१ पाटरुस 3:1 - आठपहरिया

¹ टालिमाङ्‌चि, नाड्‌डेडोक् खानि टालिमाङ्‌चि आप्‍पे लाउङ्‌सा खानिगा टालिबाङ्‌चिगा आधिन्‌ङि युङ्‌मा कोन्‌युक्॥ हिट्‌नाड्‌डेउङ् माङ्‌हाङ्‌ङाना रिङ् बिस्‍वास ओचोगुन्‍गा टालिबाङ्‌चिङा चा खानि चाट्‌ला ठाहा ओटोगुङ् खानिङा पाक्‍चा आलोनिम्‌चिम्‍चा बिस्‍वास चोक्‍मा उहिडुटु,

१ पाटरुस 3:1 Iomraidhean Croise

मात्‌ति 18:15

“कोइ बिस्‍वासिङा खान्‍ङाना बिरुद्‌दाङि पाप चोगुए भोने, खाडाउङ् खान्‌चि एरोक् आलिचिना बेला हिट्‌नाँ चोगुना एकेलेङ्‌ना रिङ् निमेट्‌टु॥ हिट्‌नाँ कारिङ् खेम्‍सुए भोने उन् खान्‌लेङ् आनोक्‍टुटु॥

रोमि 10:16

टरो हिट्‌नागा सोब्‍बेङा नुना खाबोर पालान् ओचोगुन्‍गेट्‌टुन्‍ना, पोङ्‌भोने यासैयाङा माट्‌टुटु, “हाउ टाङ्‌बा, आन्‍याँ माट्‌टुम्‍माना खाबोर साङा बिस्‍वास ओचोगुएना टे?”

रोमि 6:17

पाइलेम्‍बाक् खानि पापङाना आधिन्‌ङि आलिसेसिगा, टरो हाट्‌लेम्‍बाक् आलिसिन्‍गेट्‌टिन्‍गा॥ हिट्‌डेउङ् आङा माङ्‌हाङ् पोए-पोए ठाङ्‌सुङ्‌टुङ्, पोङ्‌भोने खानिङा आटोगुम्‍ना छेम्‍बाना हिसिक्‍मा पुरो खानि निङ्‌ग्‍वाङा डोक् पालान् आचोगुएसुम्‍मे॥

रोमि 7:2

हाट्‌ले आङा भ्‍या बारेङि माट्‌टुङ्‌टुङ्, ठिबाङ् भ्‍या लिसाना मेन्‍झेमा ओपाङ्‌डाङ्‌बा हिङ्‌लोक् सोम्‍मा भ्‍या बान्‍धान्‌ङि डोक् लियुक्, टरो ओपाङ्‌डाङ्‌बा सिए भोने हिट्‌ना भ्‍याङाना बान्‍धानलाम्‍मा छुट्‌कारा टोगुटु॥

१ कोरिन्‌थि 11:3

हिट्‌नुङ् खिरिस्‍टउम्‍बाक् ख्‍वाप्‍पा येम्‍बेछाचिगा खेन् ए, पाङ्‌ढाङ्‌माङाना ओखेन् ओपाङ्‌डाङ्‌बा, हिट्‌नुङ् खिरिस्‍टङाना ओखेन् माङ्‌हाङ् नुङ् खानिङा ठाहा टोगानुम्॥

१ कोरिन्‌थि 14:34

जब माङ्‌पाङ्‌ङि साङ्‌गाटि चोक्‍येट्‌ना बेला मेन्‍झेमाचि मिचेक्‍ए युङ्‌मा कोन्‌युक्॥ धारमाबिधिङि छेप्‌टि गाड्‌डे हिट्‌नागा स्‍वाक् हिट्‌नुङ् आधिन्‌ङि युङ्‌मा कोन्‌युक्॥

१ कोरिन्‌थि 7:16

पोङ्‌भोने खान् बिस्‍वासि टालिमाङ्‌ङा बिस्‍वास चोगुन्‍गेट्‌टुन्‍ना कायेम्‍बेछा लोक् एक्‍केउ आयुङे भोने, माङ्‌हाङ्‌ङा बाचाँ चोगुना रिङ् खान्‍ङा ठाहा आटोगुन्‍ना॥ हिट्‌नाड्‌डे डोक् खान् बिस्‍वासि येम्‍बेछाङा बिस्‍वास चोगुन्‍गेट्‌टुन्‍ना काटालिमाङ् टाङ्‌बाङि बिस्‍वास चोक्‍मा घुवार फामा आहिडुटु॥

