१ पाटरुस 2:6 - आठपहरिया

⁶ धारमाछाप्‍लाङि नाड्‌डे छेप्‍टेसे– “पुयानुम्, आङा सेगुङ्‌ना याप्‍मा माहाङ्‌गो लुङ्‌गेॽवा यरुसलेमङि युङ्‌सुएसुङे॥ हिट्‌नुङ् उन्‌ङि बिस्‍वास काचोक्‍बा खोना बेला चा मोम्‍मासिमा कोन्‌निना॥”

१ पाटरुस 2:6 Iomraidhean Croise

मात्‌ति 12:18

“आङा सेगुङ्‌ना आमायालु सेवाक् उन् डोक् ए, उन्‌लोक् आङा आड्‌डिक् हारका लिसाइसाङे॥ उन् उठुङ्‌ङि आङाना हाङ्‌सा ठेन्‍डुङ्‌बिडुङ्‌टुङ्, हिट्‌नुङ् उन्‍ङा सोब्‍बे छोङ्‌बाचि साहि न्‍याएङाना बारेङि पारचार चोगुटु॥

मारकुस 12:10

“पाक् खानिङा धारमाछाप्‍लाङि छेप्‍बालाक् ना रिङ् पोढाँ आचोक्‌निम्‍गेट्‌निम्‌गि? ‘लुङ् काछेट्‌बाचिङा ओलेप्‍टुना लिङ्‌गेॽवा डोक् पाङ् ओजाग्‌ङि छेट्‌माना उसुरङिना मुलि लिङ्‌गेॽवा लिसे॥

लुका 20:17

हिट्‌नुङ् येसुङा हिट्‌नागा पुयुचिउङ् माट्‌टुए, “हिट्‌डेना रिङ् लिनेट्‌नि भोने धारमाछाप्‍लाङि छेप्‍टाना रिङ्‌ङाना उटुप् पाइना टे?– लुङ् काछेट्‌बाचिङा ओलेप्‍टुना लिङ्‌गेॽवा डोक् पाङ् ओजाग्‌ङि छेट्‌माना उसुरङिना मुलि लिङ्‌गेॽवा लिसे॥

लुका 23:35

याप्‌मिचिङा येसु उपुयुएट्‌टुना॥ याहुदिचिगा ओठेडोङ्‌चिङा येसु नाड्‌डे पिक्‍सा खिजेक्‍पा ओचाट्‌टुए, “नाङा आरु याप्‌मिउम् हिङुचे, छेम्‍बा डोक् ना माङ्‌हाङ्‌ङा सेगुना खिरिस्‍ट भोने आप्‍पे लोङ्‌सा चा उहिङुवाक्॥”

युहान्‍ना 7:38

जुन्‍ङा आङि बिस्‍वास चोगुटु, धारमाछाप्‍लाङि छेप्‍टेसे, ‘हिट्‌नाङाना उनिङ्‌ग्‍वालाम्‍मा चोला आपिना जोम् चुवा होन्‌युयाक्‌युक्॥’”

मुलिचेला टोॽवा 1:16

हिट्‌नागा लोडुचे, “आम्‍भु-आन्‍झाचि, याहुदा इस्‍कारियोतङा आनिलोक् डोक् युङाउङ् माङ्‌हाङ्‌ङाना सेवा चोक्‍माना ओभागा चा टोगुना॥ टरो सेङ्‌सेङ्‌ना हाङ्‌साङा पाइला डोक् दाउद हाङ्‌बालाम्‍मा येसु लाप्‍मा लोङ्‌सा याप्‌मिचि लाम्‍बो कानिमेप्‍बा याहुदाङाना बारेङि धारमाछाप्‍लाङि छेप्‍टाना रिङ् युमा डोक् कोन्‌युक् पिक्‍सा लोडुए॥”

रोमि 10:11

हिट्‌नुङ् धारमाछाप्‍लाङि नाड्‌डे छेप्‍टेसे, “जुन्‍ङा उन्‌ङि बिस्‍वास चोगुटु, हिट्‌ना खोना बेला चा मोम्‍मासिमा कोन्‌निना॥”

