१ थेसालोनिकि 4:4 - आठपहरिया

⁴ खानि सोब्‍बेङा खानि येम् खोड्‌डे पारिक् काबुङि युङ्‌मा हिट्‌नुङ् सेङ्‌सेङ् हिट्‌नुङ् याप्‌मिङा मान् ओचोगुना चोला लिमा कोन्‌युक्‍ना हिट्‌ना रिङ् ठाहा टोक्‍मा कोन्‌युक्॥

१ थेसालोनिकि 4:4 Iomraidhean Croise

मुलिचेला टोॽवा 9:15

टरो टाङ्‌बाङा हानानिया लोडुए, “खान् खाडा, पोङ्‌भोने हिट्‌ना याप्‌मि लोङ्‌सा पानिछोङ्‌बाचि, हाङ्‌बाचि हिट्‌नुङ् इस्‍राएलि याप्‌मिचि सोरि आनिङ् पारचार चोक्‍मा लोङ्‌सा आङा सेगुएसुङे॥

रोमि 1:24

हिट्‌नाडेउङ् माङ्‌हाङ्‌ङा हिट्‌नागा उन्‌चि निङ्‌ग्‍वाङा उमिट्‌टु गाड्‌डे डोक् आसुद्‌दो थोक् चोक्‍मा लेडुचे, हिट्‌नुङ् हिट्‌नागाँ उन्‌चि उन्‌चिङि मोम्‍मासिमाना टोॽवा ओचोगुए॥

रोमि 12:1

हिट्‌डेउङ् आम्‍बु-आन्‍झाचि हिट्‌नुङ् आनो-आन्‍झोचि, माङ्‌हाङ्‌ङा आनि आड्‌डिक् दाया आचोगानाँ खानि आप्‍पेलाउङ्‌सा सेङ्‌सेङ्‌ना हिट्‌नुङ् माङ्‌हाङ्‌ङाना उनिङ्‌ग्‍वा टासुना उहिङ्‌ग्‍वाट् भोक् ठाङ्‌सानुम् नुङ् आङा खानि लोनाँनि॥ पोङ्‌भोने खानिङा माङ्‌हाङ् सेवा चोक्‍मा कोन्‍ना छेम्‍बाना पाराम्‍बाक् ना डोक्॥

रोमि 6:19

आङा खानिङा बुजा चोक्‍मा आहिडुम्‍ना रिङ्‌ङि डोक् डाङ्‌बा लोक् चाकारङाना बारेङि माट्‌टुएट्‌टुङ्॥ पाइले खानिङा खानि येम् ओचाफेन्‍गा टोॽवा चोक्‍मा चाकार गाड्‌डे डोक् ओभेन्‍गा रिङ् लाउङ्‌सा आपिडुम्‍मे॥ हाट्‌ले खानि चोला माङ्‌हाङ्‌ङाना ओनाभाक्‌ङि ओचेट्‌नुना टोॽवा चोक्‍मा चाकार गाड्‌डे डोक् पिडानुम्, हिड्‌डेउङ् खानि चोला चा सेङ्‌सेङ् लियुक्॥

१ कोरिन्‌थि 6:15

खानि येम् खिरिस्‍टङाना ओआङ्‌गा नुङ् पाक् खानिलोङ्‌सा ठाहा वाइना इ? हिड्‌डे भोने पाक् आङा खिरस्‍टङाना आङ्‌गालोङ्‌सा वालाफेडुमा टोॽवा काचोक् ओआङ्‌गालोक् एक्‍केउ चोगुङ्‌नि टे? नाउम् लिमा डोक् हिनिना रिङ् ए॥

१ कोरिन्‌थि 7:9

टरो हिट्‌नागाँ आप्‍पे उन्‌चि निङ्‌ग्‍वा सेप्‍मा उहिडुन्‍ना भोने, हिट्‌नागाँ भ्‍या चोक्‍मा ओचेट्‌नु लियुक्॥ पोङ्‌भोने भ्‍या मिलिए लाम्‍सा युङ्‌मा नुङ्‌ना भ्‍या लिमा डोक् ओचेट्‌नुयुक्॥

२ कोरिन्‌थि 4:7

हाट्‌ले आनि निङ्‌ग्‍वाङि ना ओम्‍ना व्‍हाङ् युङ्‌ग्‍वा, टरो आनिम्‌बाक् ना आड्‌डिक् बाहुमुल्‍ए माक्‍फेन्‍सुबेन् युङ्‌बालाक् खाम्‍माङाना भाँडा गाड्‌डेगा ए॥ हिट्‌डेउङ् ना ठेना साक्‌तिम्‍बाक् माङ्‌हाङ्‌लाम्‍मा टायुक्, आनि आप्‍पेलाम्‍मा माखाक् ए नुङ् ना रिङ्‌ङा पारचिन्‍दा चोगुटु॥

फिलिप्‌पि 4:8

हाट्‌ले आम्‍भु-आन्‍झाचि हिट्‌नुङ् आनो-आन्‍झाचि, जे रिङ् छेम्‍बाना हिट्‌नुङ् जे रिङ् मान् चोक्‍मा नुना, जे माहामाना हिट्‌नुङ् चोखो युङ्‌ग्‍वा, जे रिङ् ओचेट्‌नुना हिट्‌नुङ् जे रिङ् टो चोक्‍मा नुना, जे रिङ् आड्‌डिक् नुना हिट्‌नुङ् याप्‌मिङा नुलोक्‍ना नुङ् माट्‌टुटु, हिट्‌नागा थोक्‌ङि डोक् खानि निङ्‌ग्‍वा पिडानुम्॥

हिब्‍रु 13:4

सोब्‍बेङा भ्‍याउम्‍बाक् मान् चोक्‍मा कोन्‌युक्, हिट्‌नुङ् ओयेम्‍बेछा लोक् ओमेच्‍छाङा उन्‌चि उन्‌चिङि बिस्‍वासिलो लिमा कोन्‌युक्, पोङ्‌भोने वालाफेडुबाचि हिट्‌नुङ् इम्‍मेप्‍माजामा टोॽवा काचोक्‌चि माङ्‌हाङ्‌ङा साजाए पिडुचिचि॥

१ पाटरुस 3:7

नाड्‌डेडोक्, टालिबाङ्‌चि खानि टालिमाङ्‌चि खानि नुङ्‌ना फेटुलो उलिगा नुङ् बुजा चोगानुमुङ् उन्‌चिलोक् आयुङिनाँ मान् चोगानुम्‌चिम्॥ पोङ्‌भोने हिट्‌नागाँ चा खानिलोक् डोक् माङ्‌हाङ्‌ङा आपिना चोला ओटोगुटु॥ नाड्‌डेउङ् खानिङा आचोगुम्‍ना बिन्‌टिङि खोना खाले चा बाधा उलिनि चा नुङ् खानिङा हिट्‌नागा नुलोक् चाट्‌ला मेट्‌टानुम्‌चिम्॥