१ पाटरुस 5:8 - आठपहरिया

⁸ ओछेक्‍छेक् युङानि हिट्‌नुङ् ओचाप्‍पाङ् लिसानि॥ खानि साट्‌टुर सैतान खोना टुबुङुङ् जाखाम् चोगुङ् नुङ् गुरलुम् गुरलुम् राट्‌ना किबा गाड्‌डे डोक् सुक्‍सा वायुगोन्॥

१ पाटरुस 5:8 Iomraidhean Croise

मात्‌ति 13:39

सामाङाना लालिक् काहिबा साट्‌टुरम्‍बाक् सैतान ए, हिट्‌नुङ् चालिङ् छुम्‍माम्‍बाक् नाराङाना आन्‍तेङाना बेला ए॥ हिट्‌नुङ् चालिङ् काहेग्‍बाचिम्‍बाक् माङ्‌हाङ् रिङ् काउग्‍बाचि ए॥

मात्‌ति 24:42

“हिट्‌नाड्‌डेउङ् खानि ओछेक्‍छेक् लिसानिउङ् युङानि, पोङ्‌भोने खोना लेम्‍बा खानि टाङ्‌बा उङ्‌युक्‍ना हिट्‌ना खानिङा ठाहा आटोक्‌निम्‍ना॥

मात्‌ति 25:41

“हिट्‌नुङ्‌ना उन्‍ङाना ओफेङ्‌साङ्‌लेङ् उलिसागा याप्‌मिचि लोडुचिचि, ‘हाउ माङ्‌हाङ्‌ङाना साराप् आठायिगा याप्‌मिचि! आङालाम्‍मा खाडालेट्‌टानि, हिट्‌नुङ् दियाबालास लोक् उदुतचि लोङ्‌सा टेयार चोक्‍बालाक् खोना बेला चा सिनिना मिङि खाडानि॥

मात्‌ति 4:1

हिट्‌नुङ् सैतानङा येसुङाना जाँच ओचोगुवाक् नुङ् सेङ्‌सेङ्‌ना हाङ्‌साङा उन् साक्‍चा उयुङ्‌निना डेन्‌ङि खाट्‌टुए॥

मात्‌ति 4:11

हिट्‌नुङ् सैतानङा येसु नाडुढोङ् खाडे हिट्‌नुङ् माङ्‌हाङ् रिङ् काउग्‍बाचि ओटायाउङ् उन् घुवार ओफाडुए॥

मारकुस 4:15

आम्‍टेप्‍मा याप्‌मिचि लाम्‍बोङि ओठायागा लालिक्‌चि गाड्‌डे डोक् उलियुक्॥ हिट्‌नागाँ माङ्‌हाङ् रिङ् ओखेम्‍सुनामे सैतान टायुङ् उन्‌चि निङ्‌ग्‍वालाम्‍मा माङ्‌हाङ् रिङ् नाप्‍टुचिउङ् खाट्‌टुएट्‌टुटु॥

लुका 21:34

“ओछेक्‍छेक् चोगानि, जोम् मोजमोज्‍जाङि, चामा-ठुङ्‌माङि हिट्‌नुङ् ना चोला लोङ्‌सा खानि निङ्‌ग्‍वा टिनेनुम्॥ हिट्‌डे आचोगिए भोने खानि निङ्‌ग्‍वा डोम्‍डोम्‍ना लियुक् हिट्‌नुङ् जिवाट्‌चि वारिक्‌ङि ओठाया गाड्‌डे डोक् हिट्‌ना लेम्‍बा खानिङा आमिट्‌निम्‍गेट्‌निम्‍ना बेला खानिङाना आन्‍तेङाना लेम्‍बा टायुक्॥

लुका 21:36

ओछेक्‍छेक् चोगानि, हिट्‌नुङ् नागा किप्‍माडुङ् रिङ्‌चिलाम्‍मा हिङ्‌मा हिट्‌नुङ् याप्‌मि छा सोरि येप्‍मा हिमाना बोल् याप्‌मिपिडा नुङ् जाइले टाइले बिन्‌टि चोगानि॥”

