१ थेसालोनिकि 3:3 - आठपहरिया

³ हिट्‌डेउङ् नाड्‌डेगा याङ्‌छामा लिनाँ साङा चा हारेस ओचोन्‍चा॥ नाड्‌डेगा याङ्‌छामाउङ् आङ्‌मा लाउङ्‌सा आनिम्‌बाक् आसेगिगा नुङ् खानि आप्‍पेङा नुलोक् ठाहा आटोगुएसुम्‍मे॥

१ थेसालोनिकि 3:3 Iomraidhean Croise

लुका 21:12

“नागा सोब्‍बे लिमा नुङ्‌ना पाइला याप्‌मिचिङा खानि आचेला आलिसिनाँ मालाबिटि, याङ्‌छामा माचाट्‌टिटि, याहुदिचिगा छुम्‍मापाङ्‌ङि माखाट्‌टिउङ् फाट्‌टुर मालाबिटि हिट्‌नुङ् खाम्‍बाङ्‌ङि माठेन्‌डिटि हिट्‌नुङ् हाङ्‌बाचि लोक् सासाक्‌चि सोरि माखाट्‌टिटि॥

युहान्‍ना 16:2

हिट्‌नागाँ खानि याहुदिचिगा छुम्‍मापाङ्‌लाम्‍मा माहोट्‌टिटि॥ छेम्‍बा डोक्, नाड्‌डेना बेला चा टायुगेट्, खानि कासेट्‌चिङा ‘माङ्‌हाङ्‌ङाना सेवा चोगुएट्‌टुम्‍मा’ नुङ् उमिट्‌युक्॥

युहान्‍ना 16:33

“खानि आङि युङानिउङ् हाङ्‌हाङ् टोगानुम् नुङ् डोक् आङा खानिलोङ्‌सा नागा रिङ् लोनानिगा ए॥ नाराङि खानि याङ्आछाडिटि, टरो लुक्‍माभुङ् ठेलोक् चोगानुम्, पोङ्‌भोने आङा नारा मेप्‍मा हिडुएसुङे॥”

मुलिचेला टोॽवा 14:22

हिट्‌नागाचिङा येसु डाङ्‌बाङि बिस्‍वास काचोक्‍बाचि बिस्‍वासङि बोलियो लिसानि पिक्‍सा आँट् पिडाचुए, हिट्‌नुङ् “माङ्‌हाङ् उमुलुक्‌ङि खाप्‍मा नुङ्‌ना उटुम्‌ङि आनि याङ्‌छामा, निङ्‌गुवा सागु हिट्‌नुङ् खेदो आङ्‌मा डोक् कोन्‌युक्” पिक्‍सा हिट्‌नागा लोडाचुचे॥

मुलिचेला टोॽवा 2:25

दाउद हाङ्‌ङा खिरिस्‍टङाना बारेङि नाड्‌डे पारा छेप्‍टुए– ‘सोरोक् आटाङ्‌बा आटोकानाङि निसुङे हिट्‌नुङ् आङा किट्‌निङ्‌ना, पोङ्‌भोने उन् आछुप्‍टाङ्‌लेङ् युङ्‌ग्‍वा॥

मुलिचेला टोॽवा 21:11

हिट्‌नुङ् हिट्‌ना आन्‍याँ सोरि आबाउङ् पावालङाना ओफोॽयि फेन्‍डुङ् आप्‍पे उलाङ् उमुक् रेक्‍टुङ् नाड्‌डे माट्‌टुए, “सेङ्‌सेङ्‌ना हाङ्‌साङा नाड्‌डे माट्‌टुटु, ‘ना फोॽयि टाङ्‌बालोङ्‌सा यरुसलेमङि याहुदिचिङा नाड्‌डे पारिक् डोक् ओरेक्‍टुटु हिट्‌नुङ् पानिछोङ्‌बाचि मुक्‌ङि उपिडुटु॥’”

