१ थेसालोनिकि 4:16 - आठपहरिया

¹⁶ पोङ्‌भोने टाङ्‌बा आप्‍पे ठेना आग्‍याँङाना ओसोराङि, मुलि माङ्‌हाङ् रिङ् काउग्‍बाङाना ओसोरा हिट्‌नुङ् माङ्‌हाङ्‌ङाना धुटुरिबा ओटेनुना बेला टोनालोग्‌लाम्‍मा उङ्‌युग्, हिट्‌नुङ् खिरिस्‍टङि बिस्‍वास ओचोगुङ् उसियागाउम्‍बाक् सोब्‍बे नुङ्‌ना पाइले उहिङ्‌ग्‍वाट् उलियुङ् ओकोप्‌युक्॥

१ थेसालोनिकि 4:16 Iomraidhean Croise

मात्‌ति 16:27

पोङ्‌भोने याप्‌मि छा उन्‍ङाना माङ्‌हाङ् रिङ् काउग्‍बाचिलोक् ओमाङ्‌हाङ् पाबाङाना माहिमाङि उङ्‌युक्, हिट्‌नुङ् हिट्‌ना बेला सोब्‍बे याप्‌मिचि उन्‌चिङा ओचोगुना टोॽवाङाना पारतिफल उन्‍ङा पिडुचिचि॥

मात्‌ति 16:28

छेम्‍बा डोक् आङा खानि लोनाँनि, नेहि ओयेब्‍गा याप्‌मिचि माड्‌डे आम्‍टेप्‍माङा याप्‌मि छा हाङ्‌बा लियुङ् सासान् चोगुना मिने सोम्‍मा उसिनिगा॥”

मात्‌ति 25:31

“याप्‌मि छा ख्‍वाप्‍पा माङ्‌हाङ् रिङ् काउग्‍बाचिलोक् उन्‍ङाना माहिमाङि उङ्‌युक्, हिट्‌नुङ् उन् हाङ्‌बा युङ्‌ना सिङासान्‌ङि युङ्‌युक्॥

मात्‌ति 26:64

टरो येसुङा हिट्‌ना लोडुए, “खान्‍ङा डोक् आमाट्‌टुएट्‌टुए॥ टरो चा आङा खानि लोनाँनि, हाट्‌लेउङ्‌ना खानिङा याप्‌मि छा सोब्‍बे नुङ्‌ना बोल्‍लेउ माङ्‌हाङ्‌ङाना उछुप्‍टाङ्‌लेङ् सिङासान्‌ङि युङाना हिट्‌नुङ् टाङ्‌साङ्‌लाम्‍मा खिमेमाङि उङ्‌युगेट्‌ना आनिसुम्‍टुम्॥”

मुलिचेला टोॽवा 1:11

हिट्‌नुङ् माट्‌टाचुए, “हाउ गालिलि याप्‌मिचि, पोङ् खानि टाङ्‌साङ्‌लेङ् पुसा नाहि आयेबेसिएगा? येसु खानिलाम्‍मा टोनालोग्‌लेङ् खाप्‍माहिडे, येसु टोनालोग्‌ङि फोगा खाडि गाड्‌डे डोक् उन् ठिक् लेम्‍बा फेरि नोक्‌यु उङ्‌युग्॥”

१ कोरिन्‌थि 15:18

हिट्‌नुङ् खिरिस्‍ट सियाउङ् उहिङ्‌ग्‍वाट् लिनेट्‌निना भोने, खिरिस्‍टङि बिस्‍वास ओचोगुङ् उसियागा याप्‌मिचि सोब्‍बे जाखाम् उलियुक्॥

१ कोरिन्‌थि 15:20

टरो खिरिस्‍टउम्‍टे सियाउङ् उहिङ्‌ग्‍वाट् लिसाउङ् सोब्‍बे नुङ्‌ना पाइले कोबाना रिङ् छेम्‍बा डोक् ए, हिट्‌नुङ् आरु उसियागा याप्‌मिचि चा उहिङ्‌युङ् ओकोब्‌युक् नुङ् पारमान् आनि आपिडेसे॥

१ कोरिन्‌थि 15:23

टरो आनि सोब्‍बेङा आ-आप्‍पे पालो हाङ्‌मा कोन्‌युक्॥ खिरिस्‍टम्‍बाक् उसियागा याप्‌मिचिङि पाइले उहिङ्‌ग्‍वाट् लिसे, हिट्‌नुङ् खिरिस्‍ट नोक्‌युउङ्‌नाँ ओयाप्‌मिचि चा उहिङ्‌ग्‍वाट् उलियुक्॥

१ थेसालोनिकि 1:10

हिट्‌नुङ् खानिङा टोनालोग्‌लाम्‍मा उङ्‌ना उन्‍ङाना छाङाना लाम्‍बो आपुयुएट्‌टुम् बो नुङ् ओमाट्‌टुए॥ हिट्‌ना येसु डोक् उन्‍ङा सियानालाम्‍मा उहिङ्‌ग्‍वाट् चोगुए, हिट्‌नुङ् उन्‍ङा डोक् टायुगेट्‌ना माङ्‌हाङ्‌ङाना उकुन्‌जिरिॽवालाम्‍मा आनि छुट्‌कारा आपियुक्॥

१ थेसालोनिकि 3:11

हाट्‌ले आनि माङ्‌हाङ् हिट्‌नुङ् पाबा आप्‍पेङा डोक् हिट्‌नुङ् आनि टाङ्‌बा येसुङा खानि सोरि आप्‍मा लोङ्‌सा आन्‍याँ लाम्‍बो टेयार याप्‌मि आचोक्‌युबियाक्॥