लुका 22:31

हिट्‌नुङ्‌ना येसुङा सिमोन पाटरुस लोडुए, “सिमोन, हाउ सिमोन, खेम्‍सु, आङा खान् ठिक् रिङ् लोनाँ, टोॽवालासि काचोक्‍बाचिङा चामा उभुसुॽवा ओयेम्‍सुडेसु गाड्‌डे डोक् खानि चा आङालाम्‍मा साम्‍मा लोङ्‌सा सैतानङा माङ्‌हाङ्‌लोक् आग्‍याँ नाक्‍टुएसुए॥

युहान्‍ना 8:44

खानि आप्‍पे खानि पाबा सैतानङाना ओछालेट्‌चि ए, हिट्‌नुङ् खानि पाबाङाना उनिङ्‌ग्‍वा गाड्‌डे चोक्‍मा डोक् खानिङा निङ्‌ग्‍वा आचोगुएसुम्‍मे॥ हिट्‌नाउम्‍टे उटुम्‌लाम्‍मा डोक् याप्‌मि कासेट् डाना, हिट्‌नुङ् हिट्‌नाङा छेम्‍बाना रिङ् सोरोक् चिम्‍मा फुट्‌टुना, पोङ्‌भोने हिट्‌नालोक् छेम्‍बाना रिङ् डोक् वाइना॥ हिट्‌नाउम्‍टे ओचाट्‌ला गाड्‌डे डोक् माङ्‌जो चेक्‌युक्॥ हिड्‌डेउङ् हिट्‌ना माङ्‌जो काचेक् हिट्‌नुङ् माङ्‌जो काचेक्‍बाचिगा पाबा ए॥

२ कोरिन्‌थि 2:11

हिड्‌डेउङ् सैतानङा आनि झुक्‍याङ् आचोक्‍नेयाक् नुङ् हिड्‌डे चोगुङ्‌ना, पोङ्‌भोने फाम्‍लेङ् आचोक्‍ना हिट्‌नाङाना ओटोॽवा आनिलाउङ्‌सा ठाहा युङ्‌ग्‍वा॥

एफिसि 4:27

हिट्‌नुङ् सैतानङा खानि निङ्‌ग्‍वाङि पाप चोक्‍मेप्‍माना रिङ्‌ङि ठेम्‍मा मौका टोगुन्‍ना॥

एफिसि 6:11

उपिङ्‌बाचिङा चुङ्‌माउङ्‌सा हातियार ओखुयु गाड्‌डे खानिङा चा माङ्‌हाङ्‌ङा मापिडिगा हातियार खुयानुम्, हिड्‌डेउङ् सैतानङा खानि छालाँ चोक्‍मा माकोलिनाँ, खानिङा हिट्‌ना बिरोध चोक्‍मा आहिडुम्‍टुम्॥

१ तिमोथि 2:15

टरो मेन्‍झेमा सोरोक् लाच्‌छिन्‌ङि, बिस्‍वासङि, माया चोक्‍माङि, हिट्‌नुङ् सेङ्‌सेङ्‌ङि युङे भोने छाडाङ्‌मा लिना बेला उन् हिङ्‌युक्॥

१ तिमोथि 2:9

हिट्‌डेडोक् मेन्‍झेमाचिङा चा ओचेट्‌नुलोक् उन्‌चि ओखान्‍डुना हिट्‌नुङ् मोम्‍मासिमा लिनिना पाराना लोट्‌लिङ् ओवाडुवाक्॥ हिट्‌नुङ् नाक्‍काल झाक्‍काल चोक्‍सा फ्याक् उखिक्‍टुङ्, साम्‍याङ् ओवाडुङ्, माहाङ्‌गो गारगाहाना आथाबा ओफाङ्-ओफाङ् लोट्‌लिङ् वाप्‍माङि एरोक् निङ्‌ग्‍वा उपिडुङ् आरु ओबान्‍डुन्‌चिन्‍चा॥

