टुब्‍माना लाम्‍बो पिडुचेगा रैछौ॥”

मुलिचेला टोॽवा 3:26

हिट्‌डेउङ् माङ्‌हाङ्‌ङा खानिगा ओभेन्‍गा टोॽवालाम्‍मा नोक्‍माउङ् खानि आसिक् पिमा नुङ् उन्‍ङाना आप्‍पे ओसेवाक् येसु सोब्‍बे नुङ्‌ना पाइला खानि इस्‍राएलि याप्‌मिचिङि पाङ्‌सुए॥”

रोमि 11:14

आङा चोगुङ्‌ना ना टोॽवालाम्‍मा आप्‍पे आयाहुदि याप्‌मिचिगा उन्‌चि रेक् काट्‌युक्, हिट्‌नुङ् हिट्‌नागा इम्‍टेप्‍माम्‍बाक् माङ्‌हाङ्‌लेङ् ओनोक्‌युक् नुङ् आङा आसा चोगुङ्‌टुङ्॥

रोमि 5:6

छेम्‍बा डोक्, पाइले आनि पापलाम्‍मा छुट्‌कारा टोक्‍मा आनि पाक्‍चा चोक्‍मा हिनेट्‌निम्॥ टरो जब माङ्‌हाङ्‌ङा टोङ्‌सुना बेला टाए, खिरिस्‍ट आनि पापि याप्‌मिचि लोङ्‌सा सिए॥

१ कोरिन्‌थि 15:9

हिट्‌नुङ् आरु सोब्‍बे मुलिचेलाचि आङा नुङ्‌ना ओठेगा ए॥ आङाउम्‍टे मुलिचेला ए लोमा चा याङ्‌खान्‌निना, पोङ्‌भोने आङा माङ्‌हाङ् ओमाङ्‌पाङ्‌ङिगा आड्‌डिक् डोक् याङ्‌छामा चाट्‌टुङ्‌चिङे॥

एफिसि 3:8

सोब्‍बे माङ्‌हाङ् ओयाप्‌मिचि माड्‌डे आङा सोब्‍बे नुङ्‌ना खाट्‌टिउना लिसाङ् चा खिरिस्‍टङाना आड्‌डिक् बाहुमुल्‍ले नुना खाबोर पानिछोङ्‌बाचि पारचार चोक्‍माना बारदान माङ्‌हाङ्‌ङा आङा याङ्‌पिडे॥

१ तिमोथि 1:13

हिट्‌नुङ् चा आङा उन् खिसि चोगुङे, बिस्‍वासिचि याङ्‌छामा हिट्‌नुङ् ओचाफेन्‍लोक् मेट्‌टुङ्‌चिङे, नागा ख्‍वाप्‍पा थोक् आङा ठाहा मिटोक्‍ङे हिट्‌नुङ् बिस्‍वास माले चोगुङ्‌नाँ आङा मायादाया टोगुङे॥

१ तिमोथि 1:19

खान्‍ङाना बिस्‍वास लोक् चोखो मिप्‍माना बोल् युङ्‌सुयाक्‍टु॥ आम्‍टेप्‍मा याप्‌मिचिङा उन्‌चिङा मिप्‍माना बोल् खेम्‍मा इन्‍कार ओचोगुए, हिड्‌डेउङ् उन्‌चि बिस्‍वास डोक् जाखाम् ओचोगुए॥

१ तिमोथि 3:1

ना माप्‍बालाक् रिङ् छेम्‍बा डोक्, “कोइ याप्‌मिङा माङ्‌पाङ्‌ङिना ओठेडोङ्‌ङाना टोॽवा चोक्‍माना निङ्‌ग्‍वा चोगुटु भोने, हिट्‌नाङा नुना टोॽवा चोक्‍माना डोक् निङ्‌ग्‍वा चोगुटु॥”

१ तिमोथि 4:9

ना रिङ् छेम्‍बा डोक् हिट्‌नुङ् सोब्‍बेङा बिस्‍वास चोक्‍मा कोन्‌युक्॥

१ तिमोथि 6:13

सोब्‍बे थोक्‌लोङ्‌सा चोला कापिबा माङ्‌हाङ् हिट्‌नुङ् पान्‌तियास पिलातास सोरि आङालोङ्‌सा साँचि कापिबा छेम्‍बाना रिङ् काचेक् खिरिस्‍ट येसु ओटोकानाङि, आङा खान् आग्‍याँ पिनाँ,

२ तिमोथि 2:11

नाड्‌डे माप्‍बालाक् रिङ् छेम्‍बा डोक्, आनि उन्‌लोक् सियिए भोने, आनि चा उन्‌लोक् डोक् हिङिटि॥

