१ पाटरुस 2:9 - आठपहरिया

⁹ टरो खानिम्‍टे माङ्‌हाङ्‌ङा मासेगिगा छोङ्‌बाचि, मुलुक्‌ङिना पुजारिचि, सेङ्‌सेङ्‌गा छोङ्‌बाचि, माङ्‌हाङ्‌ङाना आप्‍पे ओयाप्‌मिचि ए॥ खानिङा उन्‍ङाना ओबोल्‌ङाना टोॽवाचि पारचार चोगानुम् नुङ् उन्‍ङा खानि डुम्‍बारिक्‌लाम्‍मा उन्‍ङाना डोङ् ठोङ्‌डिना ओव्‍हाङ्‌ङि माआप्‌टिए॥

१ पाटरुस 2:9 Iomraidhean Croise

मात्‌ति 4:16

डुम्‍बारिक् डुम्‌ङि उयुङागा याप्‌मिचिङा ठेना व्‍हाङ् उनिसुटु॥ हिट्‌नुङ् मिरतुङाना डुम्‍बारिक् डुम्‌ङिना स्‍वाँराङि उयुङागा याप्‌मिचिङि ठेना व्‍हाङ् ओम्‍साइसे॥”

मात्‌ति 5:16

हिड्‌डे डोक् कुपिङाना व्‍हाङ् गाड्‌डे डोक् खानि व्‍हाङ् चा याप्‌मिचि सोरि ओओम्‌याक्, हिट्‌डेउङ् हिट्‌नागाँ खानिङा आचोगुम्‍ना नुना टोॽवा उनिसुटुटु हिट्‌नुङ् टोनालोग्‌ङिना माङ्‌हाङ् पाबाङाना माहिमा ओचोगुटु॥

लुका 1:79

हिट्‌नुङ् माङ्‌डुम्‍बारिक् डुम्‌ङि कायुङ्‌बा हिट्‌नुङ् उसियालाबागा सोरि ना नाम्‌ङाना ओलाप्‍को ओम्‌युक्, हिट्‌नुङ् उन्‍ङा आनि हाङ्‌हाङ्‌ङाना लाम्‍बोङि आलाम्‍बेॽयुक्॥”

युहान्‍ना 17:19

हिट्‌नागाँ उन्‌चि चोला खान्‍ङाना छेम्‍बाना रिङ्‌लाम्‍मा सेङ्‌सेङ् चोक्‍मा उहिडु नुङ् हिट्‌नागा आङा चा आप्‍पेलोङ्‌सा खान्‌ङि सेङ्‌सेङ् चोगुङ्‌टुङ्॥

मुलिचेला टोॽवा 20:28

हाट्‌ले खानि आप्‍पेलोङ्‌सा हिट्‌नुङ् सेङ्‌सेङ्‌ना हाङ्‌साङा खानि ओठेडोङ् माचोगिउङ् खानि मुक्‌ङि मापिडिगा बिस्‍वासिचि नुलोक् पुयानुम्‌चिम्॥ हिट्‌नुङ् माङ्‌हाङ्‌ङा आप्‍पे उइछा ओहेलिक्‌ङा इनुचिगा माङ्‌पाङ्‌ङि चा खानिङा नुलोक् पुयानुम्‌चिम्॥

मुलिचेला टोॽवा 26:18

खान्‍ङा हिट्‌नागा याप्‌मिचिगा मिक् ओङ्‌सुबिडुचि, हिट्‌नुङ् हिट्‌नागा डुम्‍बारिक् डुम्‍लाम्‍मा व्‍हाङ्‌ङि हिट्‌नुङ् सैतानङाना ओसाक्‌तिलाम्‍मा माङ्‌हाङ्‌ङि ओनोक्‌याक्॥ हिट्‌नुङ् माङ्‌हाङ्‌ङा हिट्‌नागाँगा पाप टुगुबिडुचिचि, हिट्‌नुङ् हिट्‌नागाँ माङ्‌हाङ्‌ङि बिस्‍वास ओचोगुनाँ उन्‍ङा सेगुचिगा ओयाप्‌मिचिलोक् साङ्‌गाटिङि युङ्‌मा ओटोगुटु॥’

मुलिचेला टोॽवा 26:28

हिड्‌डेउङ् आग्‌रिपासङा पावाल लोडुए, “छोप्‍मोङ्‌ङा डोक् पाक् आङा खिरिस्‌टियान लिङा नुङ् खान् आमिट्‌येट्‌नि?”

