१ थेसालोनिकि 3:11 - आठपहरिया

¹¹ हाट्‌ले आनि माङ्‌हाङ् हिट्‌नुङ् पाबा आप्‍पेङा डोक् हिट्‌नुङ् आनि टाङ्‌बा येसुङा खानि सोरि आप्‍मा लोङ्‌सा आन्‍याँ लाम्‍बो टेयार याप्‌मि आचोक्‌युबियाक्॥

१ थेसालोनिकि 3:11 Iomraidhean Croise

मात्‌ति 6:14

“खानिङा याप्‌मिचिगा पाप छेमा आचोगुम्‌बिडुम्‌चिम्‍मे भोने, टोनालोग्‌ङि युङ्‌ना खानि पाबाङा चा खानि छेमा मापिडिटि॥

मात्‌ति 6:18

हिड्‌डेउङ् खान् उपासा आयुङाना रिङ् याप्‌मिचिङा माखाक्, टरो निनिम्‍ना खानि माङ्‌हाङ् पाबाङा एडोक् निसुटु हिट्‌नुङ् इनाम् मापियुक्॥

मात्‌ति 6:26

टाङ्‌साङ्‌ङि ओपेगा नुवाचि पुयानुम्‌चिम् टे, खोलो हिट्‌नागाँ लालिक् चा उहिसुन्‍गा, चासोङ् चा ओहेगुन्‍गा हिट्‌नुङ् ढुङ्‌गुरिङि चा उछुम्‍सुङ् उयुङ्‌सुन्‍गा॥ टरो चा टोनालोग्‌ङि युङ्‌ना खानि पाबाङा हिट्‌नागा आहारा पिडुचिगा॥ हिट्‌नागा नुवाचि नुङ्‌ना चा खानि आड्‌डिक् डोक् बाहुमुल्‍ले, माखाइ टे?

मात्‌ति 6:32

पोङ्‌भोने पानिछोङ्‌बाचिङा गोलो नाड्‌डेगा सोब्‍बे थोक् ओकोलुटु॥ खानि लाउङ्‌सा पाक् थोक्‌चि चाहाब् लियुक्‍ना हिट्‌नागा सोब्‍बे टोनालोग्‌ङि युङ्‌ना खानि टोकुबा माङ्‌हाङ्‌ङा ठाहा टोगुटु॥

मात्‌ति 6:4

हिड्‌डेउङ् सोगोप् पिडुचि हिट्‌नुङ् खान्‍ङा पाक् ओचोगुएना हिट्‌ना सोब्‍बे थोक् ठाहा काटोक्‍बा कामाङ्‌हाङ् पाबाङा इनाम् मापियुक्॥

मात्‌ति 6:6

टरो खान् बिन्‌टि आचोक्‍ना बेला कोठा ओहोङ्‌ङि लिगा हिट्‌नुङ् ढुवारिक् छुप्‍टुङ् निनिम्‍ना कामाङ्‌हाङ् पाबाङि बिन्‌टि ठाङ्‌सु, हिट्‌नुङ् खान्‍ङा सोगोप् आचोगुना रिङ् निसुङ् पाबाङा खान् इनाम् मापियुक्॥

मारकुस 1:3

“खेम्‍सानुम्, साक्‍चा उयुङ्‌निना डेन्‌ङि ठिबाङ् याप्‌मि टाराङ्-टाराङ् राट्‌सा पिग्‍येट्, ‘टाङ्‌बाङाना लाम्‍बो टेयार चोगानुम्, उन् लाम्‌टिना लाम्‍बो नुलोक् पेमाडान् चोगानुम्॥’”

लुका 12:30

पोङ्‌भोने नाराङिगा सोब्‍बे याप्‌मिचिङा गोलो नाड्‌डेगा सोब्‍बे थोक् ओकोलुटु॥ टरो खानि लोङ्‌सा पाक् थोक्‌चि चाहाब् लियुक्‍ना हिट्‌नागा सोब्‍बे खानि टोकुबा माङ्‌हाङ्‌ङा ठाहा टोगुटु॥

लुका 12:32

येसुङा लोडुचे, “खाट्‌टिउना छुम्‍माङिगा आचेलाचि, खानि किट्‌नेनि! पोङ्‌भोने खानि टोकुबाङा उमुलुक् खानि पिमा लोङ्‌सा ओचाप् टाइसे॥

युहान्‍ना 20:17

येसुङा हिट्‌ना लोडुए, “आङा याङ्‌खोट्‌नेन्, पोङ्‌भोने ना बेला सोम्‍मा आङा माङ्‌हाङ् पाबा सोरि खाट्‌निङ्‌गेट्‌निङ्‌ना॥ टरो भुम्‍भु-झान्‍झाचिङि खाडाउङ् हिट्‌नागा लोडुचि, ‘आप्‍पा लोक् खानि पाबा, आङाना माङ्‌हाङ् हिट्‌नुङ् खानि माङ्‌हाङ्‌ङि आङा खाट्‌नागेट्‌नाँ॥’”

रोमि 1:3

ना नुना खाबोरउम्‍टे माङ्‌हाङ् छाङाना बिसाएङि ए॥ उन् याप्‌मि लिसाउङ् दाउद हाङ्‌बाङाना पुङ्‌लालाम्‍मा पोङ्‌से॥

२ कोरिन्‌थि 6:18

हिट्‌नुङ्, “आङा खानि पाबा लिङा, हिट्‌नुङ् खानि आछालेट्‌चि आलिसिटि नुङ् सोब्‍बे नुङ्‌ना माङ्‌बोल्‍लेउ टाङ्‌बाङा माट्‌टुटु॥”

