१ पाटरुस 4:11 - आठपहरिया

¹¹ कोइलोक् चेक्‍माना बारदान युङ्‌ग्‍वा भोने माङ्‌हाङ् उन्‌लाम्‍मा चेक्‌टि गाड्‌डे डोक् हिट्‌ना ओचेक्‌याक्॥ कोइङा सेवा चोगुटु भोने माङ्‌हाङ्‌ङा पिडुना बोल्‌लाम्‍मा हिट्‌नाँ सेवा ओचोगुवाक्॥ हिड्‌डेउङ् नागा ख्‍वाप्‍पा रिङ्‌ङि येसु खिरिस्‍टलाम्‍मा माङ्‌हाङ्‌ङाना डोक् उनिङ् टो-टो उलियाक्॥ ख्‍वाप्‍पा माहिमा हिट्‌नुङ् बोल् उन्‌ङि डोक् सोरोक् उलियाक्॥ आमेन्॥

१ पाटरुस 4:11 Iomraidhean Croise

मात्‌ति 6:13

निङ्‌ग्‍वा छिक्‍माङि ठामा आन्‍याँ याप्‌मिपिनेन्, टरो सैतानलाम्‍मा आन्‍याँ याप्‌मिसाम्‍डा॥ पोङ्‌भोने मुलुक्, साक्‌ति लोक् माहिमा सोरोक् खान्‍ङाना डोक्॥ आमेन्॥’

युहान्‍ना 13:31

जब याहुदा भारा खाडालेट्‌टे, हिट्‌नुङ् येसुङा लोडुचे, “हाट्‌ले याप्‌मि छाङाना माहिमा ठेट्‌ना बेला लिसे, हिट्‌नुङ् उन्‌लाम्‍मा माङ्‌हाङ्‌ङाना माहिमा लियुक्॥

मुलिचेला टोॽवा 7:38

ना मोसा डोक् इस्‍राइलि याप्‌मिचि खुसुना डेन्‌ङि ओवासानाँ हिट्‌नागालोक् डाना, हिट्‌नुङ् सिनाइ झोन्‍झोबाङि माङ्‌हाङ् रिङ् काउग्‍बा उन्‌लोक् हिट्‌नुङ् आरु आनि टुबाठेबाचिलोक् चेक्‍टे हिट्‌नुङ् उन्‍ङा डोक् चोला टोगुम्‍ना माङ्‌हाङ् रिङ् टोगुङ् आनि आखेम्‍मेट्‌टे॥

रोमि 11:36

छेम्‍बा, माङ्‌हाङ्‌ङा डोक् सोब्‍बे थोक् सिरिस्‌टि चोगुए, हिट्‌नुङ् सोब्‍बे थोक् उन्‍ङाना ओबोल्‌लाम्‍मा उलिसेसे, उन्‍ङाना मान् उलियाक् नुङ् सोब्‍बे थोक् उन्‍ङा सिरिस्‌टि चोगुए॥ हिट्‌नुङ् माङ्‌हाङ्‌ङाना उनिङ् सोरोक् टो-टो चोन्‍डुम्॥ आमेन्॥

रोमि 12:3

माङ्‌हाङ्‌ङा आङा खिरिस्‍टङाना मुलिचेला लिमा मायादाया याङ्‌पिडे, हिट्‌डेउङ् खानि सोब्‍बेलाउङ्‌सा नाड्‌डे लोनाँनि, खानि जोस्‍तो आवासेट्‌टि हिट्‌ना नुङ्‌ना याप्‍मा आप्‍पेलाउङ्‌सा मिट्‌नेनुम्॥ आनि येम्‌ङि जोम् आङ्‌गाचि उयुङ्‌ग्‍वा हिट्‌नुङ् सोब्‍बे आङ्‌गाङागा फाराक् फाराक् येम्‍बोक् युङ्‌ग्‍वा॥ हिड्‌डे डोक् आनि फाराक् खाले याप्‌मिचि लिसि चा खिरिस्‍टङा ठिक्‍ए येम्‌ङि खाले-खाले याप्‌मिचि आचोगेसे हिट्‌नुङ् ठिबाङ् आरकोलोक् आटोङ्‌सेसे॥ हिड्‌डेउङ् माङ्‌हाङ्‌ङा इम्‍टेप्‍मा याप्‍मा बिस्‍वास मापिडेसेगा हिट्‌ना गाड्‌डे खानिङा आप्‍पेलाउङ्‌सा न्‍याए चोक्‍मा कोन्‌युक्॥

रोमि 16:27

सोब्‍बे थोक् निसुना माङ्‌हाङ् उन् एना ए॥ येसु खिरिस्‍टङा चोगुनाँ सोरोक् माङ्‌हाङ्‌ङाना उनिङ् टो-टो चोन्‍डुम्॥ आमेन्॥