रोमि 9:24

पोङ्‌भोने उन्‍ङाना माहिमा टोक्‍मा आछेम्‍डागा याप्‌मिचि आनि डोक् ए॥ उन्‍ङा याहुदि याप्‌मिचि एडोक् माखाक् टरो पानिछोङ्‌बा याप्‌मिचि चा छेम्‍डुचे॥

१ कोरिन्‌थि 3:17

कोइङा माङ्‌हाङ् पाङ् खेमाबुङ्‌मा होट्‌टुङ् जाखाम् चोगुटु भोने, माङ्‌हाङ्‌ङा डोक् हिट्‌ना जाखाम् चोगुटु॥ पोङ्‌भोने माङ्‌हाङ् पाङ् सेङ्‌सेङ्‌ना ए, हिट्‌नुङ् हिट्‌ना पाङ्‌म्‍बाक् खानि डोक् ए॥

एफिसि 1:14

माङ्‌हाङ्‌ङा उन्‍ङाना सेङ्‌सेङ्‌ना हाङ्‌सा बैना युङ्‌बालाक् ओफाबा गाड्‌डे आनि भिट्‌रा आठेन्‍डाबिडेसे॥ हिट्‌नुङ् ना रिङ्‌ङा उन्‍ङा सेगुचिगा याप्‌मिचि छेम्‍बा डोक् हिङुचिचि नुङ् निमेट्‌माना निङ्‌ग्‍वा चोगुए॥ ना रिङ्‌ङाम्‍बाक् माङ्‌हाङ्‌ङाना उनिङ् चोम्‍माना लोक् माहिमा चोक्‍माना रिङ् टाडुटु॥

एफिसि 1:6

नाड्‌डेउङ् माङ्‌हाङ्‌ङा उन्‍ङाना मायालु छालाम्‍मा उन्‍ङाना माहिमालोक्‍ना मायादाया आनि आपिडानाँ उन् लोङ्‌सा पोए-पोए ठाङ्‌सुम्॥

फिलिप्‌पि 3:14

नाड्‌डेउङ् टोनालोग्‌ङिना इनाम् टोक्‍माउङ्‌सा आङा लाक्‍छेलेङ् टामा बोल् चोक्‍ङेट्‌ङा॥ माङ्‌हाङ्‌ङा ना रिङ् लोङ्‌सा डोक् खिरिस्‍ट येसुलाम्‍मा लाट्‌निना चोला टोक्‍माउङ्‌सा आङा याङ्‌छेम्‍डाना॥

कालास्‌सि 1:13

माङ्‌हाङ्‌ङा डोक् आनि डुम्‍बारिक्‌ङिना साक्‌तिलाम्‍मा छुट्‌कारा आपिडे, हिट्‌नुङ् उन्‍ङाना ओमायालु छाङाना उमुलुक्‌ङि आसोन्‍डाइसे॥

२ तिमोथि 1:9

उन्‍ङा डोक् आनि आहिङ्‌ग्‍मेट्‌टाउङ् आप्‍पे उन्‍ङाना सेङ्‌सेङ्‌ना याप्‌मि लिमा आछेम्‍डे॥ आन्‍याँ चोगुम्‍माना टोॽवाङा माखाक्, टरो आप्‍पे उनिङ्‌ग्‍वा हिट्‌नुङ् ओमायादायाङा माङ्‌हाङ्‌ङा आनि आछेम्‍डे॥ ना मायादायाउम् टे नारा सिरिस्‌टि लिमा पाइले डोक् आनिलोङ्‌सा खिरिस्‍ट येसुलाम्‍मा आपिडाइसाना॥

तितास 2:14

येसु खिरिस्‍टङा आनिगा सोब्‍बे पारिग्‍गा पापलाम्‍मा साम्‍मा लोङ्‌सा ओसोक्‍मा डोक् पिडुए॥ उन्‍ङा आनि चोख्‍याँ आचोगाउङ् आप्‍पे ओयाप्‌मिचि आचोगे, हिट्‌नुङ् नुना टोॽवा एरोक् चोक्‍माना निङ्‌ग्‍वा याप्‌मिचि पिडुचे॥

