१ पाटरुस 4:6 - आठपहरिया

⁶ हिट्‌नाड्‌डेउङ् नुना खाबोर उसियागालाउङ्‌सा चा पारचार चोक्‍बालाक् ए, पोङ्‌भोने हिट्‌नागाँगा चा आरु याप्‌मिचि गाड्‌डे न्‍याए लिसा चा हाङ्‌साङिम्‍बाक् माङ्‌हाङ् गाड्‌डे डोक् उहिङ्‌याक् नुङ् हिट्‌नागा नुना खाबोर ओखेम्‍मेट्‌टुचिगा ए॥

१ पाटरुस 4:6 Iomraidhean Croise

मात्‌ति 24:9

“हिट्‌ना बेला याप्‌मिचिङा खानि मालाबिटि हिट्‌नुङ् साजाए पिमा माखाट्‌टिटि, हिट्‌नुङ् खानि मासेडिटि, हिट्‌नुङ् आनिङ्‌ङि बिस्‍वास आचोगुम्‍नाँ सोब्‍बे छोङ्‌चिङा खानि चिम्‍मा माफुट्‌टिटि॥

रोमि 8:2

पोङ्‌भोने आनि खिरिस्‍ट येसुलोक् एक्‍केउ लिसिनाँ सेङ्‌सेङ्‌ना हाङ्‌साङा आनि ओछोङ्‌ग्‍वाट् चोला आपिडेसे, हिट्‌नुङ् पाप चोक्‍मालाम्‍मा हिट्‌नुङ् सिमाना रिङ्‌लाम्‍मा छुट्‌कारा आपिडेसे॥

गालाति 2:19

पाइले आङा धारमाबिधि पालान् चोक्‍मा कोलुङे, टरो ना धारमाबिधिङा आङा फाट्‌टुर याङ्‌लाबे॥ हिट्‌डेउङ् माङ्‌हाङ् लाउङ्‌सा हिङ्‌मा आङा धारमाबिधि पालान् चोक्‍मा नाडुङे॥

गालाति 5:25

आनि सेङ्‌सेङ्‌ना हाङ्‌साङा ओछोङ्‌ग्‍वाट् चोला आपिडाइसे, हिड्‌डेउङ् हाङ्‌साङा आलोडा गाड्‌डे आनि चोगुम्॥

१ पाटरुस 1:12

माङ्‌हाङ्‌ङा हिट्‌नागा माङ्‌काटाचिङा ओचोगुना सेवा हिट्‌नागा आप्‍पे लाउङ्‌सा माखाक्, टरो खानि लाउङ्‌सा नुङ् हिट्‌नागा लोडुचे॥ हिट्‌नुङ् टोनालोग्‌लाम्‍मा पाङ्‌बालाक् सेङ्‌सेङ्‌ना हाङ्‌साङाना बोल्‌ङि खानि लाउङ्‌सा टाप्‍बालाक् नुना खाबोर हिट्‌नागाँ हाट्‌ले खानि माझाङि पारचार ओचोगुएसुए॥ ना रिङ् माङ्‌हाङ् रिङ् काउग्‍बाचिङा चा ठाहा टोक्‍मा ओकोलुएट्‌टु॥

१ पाटरुस 3:18

पोङ्‌भोने खिरिस्‍ट आनि पाप लोङ्‌सा एक्‍के खेप् सिए॥ ठिबाङ् नुना याप्‌मि कायाङ्‌छाबा याप्‌मिचि लाउङ्‌सा सिए॥ खिरिस्‍टङा आनि माङ्‌हाङ् सोरि खाप्‍माउङ्‌सा हिड्‌डे चोगुए॥ उन् याप्‌मिचिगा गाड्‌डे येम्‌ङि लिसानाँ सिए, टरो माङ्‌हाङ्‌ङाना ओहाङ्‌साङा उन् फेरि उहिङ्‌ग्‍वाट् चोगुए॥

१ पाटरुस 3:19

हिट्‌नुङ् उन् हिट्‌ना हाङ्‌साङाना ओबारगाट्‌ङि खाडाउङ् खाम्‍बाङ्‌ङि ओठायागा हाङ्‌साचिलाउङ्‌सा पारचार चोगुए॥

पारकास 14:18

हिट्‌नुङ् मि उठुङ्‌ङि आधिकार लिसाना आरको माङ्‌हाङ् रिङ् काउग्‍बा बेदिलाम्‍मा होन्‍डे॥ उन्‍ङा यान्‍ना काच्‍चे याङुना माङ्‌हाङ् रिङ् काउग्‍बा चारको सोर चोगुङ् नाड्‌डे पिक्‍सा लोडुए, “हिट्‌ना यान्‍ना काच्‍चे याङुङ् नाराङिना आङ्‌गुर घारिलाम्‍मा आङ्‌गुर उबुङ् हेगुङ् छुम्‍सु, पोङ्‌भोने नाराङिना आङ्‌गुरङाना टुल्‍फुल सोब्‍बे ओसोङ्‌माहिडे॥”