१ पाटरुस 5:9 - आठपहरिया

⁹ बिस्‍वासङि बोल्‍लेउ लिसानिउङ् सैतानङाना बिरोध चोगानुम्, पोङ्‌भोने खानि गाड्‌डे डोक् नाराङिगा ख्‍वाप्‍पालेङ् आरु बिस्‍वासि भुम्‍भु-झान्‍झाचि हिट्‌नुङ् नाना-झान्‍झाचिङा चा नाड्‌डेगा याङ्‌छामा ओआङ्‌डुएट्‌टुगा रिङ् खानिलोङ्‌सा ठाहा युङ्‌ग्‍वा॥

१ पाटरुस 5:9 Iomraidhean Croise

लुका 22:32

टरो खान् आङि बिस्‍वासि लिसा नुङ् खान् लोङ्‌सा माङ्‌हाङ्‌ङा घुवार माफायाक् नुङ् आङा बिन्‌टि चोगुएसुङे॥ हिट्‌नुङ् जब खान् काएल्-काबु आलियुङ् आङालेङ् आनोक्‌युक्, टब काटाक्‌चि चा बिस्‍वास्‌ङि बोल्‍लेउ लिमा लोङ्‌सा घुवार फाडुचि॥”

युहान्‍ना 16:33

“खानि आङि युङानिउङ् हाङ्‌हाङ् टोगानुम् नुङ् डोक् आङा खानिलोङ्‌सा नागा रिङ् लोनानिगा ए॥ नाराङि खानि याङ्आछाडिटि, टरो लुक्‍माभुङ् ठेलोक् चोगानुम्, पोङ्‌भोने आङा नारा मेप्‍मा हिडुएसुङे॥”

मुलिचेला टोॽवा 14:22

हिट्‌नागाचिङा येसु डाङ्‌बाङि बिस्‍वास काचोक्‍बाचि बिस्‍वासङि बोलियो लिसानि पिक्‍सा आँट् पिडाचुए, हिट्‌नुङ् “माङ्‌हाङ् उमुलुक्‌ङि खाप्‍मा नुङ्‌ना उटुम्‌ङि आनि याङ्‌छामा, निङ्‌गुवा सागु हिट्‌नुङ् खेदो आङ्‌मा डोक् कोन्‌युक्” पिक्‍सा हिट्‌नागा लोडाचुचे॥

१ कोरिन्‌थि 10:13

खानि चोलाङि आरु याप्‌मिचि निङ्‌ग्‍वा छिक्‍माङि ओठाया गाड्‌डे डोक् खानि चा आठाइसे॥ टरो माङ्‌हाङ् बिस्‍वासयोग्‍ए वाहेट्, हिट्‌नुङ् उन्‍ङा खानिङा आङ्‌मा डोक् आहिनिम्‍लोक् निङ्‌ग्‍वा छिक्‍माङि ठामा मापिडिन्‍गा॥ टरो खानिङा आङ्‌मा हिडानुम् नुङ् उन्‍ङा निङ्‌ग्‍वा छिक्‍मालाम्‍मा भारा होम्‍माना लाम्‍भो चा माचोगिबिडिटि॥

एफिसि 4:27

हिट्‌नुङ् सैतानङा खानि निङ्‌ग्‍वाङि पाप चोक्‍मेप्‍माना रिङ्‌ङि ठेम्‍मा मौका टोगुन्‍ना॥

एफिसि 6:16

हिट्‌टेप्‍मा एडोक् माखाक्, बिस्‍वासङि दोरो लिसानि, हिट्‌नाम्‍बाक् खानिना ढाल ए॥ जब याङ्‌छामा बेला सैतान खानिङि मि ओलाप्‍को गाड्‌डे डोक् टायुक्, टब खानिङा हिट्‌नागा बिस्‍वासलाम्‍मा सेप्‍मा आहिडुम्‍टुम्॥