१ पाटरुस 1:2

पाइले डोक् माङ्‌हाङ् पाबाङा खानि आप्‍पे ओयाप्‌मिचि चोक्‍माउङ्‌सा मासेगिए, हिट्‌नुङ् सेङ्‌सेङ्‌ना हाङ्‌साङा खानि सेङ्‌सेङ् माचोगिए॥ हिट्‌डेउङ् खानिङा येसु खिरिस्‍टङाना रिङ् आखेम्‍सुम्‍टुम्, हिट्‌नुङ् उन्‍ङाना ओहेलिक्‌ङा खानि चोख्‍याँ आलिसिएसिए॥ माङ्‌हाङ्‌ङा खानि जोम् जोम् मायादाया लोक् हाङ्‌हाङ् मापिडियाक्॥

१ पाटरुस 2:5

खानि चा उहिङ्‌ग्‍वाट् लुङ्‌गेॽवा लिसानिउङ् आबानि हिट्‌नुङ् आत्‌मिक् माङ्‌ठाना चोक्‍मा आप्‍पेलोङ्‌सा पिडानुम्॥ हिट्‌नि खानि येसु खिरिस्‍टङाना नाताङा चोगुनाँ माङ्‌हाङ्‌ङाना उनिङ्‌ग्‍वा टासुना आत्‌मिक् भोक् काठाङ्‌बा सेङ्‌सेङ्‌ना पुजारिङाना टोॽवा आचोगुम्‍टुम्॥

१ पाटरुस 4:11

कोइलोक् चेक्‍माना बारदान युङ्‌ग्‍वा भोने माङ्‌हाङ् उन्‌लाम्‍मा चेक्‌टि गाड्‌डे डोक् हिट्‌ना ओचेक्‌याक्॥ कोइङा सेवा चोगुटु भोने माङ्‌हाङ्‌ङा पिडुना बोल्‌लाम्‍मा हिट्‌नाँ सेवा ओचोगुवाक्॥ हिड्‌डेउङ् नागा ख्‍वाप्‍पा रिङ्‌ङि येसु खिरिस्‍टलाम्‍मा माङ्‌हाङ्‌ङाना डोक् उनिङ् टो-टो उलियाक्॥ ख्‍वाप्‍पा माहिमा हिट्‌नुङ् बोल् उन्‌ङि डोक् सोरोक् उलियाक्॥ आमेन्॥

पारकास 1:6

हिट्‌नुङ् उन्‍ङाना माङ्‌हाङ् लोक् पाबाङाना उमुलुक्‌ङि सेवा चोक्‍मा उन्‍ङा आनि पुजारि आचोगेसे॥ येसु खिरिस्‍टङा सोरोक् मान् ओटोगुवाक् हिट्‌नुङ् उन्‍ङा सोरोक् सासान् ओचोगुवाक्॥ आमेन्॥

पारकास 20:6

छेम्‍बा डोक्, माङ्‌हाङ्‌ङा उसियागालाम्‍मा पाइलेना खेप् उहिङ्‌ग्‍वाट् चोगुचिगा याप्‌मिचि खुसि लोक् सेङ्‌सेङ् उलियाक्॥ हिट्‌नागा दोस्‍रो खेप् सिमा कोन्‌निना, टरो हिट्‌नागा माङ्‌हाङ्‌ङाना हिट्‌नुङ् खिरिस्‍टङाना पुजारि उलियुक्, हिट्‌नुङ् हिट्‌नागाँ ठिक् हाजार बारखा उन्‌लोक् सासान् ओचोगुटु॥

पारकास 5:10

हिट्‌नुङ् खान्‍ङा हिट्‌नागा आनि माङ्‌हाङ्‌ङा सासान् चोग्‍माचिगा याप्‌मिचि ओचोगुएसुचे हिट्‌नुङ् पुजारिचि गाड्‌डे डोक् माङ्‌हाङ्‌ङाना सेवा चोक्‍मा आपिडुचिचि, हिट्‌नुङ् हिट्‌नागाँ नाराङि सासान् ओचोगुटु॥”