रोमि 3:2

छेम्‍बा डोक्, याहुदि लिमाउङ् सोब्‍बे खालेङाना फाइदा युङ्‌ग्‍वा॥ सोब्‍बे नुङ्‌ना पाइलेउम् माङ्‌हाङ्‌ङा उन्‍ङाना सेङ्‌सेङ्‌ना रिङ् याहुदिचि पिडुचे॥

१ कोरिन्‌थि 10:31

नाड्‌डेउङ् आङा लोनाँनि, खानिङा आचाम्‍चा, आठुङुम्‍चा, जे सुके आचोगिचा, सोब्‍बे माङ्‌हाङ्‌ङाना उनिङ् चोन्‍मा लोङ्‌सा चोगानुम्॥

१ कोरिन्‌थि 12:4

सेङ्‌सेङ्‌ना हाङ्‌साङाना बारदानचि याप्‍मा पारिक्‍गा उयुङ्‌ग्‍वा, टरो सेङ्‌सेङ्‌ना हाङ्‌साम्‍बाक् ठिक् एना ए॥

१ कोरिन्‌थि 3:10

माङ्‌हाङ्‌ङा याङ्‌पिडाना बारदान चालाँ चोगुङुङ् पाङ् काचोक् सिपालु गारो काछेट् गाड्‌डे डोक् आङा ओजाग् ठेन्‍डुङे, हिट्‌नुङ् आरुङाम्‍बाक् हिट्‌ना उठुङ्‌ङि पाङ् ओचोगुटु॥ पाङ् काचोक्‍बाङा खोड्‌डेउङ् चोगुएट्‌टुना हिट्‌नि नुलोक् निङ्‌ग्‍वा पिमा कोन्‌युक्॥

१ कोरिन्‌थि 6:20

पोङ्‌भोने माङ्‌हाङ्‌ङा याप्‍मा मुल्‍ले हुङुङ् खानि माइनिगा॥ नाड्‌डेउङ् खानिङा खानि येम्‌ङा माङ्‌हाङ् मान् चोगानुम्॥

२ कोरिन्‌थि 2:17

पोङ्‌भोने माङ्‌हाङ्‌ङाना खाबोर ओफाबा टोक्‍मा लाउङ्‌सा एडोक् पारचार काचोक् आरु याप्‌मिचि गाड्‌डेगा आन्‍याँ माखाक्॥ कोइङा माङ्‌हाङ्‌ङाना खाबोर बेपार गाड्‌डे डोक् ओचोगुएसुए॥ टरो आन्‍याँ माङ्‌हाङ्‌ङाना रिङ् इमान्‍जामान्‌ङि हिट्‌नुङ् खिरिस्‍टङाना आधिकारलोक् माङ्‌हाङ् ओटोकानाङि पारचार चोगुम्‍टुम्‍मा पोङ्‌भोने माङ्‌हाङ्‌ङा आन्‍याँ याप्‌मि पाङ्‌साना ए॥

२ कोरिन्‌थि 9:13

ना टोॽवालाम्‍मा खानिङा आप्‍पेलाउङ्‌सा आरु पारमान् आपिडेसुम्‍मे॥ खानिङा खिरिस्‍टङाना नुना खाबोर बिस्‍वास आचोगुम्‍ना रिङ् हिट्‌नुङ् पालान् आचोगुमुङ् खानि मुक् आफेन्‍डुमुङ् हिट्‌नागा हिट्‌नुङ् सोब्‍बे बिस्‍वासिचि घुवार आफासुम्‌चिम्‍गा उनिसुङ् हिट्‌नागाँ माङ्‌हाङ् उनिङ् ओचोन्‍डुटु॥

एफिसि 1:19

हिट्‌नुङ् उन्‌ङि बिस्‍वास काचोक् आनि लोङ्‌सा उन्‍ङाना आड्‌डिक् ठेना साक्‌तिङाना बारेङि खानिङा बुजा चोगानुम् नुङ् चा बिन्‌टि चोगुङ्‌टुङ्॥ ना बोल्‌लाम्‍मा डोक् माङ्‌हाङ्‌ङा खिरिस्‍ट सियानालाम्‍मा उहिङ्‌ग्‍वाट् चोगुए, हिट्‌नुङ् टोनालोक्‌ङि आड्‌डिक् मान् चोगुम्‍ना डेन्‌ङि युङ्‌सुए॥ हिट्‌डेडोक् आनिङि चा उन्‍ङा टोॽवा चोगुटु॥

