१ पाटरुस 5:4 - आठपहरिया

⁴ जब मुलि कापुबा ठेट्‌युक्, हिट्‌ना बेला खानिङा सोरोक् ओम्‌युयाक्‍ना माहिमा लोक् मान्‌ङाना मुकुट् आटोगुम्‍टुम्॥

१ पाटरुस 5:4 Iomraidhean Croise

युहान्‍ना 10:11

“ओचेट्‌नुना गोठाले आङा डोक्॥ नुना गोठालेङा उठुँबाचि लाउङ्‌सा ओचोला भोक् चा पिडुटु॥

१ कोरिन्‌थि 9:25

पाङ्‌ग्‍वामाङि ओखाट्‌गा सोब्‍बेङा आप्‍पेलाउङ्‌सा आड्‌डिक् टुक्‍लोक् तालिम पिमा कोन्‌युक्॥ हिट्‌नुङ् हिट्‌नागाँ जाखाम् लियुङ् खाट्‌ना पुरेस्‍कार टोक्‍माउङ्‌सा हिट्‌नाड्‌डे ओचोक्‌युक्, टरो आनिम्‌बाक् सोरोक् लियुयाक्‍ना पुरेस्‍कार टोक्‍माउङ्‌सा नाड्‌डे चोगिटि॥

२ तिमोथि 4:8

हाट्‌लेउम् आङालोङ्‌सा धारमिक्‍ताङाना मुकुट् युङ्‌गुवा, हिट्‌ना मुकुट् नुलोक् न्‍याए काचोक्‍बा टाङ्‌बाङा हिट्‌ना बेला आङा याङ्‌पियुक्, हिट्‌नुङ् आङा एडोक् माखाक्, टरो उन् टाना ओलाम्‍बो उपुयुगा सोब्‍बेलोङ्‌सा पिडुचिचि॥

हिब्‍रु 13:20

हाट्‌ले सान्‌ति आपिना माङ्‌हाङ्‌ङा खानि चाहाब् आलिसिगा सोरोक् ओचेट्‌नुगा थोक् खानि मापिडिटि नुङ् आङा बिन्‌टि चोगुङ्‌टुङ्, हिट्‌नुङ् उन्‍ङा निङ्‌ग्‍वा चोगुना रिङ् खानिङा चोक्‍मा आहिडुम्‍टुम्॥ ठुँबाचिगा ठेना गोठाले आनि डाङ्‌बा येसुलाउङ्‌सा माङ्‌हाङ्‌ङा सियानालाम्‍मा उहिङ्‌ग्‍वाट् फोगुए॥ येसुङाना ओहेलिक्‌लाम्‍मा माङ्‌हाङ्‌ङा उन् हिट्‌नुङ् ओयाप्‌मिचि माझाङि सोरोक् लियुयाक्‍ना माङ्‌हुप् उटुम् चोगुए॥ माङ्‌हाङ् पाक् रिङ्‌ङा खुसि चोगुटुना हिट्‌ना रिङ् आनिङि येसु खिरिस्‍टलाम्‍मा उन्‍ङा चोगुटु नुङ् आङा बिन्‌टि ठाङ्‌सुङ्‌टुङ्, हिट्‌नुङ् खिरिस्‍टङाना माहिमा जुग-जुग उलियाक्॥ आमेन्॥

याकुब 1:12

निङ्‌ग्‍वा छिक्‍मा टानाँ आङ्‌मा काहिबा याप्‌मिम्‍बाक् माङ्‌हाङ्‌ङा आसिक् पिडुटु॥ हिट्‌नुङ्‌ना माङ्‌हाङ्‌ङा उन् माया काचोक्‌चि लाउङ्‌सा पिडुङ्‌चिङ्‌चिङ् नुङ् उन्‍ङा माङ्‌हुप् चोगुना चोलाङाना मुकुट् डोक् याङ्‌छामा काआङ्‌बा याप्‌मिङा टोगुटु॥