२ थेसालोनिकि 1:7

हिट्‌नुङ् खानि याङ्‌छामा आटोगुम्‍गालाउङ्‌सा उन्‍ङा छुट्‌कारा मापिडिटि, हिट्‌नुङ् उन्‍ङा आन्‍याँ चा छुट्‌कारा याप्‌मिपियुक्॥ नागा सोब्‍बे रिङ् टाङ्‌बा येसु उन्‍ङाना माङ्‌बोल्‍लेउ माङ्‌हाङ् रिङ् काउग्‍बाचिलोक् मिङाना ओलाप्‍कोङि टोनालोग्‌लाम्‍मा उङ्‌ना बेला उन्‍ङा चोगुटु॥

२ थेसालोनिकि 2:1

भुम्‍बु-झान्‍झाचि हिट्‌नुङ् आनो-आन्‍झोचि, आनि टाङ्‌बा येसु खिरिस्‍ट फेरि उङ्‌ना बारेङि हिट्‌नुङ् येसु टुब्‍मा माङ्‌हाङ्‌ङा आनि एक्‍के ठोङ् आछुम्‍ना बारेङि आन्‍याँ खानिलाउङ्‌सा बिन्‌टि चोगुम्‍टुम्‍मा॥

२ पाटरुस 3:10

टरो टाङ्‌बाङाना लेम्‍बाउम् टे खोनाङा चा ठाहा ओटोगुन्‍लोक् याङ्‌काखुट् गाड्‌डे डोक् टायुक्॥ हिट्‌ना बेला टाङ्‌साङ्‌ङि ठेना सोरा मुक्‌युक्, हिट्‌नुङ् टाङ्‌साङ्‌म्‍बाक् मायुक्॥ टाङ्‌साङ्‌ङिगा सोब्‍बे थोक्‌चि मिङि टुन्‌युङ् जाखाम् उलियुक्, हिट्‌नुङ् नारा हिट्‌नुङ् नाराङि उलिसागा सोब्‍बे थोक् जाखाम् उलियुक्॥

याहुदा 1:9

मुलि माङ्‌हाङ् रिङ् काउग्‍बा मिखाएलङा चा मोसाङाना ओलास बारेङि सैतानलोक् बादबिबाद चोगानाँ हिट्‌ना फाट्‌टुर लाब्‍मा हिडुवाट्‌टुन्॥ हिट्‌नुङ् नाड्‌डे एडोक् लोडुए, “खान् टाङ्‌बाङा साजाए मापियुक्॥”

पारकास 1:10

ठिक् लेम्‍बा, टाङ्‌बाङाना माङ्‌ध्‍यान् चोक्‍माना लेम्‍बा, सेङ्‌सेङ्‌ना हाङ्‌सा आङि लिसे॥ हिट्‌नुङ् आएङ्‌स्‍वालेङ् धुटुरिबा उमुट्‌टुना गाड्‌डे डोक् माङ्‌ठेना सोरा मुक्‍टाना आङा खेम्‍सुङे॥

पारकास 1:7

ओछेक्‍छेक् लिसानिउङ् पुयानुम्, येसु खिमेमाङि उङ्‌युगेट्, हिट्‌नुङ् सोब्‍बे याप्‌मिचिङा उन् उनिसुटु॥ उन् ओरोक्‍टुना याप्‌मिचिङा चा उनिसुटु॥ हिट्‌नुङ् नाराङिगा ख्‍वाप्‍पा याप्‌मिचि उन् उनिसुङ् निङ्‌ग्‍वाङि दुखेसो ओचोक्‌युक्॥ छेम्‍बा नाड्‌डे लियुक्॥ आमेन्॥

पारकास 14:13

हिट्‌नुङ् टोनालोग्‌लाम् नाड्‌डे मुक्‍टाना ठिक् सोरा आङा खेम्‍सुङे, “ना रिङ् छेप्‍टु, हाट्‌ले नुङ् टाङ्‌बा बिस्‍वास ओचोगुङ् उसियागा याप्‌मिचि माङ्‌हाङ्‌ङा आसिक् पिडुचिचि॥” सेङ्‌सेङ्‌ना हाङ्‌साङा नाड्‌डे माट्‌टुए, “छेम्‍बा ए, हाट्‌ले नुङ् हिट्‌नागाँ टुक्‍ना टोॽवा चोक्‍मा कोन्‌निना॥ हिट्‌ना ओसाट्‌टोङि माङ्‌हाङ्‌ङा हिट्‌नागा आराम पिडुचिचि, हिट्‌नुङ् हिट्‌नागाँ ओचोगुना टोॽवाङाना इनाम् हिट्‌नागा पिडुचिचि॥”

पारकास 8:13

हिट्‌नुङ् आङा पुयुङ्‌नाँ टो टाङ्‌साङ्‌ङि पेयेट्‌टाना ठिक् गारुड नाड्‌डे पिक्‍सा ठेना सोरा चोगुङ् राट्‌टाना खेम्‍सुङे, “एलाह्, आड्‌डिक् किप्‍माडुङ् रिङ् गोलो, नाराङि उलिसागा याप्‌मिचिङि आड्‌डिक् किप्‍माडुङ् याङ्‌छामा लियुक्॥ पोङ्‌भोने आरु सुम्‍बाङ् माङ्‌हाङ् रिङ् काउग्‍बाचिङा उन्‌चिलोक् लिसाना धुटुरिबा टेम्‍माना बेला लिसा लाबे॥”

पारकास 8:2

हिट्‌नुङ् आङा माङ्‌हाङ् ओटोकानाङि सि जाना माङ्‌हाङ् रिङ् काउग्‍बाचि ओयेबेसागा निसुङ्‌चिङे॥ हिट्‌नागा लाउङ्‌सा सि ओटा धुटुरिबा उपिडुचे॥