१ तिमोथि 3:11

हिट्‌डेडोक् हिट्‌नागाँगा उन्‌चि टालिमाङ्‌चि सोब्‍बेङा मान् ओचोगुना, आरुङागा बारेङि ओचाफेन्‍लोक् रिङ्‌पान् चोक्‍माना ओसाट्‌टोङि निङ्‌ग्‍वा काबुङि कायुङ्‌बा हिट्‌नुङ् सोब्‍बे थोक्‌ङि बिस्‍वासिलो लिमा कोन्‌युक्॥

१ तिमोथि 3:2

हिट्‌डेउङ् माङ्‌पाङ्‌ङिना ओठेडोङ्‌म्‍बाक् फाट्‌टुर मालेना लिमा कोन्‌युक्॥ उन्‍ङाना ठिबाङ् एडोक् ओटालिमाङ् लिमा कोन्‌युक्, काबुङि कायुङ्‌बा, सोब्‍बेङा मान् ओचोगुना, याप्‌मिचि ओटानाँ स्‍वागाट् काचोक्‍बा, सिकाँ चोक्‍मा काहिबा,

२ तिमोथि 4:17

टरो टाङ्‌बाङा घुवार याङ्‌फाडाउङ् सोब्‍बे पानिछोङ्‌बाचिङा खाबोर खेम्‍मा ओटोगु नुङ् उन्‍ङा पारचार चोक्‍माना बोल् याङ्‌पिडे॥ नाड्‌डेउङ् आङा किबाङाना ओयासिलाम्‍मा छुट्‌कारा टोगुङे॥

तितास 1:8

याप्‌मिचि ओटानाँ ओरेक् काट्‌निना, नुगा रिङ्‌ङि निङ्‌ग्‍वा कापिबा, जोम् निङ्‌ग्‍वा कारिबा, निङ्‌ग्‍वा नुना, धारमोति याप्‌मि हिट्‌नुङ् आप्‍पे लोङ्‌सा मुठिङि कायुङ्‌बा याप्‌मि लिमा कोन्‌युक्॥

तितास 2:12

ना माङ्‌हाङ् ओदायाङा आनि आधारमोति चोला लिमालाम्‍मा हिट्‌नुङ् नाराङिगा थोक्‌चिङि एरोक् मेलेक् लिमालाम्‍मा आनामेट्‌युक्, हिट्‌नुङ् ना नाराङि नुलोक् जोम् निङ्‌ग्‍वा कारिबा, नुना याप्‌मि लिमा हिट्‌नुङ् धारमोति याप्‌मि लिमा आहिसिक्‌युक्॥

तितास 2:2

पासिङ् याप्‌मिचि निङ्‌ग्‍वा काबुङि कायुङ्‌बा, इमान इज्‍जात लिसाना हिट्‌नुङ् नुलोक् जोम् निङ्‌ग्‍वा कारिबा, बिस्‍वासङि दोरो, माया काचोक्‍बा हिट्‌नुङ् सोब्‍बे रिङ् आङ्‌मा काहिबा लिसानि पिक्‍सा हिसिक्‍टुचि॥

तितास 2:4

हिट्‌नुङ् एरोक् नागा मासिङ् मेन्‍झेमाचिङा कायेप्‍मा मेच्‍छेमाचिलोङ्‌सा खानि टालिबाङ् हिट्‌नुङ् छाचि माया चोगानुम्‌चिम्,

तितास 2:6

नाड्‌डेडोक् ठाङ्‌बेन्‌चि चा आप्‍पेलोङ्‌सा जोम् निङ्‌ग्‍वा कारिबा लिमा कोन्‌युक् पिक्‍सा नुलोक् लोडुचि॥

याकुब 4:7

हिड्‌नाड्‌डेउङ् आप्‍पेलोङ्‌सा माङ्‌हाङ्‌ङाना काबुङि युङ्‌सानुम्॥ सैतानङाना बिरोध चोगानुम् हिट्‌नुङ् हिट्‌ना खानि मानाडिउङ् पिन्‌युखाट्‌युक्॥