कालास्‌सि 2:5

आङा खानिलोक् हिट्‌नि एक्‍केउ वानिङ् चा आनिङ्‌ग्‍वाउम् खानिलोक् डोक् युङ्‌ग्‍वा॥ हिट्‌नुङ् खानि ठिक्‍ए निङ्‌ग्‍वा आलिसिउङ् आयुङिगा हिट्‌नुङ् खिरिस्‍टङि खानि बिस्‍वास औधि बोल्‍लेउ लिसाना रिङ् खेम्‍सुङुङ् आङा हारका लिसाइसाङे॥

१ थेसालोनिकि 3:3

हिट्‌डेउङ् नाड्‌डेगा याङ्‌छामा लिनाँ साङा चा हारेस ओचोन्‍चा॥ नाड्‌डेगा याङ्‌छामाउङ् आङ्‌मा लाउङ्‌सा आनिम्‌बाक् आसेगिगा नुङ् खानि आप्‍पेङा नुलोक् ठाहा आटोगुएसुम्‍मे॥

१ तिमोथि 6:12

खान्‍ङा बिस्‍वास आचोगुना रिङ्‌ङि ओचेट्‌नुलोक् पिन्‍डा, हिट्‌नुङ् खोना बेला चा लाट्‌निना चोला लाबुयाक्‍टु, माङ्‌हाङ्‌ङा ना लोङ्‌सा डोक् खान् माछेम्‍डाना॥ खान्‍ङा जोम् याप्‌मिचि माझाङि काबिस्‍वासङाना नुना साँचि आपिडुएसुचिगा डागा॥

२ तिमोथि 3:12

खिरिस्‍ट येसुङि धारमोति लिमा निङ्‌ग्‍वा काचोक्‍बाङा आरुलाम्‍मा याङ्‌छामाउङ् आङ्‌मा डोक् कोन्‌युक्॥

२ तिमोथि 4:7

पिम्‍माना टोॽवाङि आङा नुलोक् पिन्‍डेसाङे॥ आङा पिम्‍माना टोॽवा हिडुएसुङे, हिट्‌नुङ् आङा बिस्‍वास जोगाँ चोगुएसुङे॥

हिब्‍रु 11:33

हिट्‌नागाँ बिस्‍वासलाम्‍मा डोक् जोम् रिङ् ओचोगुए॥ हिट्‌नागाँ आरु देसचि ओमेट्‌टुचे, हिट्‌नुङ् धारमिक्‍ताङाना टोॽवा ओचोगुए॥ माङ्‌हाङ्‌ङा चामारसिङा चोगुएसुना थोक्‌चि चा ओटोगुए, हिट्‌नुङ् हिट्‌नागाँ ओचोगुना बिस्‍वासङा डोक् हिट्‌नागा किबाचिङा चा पाक्‍चा ओचोग्‍वाट्‌टुन्‌चिन्॥

हिब्‍रु 12:8

माङ्‌हाङ्‌ङा आप्‍पे ओछालेट्‌चि गाड्‌डे खानि साधाँ माचोगिन्‍गेट्‌टिन्‍गा भोने खानि उन्‍ङाना ओछालेट्‌चि माखाक्, टरो आरकोङाना डोक् ओछालेट्‌चि ए॥

याकुब 4:7

हिड्‌नाड्‌डेउङ् आप्‍पेलोङ्‌सा माङ्‌हाङ्‌ङाना काबुङि युङ्‌सानुम्॥ सैतानङाना बिरोध चोगानुम् हिट्‌नुङ् हिट्‌ना खानि मानाडिउङ् पिन्‌युखाट्‌युक्॥

१ पाटरुस 1:6

नागा सोब्‍बे रिङ्‌ङि खानि हारका लिमा कोन्‌युक्, टरो चा खानिङा होप्‍मो बेला लोङ्‌सा पारिक् पारिक्‍ङागा याङ्‌छामा आङ्‌मा कोन्‌युक्॥

