१ पाटरुस 4:16 - आठपहरिया

¹⁶ टरो कोइङा खिरिस्‌टियान लिसानाँ याङ्‌छामा आङ्‌डुटु भोने हिट्‌ना ओमोन्‌निसिन्‍याक्॥ टरो हिट्‌ना निङ्‌ङि माङ्‌हाङ् उनिङ् टो-टो ओचोन्‍डुवाक्॥

१ पाटरुस 4:16 Iomraidhean Croise

मुलिचेला टोॽवा 11:26

उन्‍ङा सावाल टारसासङि टुबुङ् एन्‌टिओखिया खालाङ्‌गाङि आप्‍टुए॥ हिट्‌नुङ् इप्‍पाङ्‌ङा डोक् ठिक् बारखा टेप् एन्‌टिओखिया माङ्‌पाङ्‌ङिगा यापमिचिलोक् साङ्‌गातिङि उटुबायाक्‍टे, हिट्‌नुङ् जोम् याप्‌मिचि हिसिक्‍टाचुए॥ (एन्‌टिओखियाङि डोक् पाइलेना खेप् बिस्‍वासिचि खिरिस्‌टियानचि ओलोडुचे॥)

मुलिचेला टोॽवा 26:28

हिड्‌डेउङ् आग्‌रिपासङा पावाल लोडुए, “छोप्‍मोङ्‌ङा डोक् पाक् आङा खिरिस्‌टियान लिङा नुङ् खान् आमिट्‌येट्‌नि?”

मुलिचेला टोॽवा 28:22

टरो खान् पाक् आपिग्‌युक्‍ना, कानिङ्‌ग्‍वाङिना रिङ् आन्‍याँ खेम्‍मा कोलेट्‌टिङा, पोङ्‌भोने ना छुम्‍माङाना बिरुद्‌दाङि ख्‍वाप्‍पालेङ् मुक्‍टाना रिङ्‌बाक् आन्‍याँ ठाहा टोगुएसुम्‍मे॥”

मुलिचेला टोॽवा 5:41

हिट्‌नुङ् मुलिचेलाचि काचाहारि-कुन्‍डाललाम्‍मा भारा ओहोन्‍डाउङ् “माङ्‌हाङ्‌ङाना ओनाजारङि आनिम्‍टे येसु लोङ्‌सा चिम्‍मा फुट्‌मा हिट्‌नुङ् याङ्‌छामा आङ्‌मा आखान्‌युक्” पिक्‍सा आड्‌डिक् उन्‌चि चाप् टाए॥

फिलिप्‌पि 1:20

आङा खोना बेला चा मोम्‍मासिमा उलिनिङ् चा नुङ् आङाना आड्‌डिक् आनिङ्‌ग्‍वा हिट्‌नुङ् आसा युङ्‌ग्‍वा, टरो आङा पाइले चोगुङ् गाड्‌डे डोक् मिकेट्‌ङे खिरिस्‍टङाना बारेङि चेक्‍मा कोन्‍ङा॥ हिट्‌नुङ् आङा सिङा चा, हिङ्‌ङा चा आचोलालाम्‍मा खिरिस्‍टङाना मान् चोगुङ्‌टुङ् नुङ् आङा भोरोसा युङ्‌सुङ्‌टुङ्॥

फिलिप्‌पि 1:29

पोङ्‌भोने माङ्‌हाङ्‌ङा खानिङा खिरिस्‍टङि बिस्‍वास चोक्‍माउङ्‌सा एडोक् मापिडिगा माखाक्, टरो उन्‌ङि याङ्‌छामा आङ्‌डानुम् नुङ् चा खानि मौका मापिडेसे॥

२ तिमोथि 1:12

हिड्‌डेउङ् आङा याङ्‌छामा आङ्‌डुएट्‌टुङ्॥ टरो आङा मोन्‌निङ्‌सिनिङ्‌ना पोङ्‌भोने आङा साक्‌ङि बिस्‍वास चोगुएसुङेना हिट्‌ना ठाहा टोगुएसुङे॥ हिट्‌नुङ् उन्‍ङा आङा जिम्‍मा याङ्‌पिडाना रिङ् उन्‍ङा डोक् हिट्‌ना बेला सोम्‍मा लोङ्‌सा जागेडा चोगुङ् युङ्‌सुटु नुङ् आङा ढुक्‍का वाङेट्‌ङा॥

याकुब 2:7

पाक् खानिङा बिस्‍वास आचोगुम्‍ना येसु खिरिस्‍टङाना नुना उनिङ् हिट्‌नागाँ खिसि ओचोग्‍वाट्‌टुन्‌नि टे?

१ पाटरुस 2:12

आबिस्‍वासि याप्‌मिचिगा माझाइ खानि चाट्‌ला नुना उलियाक्॥ हिट्‌नुङ् खानिङा आचोगुम्‍ना गाल्‌ति रिङ्‌ङाना हिट्‌नागाँ फाट्‌टुर मालाबिए भोने चा हिट्‌नागाँ खानिगा ओचेट्‌नुना टोॽवा उनिसुवाक् हिट्‌नुङ् माङ्‌हाङ्‌ङा नाराङिगा याप्‌मिचिगा न्‍याए चोगुनाँ हिट्‌नागाँ उन्‍ङाना माहिमा ओचोगुवाक्॥

१ पाटरुस 4:11

कोइलोक् चेक्‍माना बारदान युङ्‌ग्‍वा भोने माङ्‌हाङ् उन्‌लाम्‍मा चेक्‌टि गाड्‌डे डोक् हिट्‌ना ओचेक्‌याक्॥ कोइङा सेवा चोगुटु भोने माङ्‌हाङ्‌ङा पिडुना बोल्‌लाम्‍मा हिट्‌नाँ सेवा ओचोगुवाक्॥ हिड्‌डेउङ् नागा ख्‍वाप्‍पा रिङ्‌ङि येसु खिरिस्‍टलाम्‍मा माङ्‌हाङ्‌ङाना डोक् उनिङ् टो-टो उलियाक्॥ ख्‍वाप्‍पा माहिमा हिट्‌नुङ् बोल् उन्‌ङि डोक् सोरोक् उलियाक्॥ आमेन्॥

१ पाटरुस 4:14

खानिङा खिरिस्‍टङि बिस्‍वास आचोगुम्‍नाँ याप्‌मिचिङा मालोडिजाए भोने खानि हारका लिसानि, पोङ्‌भोने माङ्‌हाङ्‌ङाना माहिमित ओहाङ्‌सा खानिलोक् लियुक्॥

१ पाटरुस 4:19

नाड्‌डेउङ् माङ्‌हाङ् उनिङ्‌ग्‍वा गाड्‌डे याङ्‌छामा ओआङ्‌डुगाँ नुना टोॽवा ओचोगुवाक् हिट्‌नुङ् हिट्‌नागाँ सिरिस्‌टि काचोक्‍बा माङ्‌हाङ्‌ङि भारोसा उयुङ्‌सुवाक्॥ उन्‍ङा उन्‍ङाना माङ्‌हुप् सोरोक् पुरो चोगुटु॥