गालाति 1:4

हाट्‌ले आनि माङ्‌हाङ् पाबाङाना उनिङ्‌ग्‍वा गाड्‌डे येसुङा ना भेन्‍ना जुगलाम्‍मा छुट्‌कारा पिमाउङ्‌सा आनि पापङाना ओसाट्‌टोङि आप्‍पे ओचोला भोक् पिडुए॥

कालास्‌सि 1:2

आङा ना चिट्‌ठि कालास्‌सि खालाङ्‌गाङि माङ्‌हाङ्‌ङाना सेङ्‌सेङ्‌गा ओयाप्‌मिचि खिरिस्‍टङि बिस्‍वासिलो बिस्‍वासि भुम्‍बु-झान्‍झाचिलोङ्‌सा छेप्‍टेट्‌टुङ्॥ माङ्‌हाङ् आनि पाबाङा खानि मायादाया लोक् हाङ्‌हाङ् मापिड्‌याक्॥

१ थेसालोनिकि 3:13

नाड्‌डेउङ् उन्‍ङा खानि बिस्‍वासङि बोल्‍लेउ लिमा घुवार माफाडिटि, हिट्‌नुङ् आनि टाङ्‌बा येसु उन्‍ङाना ख्‍वाप्‍पा सेङ्‌सेङ्‌गा ओयाप्‌मिचिलोक् उङ्‌ना बेला आनि माङ्‌हाङ् पाबाङाना ओटोकानाङि खानि सेङ्‌सेङ् हिट्‌नुङ् फाट्‌टुर माले आलिसिटि॥

१ थेसालोनिकि 4:16

पोङ्‌भोने टाङ्‌बा आप्‍पे ठेना आग्‍याँङाना ओसोराङि, मुलि माङ्‌हाङ् रिङ् काउग्‍बाङाना ओसोरा हिट्‌नुङ् माङ्‌हाङ्‌ङाना धुटुरिबा ओटेनुना बेला टोनालोग्‌लाम्‍मा उङ्‌युग्, हिट्‌नुङ् खिरिस्‍टङि बिस्‍वास ओचोगुङ् उसियागाउम्‍बाक् सोब्‍बे नुङ्‌ना पाइले उहिङ्‌ग्‍वाट् उलियुङ् ओकोप्‌युक्॥

१ थेसालोनिकि 5:23

सान्‌ति कापिबा माङ्‌हाङ् आप्‍पेङा खानि सोब्‍बे पारिक्‌ङि चोखो माचोग्‌याक्, हिट्‌नुङ् आनि टाङ्‌बा येसु खिरिस्‍ट मिउङ्‌ङे सोम्‍मा खानि हाङ्‌सा, सोक्‍मा हिट्‌नुङ् येम् फाट्‌टुर मालेना उलियाक्॥

२ थेसालोनिकि 2:16

हाट्‌ले आनि टाङ्‌बा येसु खिरिस्‍ट आप्‍पे हिट्‌नुङ् माङ्‌हाङ् आनि पाबा जुन्‍ङा आनि माया आचोगे, हिट्‌नुङ् उन्‍ङा दाया आचोक्‌युङ् खोना बेला चा लाट्‌निना आँट् लोक् छेम्‍बाना आसा आपियाक्॥

२ थेसालोनिकि 3:16

हाट्‌ले आनि हाङ्‌हाङ् कापिबा टाङ्‌बा आप्‍पे उन्‍ङा डोक् सोरोक् हिट्‌नुङ् सोब्‍बे बेला खानि हाङ्‌हाङ् मापिड्‌याक्॥ हिट्‌नुङ् खानि सोब्‍बेलोक् टाङ्‌बा उलियाक्॥

२ थेसालोनिकि 3:5

माङ्‌हाङ्‌ङा खानि माया माचोगिगा रिङ् बुझा चोक्‍माना लोक् खिरिस्‍टलाम्‍मा टोगुम्‍ना आङ्‌माना बोल् टाङ्‌बाङा डोक् खानि मानिमेट्‌टेयाक्॥

१ युहान्‍ना 3:1

खेम्‍सानुम्, आनिलोङ्‌सा पाबाङा आम्‍टेप्‍मा जोम् माया आचोगाइसे, उन्‍ङा आचोगाना मायाङा आनि उन्‍ङाना छालेट्‌चि आलोडाइसे, हिट्‌नुङ् छेम्‍बा डोक् आनि माङ्‌हाङ्‌ङाना छालेट्‌चि डोक् ए॥ टरो ना नाराङिगा याप्‌मिचिङा आनि मिसेन् आनिनिगा, पोङ्‌भोने हिट्‌नागाँ उन् मिसेन् उनिसुन्‍ना॥

पारकास 21:3

आङा सिङासान्‌लाम् नाड्‌डेना ठेना सोरा मुक्‍टाना खेम्‍सुङे, “पुयु, हाट्‌ले माङ्‌हाङ् याप्‌मिचिलोक् युङ्‌मा टाइसे॥ माङ्‌हाङ् हिट्‌नागालोक् युङ्‌युक् हिट्‌नुङ् हिट्‌नागा ओयाप्‌मिचि उलियुक्॥ माङ्‌हाङ् आप्‍पे हिट्‌नागालोक् लियुक्, हिट्‌नुङ् उन् हिट्‌नागाँगा माङ्‌हाङ् लियुक्॥