१ थेसालोनिकि 3:10 - आठपहरिया

¹⁰ खानिलोक् फेरि टुब्‍माहिडिङा हिट्‌नुङ् खानिङि लिसाना बिस्‍वासङाना आभोर पुरो चोक्‍मा उहिडुमा नुङ् आन्‍याँ निङ्‌ग्‍वालाम्‍मा डोक् खानिलाउङ्‌सा लेन्‍सेन् बिन्‌टि चोगेट्‌टिङा॥

१ थेसालोनिकि 3:10 Iomraidhean Croise

लुका 2:37

हिट्‌नुङ् उन्‍ङा हिट्‌ना बेला चौरासि बारखा टेप्‍मा टासुएसुना॥ उन्‍ङा खोना बेला चा माङ्‌ठाना नाडुव्‍ट्‌टुन्‍ना, उन् उपासा हिट्‌नुङ् बिन्‌टि चोक्‍सा लेन्‍सेन् माङ्‌ठानाङि माङ्‌हाङ्‌ङाना सेवा चोक्‍सा युङायाक्‍टाना॥

मुलिचेला टोॽवा 26:7

हाउ हाङ्‌बा आग्‌रिपास, हिट्‌ना माङ्‌हुप् टोक्‍माना आसाङि आनि बारो पुङ्‌लाचिङा चा लेन्‍सेन् आड्‌डिक् निङ्‌ग्‍वा उपिडुङ् माङ्‌हाङ्‌ङि माङ्‌ध्‍यान् ओचोक्‌येट्॥ हिट्‌नुङ् आङा चा हिट्‌ना आसा डोक् युङ्‌सुङ्‌नाँ याहुदिचिङा आङा फाट्‌टुर याङ्ओलाबे॥

२ कोरिन्‌थि 1:15

ना रिङ्‌ङा आङा ढुक्‍का लिसाङे, हिट्‌डेउङ् आङा खानिङा इप्‍पोक् खेप् याङ्आनिसिङाउङ् आसिक् आटोगुम्‍टुम् नुङ् खानि टुब्‌सिङा पाइला आप्‍माना निङ्‌ग्‍वा चोगुङे॥

२ कोरिन्‌थि 1:24

खानिङा आचोगुम्‍ना बिस्‍वासङि आन्‍याँ सासान् चोक्‍मा कोलुम्‍माना माखाक्, टरो खानि चाप् लाउङ्‌सा डोक् खानिलोक् ओटोक्‍माङ् टोॽवा चोगुम्‍टुम्‍मा, पोङ्‌भोने बिस्‍वासङि खानि बोल्‍लेउ आवासेट्‌टि॥

२ कोरिन्‌थि 13:11

आम्‍भु-आन्‍झाचि, हाट्‌ले नागा रिङ् छेप्‍टुङुङ् बाबा लोनाँनि, आनान्‍दा चोगानि, नुना रिङ् चोक्‍मा निङ्‌ग्‍वा पिडानुम्, आङा लोनानिगा रिङ् खेम्‍सानुम्, ठिक्‍ए निङ्‌ग्‍वा चोगानुम् हिट्‌नुङ् टोङानिउङ् युङानि॥ हिट्‌नुङ् माया लोक् हाङ्‌हाङ् आपिना माङ्‌हाङ् खानिलोक् लियुक्॥

२ कोरिन्‌थि 13:9

हिट्‌नुङ् आन्‍याँ पाक्‍चा चोक्‍मा काहिनिबा लिसिङा चा खानिम्‍बाक् बोलियो आलिसिनाँ आन्‍याँ चाप् टायुक्॥ हिट्‌नुङ् बिस्‍वासङि खानि पारगाति उलियाक् नुङ् बिन्‌टि चोगुम्‍टुम्‍मा॥

फिलिप्‌पि 1:25

टरो खानि ख्‍वाप्‍पा लाउङ्‌सा आझै आङा चाहाब् लिसाङ्‌ना रिङ् आङा ठाहा टोगुङ्‌टुङ्॥ हिट्‌डेउङ् खानिङा आचोगुम्‍ना बिस्‍वासङि खानि बोल्‍लेउ चोक्‍मा हिट्‌नुङ् खानि बिस्‍वासङि खुसि लिमा घुवार फामा आङा युङ्‌मा कोन्‌युक् नुङ् आङा छेम्‍बा डोक् ठाहा टोगुङ्‌टुङ्॥

कालास्‌सि 1:28

हिड्‌नाड्‌डेउङ् सोब्‍बे याप्‌मि लोङ्‌सा खिरिस्‍टङाना बारेङि आन्‍याँ पारचार चोगुम्‍टुम्‍मा॥ हिट्‌नुङ् हिट्‌नागा ख्‍वाप्‍पा याप्‌मिचि माङ्‌हाङ्‌ङा आन्‍याँ याप्‌मिपिडाना ठोनालाम्‍मा ओछेक्‍छेक् चोक्‍सा हिसिक्‍टुम्‌चिम्‌चिम्‍मा॥ हिट्‌नुङ् खिरिस्‍टङाना साम्‍बान्‍धाङि बोल्‍लेउ लिमा ख्‍वाप्‍पा याप्‌मिचि उन्‍ङाना ओटोकानाङि टाप्‍माचिलाउङ्‌सा आन्‍याँ नाड्‌डे चोगुम्‍टुम्‍मा॥