१ पाटरुस 1:13

नाड्‌डेउङ् टोॽवा चोक्‍माउङ्‌सा खानि निङ्‌ग्‍वा टेयार चोगानुम्॥ आप्‍पे लाउङ्‌सा काबुङि युङ्‌सानुम् हिट्‌नुङ् येसु खिरिस्‍ट ठेट्‌ना बेला खानिङा आटोगुम्‍लाबुम्‍ना आसिक्‌ङि डोक् ख्‍वाप्‍पा आसा युङ्‌सानुम्॥

१ पाटरुस 4:7

हिट्‌नुङ् ख्‍वाप्‍पा रिङ्‌ङाना आन्‍ते लिसा डोक् लाबे॥ हिट्‌नाड्‌डेउङ् खानि निङ्‌ग्‍वा रेक्‍टानुमुङ् ओछेक्‍छेक् लिसानिउङ् बिन्‌टि चोगानि॥

पारकास 12:10

आङा टोनालोग्‌ङि नाड्‌डे मुक्‍टाना ठेना सोरा खेम्‍सुङे, “हाट्‌ले आनि माङ्‌हाङ्‌ङा ओयाप्‌मिचि बाचाँ चोगुचिचि, उन्‍ङा सासान् चोक्‍माना उन्‍ङाना आधिकार पारकाट् चोगुएसुए, हिट्‌नुङ् मुक्‌टि कापिबा खिरिस्‍टङा चा उन्‍ङा सासान् चोक्‍माना आधिकार पारकाट् चोगुएसुए॥ हाट्‌ले आनि भुम्‍भु-झान्‍झाचि हिट्‌नुङ् नाना-झान्‍झाचि जाइले टाइले फाट्‌टुर कालाब्‍बा सैतान टोनालोग्‌लाम् लेप्‍टैसे॥ हिट्‌नाँ लेन्‍सेन् हिट्‌नागा माङ्‌हाङ् ओटोकानाङि फाट्‌टुर लाब्‍मा नाडुन्‍गेट्‌टुन्‍ना॥

पारकास 12:12

हिट्‌नाडेउङ् टोनालोग् लोक् हिट्‌नि कायुङ्‌बाचि, हारका लिसानि॥ टरो नारा लोक् सामुन्‍दराङि कायुङ्‌बाचि, इनामा खानिलाउङ्‌सा, सैतान खानि सोरि टाइसे॥ हिट्‌नुङ् हिट्‌नाङाना आड्‌डिक् ओयाग्‍लेडैसे, पोङ्‌भोने हिट्‌नाङा ओबेला खाट्‌टिप्‍मा एडोक् युङ्‌ग्‍वा नुङ् ठाहा टोगुएसुए॥”

पारकास 12:9

हिट्‌ना ठेना ओप्‍पु आच्‍छो बेलाना ओप्‍पु ए, हिट्‌ना दियाबालास हिट्‌नुङ् सैतान चा ओलोडुए, हिट्‌नाँ डोक् सोब्‍बे नाराङिगा याप्‌मिचि बान्‍डुचिगा॥ हिट्‌ना उदुतचिलोक् एक्‍केउ नाराङि ओलेप्‍टुए॥

पारकास 20:10

हिट्‌नुङ् देस-देसङिगा याप्‌मिचि मुसिक्‍पा काचाट्‌बा हिट्‌ना सैतान हाट्‌टेट्‌टाना गान्‍धाक्‌ङाना कुन्‍डाङि माङ्‌हाङ् रिङ् काउग्‍बाङा लेप्‍टुए, हिट्‌नि डोक् हिट्‌ना जिवाट् हिट्‌नुङ् माङ्‌जोना माङ्‌काटा चा वासेट्‌टाचिगा॥ हिट्‌नि हिट्‌नागाँ लेन्‍सेन् सोरोक् याङ्‌छामा ओआङ्‌डुटु॥

पारकास 20:2

हिट्‌नुङ् हिट्‌नाङा हिट्‌ना ठेना ओप्‍पु लाबुङ् ठिक् हाजार बारखा लाउङ्‌सा रेक्‍टुए॥ हिट्‌ना ठेना ओप्‍पुम्‍बाक् आच्‍छो बेलाना ओप्‍पु, हिट्‌ना दुस्‍टाचिगा हाङ्‌बा आथाबा सैतान ए॥