एफिसि 5:33

फेरि आङा लोनाँनि, सोब्‍बे टालिबाङ्‌ङा आप्‍पेलाउङ्‌सा माया चोगु गाड्‌डे ओटालिमाङ्‌चि माया चोक्‍माचि कोन्‌युक्, हिट्‌नुङ् सोब्‍बे टालिमाङ्‌चिङा उन्‌चि टालिबाङ्‌चि मान् चोक्‍माचि कोन्‌युक्॥

कालास्‌सि 3:18

हाउ टालिमाङ्‌चि, टाङ्‌बाङाना उनिङ्‌ग्‍वा टालोक् खानि पाङ्‌ढाङ्‌बाचिगा खाटान्‌ङि युङानि॥

कालास्‌सि 4:5

येसुङि बिस्‍वास ओचोगुन्‍गा याप्‌मिचिलोक् ठोना लिसाना गाड्‌डे चोगानि हिट्‌नुङ् खानिङा आटोगुम्‍ना नाड्‌डेना बेला आरु घुवार फामाङि डोक् टिसानुम्॥

२ थेसालोनिकि 1:8

हिट्‌नुङ् माङ्‌हाङ् मिसेन् निमा ओटेन्‌निगा हिट्‌नुङ् आनि टाङ्‌बा येसुङाना नुना खाबोर गाड्‌डे चोक्‍मा ओटेन्‌निगा लोङ्‌सा उन्‍ङा साजाए पिडुचिचि॥

हिब्‍रु 11:8

बिस्‍वास चोगुङ् डोक् आब्‍राहामङा माङ्‌हाङ्‌ङा लोडुना रिङ् खेम्‍सुए, हिट्‌नुङ् माङ्‌हाङ्‌ङा छेम्‍डुङ् उन्‍ङा चामारसिङा चोगुना देस पिनाँ पिक्‍सा लोडुना देसङि आब्‍राहाम खाडे॥ आब्‍राहामङा खोनि खाट्‌माना पाक्‍चा ठाहा मिटोक्‍ङे डोक् उन् युङ्‌ना देस पोक्‍टुढोङ् खाडे॥

हिब्‍रु 5:9

हिट्‌नुङ् येसुङा सोब्‍बे खाले याङ्‌छामा आङ्‌डुङ् पुरो सुद्‌दो लिसाउङ्, उन्‍ङाना आग्‍याँ पालान् ओचोगुगा सोब्‍बे लाउङ्‌सा उन् लाट्‌निना मुक्‌टिङाना उपुन् लिसे॥

१ पाटरुस 1:22

हाट्‌ले खानिङा छेम्‍बाना रिङ् मानाँ आचोगुमुङ् खानि निङ्‌ग्‍वा सेङ्‌सेङ् आचोगुम्‍नाँ खानि भुम्‍भु-झान्‍झाचि हिट्‌नुङ् नाना-झान्‍झाचि छेम्‍बाना माया चोगानुम्‌चिम्, हिट्‌नुङ् निङ्‌ग्‍वालाम्‍मा डोक् ठिबाङ्‌ङा आरको माया चोग्‍गा चोग् चोगानि॥

१ पाटरुस 3:2

पोङ्‌भोने खानिङा माङ्‌हाङ् मान् आचोगुम्‍ना हिट्‌नुङ् सेङ्‌सेङ्‌ना चोलाङि आयुङिगा रिङ् हिट्‌नागा आप्‍पेङा उनिसुटु॥

१ पाटरुस 3:7

नाड्‌डेडोक्, टालिबाङ्‌चि खानि टालिमाङ्‌चि खानि नुङ्‌ना फेटुलो उलिगा नुङ् बुजा चोगानुमुङ् उन्‌चिलोक् आयुङिनाँ मान् चोगानुम्‌चिम्॥ पोङ्‌भोने हिट्‌नागाँ चा खानिलोक् डोक् माङ्‌हाङ्‌ङा आपिना चोला ओटोगुटु॥ नाड्‌डेउङ् खानिङा आचोगुम्‍ना बिन्‌टिङि खोना खाले चा बाधा उलिनि चा नुङ् खानिङा हिट्‌नागा नुलोक् चाट्‌ला मेट्‌टानुम्‌चिम्॥

१ पाटरुस 4:17

न्‍याए चोक्‍माना बेला टाइसे, हिट्‌नुङ् माङ्‌हाङ्‌ङा उटुम्‌ङि आप्‍पे ओयाप्‌मिचिगा न्‍याए चोगुटु॥ न्‍याए आनिलाम्‍मा उटुम् लियुक् भोने, माङ्‌हाङ्‌ङाना नुना खाबोर बिस्‍वास ओचोगुन्‍गाङागा झान् खोड्‌डेना न्‍याए लियुक्‍ना होला?