१ पाटरुस 4:4 - आठपहरिया

⁴ हाट्‌ले खानि नाड्‌डे पाराना ओचाफेम्‍मा टोॽवा चोक्‍मा हिट्‌नागा आबिस्‍वासिचिलोक् आवासिन्‍गा रिङ् उनिसुङ् उन्‌चि छाक्‍का उलिसाइसे, हिट्‌नुङ् हिट्‌नागाँ खानि खिसि माचोगिटि॥

१ पाटरुस 4:4 Iomraidhean Croise

मात्‌ति 23:25

“इनामा, निङ्‌ग्‍वा ओमाक्‍पाचि, खानि धारमाबिधि काहिसिक्‍बाचि लोक् फारिसि याप्‌मिचि! पोङ्‌भोने खानिङा ठालि लोक् खोरे भारा एरोक् आवासिडुम्‍गा, टरो भिट्‌राउम्‍बाक् खानिङा लोभ हिट्‌नुङ् ओभेन्‍गा निङ्‌ग्‍वाङा आइप्‍टुम्‍गा॥

लुका 15:13

“इम्‍टेप्‍मा लेम्‍बा ओएङ्‌स्‍वालेङ् योङ्‌बिछा उइछाङा टोगुना ओभागा सोब्‍बे खाट्‌टुङ् लाप्‍माङ् देसङि खाडे॥ हिट्‌नुङ् हिट्‌ना उमाक्‍फेन्‍सुबेन् खेरोक् डोक् मोज्‍मोज्‍जा चोक्‍सा चोङ्‌ठुङुङ् लाट्‌टुए॥

मुलिचेला टोॽवा 13:45

याहुदि ओठेडोङ्‌चिङा जोम् याप्‌मिचि उनिसुचिउङ् औधि उन्‌चि याक्‍लेडे॥ हिट्‌नुङ् पावालङा माट्‌टुना रिङ्‌चि खोक्‍सा उन् ओचाफेन्‍लोक् ओलोडुए॥

मुलिचेला टोॽवा 18:6

टरो याहुदिचि पावालङाना बिरुद्‌दाङि ओकोबे हिट्‌नुङ् ओचाफेन्‍लोक् ओलोडुए॥ पावालङा हिट्‌नागा ओछेक्‍छेक् उलियाक् नुङ् ओलोट्‌लिङ्‌ङिना खाम्‍सेरेक्‍वा ठाम्‍सा लोडुचे, “खानि आमेगिए भोने, खानिङा आप्‍पे आचोगुम्‍ना फाट्‌टुरलाम्‍मा डोक् आमेगिटि॥ खानिङा आङा फाट्‌टुर लाप्‍मा आटोग्‌निम्‍ना॥ हाट्‌लेलाम्‍मा आङा पानिछोङ्‌बा याप्‌मिचिङि नुना खाबोर पारचार चोक्‍ङा खाट्‌नाँ॥”

रोमि 13:13

आनि लेम्‍बा व्‍हाङ्‌ङि वासि गाड्‌डे डोक् सोब्‍बे लाउङ्‌सा ओचेट्‌नुना चोलाङि वामा कोन्‌युक्॥ आनि बेस्‍सारि मोज्‍मोज्‍जा चोक्‍माना पाटिङि साहाभागि लिसिन्‍चा हिट्‌नुङ् इमालिङ् ठुङुमुङ् टेडुबा लिमा लिनिना, आनि खोना खाले चा इम्‍मेप्‍माजामा टोॽवा चोक्‍मा लिनिना, आनि खेमाबुङ्‌मा चोक्‍मा लिनिना, हिट्‌नुङ् मिक् टुक्‍ना रिङ् चोक्‍मा लिनिना॥

एफिसि 5:18

युमालिङ्‌ङा माटेडिन् चा, पोङ्‌भोने हिट्‌नाङा जाखाम् आचोक्‌युक्, टरो सेङ्‌सेङ्‌ना हाङ्‌साङा माइप्‌टियाक्॥

१ पाटरुस 2:12

आबिस्‍वासि याप्‌मिचिगा माझाइ खानि चाट्‌ला नुना उलियाक्॥ हिट्‌नुङ् खानिङा आचोगुम्‍ना गाल्‌ति रिङ्‌ङाना हिट्‌नागाँ फाट्‌टुर मालाबिए भोने चा हिट्‌नागाँ खानिगा ओचेट्‌नुना टोॽवा उनिसुवाक् हिट्‌नुङ् माङ्‌हाङ्‌ङा नाराङिगा याप्‌मिचिगा न्‍याए चोगुनाँ हिट्‌नागाँ उन्‍ङाना माहिमा ओचोगुवाक्॥

१ पाटरुस 3:16

हिट्‌ना आसा बारेङि मेयोक् लिसानिउङ् याप्‌मिचि मान् चोक्‍सा लोडानुम्‌चिम्॥ खानि मिप्‍माना बोल् सेङ्‌सेङ् युङ्‌सानुम्॥ हिड्‌नाड्‌डेउङ् खिरिस्‍टङि खोड्‌डे पारिक् नुना चोलाङि आयुङिएसेगा हिट्‌ना रिङ् उनिसुङ् खानि बिरुद्‌दाङि ओचेक्‍गा आप्‍पे ओमोन्‌युसियुक्॥

२ पाटरुस 2:12

टरो नागा याप्‌मिचि ठोनाबा जिवाट्‌चि गाड्‌डेगा, नागा लाबुम्‌चिमुङ् सेप्‍मा ओपोङ्‌सा गाड्‌डेगा, हिट्‌नुङ् हिट्‌नागाँ ठाहा डोक् ओटोगुन्‍गेट्‌टुन्‍गा रिङ्‌ङाना बारेङि ओचाफेन्‍लोक् ओमाट्‌टुगा॥ हिड्‌नाडेउङ् हिट्‌नागा चा जाङ्‌गालि जिवाट्‌चि गाड्‌डे डोक् जाखाम् उलियुक्॥

२ पाटरुस 2:22

हिट्‌नागा ना इप्‍पोक् उखानङा माट्‌टु गाड्‌डे डोक् उलिसाइसे, “कोछुबाङा आप्‍पे पेसुना ओपेप्‍मा चामा ठालाँ चोगुटु,” हिट्‌नुङ् “एॽवा लोबालाक् फाक् फेरि हिलोङि डोक् काङ्‌युयाक्‌युक्॥”

याहुदा 1:10

टरो नागा याप्‌मिचिङाम्‍टे आप्‍पे चा बुजा ओचोग्‍वाट्‌टुन्‍ना रिङ् खिसि ओचोगुगा॥ हिट्‌नागा पाक्‍चा मिमिट्‌ङे ओचाफेन्‍ना रिङ् काचोक् ठोनाबा जिवाट्‌चि गाड्‌डेगा डोक् ए, हिट्‌नुङ् हिट्‌नागाँ आप्‍पेलाउङ्‌सा नागा रिङ्‌लाम्‍मा डोक् जाखाम् ओचोगुटु॥