एफिसि 1:4

माङ्‌हाङ्‌ङा नारा सिरिस्‌टि चोक्‍मा नुङ्‌ना पाइले डोक् खिरिस्‍टलोक् आनिना साम्‍बान्‍धा उलियाक् नुङ् उन्‍ङाना ओटोकानाङि आनि सेङ्‌सेङ् हिट्‌नुङ् फाट्‌टुर मालेना उलिसियाक् नुङ् आसेगे॥

एफिसि 2:20

आनिम्‍बाक् मुलिचेलाचि लोक् माङ्‌काटाचिङा ओचोगुना ओजाग् उठुङ्‌ङिना पाङ् ए॥ हिट्‌नुङ् हिट्‌ना जाग्‌ङाना उसुरङिना लिङ्‌गेॽवाम्‍बाक् खिरिस्‍ट येसु आप्‍पे डोक् ए॥

२ तिमोथि 3:16

सोब्‍बे धारमाछाप्‍ला माङ्‌हाङ्‌लाम्‍मा टायाना ए, हिट्‌नुङ् ना हिसिक्‍मा, आरति पिमा, सोज्‍याँ चोक्‍मा, हिट्‌नुङ् धारमोति याप्‌मि लिमा तालिम पिमाउङ्‌सा आड्‌डिक् नुना ए॥

१ पाटरुस 2:4

टाङ्‌बा सोरि टायानि, उन् उहिङ्‌ग्‍वाट् लुङ्‌गेॽवा ए॥ उन् याप्‌मिचिङा काम लाहाब् लिनिना नुङ् ओलेप्‍टुना, टरो माङ्‌हाङ्‌ङा सेगुना आड्‌डिक् माहाङ्‌गो लुङ्‌गेॽवा ए॥

१ पाटरुस 2:8

हिट्‌नुङ्, “ना डोक् याप्‌मिचि टोक्‌टिना लिङ्‌गेॽवा ए, हिट्‌नुङ् ना लिङ्‌गेॽवाङि डोक् याप्‍मा याप्‌मिचि ओठायुक्॥” हिट्‌नागा ओटोक्‌युक् पोङ्‌भोने हिट्‌नागाँ माङ्‌हाङ्‌ङाना रिङ् पालान् ओचोगुन्‍गा, नाउम्‍बाक् माङ्‌हाङ्‌ङा हिट्‌नागा लोङ्‌सा नाड्‌डे डोक् चोक्‍माना योजाना डाना॥

२ पाटरुस 1:20

सोब्‍बे नुङ्‌ना पाइलेम्‍बाक् माङ्‌काटाचिङा धारमाछाप्‍लाङि ओछेप्‍टुना रिङ् आप्‍पे उन्‌चि निङ्‌ग्‍वाङा ओछेप्‍टुना माखाक् नुङ् खानिङा ठाहा टोक्‍मा कोन्‌युक्॥

२ पाटरुस 3:16

पावालङा उन्‍ङा छेप्‍टुगा ख्‍वाप्‍पा चिट्‌ठिङि नागा रिङ् बारेङि डोक् माट्‌टुए, टरो उन्‍ङा छेप्‍टुगा चिट्‌ठिङिना आम्‍टेप्‍मा रिङ्‌म्‍बाक् बुजा चोक्‍मा टुक्‍ना॥ आम्‍टेप्‍मा याप्‌मिचि जुन् नुलोक् पोढाँ उलिनिगेट्‌निगा हिट्‌नुङ् खोना रिङ् बिस्‍वास चोगुएसुङे हिट्‌ना रिङ्‌ङि निस्‌चित उलिनिगा याप्‌मिचिङा नागा रिङ् आरु धारमाछाप्‍ला गाड्‌डे डोक् हिट्‌ना रिङ्‌ङाना उटुप् एकेलेङ् चोकेलेङ् ओमाट्‌टुटु, हिट्‌नुङ् नाड्‌डे ओचोगुङ् उन्‌चिङा आप्‍पेलोङ्‌सा जाखाम्‌ङि ओठेन्‍डुटु॥