मुलिचेला टोॽवा 21:13

टरो पावालङा माट्‌टुए, “खानि आहाबिउङ् पोङ् आनिङ्‌ग्‍वा आटुक्‍मेट्‌टुम्‍टुम्‍ना? पोङ्‌भोने टाङ्‌बा येसु उनिङ् लोङ्‌सा आङा खाम्‍बाङ्‌ङि ठामा एरोक् माखाक्, टरो यरुसलेमङि सिमा चा टेयार लिङा॥”

मुलिचेला टोॽवा 9:16

आङालोङ्‌सा हिट्‌नाङा आम्‍टेप्‍मा याङ्‌छामा आङ्‌मा कोन्‌युक्‍ना हिट्‌ना आङा निमेट्‌टुङ्‌टुङ्॥”

रोमि 5:3

हिट्‌टेप्‍मा एडोक् माखाक्, याङ्‌छामाङि चा आन्‍याँ निङ्‌ग्‍वाङि डोक् खुसि लिसिटिङा, पोङ्‌भोने याङ्‌छामा टोगुम्‍नाँ याङ्‌छामाङा आङ्‌मा हिमाना बोल् आपियुक् नुङ् आन्‍याँ ठाहा टोगुएसुम्‍मे॥

१ कोरिन्‌थि 15:58

हिड्‌नाड्‌डेउङ् आमायालु आम्‍भु-आन्‍झाचि हिट्‌नुङ् आनो-आन्‍झाचि, खानिङा आचोगुम्‍ना बिस्‍वासङि निङ्‌ग्‍वा मिरिङे बोलियो लिसानिउङ् युङायाक्‍टानि॥ टाङ्‌बाङाना ओटोॽवा सोरोक् निङ्‌ग्‍वा पिडानुमुङ् चोगानुम्, पोङ्‌भोने खानिङा आचोगुम्‍ना सोब्‍बे थोक् उन्‌ङि खेरो खाट्‌निना नुङ् खानिलाउङ्‌सा ठाहा युङ्‌ग्‍वा॥

१ कोरिन्‌थि 4:9

सेप्‍मा लाउङ्‌सा टेयार चोक्‍बालाक् याप्‌मि गाड्‌डे डोक् आनि मुलिचेलाचिलाउङ्‌सा माङ्‌हाङ्‌ङा सोब्‍बे याप्‌मिचिगा रेप्‍माजामाना रिङ् आचोगाना गाड्‌डे लोसाइसाङे॥ पोङ्‌भोने आनिलाउङ्‌सा पाक् लियुक्‍ना नुङ् ख्‍वाप्‍पा नाराङिगा याप्‌मिचि हिट्‌नुङ् माङ्‌हाङ् रिङ् काउग्‍बाचिङा चा आपुयेट्॥

एफिसि 3:13

हिड्‌नाड्‌डेउङ् खानि लाउङ्‌सा आङा आङ्‌डुङ्‌ना याङ्‌छामा आनिसुमुङ् खानि निङ्‌ग्‍वा सेट्‌नेनुम् नुङ् खानि आनुरोध चोक्‍नाँनि॥ ना रिङ् सोब्‍बे खानिगा ओचेट्‌नुना लोङ्‌सा डोक् ए॥

फिलिप्‌पि 1:28

हिट्‌नुङ् खानि बिरोधिचिलोक् खोना रिङ्‌ङि चा किट्‌नेनिन्॥ ना रिङ्‌ङा खानि साट्‌टुरचि माङ्‌हाङ्‌ङा जाखाम् चोगुचिगा रिङ्‌ङाना पारमान् हिट्‌नुङ् उन्‍ङा खानि माहिङिना रिङ्‌ङाना पारमान् मापिडिटि॥ माङ्‌हाङ्‌ङा डोक् नागा सोब्‍बे चोगुटु॥

कालास्‌सि 1:23

टरो खानिङा ना छेम्‍बाना रिङ्‌ङि बिस्‍वास चोगायाक्‍टानुम् हिट्‌नुङ् ना रिङ्‌ङि डोक् बोलियो लिसानिउङ् युङानि॥ खानिङा आखेम्‍सुम्‍ना नुना खाबोरङि आटोगुम्‍ना आसालाम्‍मा खोनालेङ् चा निङ्‌ग्‍वा पिनेनुम्॥ ना खाबोर डोक् नारा टेप्‍गा याप्‌मिचिलोङ्‌सा पारचार चोगाइसे॥ हिट्‌नुङ् आङा पावाल चा ना रिङ् पारचार चोक्‍माउङ्‌सा डोक् माङ्‌हाङ्‌ङाना ओसेवाक् लिसाइसाङे॥

