१ तिमोथि 1:12 - आठपहरिया

¹² ना टोॽवा चोक्‍मालोङ्‌सा आङा बोल् कापिबा आनि टाङ्‌बा खिरिस्‍ट येसु लोङ्‌सा पोए-पोए लोडुङ्‌टुङ्॥ उन्‍ङा डोक् बिस्‍वासिलो ठानाँ याङ्‌चोगे हिट्‌नुङ् ओसेवा चोक्‍मालोङ्‌सा याङ्‌सेगे॥

१ तिमोथि 1:12 Iomraidhean Croise

मात्‌ति 20:4

हिट्‌नुङ् उन्‍ङा हिट्‌नागा लोडुचे, ‘खानि चा आङाना आङ्‌गुर बारिङि टोॽवा चोक्‌सिङा खाडानि, हिट्‌नुङ् खानिङा आटोगुम्‍ना निम्‍याक् आङा खानि पिनाँनि॥’

युहान्‍ना 5:23

हिट्‌डेउङ् याप्‌मिचिङा पाबा मान् ओचोगु गाड्‌डे डोक् छालोङ्‌सा ख्‍वाप्‍पाङा मान् ओचोगुवाक्॥ छा मान् ओचोगुन्‍गाँ उन् कापाङ्‌बा पाबा चा मान् ओचोगुन्‍ना॥

मुलिचेला टोॽवा 16:15

हिट्‌नुङ् उन्‌लोक् ओपाङ्‌ङिगा ख्‍वाप्‍पाङा बाप्‌टिस्‍मा ओलाडुए॥ हिट्‌नुङ् हिट्‌नाँ ओपाङ्‌ङि युङ्‌मा आन्‍याँ स्‍या मेट्‌सा याप्‌मिलोडे, “खानिङा आङा छेम्‍बा डोक् बिस्‍वासि झान्‍झा आलोडिटिङा भोने, आपाङ्‌ङि आबानिउङ् युङानि॥” हिट्‌नुङ् हिट्‌नाँ आन्‍याँ ओपाङ्‌ङि खाप्‍मा डोक् याप्‌मि मेट्‌टे॥

मुलिचेला टोॽवा 9:15

टरो टाङ्‌बाङा हानानिया लोडुए, “खान् खाडा, पोङ्‌भोने हिट्‌ना याप्‌मि लोङ्‌सा पानिछोङ्‌बाचि, हाङ्‌बाचि हिट्‌नुङ् इस्‍राएलि याप्‌मिचि सोरि आनिङ् पारचार चोक्‍मा लोङ्‌सा आङा सेगुएसुङे॥

मुलिचेला टोॽवा 9:22

टरो सावालङा चोगुना पारचार झान् बोल्‍लेउ लिसा खाडे हिट्‌नुङ् दामास्‍कासङि उलिसागा याहुदिचि “येसु डोक् खिरिस्‍ट ए” पिक्‍सा पारमान् पिडुचे॥ हिड्‌डेउङ् हिट्‌नागाँ उन् पाक्‍चा लोमा उहिडुवाट्‌टुन्॥

१ कोरिन्‌थि 15:10

टरो हाटले आङा खोड्‌डेना लिसेसाङेना हिट्‌ना माङ्‌हाङ्‌ङा आङा आड्‌डिक् माया लोक् घुवार याङ्‌फाडानाँ डोक् ए, हिट्‌नुङ् उन्‍ङा आङा मायादाया याङ्‌चोगानाँ आरु मुलिचेलाचि नुङ्‌ना याप्‍मा रिङ् चोक्‍मा काहिबा लिसेसाङे॥ टरो चा आङा आप्‍पेङाम्‍बाक् माखाक्, टरो ख्‍वाप्‍पा थोक् माङ्‌हाङ्‌ङा घुवार याङ्‌फाडाउङ् चोगुङे॥

१ कोरिन्‌थि 3:5

हिट्‌नुङ् आपोल्‍लोस साइना? पावाल साइना? आन्‍च्‍याँउम् माङ्‌हाङ्‌ङाना ओसेवाक्‌चि एडोक्, आन्‍च्‍याँलाम्‍मा खानिङा नुना खाबोरङि बिस्‍वास आचोगुम्‍मे॥ टाङ्‌बाङा आपिडाना टोॽवा एडोक् आनि सोब्‍बेङा चोगुम्‍टुम्॥

१ कोरिन्‌थि 7:25

हाट्‌ले भ्‍या आचोगिन्‍गेट्‌टिन्‍गा कायेप्‍माचि बारेङि टाङ्‌बाङाना आग्‍याँ आङालोक् पाक्‍चा वाइना॥ टरो टाङ्‌बाङा आङा दाया याङ्‌चोगेसे, हिट्‌नुङ् आङा लोनानिगा रिङ् खानिङा भोरोसा आचोगुम्‍टुम् नुङ् आङा बिस्‍वास चोगुङ्‌टुङ्, हिट्‌डेउङ् आङा नुलोक् लोसाङ्‌ना रिङ् खानि लोनाँनि॥

२ कोरिन्‌थि 4:1

माङ्‌हाङ्‌ङा आप्‍पे ओदायाङा आनिलाउङ्‌सा ना सेवा चोक्‍मा आपिडेसे॥ हिड्‌नाड्‌डेउङ् आन्‍याँ निङ्‌ग्‍वा सेट्‌निम्‍माना॥

