१ थेसालोनिकि 1:4 - आठपहरिया

⁴ माङ्‌हाङ्‌ङा माया माचोगिगा भुम्‍बु-झान्‍झाचि हिट्‌नुङ् आनो-आन्‍झाचि, उन्‍ङा खानि मासेगिगा रिङ् आन्‍याँ ठाहा टोगुएसुम्‍मे,

१ थेसालोनिकि 1:4 Iomraidhean Croise

रोमि 1:7

हिट्‌डेउङ् खानि सोब्‍बे रोमङि आयुङिगा मायालु याप्‌मिचि खानिलाउङ्‌सा माङ्‌हाङ्‌ङा माया माचोगिटि हिट्‌नुङ् ओयाप्‌मिचि नुङ् माछेम्‌डिगा खानि लाउङ्‌सा ना चिट्‌ठि छेप्‍टुङ्‌गेट्‌टुङ्॥ हिट्‌नुङ् खानिलाउङ्‌सा माङ्‌हाङ् आनि पाबा लोक् आनि डाङ्‌बा येसु खिरिस्‍टङा मायादाया लोक् हाङ्‌हाङ् मापिड्‌याक् नुङ् आङा बिन्‌टि चोगुङ्‌टुङ्॥

रोमि 9:25

माङ्‌हाङ्‌ङा माट्‌टुना रिङ् होसे ओलोडुना माङ्‌काटाङा धारमाछाप्‍लाङि नाड्‌डे छेप्‍टुएसुए– “हिट्‌नागा आयाप्‌मिचि माखाक् नुङ् चा, हाट्‌ले आङा हिट्‌नागा आयाप्‌मिचि चोगुङ्‌चिङ्‌चिङ्॥ पाइले हिट्‌नागा आङा माया चोक्‍नेट्‌निङ्‌चिङ्, हाट्‌ले आङा हिट्‌नागा माया चोगुङ्‌चिङ्‌चिङ्॥”

एफिसि 1:4

माङ्‌हाङ्‌ङा नारा सिरिस्‌टि चोक्‍मा नुङ्‌ना पाइले डोक् खिरिस्‍टलोक् आनिना साम्‍बान्‍धा उलियाक् नुङ् उन्‍ङाना ओटोकानाङि आनि सेङ्‌सेङ् हिट्‌नुङ् फाट्‌टुर मालेना उलिसियाक् नुङ् आसेगे॥

कालास्‌सि 3:12

पोङ्‌भोने खानिम्‍टे माङ्‌हाङ्‌ङा ओयाप्‌मिचि लिमा मासेगिगा हिट्‌नुङ् उन् लाउङ्‌सा खानि आसाम्‍डेसिए, हिट्‌नुङ् उन्‍ङा खानि माया माचोगिटि॥ हिड्‌नाड्‌डेउङ् खानिङा याङ्‌छामा ओटोगुगा याप्‌मिचि घुवार फाडानुम्‌चिम्, दाया चोगानुम्‌चिम्, मेयोक् लिसानि, सोजो लिसानि, आङ्‌मा कोन्‍ना रिङ्‌ङि निङ्‌ग्‍वा पिडानुम्॥

१ थेसालोनिकि 1:3

आनि माङ्‌हाङ् पाबा ओटोकानाङि आनि टाङ्‌बा येसुङि खानिङा बिस्‍वास आचोगुम्‍मुङ् आचोगुम्‍ना टोॽवा, मायालोक् आचोगुम्‍ना दुखे हिट्‌नुङ् खानिङा आनि टाङ्‌बा येसु खिरिस्‍टङि आयुङ्‌सुम्‍ना आसाङि याङ्‌छामा आङ्‌डुम्‍ना रिङ् आन्‍याँ सोरोक् मिट्‌टुम्‍टुम्‍मा॥

२ थेसालोनिकि 2:13

टाङ्‌बाङा माया माचोगिगा भुम्‍बु-झान्‍झाचि हिट्‌नुङ् आनो-आन्‍झाचि, खानि लोङ्‌सा आन्‍याँ सोरोक् पोए-पोए ठाङ्‌मा डोक् कोन्‌युक्, पोङ्‌भोने उटुम्‌लाम्‍मा डोक् सेङ्‌सेङ्‌ना हाङ्‌साङा चोखो चोक्‍माना टोॽवालाम्‍मा हिट्‌नुङ् छेम्‍बाना खाबोरङाना बिस्‍वासलाम्‍मा हिङ्‌माउङ्‌सा माङ्‌हाङ्‌ङा खानि मासेगिए॥

१ पाटरुस 1:2

पाइले डोक् माङ्‌हाङ् पाबाङा खानि आप्‍पे ओयाप्‌मिचि चोक्‍माउङ्‌सा मासेगिए, हिट्‌नुङ् सेङ्‌सेङ्‌ना हाङ्‌साङा खानि सेङ्‌सेङ् माचोगिए॥ हिट्‌डेउङ् खानिङा येसु खिरिस्‍टङाना रिङ् आखेम्‍सुम्‍टुम्, हिट्‌नुङ् उन्‍ङाना ओहेलिक्‌ङा खानि चोख्‍याँ आलिसिएसिए॥ माङ्‌हाङ्‌ङा खानि जोम् जोम् मायादाया लोक् हाङ्‌हाङ् मापिडियाक्॥

२ पाटरुस 1:10

हिड्‌नाड्‌डेउङ् भुम्‍बु-झान्‍झाचि हिट्‌नुङ् आनो-आन्‍झाचि, माङ्‌हाङ्‌ङा खानि माछेम्‌डिगा हिट्‌नुङ् मासेगिगा रिङ् छेम्‍बाना ए नुङ् निमेट्‌मा लाउङ्‌सा टुक्‍लोक् टोॽवा चोगानि, पोङ्‌भोने नाड्‌डेगा रिङ् खानिङा आचोगुम्‍टुम् भोने, खानि खोना बेला चा माङ्‌हाङ्‌लाम्‍मा लाप्‍माङ् आलिसिन्‍गा॥