१ थेसालोनिकि 5:3 - आठपहरिया

³ हिट्‌ना बेला याप्‌मिचिङा सोब्‍बेलेङ् “हाङ्‌हाङ् युङ्‌ग्‍वा हिट्‌नुङ् पाक्‍चा ओचाफेन्‍ना वाइना” पिक्‍सा ओमाट्‌टुगेट्‌टुना बेला मेच्‍छेमा छाडाङ्‌मा बेथा लाहाब् लिसि गाड्‌डे डोक् ठाहा डोक् मिटोक्‍ङे हिट्‌नागा उठुङ्‌ङि नास ठायुक्, हिट्‌नुङ् खोना चा ना जाखाम्‌लाम्‍मा होम्‍मा उहिनिगा॥

१ थेसालोनिकि 5:3 Iomraidhean Croise

मात्‌ति 23:33

“हाउ बिखालु ओप्‍पुङा ओछालेट्‌चि! खानिङा खोड्‌डेउङ् योनालोग्‌ङिना साजाए टोक्‍मालाम्‍मा होम्‍माना निङ्‌ग्‍वा चोक्‍मा आहिडुम्‍टुम्‍ना?

युहान्‍ना 16:21

ओओ पोङ्‌मा बेला उमाङा टुक्‍लोक् छाडाङ्‌मा बेथा आङ्‌डुटु, पोङ्‌भोने उन्‍ङाना ओओ पोङ्‌मा बेला लियुक्॥ टरो उन्‍ङा ओओ पोङ्‌माहिडुङ् उन्‍ङा हिट्‌ना छाडाङ्‌मा बेथा मुन्‍डुडिसुटु, पोङ्‌भोने नाराङि ठिबाङ् ओओ पोङ्‌से नुङ् उन्‍ङाना ओचाप् टायुक्॥

मुलिचेला टोॽवा 13:41

‘खेम्‍सानुम्, हाउ चिम्‍मा काफुट्‌चि, डोङ् ठोङ्‌डानि हिट्‌नुङ् मेगाडानि, पोङ्‌भोने खानि बेलाङि आङा ठिक् टोॽवा चोगुङ्‌टुङ्, नाड्‌डेना टोॽवा हिट्‌ना बारेङि कोइङा मालोडि चा खानिङा काइले चा बिस्‍वास आचोक्‌निम्‍ना॥’”

२ थेसालोनिकि 1:9

हिट्‌नागाँ खोना बेला चा जाखाम् लिनिना साजाए ओटोगुटु, हिट्‌नुङ् हिट्‌नागा टाङ्‌बाङाना ओटोकानालाम्‍मा हिट्‌नुङ् उन्‍ङाना आड्‌डिक् बोल्‌ङाना माहिमालाम्‍मा ओसाम्‌युक्॥

हिब्‍रु 12:23

खानि टोनालोग्‌ङि निङ् छेप्‍बालाक् टुम्‍सामि छाचिगा छुम्‍माङि आटाइसे॥ खानि सोब्‍बे याप्‌मिचि न्‍याए काचोक्‍बा माङ्‌हाङ्‌ङि, हिट्‌नुङ् चोखो चोक्‍बालाक् धारमोति याप्‌मिचिगा छुम्‍माङि आटाइसे॥

हिब्‍रु 2:3

नाड्‌डेउङ् नाटेप्‍मा औधि ठेना मुक्‌टि आनि इन्‍कार चोगुम्‍टुम् भोने, खोड्‌डेउङ् साजाए टोक्‍मालाम्‍मा आनि हिङिटिगा टे? ना मुक्‌टिङाना बारेङि टाङ्‌बा येसु आप्‍पेङा डोक् पाइले पारचार चोगुए, हिट्‌नुङ् ना रिङ् काखेम्‍बाचिङा ना छेम्‍बाना ए नुङ् आनिलाउङ्‌सा पारमान् याप्‌मि उपिडे॥

२ पाटरुस 2:4

माङ्‌हाङ्‌ङा पाप काचोक् माङ्‌हाङ् रिङ् काउग्‍बाचिउम्‍टे जाखाम् चोगुचे, हिट्‌नुङ् हिट्‌नागा योनालोग्‌ङि लेप्‍टुडिसुचे, हिट्‌नुङ् हिट्‌नि हिट्‌नागा न्‍याएङाना लेम्‍बा सोम्‍मा डुम्‍बारिक् डुम्‌ङि युङ्‌सुएसुचे॥