१ पाटरुस 5:3 - आठपहरिया

³ खानि जिम्‍माङि उलिसागा सासान् चोक्‍मा माखाक्, टरो हिट्‌नागा लाउङ्‌सा ओचेट्‌नुना सिको चोक्‍माना लिसानि॥

१ पाटरुस 5:3 Iomraidhean Croise

युहान्‍ना 13:15

आङा चोगुङ्‌ना गाड्‌डे डोक् खानिङा चा चोगानुम् नुङ् डोक् आङा खानि लोङ्‌सा ठिक् नामुना निमेट्‌नानिगा॥

मुलिचेला टोॽवा 20:28

हाट्‌ले खानि आप्‍पेलोङ्‌सा हिट्‌नुङ् सेङ्‌सेङ्‌ना हाङ्‌साङा खानि ओठेडोङ् माचोगिउङ् खानि मुक्‌ङि मापिडिगा बिस्‍वासिचि नुलोक् पुयानुम्‌चिम्॥ हिट्‌नुङ् माङ्‌हाङ्‌ङा आप्‍पे उइछा ओहेलिक्‌ङा इनुचिगा माङ्‌पाङ्‌ङि चा खानिङा नुलोक् पुयानुम्‌चिम्॥

१ कोरिन्‌थि 11:11

टरो टाङ्‌बा ओटोकानाङि मेन्‍झेमा लोङ्‌सा येम्‍बेछा चाहाब् लियुक्, हिट्‌नुङ् येम्‍बेछा लोङ्‌सा मेन्‍झेमा चाहाब् लियुक्॥

१ कोरिन्‌थि 3:5

हिट्‌नुङ् आपोल्‍लोस साइना? पावाल साइना? आन्‍च्‍याँउम् माङ्‌हाङ्‌ङाना ओसेवाक्‌चि एडोक्, आन्‍च्‍याँलाम्‍मा खानिङा नुना खाबोरङि बिस्‍वास आचोगुम्‍मे॥ टाङ्‌बाङा आपिडाना टोॽवा एडोक् आनि सोब्‍बेङा चोगुम्‍टुम्॥

१ कोरिन्‌थि 3:9

पोङ्‌भोने आनि सोब्‍बेम्‍बाक् माङ्‌हाङ्‌ङाना टोॽवा काचोक्‌चि ए, हिट्‌नुङ् माङ्‌हाङ्‌ङाना ओबेङ्‌सिम्‍बाक् खानि ए॥ हिट्‌नुङ् खानिम्‍बाक् माङ्‌हाङ्‌ङा चोगुना पाङ् ए॥

२ कोरिन्‌थि 1:24

खानिङा आचोगुम्‍ना बिस्‍वासङि आन्‍याँ सासान् चोक्‍मा कोलुम्‍माना माखाक्, टरो खानि चाप् लाउङ्‌सा डोक् खानिलोक् ओटोक्‍माङ् टोॽवा चोगुम्‍टुम्‍मा, पोङ्‌भोने बिस्‍वासङि खानि बोल्‍लेउ आवासेट्‌टि॥

२ कोरिन्‌थि 4:5

पोङ्‌भोने आन्‍याँ आप्‍पे आन्‍याँना बारेङि पारचार चोक्‌निम्‍माना, टरो येसु खिरिस्‍ट डोक् टाङ्‌बा नुङ् पारचार चोगुम्‍टुम्‍मा॥ आन्‍याँम्‍बाक् येसुङाना लोङ्‌सा खानिगा डोक् चाकारचि ए॥

फिलिप्‌पि 3:17

हाउ आम्‍भु-आन्‍झाचि, खानि आङाना योॽवा काचोक्‍बा लिसानि॥ आन्‍याँ खानि लोङ्‌सा ओचेट्‌नुना नामुना लिसेसिङे, हिट्‌नुङ् हिट्‌ना नामुना गाड्‌डे काचोक्‍बाचिलोक् खानि सिकाँ लिसानि॥

फिलिप्‌पि 4:9

हिट्‌नुङ् आङालाम्‍मा जे रिङ् खानिङा सिकाँ आलिसिए हिट्‌नुङ् आलाडुम्‍मे हिट्‌ना रिङ् चोगायाक्‍टानुम्, हिट्‌नुङ् आङा माट्‌टुङ्‌ना जे रिङ् खानिङा आखेम्‍सुम्‍मे हिट्‌नुङ् आङा चोगुङ्‌ना जे रिङ् आनिसुम्‍मे हिट्‌ना रिङ् चोगानुम्॥ हिट्‌नुङ् खानि हिड्‌डे आचोगिटि भोने, हाङ्‌हाङ् कापिबा माङ्‌हाङ् खानिलोक् लियुक्॥

१ थेसालोनिकि 1:7

नाड्‌डेउङ् खानि माकेडोनिया हिट्‌नुङ् आखैयाङिगा सोब्‍बे बिस्‍वासिचिङि खानि नामुना आलिसिए॥

२ थेसालोनिकि 3:9

खानिलाम्‍मा आन्‍याँ घुवार टोक्‍मा कोन्‍ना आधिकार वानेट्‌निउङ् माखाक्, टरो आन्‍याँ चाट्‌ला खानि लोङ्‌सा सिको चोक्‍माना रिङ् उलियाक् नुङ् हिट्‌डे चोगिङे॥

१ तिमोथि 4:12

खोनाङा चा खान् ठाङ्‌बेन् नुङ् मालोनिजान्‍याक्, टरो बिस्‍वासिचि माझाङि चेक्‍माजामा, नुना चाट्‌ला चोक्‍मा, माया चोक्‍मा, बिस्‍वासङि हिट्‌नुङ् सेङ्‌सेङ् वामाना रिङ्‌ङि नामुना लिसा॥

तितास 2:7

सोब्‍बे थोक्‌ङि खान्‍ङा आप्‍पे डोक् नुना टोॽवा चोगु हिट्‌नुङ् ठाङ्‌बेन्‌चिङा खान्‍ङाना सिको माचोक्‌युक्॥ खान्‍ङा सिकाँ आचोगुचिनाँ ढाँट मिफोक्‍ङे हिट्‌नुङ् लुम्‍भोक् लोना रिङ् हिसिक्‍टुचि॥

१ पाटरुस 2:9

टरो खानिम्‍टे माङ्‌हाङ्‌ङा मासेगिगा छोङ्‌बाचि, मुलुक्‌ङिना पुजारिचि, सेङ्‌सेङ्‌गा छोङ्‌बाचि, माङ्‌हाङ्‌ङाना आप्‍पे ओयाप्‌मिचि ए॥ खानिङा उन्‍ङाना ओबोल्‌ङाना टोॽवाचि पारचार चोगानुम् नुङ् उन्‍ङा खानि डुम्‍बारिक्‌लाम्‍मा उन्‍ङाना डोङ् ठोङ्‌डिना ओव्‍हाङ्‌ङि माआप्‌टिए॥