गालाति 3:26

हाट्‌ले खानि सोब्‍बे बिस्‍वासलाम्‍मा डोक् खिरिस्‍ट येसुङि माङ्‌हाङ्‌ङाना ओछालेट्‌चि आलिसिएसिए॥

गालाति 3:28

हाट्‌ले खिरिस्‍ट येसुङि याहुदि याप्‌मि चा माखाक्, गिरिक् चा माखाक्, कामारा चा माखाक्, छुट्‌कारा टोगुना याप्‌मि चा माखाक्, येम्‍बेछा चा माखाक्, मेन्‍झेमा चा माखाक्, पोङ्‌भोने खिरिस्‍टङि खानि सोब्‍बे ठिक् एडोक् ए॥

फिलिप्‌पि 2:11

हिट्‌नुङ् ख्‍वाप्‍पा लेक्‍फाङा माङ्‌हाङ् पाबाङाना माहिमाङाना लोङ्‌सा येसु खिरिस्‍ट डोक् टाङ्‌बा नुङ् लाड्‌मा कोन्‌युक्॥

फिलिप्‌पि 4:13

खिरिस्‍टङा याङ्‌पिडाना साक्‌तिङा डोक् आङा नागा सोब्‍बे रिङ् चोक्‍मा हिडुङ्‌टुङ्॥

कालास्‌सि 1:25

माङ्‌हाङ्‌ङा डोक् आङा माङ्‌पाङ्‌ङि सेवा काचोक् याङ्‌चोगे हिट्‌नुङ् खानिलाउङ्‌सा उन्‍ङाना ख्‍वाप्‍पा खाबोर खेम्‍मेप्‍माउङ्‌सा जिम्‍मा याङ्‌पिडाइसे॥

१ तिमोथि 1:1

बिस्‍वासङि आप्‍पे आइछा गाड्‌डेना तिमोथि, आनि काहिङ्‌मेप्‍बा डाङ्‌बा माङ्‌हाङ् हिट्‌नुङ् आसा युङ्‌सुम्‍ना खिरिस्‍ट येसुङाना आग्‍याँ गाड्‌डे आङा खिरिस्‍ट येसुङाना मुलिचेला पावाललाम्‍मा ना चिट्‌ठि खान् लोङ्‌सा छेप्‍टुएट्‌टुङ्॥ आनि माङ्‌हाङ् पाबा हिट्‌नुङ् आनि टाङ्‌बा खिरिस्‍ट येसुङाना मायादाया, लुक्‍माटुक्‍मा लोक् हाङ्‌हाङ् खान्‌ङि उलियाक्॥

१ तिमोथि 1:11

ना छेम्‍बाना हिसिक्‍मा आसिक् कापिबा माङ्‌हाङ्‌ङाना माहिमित नुना खाबोर गाड्‌डे युङ्‌ग्‍वा॥ माङ्‌हाङ्‌ङा बिस्‍वास याङ्‌चोगाउङ् ना नुना खाबोर आङा याङ्‌पिडे॥

१ तिमोथि 6:13

सोब्‍बे थोक्‌लोङ्‌सा चोला कापिबा माङ्‌हाङ् हिट्‌नुङ् पान्‌तियास पिलातास सोरि आङालोङ्‌सा साँचि कापिबा छेम्‍बाना रिङ् काचेक् खिरिस्‍ट येसु ओटोकानाङि, आङा खान् आग्‍याँ पिनाँ,

२ तिमोथि 2:2

जोम् साँचि कापिबाचि माझै खान्‍ङा आङालाम्‍मा आखेम्‍सुगा रिङ्‌चि खान्‍ङा चा आरु हिसिक्‍मा काहिबा बिस्‍वासिलो याप्‌मिचि पिडुचि॥

२ तिमोथि 4:17

टरो टाङ्‌बाङा घुवार याङ्‌फाडाउङ् सोब्‍बे पानिछोङ्‌बाचिङा खाबोर खेम्‍मा ओटोगु नुङ् उन्‍ङा पारचार चोक्‍माना बोल् याङ्‌पिडे॥ नाड्‌डेउङ् आङा किबाङाना ओयासिलाम्‍मा छुट्‌कारा टोगुङे॥

तितास 1:4

बिस्‍वासङि आङाना छेम्‍बाना आइछा तितास, आङा खान्‌लोङ्‌सा ना चिट्‌ठि छेप्‍टुएट्‌टुङ्॥ आनि माङ्‌हाङ् पाबा हिट्‌नुङ् आनि काहिङ्‌मेप्‍बा डाङ्‌बा खिरिस्‍ट येसुङाना लुक्‍माटुक्‍मा लोक् हाङ्‌हाङ् खान्‌ङि उलियाक्॥

फिलेमोन 1:9

हिट्‌ना ओसाट्‌टोङि खान्‍ङा आङा हिट्‌नुङ् आरु माया आचोगुचिनाँ नाड्‌डे लोडुचि नुङ् बिन्‌टि चोक्‍नाँ, आङा पासिङ् याप्‌मि पावाल, हाट्‌ले आङा चा खिरिस्‍ट येसुङाना लाउङ्‌सा ठिबाङ् कैदि,