१ पाटरुस 1:4

हिट्‌नुङ् माङ्‌हाङ्‌ङा टोनालोग्‌ङि खानि लाउङ्‌सा खोना बेला चा जाखाम् लिनिना, चोखो, हिट्‌नुङ् मेग्‌निना उताराधिकार युङ्‌सुएसुए॥

१ पाटरुस 2:25

पोङ्‌भोने खानि खेडोक् ओवायुजागा ठुँबाचि गाड्‌डे आलिसिएसिगा, टरो हाट्‌लेम्‍टे खानि कापुबा हिट्‌नुङ् खानि हाङ्‌सा सुरेक्‍छा काचोक्‍बाङि नोक्‌टि आटाइसिए॥

१ पाटरुस 5:2

माङ्‌हाङ्‌ङा खानि जिम्‍माङि मापिडिगा ठुँबाचि निङ्‌ग्‍वा मिटाए मिटाए माखाक्, टरो खानि निङ्‌ग्‍वालाम्‍मा डोक् ओचेट्‌नुलोक् पुयानुम्‌चिम्॥ ओफाबा टोक्‍माउङ्‌सा माखाक्, टरो माङ्‌हाङ्‌ङाना उनिङ्‌ग्‍वा गाड्‌डे सेवा चोक्‍माना निङ्‌ग्‍वाङा ना टोॽवा चोगानुम्॥

१ युहान्‍ना 3:2

मायालु आसाइबाचि, हाट्‌लेम्‍बाक् आनि माङ्‌हाङ्‌ङाना खालाक् डोक् ए॥ हिट्‌नुङ् हान्‍डेङ् आनि पाक् गाड्‌डेना लिसिटिगा हिट्‌ना रिङ् आनि ठाहा टोग्‌निम्‍ना॥ टरो खिरिस्‍ट उङ्‌नाँ आनि चा उन् गाड्‌डे डोक् लिसिटि नुङ् ठाहा टोगुम्‍टुम्, पोङ्‌भोने उन् खोड्‌डेना वाहेट्‌ना हिड्‌नाडेना डोक् उन् निसुम्‍टुम्॥

पारकास 1:7

ओछेक्‍छेक् लिसानिउङ् पुयानुम्, येसु खिमेमाङि उङ्‌युगेट्, हिट्‌नुङ् सोब्‍बे याप्‌मिचिङा उन् उनिसुटु॥ उन् ओरोक्‍टुना याप्‌मिचिङा चा उनिसुटु॥ हिट्‌नुङ् नाराङिगा ख्‍वाप्‍पा याप्‌मिचि उन् उनिसुङ् निङ्‌ग्‍वाङि दुखेसो ओचोक्‌युक्॥ छेम्‍बा नाड्‌डे लियुक्॥ आमेन्॥

पारकास 2:10

हाट्‌ले खानिङा आङ्‌डुम्‍लाबुम्‍ना याङ्‌छामालोक् किट्‌नेनिन्॥ खानि बिस्‍वास जाँचा चोक्‍माउङ्‌सा खानि माड्‌डे कोइ-कोइ सैतानङा खाम्‍बाङ्‌ङि माठेन्‌डिटि॥ हिट्‌नुङ् खानिङा ठिमेक् लेम्‍बा टेप्‍मा याङ्‌छामा आआङ्‌डुम्‍टुम्॥ टरो सिमा डोक् कोन्‍ना लिचा आङि बिस्‍वास चोक्‍मा नानेनुम्, हिट्‌नुङ् आङा खानि खोना बेला चा लाट्‌निना चोलाङाना इनाम् पिनाँनि॥

पारकास 3:11

आङा नाराङि एला डोक् उङ्‌साङ्‌लाबाङे॥ खानिङा आटोगुम्‍ना खाबोर नुलोक् जोगाँ चोगानुमुङ् युङ्‌सानुम्, हिट्‌डेउङ् खानि लाउङ्‌सा युङ्‌ग्‍बालाक् इनाम् आरु खोनाङा चा खाप्‍मा उहिडुन्‍ना॥