एफिसि 4:29

खानि यासिलाम्‍मा ओचाफेम्‍मा रिङ् होट्‌नेनुम्, टरो चेक्‍मा लिना रिङ् चेक्‍टानि, हिट्‌नुङ् सोब्‍बेलोङ्‌सा नुना लिना रिङ् एडोक् चेक्‍टानि, हिट्‌डेउङ् खान्‍ङा आमाट्‌टुना रिङ् ओखेम्‍सुगाँ आसिक् ओटोगुटु॥

एफिसि 5:20

आनि टाङ्‌बा येसु खिरिस्‍टङाना उनिङ्‌ङि माङ्‌हाङ् पाबालाउङ्‌सा ख्‍वाप्‍पा रिङ्‌ङि सोरोक् पोए-पोए पिडानुम्॥

एफिसि 6:10

हाट्‌ले आन्‍तेङि, टाङ्‌बाङाना ठेना ओबोल्‍ङा खानि बोल्‍लेउ लिसानि॥

फिलिप्‌पि 1:11

हिट्‌नुङ् येसु खिरिस्‍टङाना बोल्‌लाम्‍मा खानि चोलाङि धारमिक्‍ताङाना टोॽवा चोगानुम्, ना ओचेट्‌नुना टोॽवा याप्‌मिचिङा उनिसुङ् माङ्‌हाङ् मान् उपिडुटु हिट्‌नुङ् उनिङ् ओचोन्‍डुटु॥

फिलिप्‌पि 2:11

हिट्‌नुङ् ख्‍वाप्‍पा लेक्‍फाङा माङ्‌हाङ् पाबाङाना माहिमाङाना लोङ्‌सा येसु खिरिस्‍ट डोक् टाङ्‌बा नुङ् लाड्‌मा कोन्‌युक्॥

कालास्‌सि 4:6

खानि आचेक्‌टिनाँ सोरोक् मेयोक् लिसानिउङ् चेक्‍टानि हिट्‌नुङ् निङ्‌ग्‍वा टाना रिङ् एडोक् माट्‌टानुम्॥ खानिङा खोड्‌डे पारिक् याप्‌मिचि लोमाचि कोन्‌युक्‍ना हिट्‌ना रिङ् निमा कोन्‌युक्॥

१ थेसालोनिकि 2:4

हिट्‌ना ओसाट्‌टोङि, माङ्‌हाङ्‌ङा आन्‍याँ उन्‍ङाना टोॽवा चोक्‍मा काहिबा याप्‌मिचोगाउङ् डोक् नुना खाबोर खेम्‍मेप्‍माना जिम्‍मा याप्‌मिपिडे॥ नाड्‌डेउङ् आन्‍याँ याप्‌मिचि खुसि मेप्‍मा माखाक्, टरो आनि निङ्‌ग्‍वा काछिक्‍बा माङ्‌हाङ् खुसि चोक्‍मा एलोक् आन्‍याँ चेक्‌टिटिङा॥

१ तिमोथि 1:17

हाट्‌ले सोरोक् सासान् काचोक्‍बा हाङ्‌बा, खोना बेला चा सिनिना हिट्‌नुङ् निमा हिनिम्‍ना ठिबाङ् माङ्‌हाङ्‌लोङ्‌सा सोरोक् आदार लोक् माहिमा उलियुयाक्‌याक्॥ आमेन्॥

१ तिमोथि 6:16

उन् एडोक् खोना बेला चा सिनिना हिट्‌नुङ् उन् व्‍हाङ्‌ङि युङ्‌ना, उन् सोरि साक्‍चा खाप्‍मा उहिनिना॥ उन् साङा चा खोना बेला चा उनिसुन्‍गेट्‌टुन्‍ना हिट्‌नुङ् निमा चा उहिडुन्‍ना॥ उनिङ् टो-टो उलियाक् हिट्‌नुङ् उन्‍ङाना बोल् सोरोक् उलियाक्॥ आमेन्॥

तितास 2:1

तितास, खान्‍ङा हिट्‌ना रिङ् हिसिक्‍टुचि जुन् हिट्‌ना छेम्‍बाना हिसिक्‍मालोक् टोङ्‌युक्॥

तितास 2:15

तितास, खान्‍ङा नागा रिङ् हिसिक्‍टुचि, हिट्‌नुङ् आधिकारलोक् हिट्‌नागा आरति पिडुचि हिट्‌नुङ् खेमा लाप्‍टुचि॥ खान्‍ङा खोना चा इनामा लोमा मौका पिडुन्‌चिन्॥