कालास्‌सि 4:12

खानि माड्‌डेङिना ठिबाङ् झान्‍झा, खिरिस्‍ट येसुङाना सेवाक् इपाफारसलाम्‍मा बाबा बो ए॥ उन्‍ङा खानि आत्‌मिक् रिङ्‌ङि बोल्‍लेउ हिट्‌नुङ् माङ्‌हाङ्‌ङा निङ्‌ग्‍वा चोगु गाड्‌डे डोक् खानि ख्‍वाप्‍पा रिङ्‌ङि ढुक्‍का लिसानि नुङ् खानि लाउङ्‌सा सोरोक् बिन्‌टि चोगुयाक्‍टुगा॥

१ थेसालोनिकि 3:11

हाट्‌ले आनि माङ्‌हाङ् हिट्‌नुङ् पाबा आप्‍पेङा डोक् हिट्‌नुङ् आनि टाङ्‌बा येसुङा खानि सोरि आप्‍मा लोङ्‌सा आन्‍याँ लाम्‍बो टेयार याप्‌मि आचोक्‌युबियाक्॥

२ थेसालोनिकि 1:11

हिड्‌डेउङ् माङ्‌हाङ्‌ङा जुन् चोला लोङ्‌सा खानि माछेम्‌डिए, हिट्‌ना लोङ्‌सा उन्‍ङा योग्‍ए माचोग्‌याक्, हिट्‌नुङ् उन्‍ङाना बोल्‍ङा ओचेट्‌नुना टोॽवा चोक्‍माना निङ्‌ग्‍वा हिट्‌नुङ् बिस्‍वासङि सोब्‍बे थोक् चोक्‍मा घुवार माफाड्‌याक् नुङ् आन्‍याँ खानि सोब्‍बेलाउङ्‌सा सोरोक् बिन्‌टि चोगुम्‍टुम्‍मा॥

२ तिमोथि 1:3

आटुबाठेबाचिङा सेवा ओचोगु गाड्‌डे डोक् आङा चा चोखो मिप्‍माना बोल्‍ङा माङ्‌हाङ्‌ङाना सेवा चोगुङ्‌टुङ्, हिट्‌नुङ् सोरोक् आङा लेम्‍बासेम्‍बा बिन्‌टि चोगुङ्‌नाँ खान् मिट्‌सा माङ्‌हाङ्‌ङि पोए-पोए ठाङ्‌सुङ्‌टुङ्॥

फिलेमोन 1:22

हिट्‌नुङ् आरको रिङ् चा युङ्‌ग्‍वा, आङा लाउङ्‌सा चा बास हेम्‍माना ठोङ् याङ्‌टोङ्‌साबिडा, पोङ्‌भोने खानिङा आचोगुम्‍ना बिन्‌टिङा आङा चा खानि सोरि आप्‍मा उहिङा नुङ् आसा चोगुएसुङे॥

पारकास 4:8

हिट्‌नागा टेम्‍बोक् उहिङ्‌ग्‍वाट् जिवाट्‌चिगा ङा-ङा ओटा उन्‌चि लाप्‍टाङ् ओडागा॥ हिट्‌नागाँगा उन्‌चि येम्‌टेप् उन्‌चि मिक् ए मिक् डाना, उन्‌चि लाप्‍टाङ् उछिक्‌ङि चा उन्‌चि मिक् डाना॥ हिट्‌नागा लेन्‍सेन् नाड्‌डे उपिगाउङ् छाम् ओलोसायाक्‍टागा डागा, “सोब्‍बे नुङ्‌ना माङ्‌बोल्‍लेउ माङ्‌हाङ् टाङ्‌बा सेङ्‌सेङ्‌ना, उन् सेङ्‌सेङ्‌ना, उन् सेङ्‌सेङ्‌ना॥ उन् उटुम्‌लाम् डोक् डाना, हाट्‌ले चा वाहेट्, हिट्‌नुङ् उन् सोरोक् लियुयाक्‌युक्॥”

पारकास 7:15

नाड्‌डेउङ् हिट्‌नागा माङ्‌हाङ्‌ङाना सिङासान् सोरि ओवाहेट्, हिट्‌नुङ् लेन्‍सेन् टोनालोग्‌ङिना माङ्‌ठानाङि माङ्‌हाङ्‌ङाना सेवा ओचोगुटु॥ हिट्‌नुङ् सिङासान्‌ङि युङ्‌ना हिट्‌नागालोक् लियुक् हिट्‌नुङ् हिट्‌नागा यान्‍दा चोगुचिचि॥