१ थेसालोनिकि 2:7 - आठपहरिया

⁷ टरो उमाङा उइछा स्‍याहार चोगु गाड्‌डे डोक् आन्‍याँ खानि सोरि खाट्‌टियुना गोलो लिसिङे॥

१ थेसालोनिकि 2:7 Iomraidhean Croise

मुलिचेला टोॽवा 13:18

हिट्‌नुङ् हिट्‌नागा खुसुना डेन्‌ङि ओवासाना बेला चालिस बारखा सोम्‍मा हिट्‌नागा पुयुचे॥

१ कोरिन्‌थि 2:3

आङा खानि सोरि आबाङ्‌नाँ निम्‍छारो वासेट्‌टाङ्‌ना हिट्‌नुङ् किप्‍माङा पिलिम् पिलिम् योग्‍सा युङाङे॥

१ कोरिन्‌थि 9:22

आङा निम्‍छारो उलिसागा याप्‌मिचिङि वाङानाँ हिट्‌नागाँ चा खिरिस्‍टङि बिस्‍वास ओचोगु नुङ् उन्‌चि गाड्‌डे डोक् निम्‍छारो लिङा॥ नाड्‌डेउङ् खोड्‌डे पारिक् लियुक्‍ना सोब्‍बे याप्‌मिचि हिङ्‌मा हिडुङ्‌चिङ् नुङ् ख्‍वाप्‍पा लाउङ्‌सा आङा सोब्‍बे थोक् लिङा॥

२ कोरिन्‌थि 10:1

आङा खानिलोक् लिङाना मेयोक् लिङाना बो, टरो लाप्‍माङ् वाङानाँम्‍बाक् आँटि लिङाना बो नुङ् खानिङि आम्‍टेप्‍माङा आमाट्‌टुम्‍गा बो॥ हाट्‌ले आङा पावाल खिरिस्‍टङाना नाम्‍रा हिट्‌नुङ् दायाङाना आधिकारलाम्‍मा खानिलाउङ्‌सा बिन्‌टि चोग्‍नाँनि,

२ कोरिन्‌थि 13:4

छेम्‍बा डोक्, याप्‌मिचिङा खिरिस्‍ट खाप्‍चेङि उछुडुनाँ फेटुलो डाना, टरो चा माङ्‌हाङ् ओबोल्‍ङा उन् उहिङ्‌ग्‍वाट् चोगुए॥ हिट्‌नुङ् आनि चा उन् गाड्‌डे डोक् फेटुलो लिसेसिए, टरो माङ्‌हाङ् ओबोललाम्‍मा खानि माझाङि आन्‍याँ टोॽवाङि उन्‌लोक् हिङिटिङा॥

गालाति 4:19

खानि आइछाचि गाड्‌डेगा डोक्, मेन्‍झेमा छाडाङ्‌मा बेथा लाहाब् लिना बेला याङ्‌छामाङा छोट्-छोट् केलि गाड्‌डे आङा चा फेरि खानि लाउङ्‌सा याङ्‌छामाङा छोट्-छोट् लिङेट्‌ङा॥ खानि खिरिस्‍टङाना चाट्‌लाङि मिटुम्‍मे सोम्‍मा आङा ना याङ्‌छामा आङ्‌डुङ्‌टुङ्॥

१ थेसालोनिकि 2:11

हिट्‌नुङ् खानिलोङ्‌सा ठाहा युङ्‌ग्‍वा, उप्‍पाङा आप्‍पे उइछाचि नुलोक् चाट्‌ला चोगुचि गाड्‌डे डोक् आन्‍याँ खानि सोब्‍बेलाउङ्‌सा सिकाँ चोक्‍नाने॥

याकुब 3:17

टरो टोनालाम्‍मा लिना ठोनाम्‍बाक् हिट्‌ना आड्‌डिक् डोक् चोखो लियुक्, हिट्‌नाम्‍बाक् सोब्‍बे काटोङ्‌बा, आड्‌डिक् सुदो हिट्‌नुङ् सोब्‍बेलोक् टोङ्‌ना लियुक्॥ हिट्‌नुङ् आड्‌डिक् लुक्‍मा काटुक्, सोरोक् नुना टोॽवा काचोक्‍बा, टो यो चोक्‌निना हिट्‌नुङ् ढाँट् फोक्‌निना लियुक्॥