तितास 3:8

ना छेम्‍बाना रिङ् ए॥ माङ्‌हाङ्‌ङि बिस्‍वास काचोक्‌चि टेप्‍माङा नुना टोॽवा चोक्‍मा लोङ्‌सा निङ्‌ग्‍वा उपिडु नुङ् खान्‍ङा नागा रिङ्‌ङि जोड पिडु नुङ् आङा खान् लोनाँ॥ नाड्‌डेगा रिङ्‌चि चोक्‍मा याप्‌मिचि लोङ्‌सा आड्‌डिक् ओचेट्‌नुना हिट्‌नुङ् घुवार आफाना रिङ् ए॥

हिब्‍रु 7:25

हिट्‌नाड्‌डेउङ् येसुङि बिस्‍वास ओचोगुङ् माङ्‌हाङ् सोरि ओखाट्‌गा याप्‌मिचि उन्‍ङा सोरोक् लाउङ्‌सा बाचाँ चोक्‍मा हिडुचिचि, पोङ्‌भोने हिट्‌नागा लाउङ्‌सा माङ्‌हाङ्‌ङि बिन्‌टि चोक्‍माबिमा उन् सोरोक् उहिङ्‌ग्‍वाट् वाहेट्॥

१ युहान्‍ना 3:5

हिट्‌नुङ् याप्‌मिचिगा पाप टुग्‍मा लाउङ्‌सा खिरिस्‍ट पारकाट् लिसाना नुङ् खानिङा ठाहा आटोगुम्‍टुम्॥ हिट्‌नुङ् उन्‌ङि पाप डोक् वाइना॥

१ युहान्‍ना 3:8

जुन्‍ङा पाप चोगुयाक्‍टुटु हिट्‌ना सैतानङाना ओयाप्‌मि ए, पोङ्‌भोने सैतानङा उटुम्‌लाम्‍मा डोक् पाप चोक्‍सा टाइसे॥ हिट्‌नाड्‌डेउङ् सैतानङाना टोॽवा जाखाम् चोक्‌सिङा माङ्‌हाङ् छा ठेट्‌टाना ए॥

१ युहान्‍ना 5:11

हिट्‌नुङ् साँचिम्‍बाक् ना डोक् ए, माङ्‌हाङ्‌ङा आनि लाट्‌निना चोला आपिडाइसे हिट्‌नुङ् ना चोलाउम्‍बाक् उन्‍ङाना छाङि युङ्‌ग्‍वा॥

पारकास 21:5

हिट्‌नुङ् सिङासान्‌ङि युङ्‌नाङा आङा नाड्‌डे याङ्‌लोडे, “पुयु, आङा ख्‍वाप्‍पा रिङ् ओछोङ्‌ग्‍वाट् चोगुङ्‌टुङ्॥” उन्‍ङा ना रिङ् चा याङ्‌लोडे, “नागा रिङ् छेप्‍टु, पोङ्‌भोने नागा रिङ् बिस्‍वासिलो हिट्‌नुङ् छेम्‍बागा ए॥”

पारकास 22:6

हिट्‌ना माङ्‌हाङ् रिङ् काउग्‍बाङा आङा याङ्‌लोडे, “खान्‍ङा आखेम्‍सुगा नागा ख्‍वाप्‍पा रिङ् बिस्‍वासिलो हिट्‌नुङ् छेम्‍बाना ए॥ हिट्‌नुङ् माङ्‌काटाचि सेङ्‌सेङ्‌ना हाङ्‌सा कापिबा माङ्‌हाङ् टाङ्‌बाङा ओसेवा काचोक्‌चिलाउङ्‌सा नागा एला डोक् उलियुगेट्‌गा घाट्‌ना निमेट्‌माचि लाउङ्‌सा उन्‍ङाना माङ्‌हाङ् रिङ् काउग्‍बाचि पाङ्‌सुएसुचे॥”

पारकास 5:9

हिट्‌नागाँ नाड्‌डे पिक्‍सा ठिक् ओछोङ्‌ग्‍वाट् छाम्‍लो ओठाक्‍टुए, “ना छाप्‍लाङाना मुठा खान्‍ङा एडोक् काप्‍मा आहिडुटु हिट्‌नुङ् हिट्‌नागा छाप्‌चि ओङ्‌मा योग्‍ए खान् एडोक् ए, पोङ्‌भोने याप्‌मिचिङा खान् मासेडे, हिट्‌नुङ् खान्‍ङा काहेलिक् आवेडुङ् ख्‍वाप्‍पा छोङ्‌बाचि, खाले-खाले रिङ् काचेक्, सोब्‍बे याप्‌मिचि हिट्‌नुङ् ख्‍वाप्‍पा देसङिगा माङ्‌हाङ् लाउङ्‌सा छुट्‌कारा आपिडुचे॥