१ थेसालोनिकि 5:9

पोङ्‌भोने माङ्‌हाङ्‌ङा ओयाक् आनि उठुङ्‌ङि ठेम्‍मा लोङ्‌सा आनि आसेगाना माखाक्, टरो आनि टाङ्‌बा येसु खिरिस्‍टलाम्‍मा मुक्‌टि टोक्‍माउङ्‌सा आसेगाना॥

२ थेसालोनिकि 1:4

हिट्‌डेउङ् खानि आरुङा जोम् खेदो माचोगि चा हिट्‌नुङ् याङ्‌छामा माचाट्‌टिचा खानिङाना आङ्‌माना बोल् लोक् बिस्‍वास लिसानाँ माङ्‌हाङ्‌ङाना माङ्‌पाङ्‌ङि आन्‍याँ नाभुक् ठेना चोगुमाउङ् खानिङाना बारेङि चेक्‍मा हिडिटिङा॥

२ तिमोथि 1:8

हिट्‌डेउङ् आनि टाङ्‌बाङाना बारेङि माप्‍मा मोन्‌निसिनेन्, हिट्‌नुङ् आङा आनि डाङ्‌बाङाना उनिङ्‌ङि खाम्‍बाङ्‌ङि ठायाङे नुङ् मोन्‌निसिनेन्॥ टरो खान् चा आङालोक् नुना खाबोर खेम्‍मेप्‍मा याङ्‌छामा फोगु॥ ना चोक्‍मा लोङ्‌सा माङ्‌हाङ्‌ङा खान् बोल् मापियुक्॥

१ पाटरुस 2:21

पोङ्‌भोने ना रिङ् लाउङ्‌सा डोक् माङ्‌हाङ्‌ङा खानि माछेम्‌डिगा ए॥ खिरिस्‍टङा चा खानिलोङ्‌सा याङ्‌छामा आङ्‌डुए, हिट्‌नुङ् उन् डोक् खानिना नामुना ए॥ हिड्‌नाड्‌डेउङ् खानि चा उन्‍ङा मानिमेट्‌टिगा लाम्‍बोङि लाम्‌टिमा कोन्‌युक्॥

पारकास 2:10

हाट्‌ले खानिङा आङ्‌डुम्‍लाबुम्‍ना याङ्‌छामालोक् किट्‌नेनिन्॥ खानि बिस्‍वास जाँचा चोक्‍माउङ्‌सा खानि माड्‌डे कोइ-कोइ सैतानङा खाम्‍बाङ्‌ङि माठेन्‌डिटि॥ हिट्‌नुङ् खानिङा ठिमेक् लेम्‍बा टेप्‍मा याङ्‌छामा आआङ्‌डुम्‍टुम्॥ टरो सिमा डोक् कोन्‍ना लिचा आङि बिस्‍वास चोक्‍मा नानेनुम्, हिट्‌नुङ् आङा खानि खोना बेला चा लाट्‌निना चोलाङाना इनाम् पिनाँनि॥

पारकास 2:13

खानि सैतानङा सासान् चोगुना डेन्‌ङि आयुङिगा नुङ् आङा ठाहा टोगुङ्‌टुङ्॥ टरोचा खानिङा आङा आझै बिस्‍वास आचोगियाक्‌टिङे॥ हिट्‌नुङ् आङाना बारेङि पारचार काचोक् बिस्‍वासिलो एन्‌टिपासलाउङ्‌सा पाक् लिसेना हिट्‌ना रिङ् आङा ठाहा टोगुङ्‌टुङ्॥ एन्‌टिपासलाउङ्‌सा याप्‌मिचिङा सैतानङा सासान् चोगुना खानि खालाङ्‌गाङि ओसेडुचा खानिङा आङि बिस्‍वास चोक्‍मा आनानेट्‌निम्॥