१ पाटरुस 2:21

पोङ्‌भोने ना रिङ् लाउङ्‌सा डोक् माङ्‌हाङ्‌ङा खानि माछेम्‌डिगा ए॥ खिरिस्‍टङा चा खानिलोङ्‌सा याङ्‌छामा आङ्‌डुए, हिट्‌नुङ् उन् डोक् खानिना नामुना ए॥ हिड्‌नाड्‌डेउङ् खानि चा उन्‍ङा मानिमेट्‌टिगा लाम्‍बोङि लाम्‌टिमा कोन्‌युक्॥

१ पाटरुस 3:14

ओचेट्‌नुना टोॽवा आचोगुम्‍नाँ याङ्‌छामा आङ्‌मा कोले भोने चा माङ्‌हाङ्‌ङा खानि आसिक् मापिडिटि॥ खानि याङ्‌छामा मापिडिगा खोनालोक् चा किट्‌नेनिन् आथाबा चिन्‌तित् लिनेनिन्॥

१ पाटरुस 4:13

टरो खिरिस्‍टङाना याङ्‌छामाङि खानि चा साहाभागि आलिसिना रिङ्‌ङि हारका लिसानि, हिट्‌डेउङ् उन्‍ङाना ठेना माहिमा पारकाट् लिनाँ खानि चा आड्‌डिक् आनान्‌दित आलिसिटि॥

पारकास 1:9

आङा युहान्‍ना, खानि बिस्‍वासि साइबा॥ खानि गाड्‌डे डोक् आङा चा याङ्‌छामा आङ्‌डुएट्‌टुङ्, पोङ्‌भोने येसु आनि हाङ्‌बा ए, हिट्‌नुङ् उन्‍ङा आङ्‌मा हिमाना बोल् आनि आपियुक्॥ आङा माङ्‌हाङ् रिङ् पारचार चोगुङ्‌नाँ हिट्‌नुङ् येसुङाना बारेङि याप्‌मिचि लोडुङ्‌चिङ्‌नाँ आङा याप्‌मिचिङा पोत्‍मोस ओलोडुना टापुङि उयुङ्‌सेसाङे॥

पारकास 6:11

माङ्‌हाङ्‌ङा हिट्‌नागा ख्‍वाप्‍पालाउङ्‌सा फुट्‌ना लोट्‌लिङ् वाप्‍मा पिडुचे, हिट्‌नुङ् हिट्‌नागा नाड्‌डे लोडुचे, “होप्‍मो बेला सोम्‍मा खानि आराम चोगानि, पोङ्‌भोने आझै खानिलोक् टोॽवा काचोक् खानि साइबाचि हिट्‌नुङ् टाङ्‌बाङाना सेवा काचोक् बिस्‍वासिचि खानि गाड्‌डे डोक् याप्‌मिचिङा ओसेडुचिचि॥ जब हिट्‌ना ओसेडुचिगा साङ्‌ख्‍या युयुक्, हिट्‌नुङ् एरोक् आङा साजाए पिडुङ्‌चिङ्‌चिङ्॥”

पारकास 7:14

हिट्‌नुङ् आङा लोडुङे, “आडाङ्‌बा, आङा ठाहा टोक्‌निङ्‌ना, हिट्‌नागा साक्‌चि नुङ् खान्‍ङा डोक् ठाहा आटोगुटु॥” हिट्‌नुङ् उन्‍ङा आङा याङ्‌लोडे, “नागाउम् माङ्‌ठेना याङ्‌छामा ओआङ्‌डुङ् ओटायागा याप्‌मिचि ए॥ हिट्‌नागाँ आ-आप्‍पे उन्‌चि लोट्‌लिङ् थुमाङाना ओहेलिक्‌ङा ओवासिडुङ् फुट्‌टुम्‍बुरि ओचोगुएसुए॥