हिब्‍रु 13:7

माङ्‌हाङ् उरिङ् काहिसिक्‍बा ओठेडोङ्‌चि खानिङा यान्‍दा चोगानुम्‌चिम्॥ हिट्‌नागा उहिङ्‌ग्‍वाट् उलिसाना बेला हिट्‌नागाँ ओचोगुगा ओचेट्‌नुगा टोॽवा बारेङि मिट्‌टानुम्, हिट्‌नुङ् हिट्‌नागाँ ओचोगुना बिस्‍वास गाड्‌डे डोक् खानिङा चा चोक्‍मा कोन्‌युक्॥

हिब्‍रु 5:12

छेम्‍बा डोक्, ना बेला सोम्‍मा टे खानि आरु काहिसिक्‍बा लिमा हिमाना, टरो आझै चा खानि आरु कोइङा माङ्‌हाङ्‌ङाना खाबोर बारेङि पाइले ठाहा टोक्‍माना रिङ् डोक् हिसिक्‍मा कोलेसे॥ खानिम्‍टे चामा चामाना ओसाट्‌टोङि नुनु ठुङुना ओओ गाड्‌डेना एडोक् आलिसेसेए॥

याकुब 1:19

आमायालु आम्‍भु-आझान्‍झाचि हिट्‌नुङ् आनो-आन्‍झाचि, ना रिङ् खानिङा मिट्‌टायाक्‍टानुम्॥ सोब्‍बे याप्‌मि खेम्‍मा ओचाप्‍पाङ्, चेक्‍मा एला चोक्‌निना हिट्‌नुङ् ओरेक् काड्‌युएट्‌ना लिमा लिनिना॥

याकुब 1:26

कोइ याप्‌मिङा आङा धारमोति नुङ् मिट्‌टुटु, टरो ओलेक्‍फाम्‍बाक् काबुङि युङ्‌सुन्‍ना, हिट्‌नुङ् आप्‍पे उनिङ्‌ग्‍वा धोका पिडुटु भोने उन्‍ङा चोगुना धारमाकारमा बिथाइना लियुक्॥

१ पाटरुस 2:12

आबिस्‍वासि याप्‌मिचिगा माझाइ खानि चाट्‌ला नुना उलियाक्॥ हिट्‌नुङ् खानिङा आचोगुम्‍ना गाल्‌ति रिङ्‌ङाना हिट्‌नागाँ फाट्‌टुर मालाबिए भोने चा हिट्‌नागाँ खानिगा ओचेट्‌नुना टोॽवा उनिसुवाक् हिट्‌नुङ् माङ्‌हाङ्‌ङा नाराङिगा याप्‌मिचिगा न्‍याए चोगुनाँ हिट्‌नागाँ उन्‍ङाना माहिमा ओचोगुवाक्॥

१ पाटरुस 2:5

खानि चा उहिङ्‌ग्‍वाट् लुङ्‌गेॽवा लिसानिउङ् आबानि हिट्‌नुङ् आत्‌मिक् माङ्‌ठाना चोक्‍मा आप्‍पेलोङ्‌सा पिडानुम्॥ हिट्‌नि खानि येसु खिरिस्‍टङाना नाताङा चोगुनाँ माङ्‌हाङ्‌ङाना उनिङ्‌ग्‍वा टासुना आत्‌मिक् भोक् काठाङ्‌बा सेङ्‌सेङ्‌ना पुजारिङाना टोॽवा आचोगुम्‍टुम्॥

१ पाटरुस 4:10

माङ्‌हाङ्‌ङा खानि ख्‍वाप्‍पालाउङ्‌सा उन्‍ङाना पारिक् पारिक्‌ङाना आत्‌मिक् बारदानङाना ढुङ्‌गुरिलाम्‍मा बारदान मापिडिएसे॥ हिट्‌नागा बारदान ठिबाङ्‌ङा आरको सेवा चोक्‍मा नुलोक् चालाँ चोगानुम्॥

१ पाटरुस 4:16

टरो कोइङा खिरिस्‌टियान लिसानाँ याङ्‌छामा आङ्‌डुटु भोने हिट्‌ना ओमोन्‌निसिन्‍याक्॥ टरो हिट्‌ना निङ्‌ङि माङ्‌हाङ् उनिङ् टो-टो ओचोन्‍डुवाक्॥

१ पाटरुस 5:11

माङ्‌हाङ्‌ङा सोरोक् साक्‌तिलोक् सासान् ओचोगुवाक्॥ आमेन्॥

याहुदा 1:25

उन् ठिक् एना माङ्‌हाङ्, आनि काहिङ्‌मेप्‍बा डाङ्‌बा येसु खिरिस्‍ट आनि टाङ्‌बा ए॥ उन्‌लाउङ्‌सा माहिमा, मान्, बोल् हिट्‌नुङ् आधिकार उटुम्‌लाम्‍मा हाट्‌ले हिट्‌नुङ् सोरोक् बेला सोम्‍मा उलियाक्॥ आमेन्॥